Jákvætt svar hefur borist frá Fjarskiptastofu við ósk stjórnar ÍRA um að næsta próf til amatörleyfis verði haldið í félagsaðstöðu ÍRA í Skeljanesi, laugardaginn 16. mars n.k.

Eftir að námskeiði félagsins til amatörprófs lauk í haust var um að ræða nokkurn fjölda þátttakenda sem ekki höfðu möguleika á að mæta til prófs 11. nóvember s.l. Hugmyndin er, að gera þessum aðilum kleift að sitja nú próf til amatörleyfis.

Þar sem um er að ræða einskonar sjúkrapróf/upptökupróf verður ekki í boði námskeið eða annar undirbúningur á vegum félagsins. Prófið er án kostnaðar, er öllum opið og eru ekki gerðar kröfur um sérstaka menntun eða undirbúning.

Áhugasamir eru hvattir til að skrá sig til prófs með því að senda tölvupóst á ira@ira.is eigi síðar en 8. mars n.k.

Fyrirspurnir eru velkomnar á póstfang félagsins: ira@ira.is

Stjórn ÍRA.

.

Mynd úr prófi Fjarskiptastofu til amatörleyfis sem haldið var í Háskólanum í Reykjavík 11. nóvember 2023.

CQ WW WPX RTTY CONTEST
Hefst kl. 00:00 á laugardag 10. febrúar / lýkur kl. 23:59 á sunnudag 11. febrúar.
Keppnin fer fram á RTTY á 80, 40, 20, 15 og 10 metrum.
Skilaboð: RST + raðnúmer.
https://www.cqwpxrtty.com/rules.htm

SKCC WEEKEND SPRINTATHON CONTEST
Hefst kl. 12:00 á laugardag 10. febrúar / lýkur kl. 24:00 á sunnudag 11. febrúar.
Keppnin fer fram á CW á 160, 80, 40, 20, 15, 10 og 6 metrum.
Skilaboð SKCC félaga: RST + (ríki í Bandaríkjunum eða fylki í Kanada eða DXCC eining) + nafn + SKCC númer.
Skilaboð annarra: RST + (ríki í Bandaríkjunum eða fylki í Kanada eða DXCC eining) + nafn + NONE.
https://www.skccgroup.com/operating_activities/weekend_sprintathon/

KCJ TOPBAND CONTEST
Hefst kl. 12:00 á laugardag 10. febrúar / lýkur kl. 12:00 á sunnudag 11. febrúar.
Keppnin fer fram á CW á 160 metrum.
Skilaboð JA stöðva: RST + stjórnsýslusvæði/svæðiskóði.
Skilaboð annarra: RST + CQ svæði.
https://kcj-cw.com/j_index.htm

DUTCH PACC CONTEST
Hefst kl. 12:00 á laugardag 10. febrúar / lýkur kl. 12:00 á sunnudag 11. febrúar.
Keppnin fer fram á CW og SSB á 160, 80, 40, 20, 15 og 10 metrum.
Skilaboð PA stöðva: RS(T) + hérað/sýsla.
Skilaboð annarra: RS(T) + raðnúmer.
http://www.veron.nl/vereniging/commissies-en-werkgroepen/traffic-bureau/hf-contesten/pacc-contest/

OMISS QSO PARTY CONTEST
Hefst k. 15:00 á laugardag 10. febrúar / lýkur kl. 15:00 á sunnudag 11. febrúar.
Keppnin fer fram á SSB á 160, 80, 40, 20, 15 og 10 metrum.
Skilaboð OMISS félaga: RS + (ríki í Bandaríkjunum eða fylki í Kanada eða DXCC eining) + OMISS númer.
Skilaboð annarra: RS + (ríki í Bandaríkjunum eða fylki í Kanada eða DXCC eining).
https://www.omiss.net/Facelift/qsoparty.php

BALKAN HF CONTEST
Fer fram laugardaginn 10. febrúar. Hefst kl. 13:00 og lýkur kl. 17:00.
Keppnin fer fram á CW og SSB á 80 og 40 metrum.
Skilaboð: RS(T) og QSO númer.
https://www.bfra.bg/event/464

Með ósk um gott gengi.

Stjórn ÍRA.

Omni og Orion HF sendi-/móttökustöðvarnar frá TEN-TEC voru um árabil afar vinsælar hjá radíóamatörum sem tóku þátt í alþjóðlegum keppnum. Það sem gerði þær sérstakar á þessum tíma voru m.a. næm viðtæki með afburðagóðan aðgreiningarhæfileika og QSK í sendingu á morsi. Síðustu gerðirnar komi á markað árin 2005 og 2019, þ.e. Orion II og Omni VII+. https://www.tentec.com/wp-content/uploads/2016/05/566_orion_2_brochure.pdf

Félagsaðstaða ÍRA í Skeljanesi verður opin fimmtudaginn 8. febrúar fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

Mathías Hagvaag, TF3MH QSL stjóri verður búinn að fara í pósthólfið, flokka kortasendingar og raða í hólfin. Kaffiveitingar.

Verið velkomin í Skeljanes!

Stjórn ÍRA.

.

Mynd úr fundarsal í félagsaðstöðu ÍRA í Skeljanesi.

Andrés Þórarinsson, TF1AM mætti í Skeljanes fimmtudaginn 1. febrúar með með erindið: “Heppilegar tíðnir á stuttbylgju til innanlandsfjarskipta“.

Sýndar voru myndir frá gömlu góðu Víbon-tímunum þegar hver bíll var með sitt Gufunes-loftnet á þakinu.  Rakin voru nokkur dæmi um fjarskipti úr leitum og frá radíóæfingum og árangur tengdur við stöðu himinhvolfana þann daginn, þ.e. fjölda sólbletta, kyrrð (eða ókyrrð) í segulsviði, norðurljós, K-stuðul o fl. Ekkert augljóst samhengi er á meðal þessara þátta.

Þá var vísað í viðamiklar rannsóknir á vegum Bandaríkjamanna sem ásamt öðrum ráku háloftastöðvar víða um heim, en þessar stöðvar sendu tíðnisvíp upp og mældu tímann sem tók fyrir merkið að koma aftur niður, þannig má finna hæstu tíðni (MUF) sem hægt er að nota svo og hæð endurvarpsbelta og var samantektin var gefin út í þremur þykkum heftum. 

Svíar gáfu út hefti  þar sem spáð var fyrir um heppilegustu tíðni allt eftir tíma dags, mánuði og eftir sólblettum.  Niðurstaðan af öllu þessu er sú að að sumarlagi má trúlega nota eina tíðni allan sólarhringinn til fjarskipta um allt land með loftbylgju, en á vetrum er allt annað upp á teninginn þar sem velja þarf sífellt hærri tíðni frá sólarupprás og fram að hádegi og síðan sífellt lægri tíðni allt fram í myrkur.  Ef miklar truflanir að nóttu eru þá gæti verið ráð að nota lóðrétta stöng fyrir jarðbylgju og jafnvel hlusta á lárétt net sem síður eru næm fyrir truflunum. 

Að lokum var bent á TF útileika ÍRA sem heppilegan vettvang til að æfa þessa tækni alla, auðvitað væri áhugavert ef útileikarnir væru síðar um haustið þegar frekar  þarf að flakka á milli tíðna.  Erindinu var vel tekið og talsvert spurt.  Alls voru um 30 manns í sal og 11 fjartengdir yfir netið.  Á eftir sátu menn og spjölluðu um þessi mál og um heima og geima.

Sérstakar þakkir til Andrésar Þórarinssonar, TF1AM fyrir afar fróðlegt, áhugavert og vel flutt erindi sem veitti góða innsýn inn í þennan spennandi þátt áhugamálsins, sem útbreiðsla radíóbylgna á stuttbylgju er innanlands. Einnig sérstakar þakkir til Hrafnkels Sigurðssonar, TF8KY fyrir tæknistjórn við að streyma viðburðinum. Alls tóku 42 félagar og gestir þátt í viðburðinum þetta frábæra fimmtudagskvöld í Skeljanesi; 30 á staðnum og 12 tengdir yfir netið.

Stjórn ÍRA.

Andrés Þórarinsson TF1AM, Snorri Ingimarsson TF3IK og Ágúst H. Bjarnason TF3OM.
Andrés byrjaði erindið stundvíslega kl. 20:30.
Ágúst Úlfar Sigurðsson TF3AU, Snorri Ingimarsson TF3IK, tveir gestir, Björgvin Víglundsson TF3BOI og Sæmundur E. Þorsteinsson TF3UA.
Mynd af hluta gesta í sal.
Upplýsingar um ástandið í háloftunum sem hefur áhrif á útgeislun radíómerkja í stuttbylgjunni innanlands.
Andrés sagði m.a. frá “Ionospheric Preditions” sem er þekkt samantekt frá Fjarskiptastofu sænska hersins og fjallar um fjarskiptaspár mánuð fyrir mánuð fyrir MUF.
Andrés útskýrði m.a. fjarskiptaspár og sýndi hvernig þeir eru gerðar.
Hvað er jarðbylgja? Farið yfir skilyrðin á jarðbylgju sem er mismunandi eftir tíma dags.
Andrés endaði erindið með upplýsingum um mismunandi gerðir loftneta með tilliti til útbreiðslu radíóbylgna í stuttbylgju innanlands. Ljósmyndir: Þakkir til TF3JON og TF3GZ.

Niðurstöður í CQ WW DX SSB keppninni 28.-29. október 2023 eru birtar í marshefti CQ tímaritsins 2024.

Alls voru sendar inn dagbækur fyrir 9 TF kallmerki í eftirtöldum fjórum keppnisflokkum (og undirflokkum):

Hamingjuóskir til viðkomandi.

Stjórn ÍRA.

Benedikt Sveinsson TF3T setti nýtt met í flokki einmenningsstöðva, öll bönd, háafl í CQ WW DX SSB keppninni 2023. Myndin var tekin í glæsilegri fjarskiptaaðstöðu þeirra bræðra [Benedikts TF3T og Guðmundar TF3SG] á Stokkseyri. Ljósmynd: TF1AM.

10-10 International Winter Contest, SSB
Hefst kl. 00:01 á laugardag 3. febrúar og lýkur kl. 23:59 á sunnudag 4. febrúar.
Keppnin fer fram á SSB á 10 metrum.
Skilaboð 10-10 félagsmanna: RS + nafn + 10-10 félagsnúmer + (ríki í Bandaríkjunum eða fylki í Kanada eða DXCC eining)
Skilaboð annarra: RS + nafn + 0 + (ríki í Bandaríkjunum eða fylki í Kanada eða DXCC eining).
https://www.ten-ten.org/index.php/activity/2013-07-22-20-26-48/qso-party-rules

MEXICO RTTY INTERNATIONAL CONTEST
Hefst kl. 12:00 á laugardag 3. febrúar og lýkur kl. 23:59 á sunnudag 4. febrúar.
Keppnin fer fram á RTTY á 80, 40, 20, 15 og 10 metrum.
Skilaboð stöðva í Mexíkó: RST + fylki í Mexíkó.
Skilaboð annarra: RST + raðnúmer.
https://rtty.fmre.mx/reglas.html

EUROPEAN UNION DX CONTEST
Hefst kl. 12:00 á laugardag 3. febrúar og lýkur kl. 12:00 á sunnudag 4. febrúar.
Keppnin fer fram á CW og SSB á 160, 80, 40, 20, 15 og 10 metrum.
Skilaboð stöðva í ESB löndum: RS(T) + ESB þjóðland (4 stafa kóði).
Skilaboð annarra: RS(T) + ITU svæði.
http://www.eudx-contest.com/rules/

F9AA CUP CONTEST
Hefst kl. 12:00 laugardag 3. febrúar og lýkur kl. 12:00 á sunnudag 4. febrúar.
Keppnin fer fram á morsi á 80, 40, 20, 15, 10 og 2 metrum.
Skilaboð: RST og raðnúmer.
https://www.site.urc.asso.fr/index.php/om-yl/concours/trophee-f9aa

Með ósk um gott gengi.

Stjórn ÍRA.

Ágætu félagsmenn!

Mér er ánægja að tilkynna um útkomu félagsblaðsins okkar CQ TF 1. tbl. 2024 í dag, 28. janúar.

Blaðið er vistað á stafrænu formi á heimasíðu félagsins og má sækja það af vefslóðinni hér að neðan.

Vefslóð: http://tinyurl.com/CQTF-2024-1

73 – TF3UA, ritstjóri CQ TF.

.

Andrés Þórarinsson, TF1AM mætir í Skeljanes fimmtudagskvöldið 1. febrúar með erindið: „Heppilegar tíðnir á stuttbylgju til innanlandsfjarskipta“.

Viðamiklar rannsóknir hafa verið gerðar um allan heim um langt árabil á bestu tíðnum til fjarskipta, allt eftir vegalengd, tíma dag, árstíðum og fjölda sólbletta. Ein slík rannsóknarstöð var lengi staðsett í Gufunesi. Sagt verður m.a. frá niðurstöðunum og útskýrt hvernig þær geta hjálpað íslenskum radíóamatörum að hafa samband hvert á land sem er á hvaða tíma dags sem er.

Félagsmenn eru hvattir til að láta þetta efni ekki framhjá sér fara.

QSL stjóri verður búinn að tæma pósthólfið og raða kortum í hólfin. Kaffiveitingar.

Verið velkomin í Skeljanes!

Stjórn ÍRA.

.

Líkt og skýrt var frá á þessum vettvangi 7. desember s.l., náði Ari Þórólfur Jóhannesson, TF1A þeim árangri að uppfylla kröfur fyrir útgáfu fyrstU DXCC Satellite viðurkenningarinnar á Íslandi.

Viðurkenningarskjalið sjálft hefur nú borist til Ara. Það var formlega gefið út 30. október, nr. 485 og  er undirritað af forseta ARRL, Richard A. Roderick, K5UR.

Þetta er 14. DXCC viðurkenning Ara sem hafði þessar fyrir:  DXCC Mixed, Phone, RTTY/Digital, 80M, 40M, 30M, 20M, 17M, 15M, 12M, 10M, DXCC Challenge og 5BDXCC.

Þess má geta, að aðeins 10 leyfishafar á Norðurlöndunum eru handhafar DXCC Satellite viðurkenningarinnar: Í Svíþjóð (6), Finnlandi (2), Noregi (1) og nú á Íslandi (1).

Innilegar hamingjuóskir til Ara með þennan frábæra árangur.

Stjórn ÍRA.

Félagsaðstaða ÍRA í Skeljanesi var opin fimmtudaginn 25. janúar. Góðar umræður, menn hressir og TF3IRA var í loftinu á 14 MHz á morsi.

Sérstakur gestur okkar var Sergii Matlash, US5LB frá Úkraínu. Serge hefur verið búsettur á Suðurnesjum um nokkurra mánaða skeið. Hann er mikill áhugamaður um mors og færði félaginu að gjöf tvo morslykla. Annar er borðlykill og hinn er lykill af burðarstöð. Þetta eru lyklar í fullkomnu lagi sem gefa mjúka og örugga lyklun. Þakkir til Serge fyrir góða gjöf. Lyklunum verður fundinn staður í fjarskiptaherbergi TF3IRA.

Alls mættu 11 félagar og 1 gestur í Skeljanes þetta ágæta fimmtudagskvöld þrátt fyrir erfiða vetrarfærð í höfuðborginni.

Stjórn ÍRA.

Björgvin Víglundsson TF3BOI og Andrés Þórarinsson TF1AM.
Hrafnkell Sigurðsson TF8KY og Sergii Matlash US5LB.
Hrafnkell Sigurðsson TF8KY, Sergii Matlash US5LB og Mathías Hagvaag TF3MH.
Morslyklarnir tveir. Sá minni er gerður til að festa á burðarstöð.
QSL kort US5LB. Þakkir til Georgs Kulp TF3GZ fyrir ljósmyndir.

Félagsaðstaða ÍRA í Skeljanesi verður opin fimmtudaginn 25. janúar fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

Mathías Hagvaag, TF3MH QSL stjóri verður búinn að fara í pósthólfið, flokka kortasendingar og raða í hólfin. Kaffiveitingar.

Verið velkomin í Skeljanes!

Stjórn ÍRA.

CQ WORLD-WIDE CW 160 METRA KEPPNIN 2024.
Hefst kl. 22:00 á föstudag 26. janúar og lýkur kl. 22:00 á sunndag 28. janúar.
Keppnin fer fram á CW (morsi) á 160 metrum.
Skilaboð TF stöðva: RST + CQ svæði.
Skilaboð W/VE stöðva: RST + ríki í Bandaríkjunum / fylki í Kanada.
https://www.cq160.com/rules.htm

REF KEPPNIN 2024.
Hefst kl. 12:00 á laugardag 27. janúar og lýkur kl. 12:00 á sunnudag 28. janúar.
Keppnin fer fram á CW (morsi) á 80, 40, 20, 15 og 10 metrum.
Skilaboð: RST + raðnúmer.
Microsoft Word – reg_cdfhf_dx.docx (r-e-f.org)

BARTG RTTY SPRINT KEPPNIN 2024.
Hefst kl. 06:00 á laugardag 27. janúar og lýkur kl. 18:00 á sunnudag 28. janúar.
Keppnin fer fram á RTTY (fjarritun) á 80, 40, 20, 15 og 10 metrum.
Skilaboð: Raðnúmer.
http://bartg.org.uk/wp/bartg-sprint-contest/

UBA DX SSB KEPPNIN 2024.
Hefst kl. 13:00 á laugardag 27. janúar og lýkur kl. 13:00 á sunnudag 28. janúar.
Skilaboð: RS + raðnúmer.
https://www.uba.be/en/hf/contest-rules/uba-dx-contest

Með ósk um gott gengi.

Stjórn ÍRA.

.

Myndin er af Yaesu FTdx5000MP sendi-/móttökustöðinni sem kom á markað árið 2009 og var mjög vinsæl um árabil hjá radíóamatörum til nota í alþjóðlegum keppnum. Hún er sýnd hér með SM-5000 “Station Monitor” sem var seldur sem aukahlutur.