,

ALÞJÓÐLEGA VITA- OG VITASKIPAHELGIN

Nýlega var vakin athygli á að Alþjóðlega Vita- og vitaskipahelgin 2021 nálgast og fer fram helgina 21.-22. ágúst n.k. Margir félagar hafa haft samband og spurst fyrir um hvaða fleiri vitar hafi verið virkjaðir hér á landi af radíóamatörum, eftir að fram kom að Knarrarósviti hafi oftast verið virkjaður,  eða 18 sinnum.

Á tímabilinu 1998-2020 voru alls 7 vitar virkjaðir og 11 mismunandi kallmerki notuð, sbr. eftirfarandi:

AKRANES – TF3DT (2016)

GARÐSKAGI – TF8IRA (2010, 2011, 2012, 2013, 2014, 2015, 2016, 2017)
GARÐSKAGI – TF8RX (2001, 2003)
GARÐSKAGI – TF7ØIRA (2016)

KNARRARÓS – TF1IRA (1998, 1999, 2000, 2001, 2002, 2003, 2004, 2005, 2007, 2008, 2009, 2013, 2014, 2015, 2016, 2017, 2018, 2019)
KNARRARÓS – TF6ØIRA (2006)

MALARRIF – TF3DT (2018)
MALARRIF – TF3JA (2018)

REYKJANES – TF8RX (2000)

SELVOGSVITI – TF1OL (2020)

VATNSNES – TF8RX (2004)

Myndin er af glæsilegu „færanlegu fjarskiptavirki“ Ólafs B. Ólafssonar, TF3ML á Vita- og vitaskipahelginni árið 2012. Stöðin var búin 5 staka einbands Yagi loftneti á 14 MHz frá OptiBeam, af gerð OB5-20. Sjá nánar skemmtilega frásögn í 4. tbl. CQ TF 2012, bls. 22-24. Vefslóð:  http://dev.ira.is/wp-content/uploads/2016/09/cqtf_30arg_2012_04tbl.pdf Ljósmynd: TF3JB.
 
/by
,

TF8APA STAFVARPINN UPPFÆRÐUR

Gengið hefur verið frá uppfærslu APRS stafvarpans TF8APA á fjallinu Þorbirni við Grindavík, sem er í 244 metra hæð yfir sjávarmáli.

Skipt var m.a. um loftnet, sem nú er af gerðinni Diamond BC 103 sem er 125cm VHF húsloftnet.

Annar búnaður er óbreyttur; Motorola GM-300 VHF stöð, Microsat WX3in1 Mini APRS Digipeater/I-gate og PLXDigi – APRS Digipeater.

Uppfærsla búnaðarins á Þorbirni mun þétta kerfið, auka gæði og notkunarmöguleika.

Þakkir til Guðmundar Sigurðssonar, TF3GS fyrir verkefni vel úr hendi leyst.

Stjórn ÍRA.

.

.

.

.

Myndin til hliðar er af Diamond BC 103 VHF húsloftnetinu.

Búnaður fyrir APRS stafvarpann TF8APA er vistaður í þessum kassa í fjarskiptahúsinu.
Mynd af fjarskiptahúsinu á fjallinu Þorbirni. Ljósmyndir: TF3GS.
/by
,

VITA- OG VITASKIPAHELGIN 2021 NÁLGAST

Alþjóðlega vita- og vitaskipahelgin 2021 fer fram helgina 21.-22. ágúst n.k.

Um er að ræða tveggja sólarhringa viðburð, en miðað er við að flestir sem koma til dvalar í vita, á vitaskipi eða í nágrenni hafi komið sér fyrir upp úr hádegi á laugardag.

Að jafnaði eru yfir 500 tilgreind kallmerki starfrækt þessa helgi frá um 40 þjóðlöndum.

Í dag, 10. ágúst hafa alls 282 vitar verið skráðir á heimasíðu viðburðarins.

Vefslóð: https://illw.net/index.php/entrants-list-2021

Knarrarósviti er sá viti sem oftast hefur verið virkjaður af radíóamatörum hér á landi á Vita- og vitaskipahelgi, eða 18 sinnum frá árinu 1998. Hann stendur austan við Stokkseyri.
/by
,

OPIÐ Í SKELJANESI 12. ÁGÚST

Opið verður í félagsaðstöðu ÍRA í Skeljanesi fimmtudaginn 12. ágúst
kl. 20-22 fyrir félagsmenn og gesti.

Grímuskylda verður í húsnæðinu í ljósi reglugerðar heilbrigðisráðherra um takmörkun á samkomum vegna faraldurs.

Fjarskiptaherbergi verður opið (mest 3 félagar samtímis) og QSL stofa (mest 1 félagi). Takmörkun á fjölda í herbergjum ræðst af stærð. Kaffiveitingar verða ekki í boði.

Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.

Velkomin í Skeljanes!

Stjórn ÍRA.

.

(Andlitsgrímur og handspritt eru í boði við inngang).

Gervihnattastöð TF3IRA í Skeljanesi. Stöðin er virk á morsi og tali um Es’hail-2 OSCAR 100 gervitunglið. Ljósmynd: TF3JB.
/by
,

NÝR APRS STAFVARPI TF1SS-1

APRS stafvarpinn TF1SS-1 fór í loftið í dag, sunnudaginn 8. ágúst. QTH er Úlfljótsvatnsfjall, 248 metra yfir sjávarmáli. Nýi stafvarpinn er viðbót við APRS-IS kerfið.

Guðmundur Sigurðsson TF3GS sá um uppsetningu. Búnaður er Motorola GM-300 VHF stöð (sendiafl 25W), Microsat WX3in1 Mini APRS Digipeater/I-gate og Diamond BC-103 VHF/UHF loftnet.

Hamingjuóskir til APRS hópsins með ósk um gott gengi.

Stjórn ÍRA.

Þessi skúr hýsir APRS búnaðinn fyrir TF1SS-1. Gott útsýni er til allra átta. Ljósmynd: TF3GS.
/by
,

ÁGÆT MÆTING Í SKELJANES.

Félagsaðstaða ÍRA í Skeljanesi var opin fimmtudaginn 5. ágúst.

Heldur minni mæting var en undir venjulegum kringumstæðum. Margir leyfishafar halda sé til hlés frá mannamótum þar sem Covid-19 faraldurinn hamlar með tilheyrandi grímuskyldu og fjarlægðarmörkum. Kaffiveitingar voru ekki í boði í félagsaðstöðunni.

Að venju höfðu menn um nóg að ræða, sækja kort til QSL stofu félagsins (og skila af sér kortum), auk þess sem radíódót á borðum í salnum gengur jafnt og þétt út.

Ari Þórólfur Jóhannesson, TF1A sagði okkur frá loftnetaframkvæmdum sem hann stendur í þessa dagana, auk þess sem hann lauk við stillingar og enduruppsetningu ICOM IC-7610 stöðvar TF3IRA eftir nýlega uppfærslu. Mikið var rætt um nýjar stöðvar (aðallega þó í dýrari kantinum) m.a. Elecraft K4 HF/50 MHz SDR stöðina og væntanlega arftaka Icom IC-7851 og Kenwood TS-990S stöðvanna (sem mikið er rætt um á netinu um þessar mundir). Menn ræddu einnig um Expert SunSDR MB1 Prime i7-7700T stöðina sem nýlega var uppfærð og fær góða dóma og Yaesu FTdx101D og “MP” stöðvarnar sem njóta mikilla vinsælda.

Ánægjulegt kvöld í Skeljanesi, alls 14 félagar og 1 gestur í húsi.

Stjórn ÍRA.

Ari Þórólfur Jóhannesson TF1A prófar félagsstöðina TF3IRA. Hann sagði að það væri ekkert mál að hafa QSO í gegnum andlitsgrímuna. Aðrir á mynd: Jón G. Guðmundsson TF3LM og Baldvin Þórarinsson TF3-033.
Ari byrjaður að prófa stöðina eftir enduruppsetningu. Heimir Konráðsson TF1EIN fylgist með (en hann á einmitt samskonar stöð).
Enduruppsetningu lokið og viðtakan prófuð í samanburði við KiwiSDR viðtækið sem nýlega var sett upp aftur í Bláfjöllum. Jón Björnsson TF3PW fylgist með.
Mikið hefur gengið út af radíódóti í sumar eins og sjá má á myndinni. Ljósmyndir: TF3JB.
/by
,

OPIÐ Í SKELJANESI 5. ÁGÚST

Opið verður í félagsaðstöðu ÍRA í Skeljanesi fimmtudaginn 5. ágúst kl. 20-22.

Í ljósi reglugerðar heilbrigðisráðherra um takmörkun á samkomum vegna faraldurs, verður grímuskylda í húsnæðinu.

Kaffiveitingar verða ekki í boði, en fjarskiptaherbergi TF3IRA verður opið (mest 3 félagar samtímis) og QSL stofa (mest 1 félagi hverju sinni). Takmörkun á fjölda í herbergjum ræðst af stærð.

Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.

Velkomin í Skeljanes!

Stjórn ÍRA.

.

.

(Andlitsgrímur og handspritt eru í boði við inngang í húsnæðið).

Úr félagsstarfinu í Skeljanesi (fyrir Covid-19). Sitjandi frá vinstri: Mathías Hagvaag TF3MH, Höskuldur Elíasson TF3RF og Jón E. Guðmundsson TF8KW. Fjær (uppi til vinstri;: Georg Kulp TF3GZ og Valgeir Pétursson TF3VP. Ljósmynd: TF3JB.
/by
,

SENDI-/MÓTTÖKUSTÖÐ TF3IRA UPPFÆRÐ

Við vinnu í fjarskiptaherbergi TF3IRA 30. maí s.l., þegar þeir Ari Þórólfur Jóhannesson, TF1A og Georg Kulp, TF3GZ mættu í Skeljanes til að aðstoða við undirbúning opnunar fjarskiptaherbergis félagsins (sem þá hafði verið meira og minna lokað í heilt ár vegna Covid-19 faraldursins) kom í ljós, að nýr hugbúnaður var fáanlegur til uppfærslu á ICOM IC-7610 stöð félagsins.

Á ný gafst tím til endurbóta í Skeljanesi 25. júlí þegar þeir Ari og Georg mættu í Skeljanes og skiptu m.a. út búnaði við diskloftnet sem gerði gervihnattastöð félagsins QRV á ný um QO-100. Það var einmitt þá sem Ari hafði samband frá TF3IRA við  ZD7GWM á St. Helen eyju í Suður-Atlantshafinu.

Þriðji hluti verkefnisins (sem ekki hafði náðst að ljúka fyrr) var síðan kláraður í gær (1. ágúst) þegar Ari Þórólfur gerði góða ferð í Skeljanes og uppfærði stýrikerfi IC-7610 stöðvar félagsins. Uppfærsla var gerð úr útgáfu 1.06 í 1.30, sbr. https://www.icomjapan.com/support/firmware_driver/3298/

Bestu þakkir til Ara Þórólfs Jóhannessonar, TF1A fyrir verkefni vel úr hendi leyst.

Stjórn ÍRA.

Skeljanesi 1. ágúst. Uppfærslu hugbúnaðar ICOM IC-7610 stöðvar TF3IRA lokið. Ljósmynd: TF3JB.
/by
,

TF3IRA Í TF ÚTILEIKUNUM 2021

Félagsstöðin TF3IRA var virk alla þrjá dagana í TF útileikunum. Þegar þetta er skrifað (um hádegi á mánudag) eru leikarnir enn í fullum gangi og lýkur í raun ekki fyrr en á miðnætti.

Skilyrðin innanlands voru ekki sérstaklega góð þessa þrjá daga og t.d. mikið QSB. Samt höfðu menn mörg skemmtileg sambönd. Sem dæmi, voru þeir Einar Kjartansson TF3EK og Hrafnkell Sigurðsson TF8KY með gott samband á 160 metrum þvert yfir landið frá Ölvusárósum til Víðidals á Hólsfjöllum.

Eftirtaldir leyfishafar virkjuðu félagsstöðina: Wilhelm Sigurðsson TF3AWS og Jónas Bjarnason TF3JB (á laugardag); Mathías Hagvaag TF3MH, Sæmundur Þorsteinsson TF3UA og Jónas Bjarnason TF3JB (á sunnudag) og Sæmundur Þorsteinsson, TF3UA (í dag, mánudag).

A.m.k. 20 TF kallmerki hafa heyrst í loftinu þegar þetta er skrifað, bæði á tali (SSB) og morsi (CW) en á örugglega eftir að fjölga þegar líður á daginn.

Þakkir til allra fyrir þátttökuna!

Stjórn ÍRA.

Sæmundur E. Þorsteinsson TF3UA virkjaði félagsstöðina TF3IRA á tali og morsi í leikunum bæði á sunnudag og mánudag.
Mathías Hagvaag TF3MH virkjaði félagsstöðina TF3IRA á tali á sunnudag. Ljósmyndir: TF3JB.
/by
,

ÚTVARPSÞÆTTIR Á RÚV RÁS 1

Í fyrramálið, sunnudaginn 1. ágúst kl. 09:05, verður fluttur þáttur á Rás 1 um mors og þátt morsfjarskipta í menningu okkar. Þátturinn ber nafnið: „Stutt langt stutt“. Síðari hluti verður síðan fluttur á Rás 1 á mánudagsmorgun 2. ágúst kl. 09:03.

Í síðari hlutanum (á mánudag) er meginumfjöllunin um íslenska radíóamatöra, sem enn nota mors til fjarskipta um heiminn. Nokkrir íslenskir radíóamatörar eru m.a. teknir tali.

Verkefnið var unnið af Guðbjörgu Guðmundsdóttur þáttagerðarkona á RÚV.

Báðir hlutar þáttarins verða aðgengilegir sem upptaka á vefnum eftir lok útsendinga.

Rás 1 – Sunnudagur 1. ágúst kl. 09:05.
Rás 1 – Mánudagur 2. ágúst kl. 09:03.

Stjórn ÍRA.

.

/by