Fimmtudagskvöldið 26. mars næstkomandi kl. 20.15 ætlar TF2WIN, Siggi, að halda fyrir
okkur kynningu á því hverning hann sér fyrir sér undirbúning og þáttöku
íslenskra radíóamatöra í neyðarfjarskiptum. Að lokinn framsögu Sigga er hugmyndin að
fleiri félagar IRA kynna sínar hugmyndir og tilraunir með stafræn
fjarskipti.
Fundarstjóri verður TF3JA
Ennfremur verður ferrítlúppa TF3T til sýnis, Sveinn TF3T mun svara áhugasömum um smíðina.
TF3GL
Fyrir hönd íslenskra radíóamatöra hefur stjórn ÍRA sótt um auknar tíðniheimildir á 40m bandinu til samræmis við ákvörðun World Radiocommunications Conference 2003.
Svar hefur borist frá P&F þess efnis að frá 29. mars 2009 verði radíóamatörum sem operera undir íslenskum reglum heimil notkun á tíðnisviðinu 7100-7200 kHz með sömu skilmálum og í dag eru í gildi á 7000-7100 kHz, þ.e. forgangsflokki 1 og hámarksafli G-leyfishafa 1000 W, svo:
|
Tíðnisvið |
Forgangsflokkur |
N-leyfi |
G-leyfi |
Bandbreidd |
|---|---|---|---|---|
| 7000 – 7200 KHz | 1 | 100 | 1000 | 6 KHz |
Standa vonir til að þetta verði íslenskum amatörum lyftistöng, þar sem 40m bandið er gott DX-band héðan af norðurhjara. Í þessu sambandi er mikilvægt að fara eftir nýja bandplaninu frá IARU Region 1 (en bandplanið í heild sinni má nálgast hér):
|
Frequency |
Bandwidth |
Usage |
|---|---|---|
| 7000 – 7025 | 200 | CW, contest preferred |
| 7025 – 7040 | 200 | CW, 7030 kHz – QRP Centre of Activity |
| 7040 – 7047 | 500 | Narrow band modes – digimodes |
| 7047 – 7050 | 500 | Narrow band modes – digimodes, automatically controlled data stations (unattended) |
| 7050 – 7053 | 2700 | All modes – digimodes, automatically controlled data stations (unattended)* |
| 7053 – 7060 | 2700 | All modes – digimodes |
| 7060 – 7100 | 2700 | All modes, SSB contest preferred 7070 kHz – Digital Voice Centre of Activity 7090 kHz – SSB QRP Centre of Activity |
| 7100 – 7130 | 2700 | All modes, 7110 kHz – Region 1 Emergency Centre of Activity |
| 7130 – 7200 | 2700 | All modes, SSB contest preferred, 7165 kHz – Image Centre of Activity |
| 7175 – 7200 | 2700 | All modes, priority for intercontinental operation |
TF3GL
Dótadagur / Flóamarkaður
Það verður fjör á sunnudag á flóamarkaði í félagsheimili IRA og hefst kl. 10.00., og eins og segir fyrstir koma fyrstir fá, gamlar talstöðvar fyrir lítið, rásir og hvað eina sem hugurinn girnist. Að sjálfsögðu verður boðið upp á kaffi og kökur.
Ég hvet alla til að taka virkan þátt og mæta og mæta einnig með sitt eigið dót og bjóða. Nóg er plássið.
TF3SG
Fundargerðir Í.R.A. eru nú aðgengilegar á vefnum mánuði eftir viðkomandi fund. Þær má finna á síðunni Fundargerðir.
Eftir sem áður eru fundargerðir gerðar opinberar í félagsblaðinu CQ TF.
TF3GL
Nú um helgina 7.-8. mars ætla félagar í 4×4 í ferð að miðju Íslands. Með í för verður Dagur Bragason TF3DB sem ætlar að vera á 3,633MHz eins og lesa má nánar um á spjall.ira.is.
Í.R.A. ætlar að gera tilraun með að gera kleyft að hlusta á 3,633MHz frá vef félagsins. Viðtæki hefur verið tengt við tölvu sem streymir hljóðinu út á netið.
Áhugsamir ættu að opna Vefradíó síðuna.
Þetta er til gamans og tilraunar gert um þessa helgi. Vonandi verða skilyrðin til innanlandsfjarskipta á 80M góð svo áhugsasamir geti vel heyrt frá þessari spennandi ferð þeirra 4×4 manna.
TF3GL
(Margir linkar í þessarri frétt, allir meira og minna óvirkir – TF3WZ)
Stefnt er að flóamarkaði 15. mars n.k. Nánar verður sagt frá og jafnvel greint frá einstökum hlutum sem boðnir verða. Nokkrir hafa þegar boðað komu með mikið dót.
TF3GL
Félagsheimili ÍRA verður opið á sunnudagsmorgnum frá kl. 10.00 í mars og út apríl. Stefnt er að loftnetapælingum og loftnetauppsetningum.
Mætum hress á sunnudagsmorgnum.
TF3SG
TF3JA stóð fyrir kynningu á amatörradíói í Tækniskóla Íslands föstudaginn 27. febrúar. Nítján áhugasamir nemendur mættu á kynninguna og nokkuð stór hluti þeirra hefur áhuga á að komast á amatörnámskeið. Til stendur að bjóða þeim að koma eina kvöldstund vestur í ÍRA og hlusta á aðeins meiri fróðleik um amatörradíó.
Einn félaga okkar, Vilhjálmur Sigurjónsson, TF3VS, hefur þýtt á íslensku: Samskiptareglur radíóamatöra, sem á frummálinu heitir: “Ethics and operating procedures for the radio amateur” og er eftir vel þekkta radíóamatöra, þá John ON4UN og Mark ON4WW.
Pistilinn má finna hér: Siðfræði-og-samskiptasiðir-radíóamatöra.pdf
Ekki er á hverjum degi sem efni fyrir radíóamatöra kemur út á okkar ylhýra og kunnum við Vilhjálmi bestu þakkir fyrir.
Næsta fimmtudag 26. febrúar verður kynningar- og rabbfundur um amatörradíói, Jón Þóroddur Jónsson, TF3JA mun vera með framsögu ásamt tveim öðrum mætum mönnum. Kynningin er í tengslum við kynningu á amatörradíói í Tækniskólanum föstudaginn 27. febr. Nánar verður fjallað frá þessari kynningu þegar nær dregur.
TF3SG