Félagið tók á móti gjöf til félagsstöðvarinnar TF3IRA í dag, 23. september.
Það er YAESU SMB-201, sem er sérhönnuð borðfesting með innbyggðri viftu fyrir YAESU FT-7900E VHF/UHF stöð félagsins.
SMB-201 þarf ekki að skrúfa niður í borðplötuna því hún er búin sérstökum gúmmífótum, sem gerir stöð og festingu mjög stöðuga. Þá er kæliviftan í borðfestingunni mun stærri heldur en innbyggða viftan í stöðinni, þannig að vart heyrist í henni þegar hún fer í gang samanborið við þá minni.
Stjórn ÍRA þakkar góðan stuðning, en gefandi óskar að láta kallmerkis ekki getið.
Skráning á námskeið ÍRA til amatörprófs er í fullum gangi.
Námskeiðið verður haldið og hefst um miðjan október n.k. og lýkur fyrir jól. Eins og áður hefur komið fram, verður kennt á kvöldin tvo daga í viku í húsnæði Háskólans í Reykjavík.
Áhugasamir eru beðnir um að skrá nafn sitt og tölvupóstfang
á “ira hjá ira.is”. Skráningu fylgir engin skuldbinding. Fyrirspurnum má beina
á sama tölvupóstfang.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-23 12:18:432019-09-23 12:21:40Góður áhugi á námskeiði til amatörprófs
Stafrænn endurvarpi Ólafs B. Ólafssonar TF3ML, TF3RPI var uppfærður í Bláfjöllum í dag (19. september) úr G2 í G3, þ.e. úr 32 bita kerfi í 64 bita kerfi. Endurvarpinn hefur gátt yfir netið út í heim og hefur uppfærslan í för með sér aukna möguleika og vinnslugetu. TF3RPI styður þar með nýjustu D-STAR uppfærslurnar frá ICOM.
Ari
Þórólfur Jóhannesson, TF1A, VHF stjóri ÍRA, annaðist verkefnið með aðstoð Terry
M. Stader, KA8SCP.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-19 19:49:442019-09-19 19:51:09TF3RPI í Bláfjöllum uppfærður úr G2 í G3
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-17 20:09:132019-09-17 20:11:33SAC CW keppnin er um helgina 21.-22. sept.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-17 09:36:452019-09-17 09:40:25OPIÐ HÚS Í SKELJANESI 19. SEPTEMBER
Í
samræmi við starfsáætlun stjórnar og að höfðu samráði við Prófnefnd og
Umsjónarmann námskeiða, hefur verið ákveðið að kanna áhuga á þátttöku í
námskeiði til amatörprófs.
Fyrirhugað er að námskeiðið hefjist 14. október n.k. og ljúki með prófi Póst- og fjarskiptastofnunar í desember. Kennt verður á kvöldin tvo daga í viku í húsnæði Háskólans í Reykjavík. Námskeiðið er öllum opið og ekki eru gerðar kröfur um sérstaka menntun eða undirbúning.
Áhugasamir eru beðnir um að skrá nafn sitt og tölvupóstfang á “ira hjá ira.is”. Skráningu fylgir engin skuldbinding, en veitir félaginu upplýsingar um fyrirhugaðan fjölda þátttakenda.
Fyrirspurnum
má beina á sama tölvupóstfang.
Skráning
er opin til 11. október n.k. Félagið setur þann fyrirvara um námskeiðshald, að lágmarksþátttaka
fáist.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-08 12:48:252019-09-08 13:02:39OPIÐ HÚS Í SKELJANESI 12. SEPTEMBER
Sveinbjörn Jónsson, TF8V, hefur haft sitt síðasta QSO; merki hans er hljóðnað.
Bragi Reynisson, TF3BR, hefur sett upplýsingar inn á Facebook þess efnis, að Sveinbjörn hafi látist á Heilbrigðisstofnun Suðurnesja eftir stutt veikindi 6. september. Hann var á 55. aldursári, leyfishafi nr. 206.
Um leið og við minnumst Sveinbjörns með þökkum og virðingu
færum við fjölskyldu hans innilegustu samúðarkveðjur.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-06 11:26:242019-09-06 11:28:47SVEINBJÖRN JÓNSSON TF8V ER LÁTINN
Efnt var til kynningar- og umræðufundar í Skeljanesi 5. september
í tilefni bráðabirgðaákvörðunar Póst- og fjarskiptastofnunar nr. 17/2019.
Sæmundur E. Þorsteinsson, TF3UA, formaður EMC nefndar félagsins hafði framsögu og fór yfir ákvörðunina, sem varðar kvörtun vegna truflana frá radíóamatör á sjónvarpsmóttöku og gæðum nettengingar hjá nágranna hans.
Við mælingar tæknideildar PFS á vettvangi var truflunin
staðfest. Ekki kemur fram að búnaði leyfishafa sé áfátt, en ýmislegt fannst sem
betur mátti fara hjá nágrannanum, sem m.a. varðar VDSL fastlínusamband
(tengingar í götuskáp), aðrar tengingar og tækjabúnað hans.
Málið er ekki einfalt, því sem dæmi kemur m.a. fram, að radíóamatörinn var beðin um að vera ekki í loftinu í eina viku (sem hann samþykkti), en á þeim tíma komu áfram fram truflanir hjá nágrannanum.
Stjórn ÍRA mun ráðfæra sig við EMC nefnd félagsins og stefnt er að því að birta umfjöllun um málið í heild í næsta hefti CQ TF sem kemur út 29. september n.k.
Alls mættu 30 félagsmenn og 1 gestur í Skeljanes þetta fróðlega fimmtudagskvöld.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-06 10:37:132019-09-06 11:07:15ÁKVÖRÐUN PFS NR. 17/2019 VAR KYNNT
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-09-03 02:18:592019-09-03 13:13:21ÁKVÖRÐUN PFS TIL UMRÆÐU 5. SEPTEMBER