Íslenskir radíóamatörar – allar fréttir

Félagsaðstaða ÍRA í Skeljanesi verður opin fimmtudaginn 12. maí fyrir félagsmenn og gesti frá kl. 20-22.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri verður búinn að fara í pósthólfið og flokka kortasendingar fyrir opnun. Kaffi og meðlæti.

Töluvert er enn af óráðstöfuðu radíódóti í fundarsal og í ganginum niðri í Skeljanesi

Verið velkomin í Skeljanes!

Stjórn ÍRA.

Opið hús var í félagsaðstöðu ÍRA í Skeljanesi fimmtudaginn 5. maí.

Skemmtilegt kvöld og góðar umræður. Sérstakur gestur okkar var Ómar Magnússon, TF3WK (OZ1OM) sem er á landinu um þessar mundir. Hann sýndi okkur m.a. Chamelion ferðaloftnet sem hann hefur notað með ágætum árangri undanfarið, m.a. frá Mývatni. Ómar er búsettur í Odense í Danmörku.

Ágæt skilyrði voru á HF böndunum og var félagsstöðin virkjuð samtímis á 20 metrum (TF3WK) og á 40 metrum (TF3VG).

Vel heppnað fimmtudagskvöld í vorveðri í vesturbænum í Reykjavík og alls 15 félagar í húsi.

Stjórn ÍRA.

Félagsaðstaða ÍRA í Skeljanesi verður opin fimmtudaginn 5. maí fyrir félagsmenn og gesti frá kl. 20-22.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri verður búinn að fara í pósthólfið og flokka kortasendingar fyrir opnun. Kaffi og meðlæti. Töluvert er enn af óráðstöfuðu radíódóti í fundarsal og í ganginum niðri í Skeljanesi

Verið velkomin í Skeljanes!

Stjórn ÍRA.

Stærsta sýningin í Evrópu fyrir radíóamatöra, HAM RADIO í Friedrichshafen í Þýskalandi verður haldin 24.-26. júní n.k. Viðburðurinn féll niður s.l. 2 ár vegna faraldursins.

Ýmsir möguleikar bjóðast á flugi frá Íslandi, t.d. til Frankfurt (FRA), München (MUC) og Zürich (ZRH), auk þess sem í boði eru tengiflug til Friedrichshafen (FDH), m.a. frá Frankfurt.

A.m.k. 14 íslenskir radíóamatörar (auk maka) heimsóttu sýninguna þegar hún var síðast haldin sumarið 2019. Frásögn frá ferðinni má lesa í 4. tbl. CQ TF 2019; bls. 25-29.

Vefslóð:  http://www.ira.is/wp-content/uploads/2019/09/cqtf_33arg_2019_04tbl.pdf

Ástæða er til að benda félagsmönnum í ferðahug á að athuga með pöntun á flugi og gistingu.

Stjórn ÍRA.

Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 21. -27. apríl.

Alls fengu 24 íslensk kallmerki skráningu að þessu sinni á FT4, FT8, RTTY (fjarritun),  tali (SSB) og morsi (CW) á 10, 12, 15, 17, 20, 30, 40, 60 og 80 metrum.

Upplýsingarnar eru fengnar á http://www.dxsummit.fi/#/  Sambærilegar síður eru í boði á netinu til samanburðar. Fyrst er skráð kallmerki, þá tegund-/ir útgeislunar og band/bönd:

TF1A                      FT8 á 15, 17 og 20 metrum.
TF1EIN                  FT8 á 17, 20 og 60 metrum.
TF1EM                  FT8 á 15 og 17 metrum.
TF1JI                      SSB á 60 og 80 metrum.
TF1OL/P               FT4 á 20 metrum.
TF2LL                     SSB á 60 metrum.
TF2MSN               FT4, FT8 og SSB á 12, 15, 17 og 20 metrum.
TF3AO                   RTTY á 20 metrum.
TF3DT                    FT8 á 20 metrum.
TF3JB                     FT8 á 20 metrum.
TF3LB                    CW og FT8 á 15, 20 og 40 metrum.
TF3MH                  FT8 á 15 metrum.
TF3PPN                FT8 á 20 metrum.
TF3T                       SSB á 12 metrum.
TF3VE                    FT8 á 20 og 60 metrum.
TF3VG                   FT8 á 15 og 17 metrum.
TF3WK                  CW á 20 metrum.
TF3XO                   SSB á 20 og 80 metrum.
TF5B                      FT8 á 15 og 20 metrum.
TF6JZ                     SSB á 17 metrum.
TF7DHP                SSB á 80 metrum.
TF8KY                    SSB á 20 og 40 metrum.
TF8SM                  SSB á 40 metrum.
TF/EA5Q              FT8 á 17 og 20 metrum.

Til skoðunar er að taka reglulega saman upplýsingar af þessu tagi.

Stjórn ÍRA.

Námskeið ÍRA til amatörprófs sem hófst 28. mars er hálfnað á morgun, miðvikudaginn 27. apríl. Þá verður 9. kennslukvöldið og mun Vilhjálmur Þór Kjartansson, TF3DX m.a. fjalla um tíðni, bjögun og yfirsveiflur.

Kennsla fer fram í Háskólanum í Reykjavík í stað- og fjarnámi. Nemendur eru bæði í skólastofu í HR og í netsambandi, m.a. frá Raufarhöfn, Sauðárkróki, Súðavík, Hvolsvelli, Þorlákshöfn og höfuðborgarsvæðinu.

Miðvikudaginn 18. maí verður síðasta kennslukvöldið, sem er upprifjun auk þess sem farið verður yfir eldri próf.

Í fyrrakvöld (25. mars) var skipt um forrit til notkunar yfir netið, en frá þeim tíma hefur verið notað forritið Zoom í stað Google Meet.

Bestu óskir um gott gengi og þakkir til allra sem koma að verkefninu.

Stjórn ÍRA.