Sælir félagar.
Fimmtudaginn 6. nóvember munu Vilhjálmur, TF3DX, og Kristján, TF3KB, halda erindi og svara spurningum um NRAU ráðstefnuna sem haldin var 15.-17 ágúst sl. og IARU region1 ráðstefnuna, sem haldin var 20.-27. september sl..
Vonandi sjá sem flestir félagar sér fært að mæta í félagsheimilið og hlusta á fróðlegt erindi.
Samkvæmt venju hefst erindið kl 20.30.
Bjarni, TF3GB, ritari ÍRA.
TF4X keppnisstöðin í Otradal tók þátt í CQ WW SSB 2014 og var stjórnað með fjaraðgangi frá Reykjavík. TF3SG sem operator með K3 frá Elecraft og tilheyrandi fjaraðgangsbúnað tók þátt í flokkinum SOSB 160m High Power.
CQ WW SSB keppnin í ár fór af stað rétt eftir kröftugasta sólgos sem orðið hefur í 24 ár.
Nú til dags eru öflug hlustunarnet og öflugt sendinet og allt sem því fylgir á 160m um margt forréttindi. Það er aldrei ljósar en í miðju kröftugu sólgosi hvað stöðin er öflug. Veikustu merkin voru læsileg alveg niður í suð. Það verður ekki við ráðið ef merkin ná ekki í gegn vegna norðurljósa. Vandamálið hér á landi er ekki endilega að heyra veikustu merkin, miklu frekar að þeir sem kalla heyra ekki merkið frá TF4X vegna QRM þeirra megin. Við sólgosið tók bandið dýfu en jafnaði sig að nokkru leiti á nokkrum klukkutímum. Fyrir mig var þetta ein skemmtilegasta og lærdómsríkasta keppni fram til þessa. Allur búnaður var hnökralaus. Fjöldi sambanda var rétt rúmlega 260, 8 CQ og DXC 44. Takk fyrir mig Þorvaldur.
73
Guðmundur, TF3SG
Á QRZNOW.COM birtist í vikunni grein um stafræna talmótun á HF, “FreeDV HF Digital Voice for Radio Amateurs” eða Stafrænt tal á HF.
FreeDV er GUI forrit fyrir Windows, Linux og MacOS (BSD og Android eru í þróun). Með forritinu er hægt að nota venjulegt SSB sendiviðtæki fyrir stafrænt tal á litlum bitahraða. Talið er þjappað niður í 1600 bita/s runu sem mótuð er með 16 QPSK aðferð á 1,25 kHz breiða burðarbylgju. Í móttöku er merkið afmótað og afkóðaðmeð FreeDV. Samskipti eru læsileg niður í 2 dB S/N hlutfall og 1-2 vatta sendiafl nægir fyrir samskipti yfir langar vegalengdir. FreeDV var búið til í samstarfi alþjóðlegs hóps radíóamatöra. FreeDV er opinn hugbúnaður, skrifaður í “GNU Public License”útgáfu 2.1. Bæði talkóðarinn og afkóðarinn eru opinn hugbúnaður.
En hvers vegna stafræn mótun og FreeDV?
Amateur radíóið er að færast frá hliðrænum sendingum til stafrænna, sem er svipar til breytingarinnar frá AM til SSB á árunum 1950 til 60. Hvernig væri staðan ef eitt eðatvö fyrirtæki ættu einkaleyfi á SSB og neyddu amatöra til að nota þeirra tækni og ólöglegt væri að gera tilraunir með eða jafnvel skilja SSB-tæknina og þannig yrði staðan næstu 100 árin? Það er einmitt það sem var að gerast með stafrænt tal. En núeru radíóamatörar að ná stjórn á tækniþróuninni aftur!
FreeDV er einstakur 100% opinn hugbúnaðaður fyrir flutning á hljóði. Engin leyndarmál, ekkert einkamál! FreeDV er leið 21. aldar radíóamatöra til að myndaumhverfi þar sem frjálst er að gera tilraunir og prófa nýjungar, í stað þess að vera fastir í umhverfi fárra framleiðenda.
…já og takið eftir, 100 sinnum minna útsent afl og helmingi minni bandvídd…fyrir betri flutningsgæði.
Framtíðin er komin, við látum ekki hefta okkur!
…þýtt og endursagt de TF3JA
Í gær kom í ljós að SteppIR-greiðan í Skeljanesi virkaði ekki fullkomlega. Snemma í morgun mættu nokkrir félagar til vinnu í Skeljanesið og luku verkinu í eftirmiðdag. Endurnýjaðar voru næstum allar tengingar á stýristrengjum til staka loftnetsins. TF3Y tók að sér að klífa nokkrum sinnum upp að loftnetinu og þurfti því ekki að fella mastrið.
TF3GB, TF3Y, TF3DC og TF3VS, myndina tók TF3JA
Á fimmtudagskvöld var TF3DC að koma inn í Skeljanesið og hitti þá fyrir erlend hjón. Óskar segir frá:
Ég hitti þau Gordon/VE3FRB og Theresu/VA3TGS fyrir utan félagsheimilið þar sem ég renndi í hlað. Þau stigu út úr leigubíl. Sögðust hafa farið á heimasíðuna og getað séð að fundir væru á þessum tíma í félagsheimilinu. Þau eru mest á VHF en taka þátt í stærri viðburðum amatöra í Canada. Aðspurð sögðust þau vera mjög lítið á HF og hefðu t.d. ekki haft samband við neina TF stöð. Þau Gordon og Theresa komu upp í sjakk og voru hrifin af aðstöðunni og af þeim fjölda sem var í félagsheimilinu. 73 de TF3DC.
Nokkrar íslenskar stöðvar eru að taka þátt í keppninni um helgina, TF4X fjarstýrð frá Reykjavík, TF3CW, TF3CY, TF2LL og kannski fleiri, sagt verður frá því betur hér að lokinni öflun upplýsinga.
Á DXCOFFEE.com var í gær komin frétt um að IG9Y keppnisliðið sem ætlaði að taka þátt í keppninni frá Lampedusaeyju á kallmerkinu IQ9Y væri hætt við þáttöku því loftnetin þeirra sem sjást á myndinni hér fyrir neðan fuku öll og eyðilögðust í stormi sem geisaði í Miðjarðarhafinu aðfaranótt fimmtudags. Eyjan Lampedusa er sunnan við Sikiley í Miðjarðarhafinu hálfa leið yfir til Túnis.
TF3DX sendi á irapóstinn í gær eftirfarandi frétt:
Sælt veri fólkið!
Fékk óvænt QSO í gær um kaffileytið. Kallaði í ZD8R á 12 m úr bílnum. Hann heilsaði mér með nafni og sagði “QSP frm OH2KI …. pse 28.001”.
Ég fór þangað og þar kallaði ZD8X í mig, og mikið rétt, þetta var Jorma OH2KI. Ég kynntist honum á fundinum í Finnlandi í haust, og á ráðstefnunni í Albena varð hann góður vinur og kröftugur stuðningsmaður tillögu okkar. Þá vildi svo til að konan hans hafði pantað ferð fyrir þau til Reykjavíkur vikulokin eftir að ráðstefnunni lauk, svo við hittumst líka hér og hann tók dálitla rispu á lykilinn í bílnum úti við Gróttu, sem TF/OH2KI/M. Ég skuldaði honum tölvupóst frá því fyrir viku u.þ.b. (latur að opna þessa dagana) og var einmitt að hugsa um að koma mér heim og svara honum þegar þetta QSO kom, mér alveg að óvörum! Hafði ekkert heyrt af þeirri fyrirætlan hans að vera á Ascension Island núna. Það er nærri beint í suður frá okkur, u.þ.b. 8° sunnan miðbaugs.
Hann er þarna ásamt Olli OH0XX (ZD8R) og Oliver W6NV (ZD8W). Þeir verða í CQWW SSB keppninni um helgina, og svo áfram fram á næsta fimmtudag og skottast þá í loftið, bæði CW og SSB trúi ég. Jorma verður líklega einkum á 10 m, hann er með monoband Yagi þar, sjá ZD8X á QRZ.com:
CQWWSSB 2014, ZD8X á SSB, 28 MHz, liðið ZD8W, ZD8R, ZD8X…. ZD8X QSL beint: Jorma Saloranta, OH2KI, Marjoniementie 28, 13330 Harviala, Finland. Sjá: Vefsíða OH2KI.
Lítill maður með stóru greiðuna sína: 4 stök á 10 metrum:
Mynd: G0CKV
73, Villi TF3DX
Í gærkvöldi lauk TF3Y við að tengja og stilla stýriboxið fyrir rótor SteppIR greiðunnar í Skeljanesi, Bjarni og félagar höfðu áður lokið við viðgerð á rótornum og er því félagsstöðin tilbúin til notkunar ef einhver eða einhverjir vilja nýta sér stöðina til þáttöku í CQ WW DX SSB keppninni um helgina. Líklega er Skeljanesið eitt besta virka amatör QTHið á landinu eins og er þó svo að aðstaðan keppi ekki við loftnetin í Otradal.
Marcel ON6UQ, Jef DD2CW, Dirk ONL741 og Roger ON7TQ verða í keppninni á kallmerkinu SI9AM í Svíþjóð.
…en hægt að fylgjast með beinni útsendingu á netinu sem hefst klukkan tíu á föstudagsmorgun á unday.org…
World Heritage Grimeton Radio station
The live broadcast from Grimeton will begin at 12 PM (UTC 10) on Friday. The broadcast can be viewed on www.unday.org. The broadcast will go on for about 30 – 40 min, approximately. Unfortunately, there will be no transmission with SAQ.
Skilaboð frá Lars SM6NM, Grimeton Radio/SAQ aukaútsending
Vonast er til að hægt verði að senda út skeyti á Alexanderson rafalnum í Grimeton á 17,2 kHz á degi Sameinuðu þjóðanna 24. október, 2014 klukkan 10:00 UTC. Tíminn og hvenær byrjað verður að hita upp sendinn og stilla er ekki alveg vitað í dag en réttir tímar verða tilkynntir þegar nær dregur. Danskir námsmenn búa til skeytið sem sent verður. Í þetta skiptið er ekki ætlast til að skipst verði á QSL. Eftir sem áður verður árleg útsending á aðfangadag 24. desember klukkan 08:00, og byrjað að hita upp og stilla sendinn um klukkan 07:30 UTC, að sögn Lars.
Grimeton radíósendistöðin var tekin í notkun 1924 fyrir daga aflmikilla lampa. Notaðir eru riðstraumsrafalar til að búa til 17,2 kHz radíómerkið, aflið er 200 kW. Stöðin hefur kallmerkið SAQ og er eina stöðin sem varðveist hefur úr kerfi 18 sendistöðva sem byggt var á millistríðsárunum fyrir kreppuna miklu og náði um allan heim. Stöðinni var valinn staður á vesturströnd Svíþjóðar eftir mikla útreikninga og loftnetinu beint að USA. Stöðin í USA var á Long Island. Á fyrri hluta tuttugustu aldar var samkeppnin hörð milli radíóstöðva og ritsímasæstrengja um millilandaskeytasendingar. Til gamans má geta þess að stuttbylgju fjarskiptastöðin í Reykjavík hafði kallmerkið TFA, sendarnir voru á Rjúpnahæð og móttakan í Gufunesi. Stjórn- og afgreiðslubúnaður TFA var í Gufunesi.
Loftnetið í Grimeton
QSL kort frá Grimeton
Í gær laugardag mætti hópur vaskra amatöra í Skeljanesið og tókst að koma SteppIR greiðunni í samband á ný. Ekki er þó hægt með góðu móti að snúa loftnetinu í bili því í ljós kom að stýriboxið fyrir rótorinn var bilað eins og sést á myndum hér neðar. En áfram verður unnið að viðgerð og tók TF3Y boxið að sér. SteppIR prjónninn var skoðaður og eitt af næstu skrefum verður að koma honum í gagnið sem ætti að vera fljótgert eftir að nýja stýriboxið nær til landsins.
TF3DC, TF3Y, TF8HP, TF3GB, TF3VS. TF3JA tók myndina.
TF3Y tók þessa fínu mynd af Bjarna, TF3GB.
TF3SG mætti líka til vinnu en náðist ekki inná myndina.
Við aldursgreiningu kom í ljós að meðalaldur hópsins var nálægt 64 árum en þeir elstu nýttust til að stjórna aðgerðinni og hita kaffi, prýðis kaffi reyndar og 3DC brá sér í bakaríið og keypti ekta sixties bakkelsi þar á meðal dýrindis jólaköku að beiðni 3GB sem þó varla hafði tíma til að leggja frá sér verkfærin og koma niður úr stiganum til að njóta veitinganna.
Brunnar tengingar í rótorstýriboxinu.
Plata úr óskemmdu boxi, mynd TF3Y
SteppIR greiðan komin upp.
Neðsti hluti SteppIR prjónsins
Fundargerð frá Varna ráðstefnunni er kominn á heimasíðuna undir CEPT – NRAU – IARU á flipa hér til vinstri.
Úrdráttur á íslensku úr fundargerðinni er í vinnslu og verður settur hér (fundargerðir alþjóðasamtaka) inn jafnóðum og þýðingin vinnst.
Starfsemi IARU-R1, IARU svæði 1 fer fram í sex nefndum C1 – C6, C1 framkvæmdanefnd, C2 fjárhagsnefnd, C3 stjórnskipulagsnefnd, C4 HF-fastanefnd, C5 örbylgju-fastanefnd, C6 kosninganefnd
Á ráðstefnunni var ákveðið að setja inná fjárhagsáætlun næstu þriggja ára nýja liði, verkefni sem miða að því að vekja áhuga ungs fólks á radíóamatöráhugamálinu og ákveðið að setja á laggirnar vinnuhóp til að stýra verkefninu. Einng var ákveðið að setja inn áætlun um kostnað við að marka stefnu og kortleggja “Framtíð amatöráhugamálsins” á næstu þremur árum.
Margir hafa beðið eftir að sjá hvernig ráðstefnan tók á fjarstýringarmálum og skemmst er frá að segja að tillagan sem lá fyrir og vinnuhópur um fjaraðgang benti á í sumar var samþykkt óbreytt og er hér á eftir á ensku, íslenskan kemur síðar. Leturbreyting og undirstrikanir voru ekki í upprunalegum texta. Ekki er að sjá að tillagan um að bæta /R við kallmerkið sem notað er við fjarstýringu hafi verið samþykkt og því liggur beinast við að fara að 8. gr. gildandi amatörreglugerðar:
“Þegar leyfishafi notar búnað sinn tímabundið á nýjum stað skal hann bæta við kallmerki sitt skástriki og tölustaf sem gefur til kynna svæðið sem hann er fluttur til “.
eins og vinnuhópur um fjaraðgang benti á í sinni skýrslu til aðalfundar ÍRA 2014. Með öðrum orðum, staðsetning búnaðarins ræður kallmerkinu. En samkvæmt tilmælum IARU gildir annað um fjarstýringu stöðvar sem staðsett er í öðru landi en heimalandi, þá skal notað kallmerki stöðvarinnar en ekki miðað við CEPT-samkomulag um erlenda ferðamenn. Fjarstýring stöðvar yfir landamæri er háð gildandi reglum í hverju landi og veltur á því hvort yfirvöld þess lands hafa leyft eða ekki bannað fjarstýringu stöðva erlendis frá. Í öllum tilfellum ber umráðamaður stöðvar fulla ábyrgð á notkun stöðvarinnar og því sem frá henni fer.
Recommendation VA14_C4_REC_04:
That the following text be published in the VHF and HF Managers Handbook:
Remote Controlled Operation
Remote controlled operation is defined to mean operation where a licensed operator controls an amateur radio station from a remote control terminal. Where a station is operated remotely, the following conditions shall apply:
1. Remote operation must be permitted, or not objected to, by the Regulatory Authority of the country where the station is located.
2. The call sign to be used should be the call sign issued by the Regulatory Authority of the country in which the station is located. This applies irrespective of the location of the operator.
3. It should be noted that Recommendation SC11_C4_07 states that member societies bring to their members attention that the T/R 61-01 agreement only applies to people using their own call sign, with the appropriate country prefix, when the operator is actually visiting that country, not for remote operation.
4. Any further requirements regarding the participation of remotely controlled stations in contests or award programmes are a matter for the various contest or award programme organisers.
Proposed by: CRC Seconded by: HRS The motion was carried with one vote against and two abstentions