Stjórn ÍRA óskar þátttakendum í prófi Póst- og fjarskiptastofnunar til amatörleyfis, sem fram fer laugardaginn 14. desember í Háskólanum í Reykjavík góðs gengis.
Jafnframt er starfsmönnum Póst- og fjarskiptastofnunar, prófnefnd ÍRA, leiðbeinendum á námskeiði ásamt umsjónarmanni og öðrum þeim sem að verkefninu komu, færðar þakkir fyrir gott framlag.
Þá vill félagið ennfremur þakka stuðning forráðamanna Háskólans í Reykjavík fyrir þann velvilja sem félaginu er sýndur með aðgangi að kennslurými skólans.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-13 19:56:292019-12-13 20:07:29ÓSK UM GOTT GENGI OG ÞAKKIR
Síðasti viðburður á vetrardagskrá ÍRA október-desember 2019 er árlegt jólakaffi félagsins, sem haldið verður í félagsaðstöðunni í Skeljanesi, fimmtudaginn 19. desember.
Húsið verður opnað kl. 20:00 að venju.
Þetta verður jafnframt síðasta opnun félagsaðstöðunnar á þessu ári en hún verður næst opin fimmtudaginn 9. janúar 2020.
Prófnefnd ÍRA hefur sent frá sér eftirfarandi tilkynningu:
Amatörpróf Póst- og fjarskiptastofnunar verða haldin í Háskólanum í Reykjavík, stofu V109, laugardaginn 14. desember 2019, sem hér segir:
10:00-12:00 Raffræði og radíótækni 13:00-15:00 Reglur og viðskipti 15:30 Prófsýning
Almenn skráning í próf fer fram með tölvupósti, sem senda skal á bæði þessi netföng: hrh@pfs.isbjarni@pfs.is
hjá Póst- og fjarskiptastofnun, með efnisorðinu „prófskráning“.
ÍRA sendir inn lista fyrir þá sem eru skráðir á námskeiðið sem nú er í gangi.
Eftirfarandi stuðningsúrræði, sem varða lestur, eru í boði ef um það er beðið með 2ja daga fyrirvara með því að hringja í Vilhjálm, TF3DX, í síma 567-4013.
a. litaður pappír, folgrænn eða drapplitur og b. stækkun í A3.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-11 17:18:452019-12-12 15:32:19AMATÖRPRÓF 14. DESEMBER
Keppnisnefnd CQ hefur birt bráðabirgðaniðurstöður (e. raw scores) í morshluta keppninnar frá 23.-24. nóvember s.l. Áætlaður heildarárangur er í punktum (P) yfir heiminn (H) og yfir Evrópu (EU).
Árangur TF3CW frá ED8W er frábær, 2. sæti yfir heiminn og 1.
sæti í Evrópu. Hamingjuóskir til Sigga og annarra þátttakenda.
Þriðja sunnudagsopnun á yfirstandandi vetrardagskrá var haldin sunnudaginn 8. desember kl. 11 árdegis. Kristján Benediktsson, TF3KB, mætti í Skeljanes og fjallaði um tíðniplön á HF amatörböndunum.
Kristján greindi frá sögulegum þáttum þessara „umferðarreglna“ radíóamatöra og skýrði m.a., að þetta væru reglur sem við settum okkur sjálfir innan ríkjandi tíðniheimilda stjórnvalda. Hann fór vel yfir tíðniplanið fyrir okkar svæði, IARU Svæði 1 og nefndi helstan mun á milli svæðanna þriggja (I, II og III) í heiminum.
Fram kom, að stóru landsfélögin, m.a. ARRL, DARC og RSGB,
hafi látið útbúna meðfærileg plaköt sem hafa má á vegg í fjarskiptaherbergi,
þar sem sjá má á augnabliki skipulag fyrir hvert band. Slíkt væri mjög til
þæginda. Kristján gat þess jafnframt, að ríkjandi tíðniplan væri uppfært eftir
þörfum, en þess sé að væta að gefið verði út nýtt skjal á næsta ári (2020).
Bestu þakkir til Kristjáns fyrir fróðlegar, áhugaverðar og nytsamar umræður um efni sem sumpart mætti vera meir í umræðunni. Alls mættu 10 félagsmenn og 1 gestur í Skeljanes þennan kyrra og fallega vetrarmorgun í vesturbænum.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-08 14:07:182019-12-08 14:35:09TF3KB FJALLAÐI UM TÍÐNIPLÖN Á SUNNUDEGI
Sunnudaginn 8. desember kl. 11 árdegis verða svokallaðar „sófaumræður“ í Skeljanesi; þær þriðju á yfirstandandi vetrardagskrá. Til umfjöllunar verða tíðniplön á amatörböndunum. Kristján Benediktsson, TF3KB, leiðir umræður.
Kristján mun m.a. ræða skiptingu tíðnisviðanna eftir tegund útgeislunar og notkun. Farið verður yfir tíðniplön fyrir tíðnisviðin frá 136 kHz til 30 MHz.
Húsið opnar kl. 10:30. Vandaðar kaffiveitingar frá
Björnsbakaríi.
Stjórn ÍRA.
–
Sófaumræður eru það fyrirkomulag, þegar boðið er upp á umræður á messutíma sem eru hugsaðar sem afslappaðar, þ.e. þar sem menn sitja með kaffibolla í stóra sófasettinu og ræða amatör radíó. Tiltekinn leyfishafi sem hefur staðgóða þekkingu á viðkomandi umræðuefni, leiðir síðan umræðuna og svarar spurningum.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-04 15:18:042019-12-04 15:24:14SUNNUDAGUR 8. DESEMBER Í SKELJANESI
Kallmerki með viðskeytinu YOTA (Yongsters On The Air) eru þegar byrjuð að heyrast á böndunum, enda desembermánuður byrjaður.
“Við verðum aðeins seinni í gang núna en í fyrra”, sagði Elín í samtali við tíðindamann, “en við byrjum á fullu 17. desember”. Þá ætla þau Elín Sigurðardóttir, TF2EQ og Árni Freyr Rúnarsson, TF8RN, að hefjast handa og virkja kallmerkið TF3YOTA. Hugmynd þeirra er jafnframt að bjóða ungu fólki á staðinn og gefa því tækifæri til að kynnast áhugamálinu og fjarskiptunum.
YOTA verkefnið hófst í fyrra (2018) og verður
starfrækt í desember ár hvert. Það er hugsað til að auka áhuga ungs fólks á
amatör radíói. Verkefnið er á vegum IARU Svæðis 1 og eru öll landsfélög
radíóamatöra innan Svæðisins þátttakendur (auk landsfélaga á Svæðum 2 og 3).
Elín Sigurðardóttir, TF2EQ, ungmennafulltrúi félagsins, er frumkvöðull að þátttöku ÍRA og er jafnframt YOTA verkefnisstjóri félagsins ásamt Árna Frey Rúnarssyni, TF8RN. Mathías Hagvaag, TF3MH, QSL stjóri kortastofnunnar annast QSL mál sem fyrr.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-03 18:34:172019-12-03 18:59:28TF3YOTA VERÐUR QRV Í DESEMBER
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-12-01 18:19:222019-12-01 20:59:29OPIÐ HÚS Í SKELJANESI 5. DESEMBER
Þátttakendum á yfirstandandi námskeiði ÍRA til amatörprófs bauðst að heimsækja félagsaðstöðuna í Skeljanesi laugardaginn 30. nóvember. Jón Björnsson, TF3PW, umsjónarmaður námskeiða félagsins, skipulagði daginn sem heppnaðist mjög vel.
Dagurinn hófst kl. 10 árdegis með stuttu ávarpi formanns. TF3JB
lýsti aðstöðu félagsins og helstu starfsþáttum sem standa félagsmönnum til
boða. Að því loknu tók varaformaður við. TF3DC fór með hópinn út í portið við
austurhlið hússins og lýsti loftnetakosti TF3IRA, þ.e. 4 staka YAGI loftneti á
20M og stangarloftneti á 10, 15, 20, 40 og 80M. VHF stjóri félagsins fylgdi
hópnum líka og lýsti TF1A m.a. loftnetum sem notast við gervihnattastöð TF3IRA á
2,4 og 10 GHz.
Þegar inn var komið á ný, bættu menn á sig kaffi og á meðan fjallaði
QSL stjóri félagsins um kortamál. TF3MH lýsti mikilvægi kortastofunnar og kynnti
samvinnu hennar við aðrar í landsfélögum radíóamatöra um heiminn. Þegar menn
færðu sig upp á efri hæðina sýndi hann jafnframt aðstöðu kortastofunnar, þar
sem hver leyfishafi hefur sitt eigið hólf.
Loks færðu menn sig yfir í fjarskiptaherbergi TF3IRA þar sem þeir TF3DC og TF1A tóku við á ný og var búnaður TF3IRA kynntur. TF3DC kynnti þau tvö fjarskiptaborð sem eru til afnota fyrir HF tíðnir og TF1A kynnti þriðja borðið, sem er fyrir sambönd um Es’hail/Oscar 100 gervitunglið. Skemmtilegar umræður fylgdu, enda kynntu þeir félagar marga forvitnilega og spennandi þætti fjarskiptanna og tilheyrandi búnað.
Þeir nemendur á námskeiði félagsins sem áttu heimangengt í Skeljanes þennan ágæta laugardag voru þeir Björgvin Víglundsson, Eiður Kristinn Magnússon TF3-Ø71, Gunnar Bergþór Pálsson TF3-Ø17, Sigurður Kolbeinsson TF3-Ø66 og Sveinn Aðalsteinsson.
Bestu óskir til þeirra og annarra þátttakenda á námskeiði
félagsins um gott gengi í prófi Póst- og fjarskiptastofnunar til amatörleyfis
sem haldið verður í desember n.k.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-11-30 19:28:572019-12-04 20:40:07GÓÐIR GESTIR Í SKELJANESI 30. NÓVEMBER