Námskeiðið „Fyrstu skrefin“ verður haldið fimmtudaginn 27. febrúar n.k. í Skeljanesi. Þetta er fyrsta námskeiðið af fjórum í boði á nýrri vetrardagskrá félagsins. Leiðbeinandi er Óskar Sverrisson, TF3DC.
Námskeiðin verða haldin:
27. febrúar; fimmtudagur, kl. 17:00.
19. mars; fimmtudagur, kl. 17:00.
26. mars; fimmtudagur, kl. 17:00.
30. apríl; fimmtudagur, kl. 17:00.
Áríðandi er að áhugasamir skrái sig tímanlega hjá Óskari Sverrissyni, TF3DC, í síma 862-3151 eða með tölvupósti til „oskarsv hjá internet.is“ með góðum fyrirvara. Námskeiðið er félagsmönnum að kostnaðarlausu.
Námskeiðið „Fyrstu skrefin“ eru einkum hugsað fyrir nýja leyfishafa sem hafa áhuga á að sækja leiðbeiningar um hvernig best er að standa að því að fara í loftið. Um er að ræða einkatíma (2-3 klst.) með reyndum leyfishafa. Leiðbeinandi kynnir grundvallaratriði og ríkjandi hefðir innan áhugamálsins. Markmið námskeiðsins er að nýr leyfishafi öðlist öryggi í fjarskiptum.
Nýr leyfishafi og leiðbeinandi ræða saman þar sem spurningum er svarað og að því búnu er farið í loftið í fjarskiptaherbergi félagsins. Tímasetning námskeiðs og yfirferð getur að vissu marki verið sveigjanleg með samráði leyfishafa og umsjónarmanns.
Opið hús var í félagsaðstöðunni í Skeljanesi fimmtudaginn 20. febrúar.
Að venju lágu nýjustu tímaritin frammi og margt rætt yfir kaffinu, m.a. um loftnet og sérhæfð viðtökunet (þ.á.m. Beverage On the Ground, BOG), jarðleiðni, mismunandi kóaxkapla og margt fleira. Þá kom í ljós að félagar eru í kauphugleiðingum og veltu menn m.a. fyrir sér Icom IC-7610, Kenwood TS-990S og Yaesu FTdx101D.
Einnig skoðuðu menn dót sem Hans Konrad Kristjánsson, TF3FG,
færði í hús með kveðju frá Bjarna Magnússyni, TF3BM, sbr. myndir.
Alls mættu 24 félagar í Skeljanes þetta ágæta febrúarkvöld.
Ari Þórólfur Jóhannesson, TF1A, mætti í Skeljanes laugardaginn 22. febrúar og kynnti búnað félagsins til fjarskipta um OSCAR 100 gervitunglið. Félagsmönnum gafst einnig tækifæri til að fara í loftið með tilsögn frá gervihnattastöð TF3IRA.
Í boði var svokallaður „opinn laugardagur“ og var félagsaðstaðan opin frá kl. 10-15 til að gefa sem flestum tækifæri til að nýta viðburðinn. Þetta fyrirkomulag heppnaðist vel og var góð mæting og dreifing yfir daginn.
Menn fóru í loftið, bæði á tali (SSB) og morsi. Menn voru almennt sammála um að þessi upplifun væri mjög sérstök; sterk merki, engar truflanir og góður DX. Sérprentaðar greinar Ara um OSCAR 100 úr CQ TF sem lágu einnig frammi til kynningar.
Alls mættu 24 félagsmenn og 3
gestir í Skeljanes þennan ágæta og sólríka laugardag.
Stjórn ÍRA þakkar Ara fyrir vel
heppnaðan viðburð.
Af óviðráðanlegum ástæðum, frestast hraðnámskeið TF3Y með upprifjun á Win-Test keppnisforritinu, sem auglýst er í vetrardagskrá á morgun, sunnudag 23. febrúar.
Þess í stað verður námskeiðið haldið sunnudaginn 1. mars n.k. kl. 10:30.
Næsti viðburður á vetraráætlun ÍRA verður í boði laugardaginn 22. febrúar. Þá mætir Ari Þórólfur Jóhannesson TF1A í Skeljanes og kynnir búnað, tækni og tól til fjarskipta um nýja OSCAR 100 gervitunglið. Að auki aðstoðar hann félagsmenn við að fara í loftið frá félagsstöðinni í gegnum tunglið.
Í boði er svokallaður „opinn laugardagur“ sem þýðir að
félagsaðstaðan verður opin allan daginn frá kl. 10-15 til að gefa sem flestum
tækifæri til að nýta viðburðinn.
Þetta fyrirkomulag heppnaðist vel í haust (19. og 26. október og 3. nóvember) og var mikil ánægja með það. Nú er kjörið tækifæri fyrir þá félaga sem ekki áttu þess kost að koma þá, að kíkja við á laugardag og prófa að hafa sambönd um OSCAR 100. Félagar sem hafa þegar prófað stöðina eru að sjálfsögðu einnig velkomnir! Stöðin verður QRV á tali, morsi og stafrænum tegundum útgeislunar.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2020-02-20 18:34:332020-02-20 18:46:19LAUGARDAGUR 22. FEBRÚAR Í SKELJANESI
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2020-02-17 15:12:342020-02-18 17:31:05OPIÐ HÚS Í SKELJANESI 20. FEBRÚAR
Aðalfundur ÍRA árið 2020 var haldinn 15. febrúar s.l. á
Hótel Sögu í Reykjavík. Meðal gagna sem lögð voru fram á fundinum var skýrsla
formanns um starfsemi félagsins á liðnu starfsári.
Skýrslan var lögð fram á prentuðu formi. Hún skiptist í 12
kafla og tvo viðauka, auk formála og efnisyfirlits. Hún er alls 168 blaðsíður
að stærð.
Aðalfundur ÍRA árið 2020 var haldinn 15. febrúar í fundarsal Radisson Blu Hótel Sögu í Reykjavík. Á fundinum fóru fram venjuleg aðalfundarstörf samkvæmt félagslögum.
Embættismenn fundarins voru kjörnir þeir Vilhjálmur Í. Sigurjónsson
TF3VS, fundarstjóri og Sæmundur E. Þorsteinsson TF3UA, fundarritari. Alls sóttu
44 félagar fundinn samkvæmt skráningu í viðverubók. Fundur var settur kl. 13:00
og slitið kl. 14:20.
Eftirtaldir skipa stjórn félagsins fyrir starfstímabilið 2020-2021: Jónas Bjarnason TF3JB formaður; Óskar Sverrisson TF3DC og Georg Kulp TF3GZ (kjörnir til tveggja ára) og Guðmundur Sigurðsson TF3GS og Jón Björnsson TF3PW (sitja síðara ár kjörtímabilsins). Varamenn til 1 árs voru kjörnir þeir Sæmundur E. Þorsteinsson TF3UA og Heimir Konráðsson TF1EIN (báðir endurkjörnir).
Skoðunarmenn reikninga voru endurkjörnir þeir Haukur Konráðsson TF3HK og Yngvi Harðarson TF3Y og til vara, Vilhjálmur Í. Sigurjónsson TF3VS. Félagsgjald var samþykkt óbreytt fyrir 2020-2021, 6.500 krónur. Stjórn mun skipta með sér verkum fljótlega.
Skýrsla stjórnar og önnur aðalfundargögn verða til birtingar innan tíðar á heimasíðunni.