Almennt

Guðmundur Sveinsson TF3SG

QSL skilagreinar fyrir QSL Bureau félagsins voru fyrst kynntar til sögunnar árið 2009 og endurgerðar í fyrra (2010). Í nóvember 2011 kom fram hugmynd um að nýta bakhlið eyðublaðsins (sem til þess tíma hafði verið auð) og birta þar leiðbeiningar frá QSL Manager ásamt lista yfir þau DXCC lönd sem ekki hafa starfandi QSL Bureau. Samkvæmt þessu var unnin upp endurgerð skilagrein í samvinnu við Guðmund Sveinsson, TF3SG, QSL Manager félagsins sem nú hefur verið til dreifingar frá 9. desember. Sjá mynd af fram- og bakhliðum nýju skilagreinarinnar hér fyrir neðan

Eins og sjá má á myndinni hefur framhlið skilagreinarinnar verið endurhönnuð m.a. með tilliti til þeirra sem handskrifa á eyðublöðin. Í annan stað hefur QSL Manager ákveðið að bjóða um val á greiðsluaðferð þegar menn greiða fyrir kort til útsendingar. Annars vegar gildir óbreytt fyrirkomulag áfram, þ.e. að leggja reiðufé í umslagið með kortunum. Nýbreytnin felst í því að bjóða félagsmönnum að leggja kortagjaldið inn á bankareikning kortastofunnar. Kosturinn er einkum sá, að t.d. félagsmenn úti á landi og aðrir sem kjósa að senda kortin í pósti til kortastofunnar, þurfa ekki lengur að leggja reiðufé í umslagið með kortunum.

Kjósi menn að leggja beint inn á reikning kortastofunnar, eru bankaupplýsingar þessar: Banki nr. 0111 / höfuðbók 05 reikningur nr. 246483 / kennitala 040659-6259. Í skýringu með greiðslu, skal skrá kallmerki/hlustmerki félagsmanns og fjölda innsendra korta.

Stjórn Í.R.A. óskar félagsmönnum til hamingju með þessa nýju þjónustu.

Guðjón Helgi Elíasson TF3WO og Benedikt Guðnason TF3TNT í Skeljanesi 15. desember. Ljósmynd: TF3LMN.

Fimmtudagserindið 15. desember var í höndum þeirra Guðjóns Helga Elíassonar, TF3WO og Benedikts Guðnasonar, TF3TNT. Umræðuefni kvöldsins var smíði “collinear” loftneta í metrabylgju- og sentimetrabylgjusviðinu (VHF og UHF) og kynning á fyrirkomulagi endurvarpsstöðva í tíðnisviðunum. Þeir félagar útskýrðu m.a. (og sýndu myndir) frá smíði á 13 dB “collinear” loftneti á UHF sem búið var til úr “hard-line” kóaxkapli.

Loftnetið kom mjög vel út í prófunum, m.a. yfir 100 km vegalengd á mjög litlu afli (300 mW). Töluverðar umræður urðu m.a. um útgeislun frá loftnetum af þessari gerð. Þá kynntu þeir félagar stuttlega hugmyndir sínar um endurvarpsstövar sem vinna á mismunandi miklu afli, e.t.v. allt að 500W og svokallaða “diversity” notkun sem er áhugaverð útfærsla. Guðjón og Benedikt sýndu fjölda mynda með erindinu sem var vel heppnað. Á þriðja tug félagsmanna hlýddu á erindið.

Stjórn Í.R.A. þakkar þeim Guðjóni og Benedikt áhugavert erindi og Jóni Svavarssyni, TF3LMN, fyrir myndatökuna

Þeir Guðjón og Benedikt sýndu fjölda áhugaverðra mynda með erindi sínu. Ljósmynd: Jón Svavarsson, TF3LMN.

Í.R.A. hefur borist erindi frá Póst- og fjarskiptastofnun (PFS) dags. 15. desember 2011 þess efnis, að íslenskum leyfishöfum er veittur
aðgangur að tíðnisviðinu 1850-1900 kHz í tilgreindum alþjóðlegum keppnum radíóamatöra. Í annan stað er G-leyfishöfum veitt heimild
til að nota fullt afl í sviðinu (þ.e. 1kW). Erindi stofnunarinnar er í samræmi við beiðni félagsins þessa efnis, sem send var stofnuninni fyrr
í þessum mánuði.

Um er að ræða endurnýjun núgildandi heimildar fyrir almanaksárið 2012, sem hefði að óbreyttu, runnið út í lok þessa árs (2011). Hún
er veitt á víkjandi grundvelli (forgangsflokkur 2). Þeir leyfishafar sem óska að vinna í umræddu tíðnisviði í einhverri (eða öllum) neðan-
greindra keppna þurfa að sækja um það sérstaklega til stofnunarinnar á netfangið: hrh hjá pfs.is.

Stjórn Í.R.A. fagnar framkominni heimild stofnunarinnar.

Tilgreindar alþjóðlegar keppnir árið 2012 eru í tímaröð eftir mánuðum.

Benedikt Guðnason, TF3TNT

Guðjón Helgi Elíasson, TF3WO.

Síðasti viðburður á yfirstandandi vetrardagskrá verður haldinn fimmtudaginn 15. desember kl. 20:30 í félags-
aðstöðunni í Skeljanesi. Þá munu þeir Benedikt Guðnason, TF3TNT og Guðjón Egilsson, TF3WO, fjalla um
smíði loftneta í metrabylgju- og sentimetrabylgjusviðinu (VHF og UHF) og um hugmyndir sínar um endurvarpa í
þessum tíðnisviðum. Þeir félagar hafa m.a. gert áhugaverðar tilraunir með smíði og prófun á lóðréttum „collinear”
loftnetum á þessum tíðnisviðum undanfarin misseri.

Stjórn Í.R.A. hvetur félagsmenn til að mæta stundvíslega. Kaffiveitingar verða í boði félagsins.

Bjarni Sigurðsson verkfræðingur hjá PFS fjallaði um hættu frá útgeislun loftneta í tíðnisviðum radíóamatöra.

Fimmtudagserindið þann 8. desember var í höndum Bjarna Sigurðssonar, sérfræðings hjá Póst- og fjarskipta-
stofnum (PFS). Umræðuefni kvöldsins var geislunarhætta í tíðnisviðum radíóamatöra. Bjarni fór yfir kröfur sem gerðar
eru til sendi- og loftnetabúnaðar í núgildandi reglugerð um starfsemi radíóamatöra og í alþjóðafjarskiptareglugerðinni og
kynnti m.a. tilmæli ITU nr. K.52, K.61 og K.70 (sjá umfjöllun neðar).

Hann útskýrði hættu sem getur stafað af notkun sendibúnaðar (ef ekki er gætt varkárni) svo og hvað varðar fjarlægð frá
loftnetum. Hann fór einnig vel yfir forsendur hvað varðar tíðni og sendiafl og benti m.a. á, að taka þurfi að auki tillit til tíma-
lengdar sendinga. Hann sýndi nokkur dæmi um þessi atriði út frá algengum loftnetum, þar sem hann notaði ICNIRPcalc
V1.01 forritið frá IARU Svæði 1 sem getur reiknað útgeislun frá loftnetum og öryggismörk og auðveldar útreikninga á út-
geislun frá loftnetum. Hann kynnti jafnframt um tilurð svipaðs forrits á heimasíðu ITU (sem þó tekur tillit til mun fleiri þátta).
Fram kom, að augun eru þau líffæri sem eru viðkvæmust, sérstaklega þegar unnið er á QRO afli á hærri tíðnum.

Erindið var fróðlegt, vel fram sett og áhugavert. Fyrirspurnir voru fjölmargar og leysti fyrirlesari vel úr þeim. Stefnt er að því
að Power Point skyggnur með erindinu verði settar á heimasíðu félagsins innan tíðar.

Stjórn Í.R.A. þakkar Bjarna áhugavert erindi og Póst- og fjarskiptastofnun fyrir þann stuðning sem félaginu er sýndur með
að gera þennan viðburð mögulegan.

Góð mæting var í Skeljanesið fimmtudagskvöldið 8. desember, eða um 30 félagsmenn.

Í umræðum kom m.a. fram hjá Sæmundi TF3UA að ákveðið hafi verið að stofna til sérstakrar EMC nefndar Í.R.A.

Kristján Benediktsson TF3KB ræddi m.a. um forrit sem geta reiknað út geislun frá loftnetum og öryggismörk.

Í kaffihléi. Kjartan H. Bjarnason TF3BJ varaformaður og Vilhjálmur Í. Sigurjónsson TF3VS prófnefndarmaður.

Í kaffihléi. Haraldur Þórðarson TF3HP, Óskar Sverrisson TF3DC og Gísli G. Ófeigsson TF3G.

Í kaffihléi. Óðinn Þór Hallgrímsson TF2MSN, Guðjón Helgi Egilsson TF3WO og Ólafur H. Ólafsson, TF3ML.

Helstu tilmæli ITU (sbr. umfjöllun að ofan):

ITU Recommendation K.52
Guidance on complying with limits for human exposure to electromagnetic fields. This Recommendation aims to help with compliance of telecommunication installations and mobile handsets or other radiating devices used against the head with safety limits for human exposure to electromagnetic fields (EMFs). It presents general guidance, a calculation method, and an installation assessment procedure. The assessment procedure for telecommunication installations, based on safety limits provided by ICNIRP, helps users determine the likelihood of installation compliance based on accessibility criteria, antenna properties and emitter power. The IEC Standard for the compliance measurement of mobile handsets is recommended.

ITU Recommendation K.61
Guidance on measurement and numerical prediction of electromagnetic fields for compliance with human exposure limits for telecommunication installations. Recommendation ITU-T K.61 helps telecommunication operators to verify compliance with exposure standards promulgated by local or national authorities. This Recommendation gives guidance on measurement methods that can be used to achieve a compliance assessment. It also provides guidance on the selection of numerical methods suitable for exposure prediction in various situations.

ITU Recommendation K.70
Mitigation techniques to limit human exposure to EMFs in the vicinity of radio-communication stations. This Recommendation contains a software EMF-estimator that implements the methodology described in ITU-T K.70, and gives the possibility to calculate the cumulative exposure for the reference levels. It also contains the library of the radiation patterns of transmitting antennas for a wide range of radio communication and broadcast services. The EMF-estimator is not appropriate for the equipment certification in order to put it on the market. A new version v2.0.0 of EMF estimator is available in ITU-T K.70 (2007) Amend.2 (2011-05).