,

TF1RPB QRV á nýju loftneti

TF1RPB hefur aðsetur í þessu húsi í Bláfjöllum í 690 metra hæð yfir sjávarmáli. Ljósmynd: TF3ARI.

Ari Þórólfur Jóhannesson, TF3ARI, fékk far í Bláfjöll í morgun, 20. nóvember. Við það tækifæri var endurvarpi félagsins, TF1RPB („Páll”), tengdur yfir á ¼-bylgju GP loftnet þar á staðnum sem félagið fékk heimild til að nota. Um leið var APRS stafvarpinn TF1APB, tengdur á ný, nú við það loftnet sem TF1RPB hafði notað áður. Báðir varparnir eru nú QRV og fyrstu niðurstöður um styrk á merkjum frá þeim á höfuðborgarsvæðinu lofa góðu.

Stjórn Í.R.A. þakkar Ara Þórólfi Jóhannessyni, TF3ARI, fyrir að hafa tekist á hendur þessa ferð og Jóni Þóroddi Jónssyni, TF3JA, fyrir aðstoð við undirbúning ferðarinnar.

Loftnet TF1RPB er GP loftnetið sem er staðsett hægra megin á þaki hússins. Ljósmynd: TF3ARI.

Kenwood TKR-750 endurvarpinn hvílir á “cavity” síum sínum og aflgjafinn þar ofan á. Ljósmynd: TF3ARI.

Búnaður stafvarpans TF1APB er staðsettur í sama húsi og TF1RPB. Ljósmynd: TF3ARI.

TF1RPB; stutt yfirlit.

Það var sumarið 2010 sem félagið festi kaup á nýju 3 metra háu stangarloftneti með 4 radíölum fyrir TF1RPB sem sett var upp í ágúst það ár (Hustler G6-144B, sem hefur 6 dB ávinning yfir tvípól). Það loftnet stóð sig afburða vel um 14 mánaða skeið, uns stagfesta fyrir burðarstaur gaf sig í hvassviðri í október 2011 og staurinn féll til jarðar. Staurinn mun þó hafa fallið á “réttu” hliðina, þannig að loftnet félagsins er óskemmt.

TF1RPB varð loks QRV á ný þann 14. júní 2012 þegar TF3WS lagði á fjallið. Þá hafði fengist heimild til að nota til bráðabirgða, gamalt loftnet á staðnum sem reyndist vel um 3 mánaða skeið, uns endurvarpinn fékk í sig eldingu. Í framhaldi var tekin sú ákvörðun þann 8. september að sækja Kenwood endurvarpa félagsins á Garðskaga (sem hafði þjónað TF8RPH vel frá því í apríl) og var hann fluttur í Bláfjöll af þeim TF3WS og TF3ARI að morgni 9. september. Endurvarpinn gekk síðan með ágætum fram undir miðjan október uns sambandsleysi í gamla loftnetinu varð yfirþyrmandi. Þann 20. október, lagði TF3JA á fjallið og tengdi hann varpann til bráðabirgða á APRS loftnet TF1APB. TF1RPB gekk síðan ágætlega á því loftneti í mánaðartíma, uns sviðsstyrkur hans nánast hvarf. Í ljós kom, að stilkur APRS loftnetsins hafði brotnað af festingunni og fokið. Á ný átti TF3JA ferð á fjallið þann 18. nóvember og var TF1RPB aftur tengdur við gamla netið og gekk ágætlega, en sviðsstyrkur frá því var minni samanborið við áður. Til að laga þá stöðu mála, lagði TF3ARI á fjallið í morgun (20. nóvember) og tengdi endurvarpann við ofangreint loftnet sem virðist koma vel út.

/by
,

Erindi hefur borist frá Póst- og fjarskiptastofnun

Í.R.A. hefur borist erindi frá Póst- og fjarskiptastofnun dags. 14. nóvember þess efnis, að íslenskum leyfishöfum er veitt framlengd tímabundin heimild til notkunar á tíðnisviðinu 70.000-70.200 MHz (4 metrum). Heimildin er veitt í tilraunaskyni með eftirfarandi skilyrðum:

1. Hámarks bandbreidd er 16 kHz; engin skilyrði hvað varðar mótun.
2. Hámarks útgeislað afl er 100W.
3. Heimildin er veitt með þeim fyrirvara, að komi til truflana á annarri fjarskiptastarfsemi verður að hætta sendingum strax.
4. Heimildin gildir til 31.12.2014.
5. Kallmerki skal notast í upphafi og lok fjarskiptasambands og með viðeigandi reglulegu millibili á meðan fjarskiptasamband varir.

Erindi PFS er svar við beiðni félagsins sem sent var stofnuninni fyrr í mánuðinum.

Núgildandi heimild, hefði að óbreyttu runnið út í lok þessa árs (2012). Ný heimild er áfram veitt á víkjandi grundvelli samkvæmt forgangsflokki 2. Leyfishafar skulu sækja sérstaklega um til PFS áður en starfræksla er hafin á hrh@pfs.is eða pfs@pfs.is

Stjórn Í.R.A. fagnar áframhaldandi heimild til handa íslenskum leyfishöfum til nota á ofangreindu tíðnisviði til loka ársins 2014.

________

Í svari frá Póst- og fjarskiptstofnun sem félaginu barst í dag, þann 20. nóvember,
kemur í ljós að PFS fer þess á leit að leyfishafar endurnýji ósk/óskir um heimildir
til starfrækslu í eftirtöldum þremur tíðnisviðum eftir 1. janúar n.k.:

1850-1900 kHz (2013).
5260-5410 kHz (2013 og 2014).
70.000-70.000 MHz (2012 og 2014).

Ekkert er því til fyrirstöðu að menn sæki um heimild á öllum þremur tíðnisviðunum í sama tölvupósti/bréfi.

/by
,

DVD heimildarmynd frá HKØNA á fimmtudag

Næsti viðburður á vetrardagskrá félagsins verður haldinn fimmtudaginn 22. nóvember kl. 20:30 í Skeljanesi. Þá verður sýnd DVD heimildarmynd frá DX-leiðangrinum til Malpeolo Island, HKØNA, sem farinn var dagana 21. janúar til 6. febrúar 2012.

Leiðangurinn hafði alls 195,292 QSO. Sýningarstjóri verður Guðmundur Sveinsson, TF3SGog er sýningartími myndarinnar 51 mínúta. Sýningin er í boði Brynjólfs Jónssonar, TF5B, sem jafnframt færir félaginu mynddiskinn til eignar.

Eyjan Malpelo, Isla de Malpelo, er staðsett í 378 km fjarlægð frá Kyrrahafsströnd Kólumbíu. Á eyjunni er engin byggð, en herstöð frá kólumbíska hernum sem hefur verið mönnuð í aldarfjórðung. Eyjan er á skrá UNESCO yfir helstu náttúruminjar heims.

Stjórn Í.R.A. hvetur félagsmenn til að láta viðburðinn ekki fram hjá sér fara. Kaffiveitingar.

________


Eftirtaldar TF stöðvar höfðu samtals 45 QSO við leiðangurinn:

Kallmerki

QSO
TF3ZA 10
TF3DX/M 8
TF4M 8
TF3Y 6
TF8GX 3
TF3DC 2
TF3SG 2
TF2JB 1
TF2LL 1
TF3CW 1
TF3EE 1
TF3GL 1
TF3IRA 1

Heimild: Heimasíða Clublog.

/by
,

Erindi hefur borist frá Póst- og fjarskiptastofnun

Í.R.A. hefur borist erindi frá Póst- og fjarskiptastofnun dags. 13. nóvember þess efnis, að íslenskum leyfishöfum er veitt framlengd tímabundin heimild til notkunar á tíðnisviðinu 5260-5410 kHz (60 metrum). Heimildin er veitt í tilraunaskyni með eftirfarandi skilyrðum:

1. Leyfilegar mótunaraðferðir eru 3K0J3E (USB), 100H0A1A (CW) og 60H0J2B (PSK-31).
2. Hámarks útgeislað afl er 100W (20dBW).
3. Hámarks bandbreidd er 3 kHz.
4. Heimildin er veitt með þeim fyrirvara, að komi til truflana á annarri fjarskiptastarfsemi verður að hætta sendingum strax.
5. Heimildin gildir til 31.12.2014.
6. Kallmerki skal notast í upphafi og lok fjarskiptasambands og með viðeigandi reglulegu millibili á meðan fjarskiptasamband varir.

Erindi PFS er svar við beiðni félagsins sem sent var stofnuninni fyrr í mánuðinum.

Núgildandi heimild, hefði að óbreyttu runnið út í lok þessa árs (2012). Ný heimild er áfram veitt á víkjandi grundvelli samkvæmt forgangsflokki 2. Leyfishafar skulu sækja sérstaklega um til PFS áður en starfræksla er hafin á hrh@pfs.is eða pfs@pfs.is

Stjórn Í.R.A. fagnar áframhaldandi heimild til handa íslenskum leyfishöfum á ofangreindu tíðnisviði til loka ársins 2014.

/by
,

Vel heppnaðar sunnudagsumræður hjá TF3SB

Sigurbjörn Þór Bjarnason TF3SB í Skeljanesi þann 18. nóvember. Á myndinni má einnig sjá Ara Þórólf Jóhannesson TF3ARI.

2. sunnudagsopnun á yfirstandandi vetrardagskrá var haldin sunnudaginn 18. nóvember í félagsaðstöðu Í.R.A. við Skeljanes. Sigurbjörn Þór “Doddi” Bjarnason, TF3SB, mætti í sófaumræður og var yfirskriftin: Lampatækin lifa enn; Heathkit HW 101 á staðnum.

Flestir voru mættir upp úr kl. 10 en Doddi byrjaði umræðurnar nákvæmlega kl. 10:30. Hann fjallaði fyrst á afar fróðlegan hátt um mismunandi gerðir lampa og síðan um tímabilið ca. frá 1960 til 1980 og um helstu framfarir í HF stöðvum radíóamatöra á þeim tíma. Sérstaklega var rætt um stöðvar frá Heathkit, Collins, Swan, R.L. Drake og fleiri. Doddi fékk mikið af spurningum sem hann svaraði greiðlega og út frá þeim voru sagðar margar skemmtilegar “lampatækjasögur”.

TF3SB mætti í Skeljanes með (sem nýja) Heathkit HW-101 sendi-/móttökustöð, en HW-101 var einhver vinsælasta HF stöðin upp úr 1970 um allan heim (þ.m.t. á Íslandi). Hann kom einnig með „original” aflgjafa, SpeedEx („original”) handmorslykil og Shure 444D borðhljóðnema. Oskerblock „original” silfraði afl-/standbylgjumælir félagsins var notaður og valkvætt gerviálag frá Celwave svo og Butternut HF6Vstangarloftnet
félagsins.

Eftir umræður, gafst viðstöddum tækifæri til að handleika og prófa HW-101 stöðina. Eins og áður segir, var hún sem ný á að líta og silkimjúkar stillingar VFO’sins vöktu athygli. Miðað var við að dagskrá yrði tæmd á hádegi en þar sem umræðuefnið var mönnum hjartfólgið var húsið ekki yfirgefið fyrr en klukkustund síðar.

Stjórn Í.R.A. þakkar Sigurbirni Þór Bjarnasyni, TF3SB, fróðlegan og áhugaverðan viðburð.

Doddi flutti afar fróðlegt inngangserindi um mismunandi gerðir lampa. Frá vinstri: Carl Jóhann Lilliendahl TF3KJ, Mathías Hagvaag TF3-Ø35, Sigurbjörn Þór Bjarnason TF3SB og Brynjólfur Jónsson TF5B.

Jón Þóroddur Jónsson TF3JA skoðar búnaðinn af áhuga. Carl Jóhann Lilliendahl TF3KJ fylgist með.

/by
,

Gervihnattafjarskipti frá TF3IRA á laugardegi

Ari Þórólfur Jóhannesson TF3ARI í sambandi frá TF3IRA um VUsat Oscar 52 (Hamsat) gervitunglið.

Ari Þórólfur Jóhannesson, TF3ARI og Benedikt Guðnason, TF3TNT, leiðbeindu og voru með sýnikennslu á hraðnámskeiði í fjarskiptum um gervitungl radíóamatöra frá félagsstöðinni, TF3IRA, í Skeljanesi, laugardaginn 17. nóvember.

Sambönd náðust í gegnum AMSAT Oscar 7, Fuji Oscar 29 (Jas 2), VUsat Oscar 50 og Saudi Oscar 52. Af þessum fjórum gervihnöttum er sent á þá alla á 70 cm og hlustað á 2 metrum, nema AMSAT Oscar 7, þar sem sent er á 2 metrum ogh hlustað á 70 cm. Flest samböndin voru höfð á SSB, nema á Oscar 50, þar sem notuð var tíðnimótun (FM). Að þessu sinni náðust ekki sambönd á morsi. Viðburðurinn var afar fróðlegur og vel heppnaður. Alls mættu 11 félagar í Skeljanes þennan sólríka laugardag.

Stjórn Í.R.A. þakkar þeim Ara Þórólfi Jóhannessyni, TF3ARI og Benedikt Guðnasyni, TF3TNT, fyrir áhugavert og vel heppnað námskeið og TF3JB og TF3SB fyrir meðfylgjandi ljósmyndir.

Slegið var á létta strengi á meðan beðið var næsta gervihnattar. Frá vinstri: Benedikt Guðnason TF3TNT, Ari Þórólfur Jóhannesson TF3ARI, Brynjólfur Jónsson TF5B og Mathías Hagvaag TF3-Ø35.

Næsti gervihnöttur kominn. Frá vinstri: Benedikt Guðnason TF3TNT, Ari Þórólfur Jóhannesson TF3ARI, Jón Þ. Jónsson TF3JA, Vilhjálmur Ívar Sigurjónsson TF3VS og Sigurbjörn Þór Bjarnason TF3SB.

Upplýsingar um gervihnetti í boði á milli kl. 16 og 19 laugardaginn 17. nóvember.

Ari Þór Jóhannesson TF3ARI og Brynjólfur Jónsson TF5B skeggræða um gervihnattafjarskiptin.

/by
,

Vel heppnað fimmtudagserindi hjá TF3Y

Yngvi Harðarson TF3Y kynnti “Logbook of the World” gagnagrunnin í Skeljanesi þann 15. nóvember.

Fimmtudagserindið þann 15. nóvember var í höndum Yngva Harðarsonar, TF3Y, og nefndist: Logbook of the World (LoTW); hvar og hvernig. Yngvi kynnti rækilega hvernig leyfishafar bera sig að við að öðlast skráningu í gagnagrunninn sem getur verið vandasamt, nema að reglum ARRL sé fylgt.

Hann sýndi einnig að auðvelt er að hafa fleiri en eina skráningu í grunninum, t.d. fyrir TF3YHN, TF3YH og TF3Y. Hann sýndi einnig hvernig farið er að því að senda dagbókargögn í grunninn og benti m.a. á að mörg dagbókarforrit bjóði valkvætt, t.d. að senda gögn strax eftir að QSO’i er lokið. Hann fór einnig vel yfir, hve þægilegt og auðvelt er að fletta í eigin gögnum í grunninum og svaraði fjölda spurninga viðstaddra. Alls mættu 29 félagar í Skeljanes þetta ágæta fimmtudagskvöld og áttu ánægjulega og fróðlega kvöldstund.

Stjórn Í.R.A. þakkar Yngva Harðarsyni, TF3Y, fyrir mjög áhugavert og vel heppnað erindi.

Yngvi fór vel yfir valmyndir gagnagrunnsins þar sem hægt er að kalla fram hinar ýmsu upplýsingar.

Frá vinstri: Ársæll Óskarsson TF3AO, Georg Magnússon TF2LL, Brynjólfur Jónsson TF5B, Vilhjálmur Þór Kjartansson TF3DX, Jón Gunnar Harðarson TF3PPN og Jón Þóroddur Jónsson TF3JA.

Frá vinstri: Haraldur Þórðarson TF3HP, Guðmundur Ingi Hjálmtýsson TF3IG, Óðinn Þór Hallgrímsson TF2MSN, Ólafur B. Ólafsson TF3ML, Jón Bergsson TF3JX, Sæmundur E. Þorsteinsson TF3UA, Ari Þ. Jóhannesson TF3ARI, Þór Þórisson TF3GW, Sigurbjörn Þ. Bjarnason TF3SB og Kjartan H. Bjarnason TF3BJ.

Vegna mistaka voru aðeins sæti fyrir 25 manns í sal þannig að sumir urðu að sætta sig við að standa.

/by
,

TF3SB verður á 2. sunnudagsopnun vetrarins

Sigurbjörn Þór Bjarnason, TF3SB

2. sunnudagsopnun á yfirstandandi vetrardagskrá verður haldin sunnudaginn 18. nóvember n.k. kl. 10:30 í félagsaðstöðu Í.R.A. við Skeljanes. Sigurbjörn Þór “Doddi” Bjarnason, TF3SB,mætir í sófaumræður og er yfirskriftin: Lampatækin lifa enn. Hann tekur með sér eintak af Heathkit HW-101 sem var einhver vinsælasta HF amatörstöðin upp úr 1970 um allan heim (þ.m.t. á Íslandi).

HW-101’inn verður tengdur við loftnet og gefst mönnum tækifæri til að handleika og prófa gripinn. Doddi kemur með hljóðnema og morslykil. Húsið verður opnað kl. 10 árdegis og er miðað við að dagskrá verði tæmd á hádegi.

Stjórn Í.R.A. hvetur félagsmenn til að mæta tímanlega. Kaffiveitingar.

________

Fyrirkomulag umræðna í sunnudagsopnunum er hugsað sem afslappað, þ.e. þar sem menn sitja með kaffibolla í stóra sófasettinu og ræða amatör radíó. Tiltekinn leyfishafi sem hefur staðgóða þekkingu á viðkomandi umræðuefni, að þessu sinni Heathkit, leiðir umræðuna og svarar spurningum.

The HW-101: Our hero, the HW-101, came along around the early 70’s and stayed in production for 12 or 13 years! While production numbers are vague, it is estimated that 35,000 to 40,000 were produced by Heathkit during those years. It is still regarded as a very capable rig and has earned it’s place in Heathkit and amateur radio history as the most popular radio by numbers sold, at least for tube radios.

It was an improvement over the HW-100 by offering a CW filter as an option, and by using a better VFO and main tuning drive design. It also had better receive sensitivity than the HW-100. The HW-101 was so good that it was produced and sold for almost 13 years with very few changes or improvements. It sold, in kit form, for $399.95 in the fall 1980 Heathkit catalog, with the optional CW filter adding another $44.95. Heathkit ran specials over it’s production life and, consequently, the HW-101 could be purchased at times for less. It has gone down in amateur radio history as one of the most beloved, respected, and successful transceivers in history.

/by
,

Fjarskipti um gervitungl frá TF3IRA á laugardag

TF3ARI og TF3TNT leiðbeindu og voru með sýnikennslu á hraðnámskeiði í gervihnattafjarskiptum.

Næsti viðburður á vetrardagskrá félagsins fer fram í Skeljanesi laugardaginn 17. nóvember kl. 16-19. Þá munu þeir Ari Þórólfur Jóhannesson, TF3ARI og Benedikt Guðnason, TF3TNT, verða með kynningu á því hvernig DX-sambönd um gervitungl fara fram. Þetta er endurtekning á vel heppnuðum viðburði, sem fram fór frá félagsstöðinni þann 20. október s.l. Að þessu sinni verða höfð sambönd bæði á morsi og tali.

TF3IRA er nú að fullu QRV til fjarskipta um gervitungl. Á laugardag verður þess m.a. freistað að ná sambandi við geimstöðina ARISS, en um borð eru geimfarar sem jafnframt eru radíóamatörar. Meðal geimfara í stöðinni um þessar mundir er radíóamatörinn Akihiko Hoshide, KE5DNI, sem hefur að undanförnu haft töluvert af samböndum við aðra leyfishafa á jörðu niðri og við þau tækifæri notað kallmerki geimstöðvarinnar, OR4ISS.

Stjórn Í.R.A. hvetur félagsmenn sem hafa áhuga á fjarskiptum af þessu tagi, að láta þennan viðburð ekki fram hjá sér fara. Kaffiveitingar.


Yfirlit yfir gervihnattabúnað TF3IRA.

(1) VHF/UHF hringpóluð Yagi loftnet frá M2. VHF netið er af 2MCP14 gerð; 14 staka með 10.2 dBdc ávinningi. UHF netið er af 436CP30 gerð; 30 staka með 14.15 dBdc ávinningi. (2) Rótor er frá Yaesu af G-5400B gerð, sambyggður fyrir lóðréttar og láréttar stillingar. Með honum fylgir fjölstillikassi (e. Elevation Azimuth Dual Controller) stýranlegur frá tölvu. (3) VHF og UHF formagnarar eru frá SSB-Electronic GmbH. Mögnun er 20 dB/0,8 dB suðhlutfall á VHF og 20 dB/0,9 dB suðhlutfall á UHF. (4) Kenwood TS-2000 sendi-/móttökustöð félagsins er notuð til fjarskipta um gervitungl. Hún er mest 100W á 144-146 MHz og mest 50W á 430-440 MHz.

/by
,

TF3IRA fær nýja VHF-UHF FM stöð

Yaesu FT-7900E stöðin er staðsett á vinstra horni hillunnar á fjarskiptaborði-B. Auðvelt er að ganga að henni, enda hugmyndin að hana megi nota til styttri sambanda, þrátt fyrir að Kenwood 2000 stöðin sé í notkun hjá öðrum sem situr í stólnum við fjarskiptaborðið.

Benedikt Guðnason, TF3TNT, stöðvarstjóri TF3IRA, tengdi nýja Yaesu FT-7900E FM VHF/UHF stöð félagsins fimmtudagskvöldið 8. nóvember s.l., en J-póll loftnet stöðvarinnar var sett upp á ný (eftir viðgerð) nokkru áður. Stöðin er látin skanna tíðnir íslensku endurvarpana á VHF, þ.e. TF1RPB, TF1RPE, TF3RPA, TF3RPC, TF5RPD og TF8RPH, auk þess að skanna kalltíðnirnar 144.500 MHz og 433.500 MHz.

Sendiafl FT-7900E er valkvætt, 5/10/20/50W á 2 metrum og 5/10/20/45W á 70 cm. Viðtækið þekur aukalega tíðnisviðin 108-520 MHz og 700-1000 MHz. FT-7900E stöðin kemur í stað eldri stöðvar (Yaesu FT-4700RH) sem félaginu var gefin fyrir rúmum tveimur áratugum. Nettó kostnaður félagssjóðs vegna nýju stöðvarinnar er 20 þúsund krónur.

Hugmynd stöðvarstjóra er að tengja lágtalara við stöðina n.k. fimmtudag og koma fyrir í salnum niðri. Þannig, að félagar geti kallað á TF3IRA og verið nokkuð vissir um að fá svar þegar viðvera er í Skeljanesi. Þessu fylgja ótvíræð þægindi, m.a. þegar menn gera tilraunir á 2 metrum og 70 sentímetrum. Því skal haldið til haga, að þótt Kenwood TS-2000 stöð félagsins geti verið QRV með ágætum í þessum tíðnisviðum, þá er ekki heppilegt að taka hana fyrir not af þessu tagi, þar sem hún þarf að geta verið til reiðu jafnt á HF sem og á VHF/UHF (í gegnum gervitungl) á opnunarkvöldum.

FT-7900E í nærmynd. Benedikt forritaði stöðina með nöfnum endarvarpanna annarsvegar, og með nöfnum kalltíðnanna hinsvegar. Stafirnir “CAL UHF” þýðir þannig “kalltíðni á UHF” sem er tíðnin 433.500 MHz.

FT-7900E komið fyrir á fjarskiptaborði-B í fjarskiptaherbergi TF3IRA fimmtudagskvöldið 8. nóvember.

Benedikt Guðnason, TF3TNT, stöðvarstjóri, heldur hér á J-pól loftnetinu eftir gagngera viðgerð. Loftnetið sem er smíðað úr koparrörum, var orðið ansi spansgrænt. Þegar lokið var við að fjarlægja spansgrænuna, var það varið með því að úða á það sérstöku hvítu lakki til varnar, enda Atlantshafið aðeins í nokkurra tuga metra fjarlægð frá notkunarstaðnum. J-póllinn var smíðaður af Vilhjálmi Ívari Sigurjónssyni, TF3VS, sem gaf félaginu það fyrir 10 árum.

/by