Íslenskir radíóamatörar – allar fréttir

1. Flóamarkaðurinn verður haldinn í Skeljanesi sunnudaginn 9. október á milli kl. 13-16.

2. Markaðurinn er tvískiptur, þ.e. annars vegar fyrir tæki og búnað sem stillt verður upp til sölu (eða gefins) í félagsaðstöðunni og hins vegar það sem verður til sölu á uppboði.

3. Húsið verður opnað kl. 12:00 á sunnudag fyrir þá félaga sem óska að selja/gefa stöðvar og/eða búnað, þannig að þeir hafi rúman tíma til að stilla dóti sínu upp..

4. Uppboðið hefst stundvíslega kl. 14:00.

5. Félagsmenn geta skráð fyrirfram verðmeiri hluti á uppboðið með því að senda upplýsingar á ira@ira.is og hefur skráning verið opnuð. Skráð tæki og búnaður verða síðan til birtingar á þessum vettvangi á hádegi á laugardag, 8. október.

——————–

• Skeljanes verður veftengt meðan á uppboði stendur.
  
• Æskilegt er að þeir sem hyggist taka þátt fjarstaddir forskrái sig á uppboðið með tölvupósti til ira@ira.is  Áður en uppboðið hefst verður þeim sendur tölvupóstur með vefslóð á viðburðinn.
  
• Notað verður forritið „Google Meet“.
  
• Aðalgluggi Meet forritsins verður streymi frá vefmyndavél sem beinist að uppboðshaldara og því sem verið er að bjóða upp. Hljóð fylgir. Ekki verður opið fyrir aðra streymisglugga á meðan á uppboði stendur.
  
• Bjóðendur skulu opna skilboðadálkinn í Meet forritinu og skrifa þar boð sín. Ekki er hægt að taka við boðum fjarstaddra um hljóð/mynd, einungis með skriflegum boðum.
  
• Þegar einhver fjarstaddra skrifar boð kallar tæknistjórinn boðið til uppboðshaldara sem tekur við því eins og hverju öðru boði úr sal“.

Stjórn ÍRA.

Oceania DX keppnin á morsi verður haldin um næstu helgi, 8.-9. október. Landsfélög radíóamatöra í Ástralíu (WIA) og á Nýja Sjálandi (NZART) standa saman að viðburðinum.

Þetta er 24 klst. keppni sem hefst kl. 06 laugardaginn 8. október og lýkur kl. 06 sunnudaginn 9. október. Keppnin fer fram á 160, 80, 40, 20, 15 og 10 metra böndunum.

QSO punktar fyrir sambönd við stöðvar í Eyjaálfu (e. Oceania) eru: 160m=20; 80m=10, 40m=5, 20m=1, 15m= 1 og 10m=3. Sambönd við stöðvar utan álfunnar gefa ekki punkta. Margfaldarar reiknast fyrir fyrsta samband á hverju bandi við hvert forskeyti kallmerkja í Eyjaálfu. Önnur sambönd gefa ekki margfaldara.

Vefslóð á keppnisreglur: https://www.oceaniadxcontest.com/rules

Með ósk um gott gengi!

Stjórn ÍRA.

Ágætu félagsmenn!

Því fylgir ánægja að tilkynna um útkomu félagsblaðsins okkar, CQ TF 4. tbl. 2022.

Það kemur út á stafrænu formi hér á heimasíðunni í dag, sunnudaginn 2. október.

Vefslóð: http://www.ira.is/wp-content/uploads/2022/10/CQTF-4-2022.pdf

Félagskveðjur og 73,

Stjórn ÍRA.

Radíóamatörum hér á landi standa til boða eftirtaldir endurvarpar á VHF og UHF, stafvarpar og/eða internetgáttir á VHF og radíóvitar á VHF.

Endurvarpar í metrabylgjusviðinu (VHF):
TF1RPB – Bláfjöll (2 metrar).
TF1RPE – Búrfell (2 metrar).
TF2RPJ – Mýrar (2 metrar).
TF3RPA – Skálafell (2 metrar).
TF3RPK – Skálafell (2 metrar).
TF5RPD – Vaðlaheiði (2 metrar).

Endurvarpar í sentímetrabylgjusviðinu (UHF):
TF3RPI – Bláfjöll (70 sentímetrar) (stafrænn endurvarpi fyrir D-STAR fjarskiptakerfið).
FM hlekkur – Bláfjöll (70 sentímetrar) (tengdur við TF2RPJ).

Stafvarpar og/eða internetgáttir í metrabylgjusviðinu (VHF):
TF1APA – Búrfell; stafvarpi (64°04.77′ N 19°49.11′ W).
TF1APB – Reynisfjall; stafvarpi (63°24.85′ N 19°01.70′ W).
TF1MT-1 – Landeyjar; stafvarpi/internetgátt (63°35.07′ N 20°09.08′ W).
TF3IRA-1Ø – Reykjavík; stafvarpi/internetgátt (64°07.53′ N 21°56.98′ W) .
TF3RPF – Reykjavík; stafvarpi (64°07.20′ N 21°48.57′ W).
TF5SS – Akureyri; internetgátt (65°38.85′ N 18°06.38′ W).
TF8APA – Grindavík; stafvarpi (63°51.91′ N 22°26.20′ W).
TF1SS-1 – Úlfljótsfjall; stafvarpi (Gráður N-W N/A).

Radíóvitar í metrabylgjusviðinu (VHF):
TF1VHF á 50 MHz – Álftanes á Mýrum.
TF1VHF á 70 MHz – Álftanes á Mýrum.

.

KiwiSDR viðtækin yfir netið á Bjargtöngum, Galtastöðum og Raufarhöfn eru í góðu lagi 22. september, nema Airspy R2 SDR viðtækið Perlunni er úti. Unnið er að viðgerð.

KiwiSDR viðtækið sem setja átti upp til prufu í fjarskiptaherbergi ÍRA reyndist bilað, en þess er að vænta að það verði QRV á næstunni.

Bjargtangar. KiwiSDR (10 Khz – 30 MHz): http://bjarg.utvarp.com
Galtastaðir í Flóa. KiwiSDR (10 kHz – 30 MHz): http://floi.utvarp.com/
Perlan.  Airspy R2 SDR (24 MHz til 1800 MHz). http://perlan.utvarp.com
Raufarhöfn. KiwiSDR (10 kHz – 30 MHz):  http://raufarhofn.utvarp.com

Stjórn ÍRA.