,

Ferðasaga frá Frakklandi – 18. október

Anna Henriksdóttir TF3VA og Vala Dröfn Hauksdóttir TF3VD heimsækja okkur í Skeljanes fimmtudaginn 18. október.

Þær segja okkur ferðasöguna frá DX-leiðangri til L´Île de Noirmoutier í Frakklandi 25. – 31. ágúst 2018 í máli og myndum. Þar voru þær stöllur í hópi 12 annarra YL‘s sem virkjuðu kallmerkið TM64YL.

Félagsmenn fjölmennið, dagskráin hefst stundvíslega kl. 20:30. Vandaðar kaffiveitingar.

Stjórn ÍRA.

Anna Henriksdóttir TF3VB og Vala Dröfn Hauksdóttir TF3VD í fjarskiptaherbergi TF3IRA. Ljósmynd: Sigurbjörn Þór Bjarnason TF3SB.

/by
,

Vetrardagskrá ÍRA hófst 11. október 2018

Vetrardagskrá ÍRA hófst 11. október með því að Jónas Bjarnason, TF3JB, formaður félagsins bauð viðstadda velkomna. Einar Kjartansson, TF3EK, umsjónarmaður TF útileikanna kynnti úrslit 2018 og Óskar Sverrisson, TF3DC, varaformaður félagsins, afhenti viðurkenningar.

Niðurstöður fyrir þrjú efstu sætin:

1. Georg Magnússon, TF2LL, 728 heildarstig.
2. Einar Kjartansson, TF3EK, 320 heildarstig.
3. Hrafnkell Sigurðsson, TF8KY, 294 heildarstig.

Nánari umfjöllun verður í næsta blaði félagsins, CQ TF.

Þá heimsótti Elísabet Shishmolina, RA1AUW, okkur í Skeljanes á fimmtudagskvöldið. Hún er dóttir Mikhail, UA1AUW, sem hefur haft sambönd við mörg TF kallmerki, m.a. í keppnum. Þau feðgin eru búsett í Sankti Pétursborg í Rússlandi. Beth var mjög hrifin af félagsaðstöðu ÍRA og áhugasöm um starfsemina. Hún bað fyrir góðar kveðjur til félagsmanna.

Loks kom Sigurður Óskar Óskarsson, TF2WIN, færandi hendi með tvo kassa af margskonar radíódóti frá Þór Þórssyni, TF1GW, sem viðstaddir máttu eiga. Vel gekk að koma þessum hlutum út.

Mæting: 25 félagar og 1 gestur.

Georg Magnússon TF2LL með verðlaunaskjöldinn fyrir 1. sætið í TF útileikunum 2018. Óskar Sverrisson TF3DC annaðist afhendingu hans og viðurkenningarskjals. Georg fékk jafnframt afhenda verðlaunaskildi fyrir 1. sætið í leikunum árin 2015 og 2017, sem ekki höfðu verið afhendir í tíð fyrri stjórnar.

Einar Kjartansson, TF3EK, varð í 2. sæti í TF útileikunum 2018. Óskar Sveirrisson TF3DC annaðist afhendingu viðurkenningarskjals. Á myndinni má einnig sjá þá TF3DT, TF2LL og TF1EIN.

Hrafnkell Sigurðsson, TF8KY, varð í 3. sæti í TF útileikunum 2018. Óskar Sverrrisson TF3DC annaðist afhendingu viðurkenningarskjals. Á myndinni má einnig sjá þá TF8TY, TF3VE, TF3DT, TF3WK og TF3EK.

 

Skeljanesi 11. október 2018. Frá vinstri: Njáll H. Hilmarsson TF3NH, Elísabet Shishmolina RA1AUW, Arnþór Wilhelm Sigurðsson TF3AWS og Þórður Adolfsson TF3DT. Ljósmyndir: TF3JB.

 

/by
,

Rýmkun tíðniheimildar á 70 MHz í höfn

ÍRA hefur borist erindi frá Póst- og fjarskiptastofnun í dag 9. október 2018 þess efnis, að íslenskum leyfishöfum er veitt heimild til notkunar á tíðnisviðinu 70.000-70.250 MHz.

Fyrri heimild frá 19.2.2010 var fyrir 70.000-70.200 MHz. Þessi breyting kemur í kjölfar beiðni félagsins um rýmkun tíðniheimildar.

Þá er almenn heimild til okkar  á 70 MHz framlengd til 31.12.2020.

Stjórn ÍRA fagnar þessum jákvæða áfanga sem er einkar mikilvægur fyrir þá radíóamatöra sem stunda tilraunir í sviðinu.

/by
,

3. tölublað CQ TF komið út

Ágætu félagsmenn!

Mér er ánægja að tilkynna um útkomu 3. tölublaðs CQ TF 2018, sem nú kemur út á stafrænu formi hér á heimasíðunni.

Margir hafa lagt hönd á plóg og mörgum ber að þakka, en sér í lagi TF3VS sem annaðist umbrotsvinnu.

CQ TF er að þessu sinni 57 blaðsíður að stærð.

Blaðið má finna hér: http://www.ira.is/wp-content/uploads/2018/10/cqtf_32arg_2018_03tbl.pdf

73 – TF3SB, ritstjóri CQ TF.

Forsíða CQ TF – 32. árg. 2018, 3. tbl

/by
,

TF3EK verður í Skeljanesi 11. október

Fyrsti viðburður á nýrri vetrardagskrá ÍRA verður haldinn í félagsaðstöðunni fimmtudaginn 11. október. Þá mætir Einar Kjartansson TF3EK á staðinn  og kynnir úrslit í TF útileikunum 2018 og veitir viðurkenningar félagsins.

Síðan er hugmyndin að ræða stuttlega hvort menn vilja eitthvað breyta núverandi fyrirkomulagi eða keppnisreglum fyrir leikana 2019, en þá verða liðin 40 ár frá því fyrstu TF útileikarnir voru haldnir.

Stjórn ÍRA hvetur félagsmenn til að mæta tímanlega. Kaffiveitingar verða í boði félagssjóðs.

Myndin var tekin í Skeljanesi 26. júlí s.l. þegar Einar Kjartansson TF3EK kynnti TF útileikana 2018. Ljósmynd: TF3JB.

/by
,

NÁMSKEIÐ TIL AMATÖRPRÓFS FRESTAST

ÍRA auglýsti eftir áhuga á að taka þátt í námskeiði til amatörprófs þann 17. september. Tíu dögum síðar var fresturinn framlengdur til 2. október. Fyrirspurnir voru nokkrar, en aðeins tveir skráðu sig. Þetta kemur ekki á óvart þar sem námskeiðshald hefur verið mjög þétt undanfarin misseri.

Í ljósi þessa hefur verið ákveðið, í samráði við prófnefnd og umsjónarmann námskeiða, að falla frá námskeiðshaldi nú, en stefna þess í stað að námskeiði eftir áramót.

Þegar nær dregur, mun félagið því auglýsa á ný eftir áhuga á að taka þátt í námskeiði til amatörprófs, sem myndi hefjast 12. febrúar og ljúka með prófi PFS, annaðhvort 4. eða 11. maí 2019.

Stjórn ÍRA.

/by
,

“Fínn óformlegur laugardagur…”

Það var TF1A sem tók svona til orða þegar við yfirgáfum félagsaðstöðuna í Skeljanesi í gær, laugardag, rétt fyrir kl. 18. Alls höfðu 19 félagar mætt á staðinn þegar yfir lauk.

Eftirfarandi var komið í verk:

  • Nýtt Diamond VHF/UHF loftnet félagsins var sett upp og staðfest (með mælingum) að RG-8/U fæðilínan var í lagi.
  • TF3CE var með sýnikennslu í ásetningu N-tengja og kom vel útbúinn af sérverkfærum.
  • Kenwood TS-2000 stöð félagsins var tengd og er nú notast við Heil grindarhljóðnema og fótrofa félagsins. Allt prófað á VHF við þá TF3VP og TF8V.
  • Staðfest að Yaesu G-5400B, sambyggður rótor félagsins fyrir gervihnattaloftnetin (og MS) er í lagi. Loftnetin eru frá framleiðandanum M2; af 2MCP14 og 436CP30 gerðum. Eftir er að prófa VHF og UHF formagnarana frá SSB-Electronic.
  • TF3DT kom með Wellbrook viðtökuloftnet fyrir 10 kHz-30 MHz sem er lúppuloftnet rúmlega 1 metri í þvermál (e. magnetic loop) og sýndi mönnum.
  • Loks kom TF3GB með ýmsa hluti sem vinna á GHz bandinu og bauð viðstöddum að fá gefins og fengu þeir sem fyrstir voru og gekk allt út.

Bestu þakkir til Ara, TF1A og Jóns, TF3LM fyrir áhugaverðan laugardag í Skeljanesi.

73 de TF3JB.

TF1A og TF3LM skipulegja daginn yfir kaffibolla og góðgæti úr bakaríi Costco.

Góðar umræður verða ávallt betri með góðu kaffi. Félagarnir TF3GB, TF3SB og TF3PW.

Skeggrætt um Wellbrook lúppuna. TF1A, TF3DT og TF3LM.

Kenwood TS-2000 stöð félagsins QRV. TF1A við stöðina, TF3DT (snýr baki) og TF2WIN.

TF3IG við tengivinnu. Aðrir í mynd: TF1A og TF3LM.

TF3CE sýnir hvernig N-tengi eru rétt sett á kóax. Aðrir á myndinni: TF1A og TF2WIN.

 

 

 

Diamond SX-200N VHF/UHF stangarloftnet TF3IRA komið upp. TF3LM leggur síðustu hönd á frágang.

 

/by
,

SKELJANES Á MORGUN, LAUGARDAG

Ari Þórólfur Jóhannesson, TF1A og Jón G. Guðmundsson, TF3LM, verða með viðburð í Skeljanesi á morgun, laugardaginn 29. september, frá kl. 14.

Hugmyndin er m.a. að setja upp VHF loftnet á staðnum og gera mælingar. Vandaðir loftnetsgreinar verða á staðnum og önnur mælitæki.

Nýtt stangarloftnet TF3IRA (sem kom til landsins í síðustu viku) verður til sýnis. Það er Diamond glertrefjanet af gerðinni X-200N, sem er 2.5 metra hátt húsloftnet fyrir VHF og UHF. Ávinningur er 6 dBi og 8 dBi.

Ef tími gefst, verður skoðað ástand loftneta félagsstöðvarinnar til gervihnattafjarskipta, en mikill áhugi er er á meðal félagsmanna að TF3IRA verði QRV á ný um gervihnetti, samanber umræður á fimmtudagskvöldum undanfarið í Skeljanesi.

Vandaðar kaffiveitingar í sal.

Myndin er af TF1A og TF3LM við undirbúning vel heppnaðs mælingarlaugardags þann 1. september s.l.

/by
,

Reidar J. Óskarsson, TF8RO, er látinn

Reidar J. Óskarsson, TF8RO, hefur haft sitt síðasta QSO; merki hans er hljóðnað.

Sveinbjörn Jónsson, TF8V, hefur sent erindi til félagsins þess efnis, að Reidar hafi orðið bráðkvaddur. Hann var á 75. aldursári, leyfishafi nr. 278.

Um leið og við minnumst Reidars með þökkum og virðingu færum við fjölskyldu hans innilegustu samúðarkveðjur.

Fyrir hönd stjórnar,

Jónas Bjarnason, TF3JB,
formaður.

/by
,

Skráning framlengd til 2. október.

Skráning á námskeið ÍRA til amatörprófs sem átti að ljúka 25. september hefur verið framlengd til 2. október n.k.

Áhugasamir eru beðnir um að skrá nafn sitt og tölvupóstfang á “ira hjá ira.is”. Ath. að skráningu fylgir engin skuldbinding, en veitir félaginu mikilvægar upplýsingar um fyrirhugaðan fjölda nemenda.

Félagið setur þann fyrirvara um námskeiðshald, að lágmarksþátttaka fáist.

/by