Carl Jóhann Lilliendahl, TF3KJ, hefur haft sitt síðasta QSO; merki hans er hljóðnað.
Samkvæmt upplýsingum frá syni hans, Karli R. Lilliendahl til félagsins í dag lést hann á hjartadeild Landspítalans í Reykjavík.
Hann var á 75. aldursári; handhafi leyfisbréfs nr. 94.
Um leið og við minnumst Carls með þökkum og virðingu færum við fjölskyldu hans innilegustu samúðarkveðjur.
Fyrir hönd stjórnar ÍRA,
Jónas Bjarnason, TF3JB
formaður
Amatörpróf Póst- og fjarskiptastofnunar verða haldin í félagsaðstöðu ÍRA við Skeljanes í Reykjavík laugardaginn 5. júní 2021 sem hér segir:
10:00 – 12:00 Raffræði og radíótækni.
13:00 – 15:00 Reglur og viðskipti.
15:30 – Prófsýning.
Almenn skráning í prófið fer fram með tölvupósti, sem senda skal á bæði þessi netföng hjá Póst- og fjarskiptastofnun: hrh hjá pfs.is og bjarni hjá pfs.is með efnisorðinu “prófskráning”. Tilkynningu um þátttöku þarf að senda fyrir 3. júní.
ÍRA sendir inn lista fyrir þá sem eru skráðir á yfirstandandi námskeiði hjá félaginu, sem er nú í gangi. Prófið er opið öllum og því ekki er nauðsynlegt að hafa setið námskeið til undirbúnings. Fyrirspurnir eru velkomnar á netfangið ira hjá ira.is
Eftirfarandi úrræði (annað eða hvoru tveggja) eru í boði ef um þau er beðið með 2ja daga fyrirvara: (a) Litaður pappír, fölgrænn eða drapplitur og (b) stækkun í A3. Senda þarf tölvupóst á Kristinn Andersen TF3KX: kristinn1 hjá gmail.com
1) Notið einfaldar reiknivélar, sem augljóslega geta ekki geymt gögn.
2) Hafið með ykkur blýanta, strokleður og reglustiku (!) sem hentar reiknigrafi.
3) Endanleg einkunn kemur frá PFS á uppgefið netfang, annars heimilisfang.
4) Gætið þess að hvoru tveggja sé greinilega skrifað.
5) Rissblöðum er ekki útbýtt, notið auðu hliðar prófblaðanna.
Með ósk um gott gengi,
Prófnefnd ÍRA.
Það var ágæt mæting og létt yfir mannskapnum í félagsaðstöðunni á báðum hæðum í Skeljanesi fimmtudaginn 27. maí.
Fjarskiptaherbergi TF3IRA var opið í fyrsta skipti í tæpt ár (vegna Covid-19) en mest 3 félagar máttu vera í húsnæðinu þar samtímis en 2 félagar í herbergi QSL stofunnar.
Mikið var rætt um loftnet og skilyrðin almennt og sérstaklega í ljósi truflana vegna segulstorma að undanförnu, útbreiðslu í VHF og UHF tíðnisviðunum og mismunandi gæði fæðilína. Ari Þórólfur Jóhannesson, TF1A, færði á staðinn tvö splunkuný „all mode“ ferðaviðtæki, Malahit-DSP (50 kHz til 2 GHz) og Belka DX (1,5-31 MHz). Lítil fyrirferð, góð tæknileg geta og ótrúlega góð hljómgæði.
https://www.ebay.co.uk/i/124304550353?chn=ps
https://swling.com/blog/2021/04/fenus-assessment-of-the-belka-dx-dsp/
Alls mættu 15 félagar og 1 gestur í Skeljanes þetta ágæta fimmtudagskvöld í mildu sumarveðri í vesturbænum í Reykjavík.
Opið hús verður í félagsaðstöðu ÍRA í Skeljanesi fimmtudaginn 27. maí.
Með tilliti til tilslakana í nýrri reglugerð heilbrigðisráðherra, verða kaffiveitingar í boði auk þess sem fjarskiptaherberi TF3IRA verður opið (mest 3 félagar samtímis) og QSL stofa (mest 2 félagar samtímis). Takmörkun á fjölda í þessum herbergjum ræðst af stærð þeirra. Ath. að grímuskylda er áfram í húsnæði félagsins.
Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.
Velkomin í Skeljanes!
Stjórn ÍRA.
Reglugerð um breyttar samkomutakmarkanir frá 25. maí 2021.pdf (stjornarradid.is)
Morshluti CQ World Wide WPX keppninnar fer fram 29.-30. maí. Markmiðið er að hafa sambönd við kallmerki með eins mörg forskeyti (e. prefixes) og mögulegt er á 1.8, 3.5, 7, 14, 21 og 28 MHz.
Þetta er 48 klst. keppni, en einmenningsstöðvar mega mest taka þátt í 36 klst. Á þátttökutímanum má taka eins mörg hlé og menn vilja, en hvert miðast að lágmarki við 60 mínútur.
Margfaldari er summa fjölda forskeyta sem haft er samband við og reiknast einu sinni, burtséð frá fjölda sambanda/banda.
Með ósk um gott gegni, stjórn ÍRA. https://cqwpx.com/rules.htm
.
Nýr radíóviti, EI1CAH, varð virkur 17. maí á 40.016 MHz á 8 metra bandi. Hann sendir út á morsi og PI4 (Pharuslgnis4) stafrænni tegund útgeislunar (MGM). Sendiafl er 25W og loftnet er láréttur tvípóll. QTH er skammt frá Galway á Vestur-Írlandi.
Í fróðlegri grein Guðmundar Sigurðssonar, TF3GS, í 1. tbl. CQ TF 2021, bls. 41, um radíóvita á 40 MHz, er m.a. gerð grein fyrir þremur vitum í sviðinu, en 9. febrúar s.l. bættist 4. vitinn við, S55ZMS í Slóveníu, og nú EI1CAH sem er sá 5. frá vesturströnd Írlands. Þessir radíóvitar eru QRV í dag:
EI1CAH – 40.016 MHz (Galway Írlandi).
EI1KNH – 40.013 MHz (Cork Írlandi).
S55ZMS – 40.670 MHz (Murska Sobota Slóveníu).
OZ7IGY – 40.071 MHz (Jystrup Danmörku).
ZS6WAB – 40.675 MHz (Polokwane S-Afríku).
Vefslóð á upplýsingar um EI1CAH:
https://ei7gl.blogspot.com/2021/05/new-40-mhz-propagation-beacon-in-west.html
Vefslóð á grein Guðmundar Sigurðssonar, TF3GS:
http://www.ira.is/wp-content/uploads/2021/01/cqtf_35arg_2021_01tbl.pdf
Mikilvægt er að leyfishafar sem hafa áhuga á að stunda fjarskipti í 70.000-70.250 MHz tíðnisviðinu (á 4 metrum) sendi beiðni þess efnis til Póst- og fjarskiptastofnunar áður en sendingar eru hafnar.
Póstfang er: hrh hjá pfs.is eða pfs hjá pfs.is Tilgreina skal, að sótt sé um heimild fyrir nýtt tímabil, 1.1.2021.-31.12.2022.
Eftirfarandi skilyrði eru lögð til grundvallar:
(1) Hámarksbandbreidd er 16 kHz. Engin skilyrði hvað varðar mótun; (2) hámarks útgeislað afl er 100W; (3) heimildin er með þeim fyrirvara að komi til truflana á annarri fjarskiptastarfsemi verður að hætta sendingum strax og (4) kallmerki skal notast í upphafi og lok fjarskiptasambands og með viðeigandi reglulegu millibili á meðan fjarskiptasamband varir.
Stjórn ÍRA.
Félagsaðstaðan í Skeljanesi verður opin fimmtudaginn 20. maí frá kl. 20:00. Ákvörðun um opnun byggir á heimild í reglugerð heilbrigðisráðherra um tilslökun á samkomuhaldi á tímabilinu 10.-26. maí n.k.
Grímuskylda er í húsnæðinu ásamt þeirri kvöð að leitast verði við að halda nálægðarmörkum. Aðgangur að herbergi QSL stofu á 2. hæð verður takmarkaður við 1 félaga og fjarskiptaherbergi verður lokað.
Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.
Velkomin í Skeljanes!
Stjórn ÍRA.
Teknar voru saman upplýsingar um TF kallmerki sem fengu skráningu á þyrpingu (e. cluster) vikuna 9.-15. maí 2021. Samskonar samantektir voru gerðar í janúar, febrúar og apríl.
Alls fengu 16 TF kallmerki skráningu. Flestir voru QRV á stafrænum mótunum (FT8 og FT4), en einnig á morsi (CW), tali (SSB) og fjarvélritun (RTTY) á 4, 6, 15, 17, 20, 30, 40 og 60 metrum.
Kallmerki fær skráningu þegar erlendur leyfishafi [eða hlustari] hefur haft samband við [eða heyrt í] TF kallmerki. Upplýsingarnar eru fengnar á http://www.dxsummit.fi/#/ Sambærilegar síður eru í boði á netinu til samanburðar.
Fyrst er skráð kallmerki, þá tegund/-ir útgeislunar og band/bönd sem kallmerki fær skráningu á:
TF1A——-FT8 á 6 metrum.
TF1EIN——FT8 á 6 og 60 metrum.
TF1OL——-FT8 á 20 metrum.
TF1VHF—- CW á 4 og 6 metrum.
TF2MSN—-FT4, FT8 og SSB á 4, 20, 40 og 60 metrum.
TF3AO——RTTY á 20 metrum.
TF3DT——-FT8 á 15 og 40 metrum.
TF3JB——–CW og FT8 á 17 og 30 metrum.
TF3MH——FT8 á 17 og 30 metrum.
TF3VE——-FT8 á 6 metrum.
TF3VG——-FT8 á 6 metrum.
TF3VS——-FT8 á 40 metrum.
TF4M——-CW á 20 metrum.
TF5B———FT8 á 17 og 30 metrum.
TF8KY——-FT8 á 6 metrum.
TF8SM——FT8 á 4 metrum.
Til skoðunar er að taka reglulega saman upplýsingar af þessu tagi.
Áhugaverð skilyrði hafa verið undanfarna daga á HF böndunum og ofar. Sólblettafjöldi stendur í 24 í dag og flux‘inn er 74 þegar þetta er skrifað 14. maí.
TF stöðvar hafa haft mikið af góðum DX samböndum á HF og var Kyrrahafið t.d. galopið snemma í morgun á 14 MHz, auk þess sem Evrópa hefur meira og minna verið opin undanfarna daga á 50 MHz og 70 MHz böndunum.
Góðum skilyrðum er spáð áfram.
