Félagsaðstaða ÍRA í Skeljanesi verður opin fyrir félagsmenn og gesti fimmtudaginn 15. janúar. Húsið verður opið frá kl. 20:00-22.00.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
Mathías Hagvaag, TF3MH QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID mun annast kaffiveitingar.
Verið velkomin í Skeljanes!
Stjórn ÍRA.
HUNGARIAN DX CONTEST.
Keppnin stendur yfir frá laugardegi 17. janúar kl. 12:00 til sunnudags 18. janúar kl. 11:59.
Keppnin fer fram á CW og SSB á 160, 80, 40, 20, 15 og 10 metrum.
Skilaboð stöðva í Ungverjalandi: RS(T) + 2 bókstafir fyrir sýslu í landinu.
Skilaboð annarra: RS(T) + raðnúmer.
https://ha-dx.com/en/contest-rules
PRO DIGI CONTEST.
Keppnin stendur yfir frá laugardegi 17. janúar kl. 12:00 til sunnudags 18. janúar kl. 11:59.
Keppnin fer fram á RTTY, FT4 og BPSK63 á 80, 40, 20, 15 og 10 metrum.
Skilaboð Digi klúbbs félaga: RST + raðnúmer + ”M”.
Skilaboð annarra: RST + raðnúmer.
https://proradiocontestclub.com/PDC%20Rules.html
RSGB AFS CONTEST, SSB.
Keppnin stendur yfir laugardag 17. janúar frá kl. 13:00-17:00.
Keppnin fer fram á SSB á 40 og 80 metrum.
Skilaboð: RS + raðnúmer.
https://www.rsgbcc.org/hf/rules/2026/rafs.shtml
NORTH AMERICAN QSO PARTY.
Keppnin stendur yfir frá laugardegi 17. janúar kl. 18:00 til sunnudags 18. janúar kl. 05:59.
Keppnin fer fram á CW, SSB og RTTY á 160, 80, 40, 20, 15 og 10 metrum.
Skilaboð stöðva í NA: RS(T) + nafn + (ríki í USA/fylki í Kanada/DXCC eining).
Skilaboð annarra: RS(T) + nafn.
https://www.ncjweb.com/NAQP-Rules.pdf
NA COLLEGIATE CHAMPIONSHIP, SSB.
Keppnin stendur yfir frá laugardegi 17. janúar kl. 18:00 til sunnudags 18. janúar kl. 05:59.
Keppnin fer fram á SSB á 160, 80, 40, 20, 15 og 10 metrum.
Skilaboð stöðva í NA: RS + nafn + (ríki í USA/fylki í Kanada/DXCC eining).
Skilaboð annarra: RS + nafn.
http://www.w9smc.com/nacc/
Með ósk um gott gengi!
Stjórn ÍRA.
Næsta tölublað CQ TF, 1. tbl. 2026 kemur út 25. janúar.
Allt eftir um áhugamálið er vel þegið í blaðið, svo sem frásagnir, ljósmyndir eða jafnvel aðeins punktar eða ábendingar um efni sem vinna má út.
Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Skilafrestur efnis rennur út 15. janúar n.k.
Netfang: ira@ira.is
Félagskveðjur og 73,
Sæmundur E. Þorsteinsson, TF3UA
ritstjóri CQ TF
Opið hús var í félagsaðstöðu ÍRA í Skeljanesi fimmtudaginn 8. janúar sem var fyrsti opnunardagur á nýju ári 2026.
Margt var til umræðu, m.a. góð skilyrði á HF að undanförnu. Fram kom, að menn hafa verið að bæta við nýjum DXCC einingum á böndunum. Einnig var rætt um loftnet, m.a. mismunandi bílloftnet fyrir VHF/UHF tíðnisviðin. Voru nefnd í því sambandi loftnet frá Bingfu sem eru aðeins 15 cm. há og skila ótrúlega góðum árangri.
Einar Sandoz, TF3ES mætti með nýja bílstöð frá HamGeek, gerð PMR 171 sem er 20W SDR stöð og vinnur á HF/VHF/UHF. Stöðin hefur m.a. innbyggða loftnetsaðlögunarrás og m.fl. Áhugaverð stöð á hagstæðu verði. Einnig mætti Jón Atli Magnússon, TF2AC með 100W RF magnara sem hann ætlar að nota við 10W FlexRadio HF stöð sem hann á.
Mathías Hagvaag, TF3MH QSL stjóri félagsins raðaði innkomnum kortum, en töluvert hefur borist af kortasendingum frá QSL stofum hinna ýmsu landsfélaga að undanförnu. Þetta kvöld var síðasti skiladagur vegna áramótaútsendingar 2025/26 og barst þó nokkuð af kortum til útsendingar.
Þakkir góðar til „NN“ fyrir Skálatertuna sem líkaði vel og kláraðist. Þakkir einnig til Georgs Kulp, TF3GZ fyrir ljósmyndir og til Sveins Goða Sveinssonar, TF3ID fyrir að laga frábært kaffi.
Alls mættu 20 félagar og 1 gestur í Skeljanes þetta ágæta fimmtudagskvöld í mildu vetrarveðri í vesturbænum í Reykjavík.
Stjórn ÍRA.
.
Jónas Bjarnason, TF3JB hefur fengið í hendur DXCC Trident viðurkenningu frá ARRL. Viðurkenningin var gefin út 1. október 2025.
Til að geta sótt um viðurkenninguna þarf að hafa staðfest sambönd við a.m.k. 100 DXCC einingar á morsi (CW), tali (Phone) og Digital (FTx, RTTY, PSK, o.fl.). Sambönd þurfa öll að vera staðfest á Logbook of The World (LoTW).
ARRL DXCC Trident Award er vandaður viðurkenningaplatti úr viði með ágrafinni málmplötu. Í boði eru „uppfærsluplötur“ þegar náðst hafa staðfest sambönd við 200 og 300 DXCC einingar á morsi, tali og Digital.
Nánari upplýsingar má sjá í 4. tbl. CQ TF 2025, bls. 36: https://www.ira.is/wp-content/uploads/2025/10/CQTF-2025-4.pdf
Hamingjuóskir til Jónasar.
Stjórn ÍRA.
Félagsaðstaða ÍRA í Skeljanesi verður opin fyrir félagsmenn og gesti fimmtudaginn 8. janúar 2026 kl. 20-22.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
Mathías Hagvaag, TF3MH QSL stjóri verður búinn að fara í pósthólf félagsins, flokka kort og raða í hólfin og Sveinn Goði Sveinsson, TF3ID annast kaffiveitingar.
Bent er á, að þetta er síðasti skiladagur vegna áramótaútsendingar 2025/26. Þau kort sem berast í QSL kassann þetta kvöld verða örugg með að komast í flokkun og til útsendingar. Gjaldskrá er óbreytt, 14 krónur á kort, sama hvert sem er í heiminum.
Verið velkomin í Skeljanes!
Stjórn ÍRA.
.
YB DX CONTEST.
Keppnin stendur yfir laugardaginn 10. janúar; hefst kl. 00:00 og lýkur kl. 23:59.
Keppnin fer fram á á SSB á 80, 40, 20, 15 og 10 metrum.
Skilaboð: RS + raðnúmer.
http://ybdxcontest.com/
OLD NEW YEAR CONTEST.
Keppnin stendur yfir laugardaginn 10. janúar; hefst kl. 05:00 og lýkur kl. 08:59.
Keppnin fer fram á CW og SSB á 80, 40, 20, 15 og 10 metrum.
Skilaboð: RS(T) + samanlagður fjöldi ára sem þátttakandi hefur haft amatörleyfi.
http://www.contest.ru/old-new-year-contest
SKCC WEEKEND SPRINTATHON.
Keppnin hefst á laugardag 10. janúar kl. 12:00 og lýkur á sunnudag 11. janúar kl. 24:00.
Keppnin fer fram á CW á 160, 80, 40, 80, 20, 15, 10 og 6 metrum.
Skilaboð: RST + (Ríki í USA, fylki í Kanada eða DXCC eining) + nafn + (SKCC númer eða „NONE“).
https://www.skccgroup.com/operating_activities/weekend_sprintathon
UBA PSK63 PREFIX CONTEST.
Keppnin hefst á laugardag 10. janúar kl. 12:00 og lýkur á sunnudag 11. janúar kl. 12:00.
Keppnin fer fram á BPSK63 á 80, 40, 20, 15 og 10 metrum.
Skilaboð belgískra stöðva: RSQ + deild í UBA
Skilaboð annarra: RSQ + raðnúmer.
https://www.uba.be/en/hf/contest-rules/uba-psk63-prefix-contest
Með ósk um gott gengi!
Stjórn ÍRA.
Næsta tölublað CQ TF, 1. tölublað ársins 2026, kemur út 25. janúar.
Allt efni um áhugamálið er vel þegið í blaðið, s.s. frásagnir, ljósmyndir, eða jafnvel aðeins punktar og ábendingar um efni sem vinna má úr.
Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Ath. að skilafrestur efnis er til fimmtudags 15. janúar.
Netfang: ira@ira.is
Áramótakveðjur og 73,
Sæmundur E. Þorsteinsson, TF3UA
ritstjóri CQ TF
Stjórn ÍRA óskar félagsmönnum og fjölskyldum þeirra farsældar á nýju ári, 2026.
Í dag, 30. desember 2025 bættist við innanlandsviðtæki til hlustunar á HF tíðnum yfir netið. Það er staðsett við Bústaðaveg í Reykjavík. Loftnet er 60 m. langur vír (LW) með 1:49 unun.
Um er að ræða KiwiSDR 2 viðtæki í eigu Ara Þórólfs Jóhannessonar, TF1A og forritaði hann tækið. Ari Þórólfur og Georg Kulp, TF3GZ settu upp viðtæki og loftnet í morgun, þriðjudaginn 30. desember.
Vefslóð: http://rvk.utvarp.com
KiwiSDR viðtækin vinna frá 10 kHz upp í 30 MHz. Hægt er að hlusta á AM, FM, SSB og CW sendingar og má velja bandbreidd sem hentar hverri mótun. Allt að átta notendur geta verið skráðir inn á viðtækið samtímis.
Stjórn ÍRA þakkar þeim Ara Þórólfi og Georg verðmætt framlag. Hér um að ræða mikilvæga viðbót fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.
Stjórn ÍRA.
.
