Hraðnámskeiðið „Fyrstu skrefin, farið í loftið með
leiðbeinanda“ byrjaði í morgun, 16. mars kl. 10:15.
Námskeiðið er hugsað til að aðstoða menn við að byrja í
loftinu – hvort heldur þeir eru með nýtt eða nýlegt leyfisbréf eða eldri
leyfishafar. Hugmyndin er að skapa andrúmsloft sem er afslappað þar sem menn
geta spurt spurninga og prófað sig áfram með reyndum leiðbeinanda til að öðlast
öryggi í að fara í loftið.
Létt var yfir mönnum þegar tíðindamann bar að garði í Skeljanesi í morgun, rétt fyrir kl. 10. Þá voru þátttakendur í kaffi við stóra borðið á meðan beðið var eftir einum til viðbótar. Að sögn Óskars Sverrissonar, TF3DC, leiðbeinanda, er námskeiðið fullbókað, en miðað er við mest fjóra þátttakendur hverju sinni til að það nýtist sem best.
Neðri ljósmyndin var tekin í fjarskiptaherberginu þegar tíðindamaður kom á ný í hús um kl. 13. Þá var farið í loftið á morsi og FT8.
Aðspurður sagði Óskar að námskeiðið yrði aftur í boði
fljótlega, enda mikill áhugi á meðal félagsmanna.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-16 11:17:302019-03-17 21:11:28FULLBÓKAÐ Á HRAÐNÁMSKEIÐ ÍRA Í SKELJANESI
Vilhjálmur Í. Sigurjónsson, TF3VS, mætti í Skeljanes fimmtudaginn 14. mars og flutti erindið “Logger32 dagbókarforritið; auknar vinsældir – nýir möguleikar”.
Hann kynnti forritið og fór yfir uppsetningu þess. Hann sýndi vel hve einfalt og öflugt það er, jafnframt því að vera aðgengilegt fyrir venjulegan leyfishafa að laga að eigin þörfum – án þess að þurfa að vera sérfræðingur í forritun eða tölvumálum.
Það var mál manna að Logger32 væri í raun meira en sérhæft dagbókarforrit þar sem m.a. er hægt að stýra fjarskiptum beint frá forritinu, auk þess sem það býður upp á fjölda möguleika í mismunandi útfærslum. Vilhjálmur sýndi m.a. með dæmum hvernig hann notar forritið sjálfur og tengdist heimastöð sinni yfir netið í því skyni, sem var mjög fróðlegt.
Hann fór yfir getu Logger32 hvað varðar stafrænar tegundir útgeislunar, en færsla í fjarskiptadagbók er viðstöðulaus og án vandræða sem gjarnan fylgja öðrum forritum. Fyrir marga er jafnframt kostur að Logger32 er á íslensku og er forritið boðið ókeypis á netinu til íslenskra radíóamatöra. Það var Vilhjálmur sem þýddi forritið.
Eftir kaffihlé tók Vilhjálmur við fyrirspurnum frá áhugasömum fundarmönnum og héldu menn áfram að spjalla framundir kl. 22:30 þegar honum var þakkað fyrir fróðlegt og skemmtilega flutt erindi með veglegu lófaklappi. Alls mættu 22 félagsmenn og 1 gestur í Skeljanes þetta ágæta fimmtudagskvöld.
Spennandi hraðnámskeið verður í boði á ný laugardaginn 16. mars kl. 10-12:30. Það nefnist: „Fyrstu skrefin, farið í loftið með leiðbeinanda“. Farið verður í loftið í fjarskiptaherbergi félagsins í Skeljanesi – á CW, SSB eða FT8, allt eftir óskum þátttakenda.
Námskeiðið er hugsað til að aðstoða menn við að byrja í loftinu, hvort heldur þeir eru með nýtt eða nýlegt leyfisbréf eða eldri leyfishafar. Hugmyndin er að skapa andrúmsloft sem er afslappað þar sem menn geta spurt spurninga og prófað sig áfram með reyndum leiðbeinanda til að öðlast öryggi í að fara í loftið.
Í boði er að menn taki með sér eigin búnað og fái kennslu á hann. Laugardaginn viku síðar (23. mars) verður framhald þar sem nemendur ráða ferðinni og spyrja spurninga eftir að hafa prófað sig áfram í millitíðinni. Námskeiðið var fyrst í boði fyrir áramót og heppnaðist afar vel.
Ath. að fjöldi er takmarkaður. Áhugasamir eru beðnir um að
skrá sig sem fyrst beint hjá leiðbeinanda, Óskari Sverrissyni, TF3DC í síma
862-3151.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-11 23:11:052019-03-14 16:27:11NÁMSKEIÐ: FARIÐ Í LOFTIÐ MEÐ LEIÐBEINANDA
Næsta erindi á vetrardagskrá ÍRA er erindi Vilhjálms Í. Sigurjónssonar, TF3VS. Erindið nefnir hann “Logger32 dagbókarforritið; auknar vinsældir – nýir möguleikar”.
Vilhjálmur mun kynna forritið, sem hvorutveggja er öflugt og fjölhæft og mun fara yfir og útskýra uppsetningu þess. Hver og einn leyfishafi getur t.d. auðveldlega lagað það að eigin þörfum.
Hann mun sérstaklega fara yfir hversu vel Logger32 kemur til
móts við þá sem nota stafrænar tegundir útgeislunar (t.d. FT8), en færsla í
fjarskiptadagbók er viðstöðulaus og án vandræða.
Logger32 stenst vel samanburð við önnur forrit sem eru á markaði. Þess má geta, að Logger32 er fyrsta dagbókarforritið sem vitað er um að hafi verið þýtt á íslensku. Það hefur, frá þeim tíma, verið í boði ókeypis til íslenskra radíóamatöra (á íslensku). Það var Vilhjálmur sem þýddi forritið.
Erindið hefst kl. 20:30. Mætum tímanlega, vandaðar kaffiveitingar í boði.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-10 12:58:192019-03-10 13:09:00TF3VS er með erindi í Skeljanesi 14. mars
Einar Kjartansson, TF3EK, mætti í Skeljanes 7. mars og hélt erindi undir heitinu: “Búnaður og aðferðir sem henta fyrir SOTA”.
Einar fór yfir tilurð SOTA sem var stofnað 2. mars 2002. Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Hann útskýrði hvernig sambönd eru höfð og færð inn í gagnagrunn á heimasíðu SOTA. Fjallatindar eru skilgreindir sérstaklega í hverju landi og hérlendis eru þeir 908.
Vilhjálmur
Þ. Kjartansson TF3DX var fyrstur til að „virkja“ fjallatind samkvæmt
verkefninu, þann 1. september 2016 þegar Ísland gerist aðili. Þeir Egill Íbsen
TF3EO, Einar Kjartansson TF3EK og Þórður Ívarsson TF5PX settu kerfið upp hér á
landi.
Margskonar
viðurkenningarskjöl og verðlaunagripir eru í boði, svo sem Fjallageitin (e.
Mountain Goat). Aðspurður, sagðist Einar vera u.þ.b. hálfnaður uns hann getur
sótt um „Fjallageitina“.
Erindið var vel flutt og Einar svaraði mörgum fyrirspurnum og fékk að lokum gott klapp. Umræður héldu þó áfram og sýndi Einar búnað sinn. Stöðvarnar eru Yaesu FT-857D og Elecraft KX-2 (sem er ný og hann fékk í lok s.l. árs), loftnet eru heimatilbúin, m.a. dípólar og glertrefjastangir sem eru reistar á vettvangi.
Alls mættu 24 félagsmenn og 2 gestir í Skeljanes þetta ágæta fimmtudagskvöld. Þakkir til Einars Kjartanssonar TF3EK fyrir fróðlegt og skemmtilegt erindi.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-08 00:39:282019-03-08 15:58:51TF3EK skýrði búnað og aðferðir fyrir SOTA
Félaginu hefur borist að gjöf, 25 stólar til notkunar í félagsaðstöðunni í Skeljanesi. Það var Haukur Þór Haraldsson TF3NA sem færði félaginu þessa nytsömu gjöf í dag, miðvikudaginn 6. mars.
Stólarnir eru af Stacco gerð, á krómaðri stálgrind og bólstraðir
í bak og setu. Þeim fylgir sérhannaður geymslupallur á hjólum, sem sjá má á
meðfylgjandi ljósmynd. Stólarnir eru notaðir en afar vel með farnir.
Eftir endurhönnun og enduruppröðun í fundarsal félagsins sem nú rúmar þægilega 40 manns í sæti, vantaði okkur sárlega fleiri stóla. Gjöfin kemur sér því einkar vel.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-06 19:56:542019-03-08 15:14:14Stólar í Skeljanes, höfðingleg gjöf til ÍRA
Næsta erindi á vetrardagskrá ÍRA er í boði fimmtudaginn 7. mars.
Þá mætir Einar Kjartansson TF3EK í Skeljanes með erindið “Búnaður og aðferðir
sem henta fyrir SOTA”.
Stofnað var til SOTA viðurkenningaverkefnisins (e. Summits On The Air) formlega þann 2. mars 2002. Stofnendur segja sjálfir, að þar sem SOTA snýst um viðurkenningar (e. Amateur Radio Award Programme) en er ekki klúbbur eða félagasamtök, býðst mönnum ekki að gerast félagi í SOTA.
Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Fjallatindar eru af þessu tilefni skilgreindir sérstaklega í hverju landi og eru þeir yfir 900 hérlendis.
Ísland varð hluti af SOTA verkefninu þann 1. september 2016.
Vilhjálmur Þ. Kjartansson TF3DX var fyrstur til að „virkja“ fjallatind samkvæmt
verkefninu, þann 1. september 2016. Þeir Egill Íbsen TF3EO, Einar Kjartansson
TF3EK og Þórður Ívarsson TF5PX settu kerfið upp hér á landi.
Margskonar viðurkenningarskjöl og verðlaunagripir eru í boði, svo sem Fjallageitin (e. Mountain Goat). Að auki er rekinn gagnagrunnur sem hýsir heiðurslista SOTA o.fl.
Félagsmenn eru hvattir til að mæta tímalega. Kaffiveitingar.
Ari Þórólfur Jóhannesson, TF1A og Vilhjálmur Í.
Sigurjónsson, TF3VS, mættu í Skeljanes laugardaginn 2. mars. Í handraðanum voru
Anan 7000 stöð frá Apache Labs og Flex 6400 stöð frá FlexRadio. Ekki er vitað
um fleiri eintök í landinu en þessi tvö.
Stöðvarnar eru báðar SDR stöðvar, vinna á HF + 6 metrum og eru búnar 100W sendum. Báðar þurfa utanaðkomandi tölvu (með skjá) sem aukabúnað. Báðar þurfa ennfremur utanaðkomandi aflgjafa sem þarf að geta gefið 13.8VDC, allt að 25A. ANAN 7000DLE MK-II kostar 433 þúsund krónur komin hingað til lands en FLEX 6400 kostar 315 þúsund krónur (m.v. gengi ísl. krónunnar 1.3.2019).
Það er ætíð spennandi að sjá og snerta stöðvar sem maður
hefur ekki séð fyrr og það á svo sannarlega við um þessar. Tilfinningin að
stilla viðtöku þeirra beggja er mjög góð og möguleikarnir til að vinna úr
merkjum á böndunum geysimargir.
Þeir Ari og Vilhjálmur héldu stutta tölu þar sem þeir ræddu
hvora stöð fyrir sig og svöruðu spurningum. Báðir hafa mikla reynslu og hafa
átt (og eiga) fleiri stöðvar og báðir eru mjög ánægðir með stöðvarnar.
Alls mættu 14 félagar og 2 gestir í Skeljanes þennan sólríka laugardag í höfuðborginni. Bestu þakkir til þeirra Ara og Vilhjálms fyrir fróðlega og skemmtilega kynningu.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-02 17:55:332019-03-02 18:00:43Laugardagsopnun í Skeljanesi 2. mars
Í beinu framhaldi af erindi um nýjar HF stöðvar á fimmtudagskvöld, koma þeir Ari Þórólfur Jóhannesson TF1A og Vilhjálmur Í. Sigurjónsson TF3VS í Skeljanes á morgun, laugardaginn 2. mars með Anan 7000DLE frá Apache Labs og Flex 6400 frá FlexRadio.
Stöðvarnar verða til sýnis, skoðunar og prófunar fyrir félagsmenn frá kl. 14:00. Bæði gerviálag (e. dummy load) og nýja stóra 4 elementa Yagi loftnet TF3IRA verða til ráðstöfunar. Við verðum í salnum niðri til að hafa gott pláss.
Þetta eru stöðvar búnar nýjustu SDR tækni og er aðeins vitað
um eitt eintak af hvorri á landinu, enn sem komið er.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-01 14:45:392019-03-01 15:05:31Anan & Flex í Skeljanesi Laugardag 2. mars
Jónas Bjarnason, TF3JB, mætti í Skeljanes 28. febrúar og
hélt erindi undir heitinu: “Kaup á nýrri HF amatörstöð vorið 2019; markaðurinn
og ný viðhorf”.
Erindið byggði á grein í 1. tbl. CQ TF 2018 um sama efni,
uppfært til dagsins í dag. Hann ræddi einnig um áhrifaþætti á markað fyrir
nýjar HF stöðvar, svo sem lága stöðu sólbletta og ný viðhorf í ljósi aukinna
vinsælda stafrænna tegunda útgeislunar og breytingar á sölukerfi amatörstöðva
og búnaðar.
Farið var yfir markaðinn í heild og fram kom m.a. að 13 framleiðendur í 7 þjóðlöndum bjóða alls 46 gerðir HF stöðva sem skiptast á 15 mismundandi tegundir. Þrír þeirra stærstu, Icom, JCV Kenwood og Yaesu, eru með 52% af framboðinu. Ódýrasta HF stöðin er Minion Mini frá QRPver í Úkraínu sem kostar 52 þúsund krónur og ódýrasta 100W stöðin er DX-SR8 frá Alinco í Japan sem kostar 83 þúsund krónur (verð með öllum gjöldum til landsins m.v. daginn í dag).
Jónas leit að lokum til þróunar markaðarins fram til ársins 2025.
Hann ræddi um væntanlegar breytingar svo sem aukna innkomu framleiðenda frá A-Evrópu
og Kína. Ennfremur um stöðu áhugamálsins gagnvart breyttri þjóðfélagsskipan, m.a.
aukna samkeppni um tíma fólks og tómstundir sem hefur áhrif á endurnýjun í hópi
radíóamatöra líkt og annars staðar.
Alls mættu 27 í Skeljanes þetta ágæta fimmtudagskvöld. Mikill
áhugi var á umfjöllunarefninu og fyrirspurnir og umræður stóðu fram yfir kl.
22:30 þegar TF3JB var þakkað fyrir fróðlegt og áhugavert erindi með lófaklappi.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2019-03-01 09:57:452019-03-01 10:01:43HF stöðvar á markaði fyrir radíóamatöra
Næsta erindi á vetrardagskrá ÍRA er í boði fimmtudaginn 28. febrúar kl. 20:30. Þá mætir Jónas Bjarnason, TF3JB, í Skeljanes með erindið “Kaup á nýrri HF amatörstöð vorið 2019; markaðurinn og ný viðhorf”.
Erindið byggir á grein hans um “Kaup á nýrri HF amatörstöð vorið 2018” sem birtist í 1. tbl. CQ TF, 2018. Á því tæpa ári sem liðið er, hefur markaðurinn þróast og tekið breytingum í ljósi nýrra viðhorfa. Sumpart eru það viðhorf sem eru kunn frá fyrri tímabilum þegar samhengi sólblettaleysis og skilyrða hafa hafa haft áhrif á fjarskiptin og ekki síður í ljósi nýrrar stafrænnar samskiptatækni sem mjög hefur rutt sér til rúms síðustu misseri.
Framtíðin er spennandi í þessum efnum enda eru radíóamatörar þekktir fyrir að notfæra sér nýjustu tækni hverju sinni.
Stjórn ÍRA hvetur félaga til að mæta tímanlega. Kaffiveitingar.
FULLBÓKAÐ Á HRAÐNÁMSKEIÐ ÍRA Í SKELJANESI
Hraðnámskeiðið „Fyrstu skrefin, farið í loftið með leiðbeinanda“ byrjaði í morgun, 16. mars kl. 10:15.
Námskeiðið er hugsað til að aðstoða menn við að byrja í loftinu – hvort heldur þeir eru með nýtt eða nýlegt leyfisbréf eða eldri leyfishafar. Hugmyndin er að skapa andrúmsloft sem er afslappað þar sem menn geta spurt spurninga og prófað sig áfram með reyndum leiðbeinanda til að öðlast öryggi í að fara í loftið.
Létt var yfir mönnum þegar tíðindamann bar að garði í Skeljanesi í morgun, rétt fyrir kl. 10. Þá voru þátttakendur í kaffi við stóra borðið á meðan beðið var eftir einum til viðbótar. Að sögn Óskars Sverrissonar, TF3DC, leiðbeinanda, er námskeiðið fullbókað, en miðað er við mest fjóra þátttakendur hverju sinni til að það nýtist sem best.
Neðri ljósmyndin var tekin í fjarskiptaherberginu þegar tíðindamaður kom á ný í hús um kl. 13. Þá var farið í loftið á morsi og FT8.
Aðspurður sagði Óskar að námskeiðið yrði aftur í boði fljótlega, enda mikill áhugi á meðal félagsmanna.
TF3VS KYNNTI LOGGER32 DAGBÓKARFORRITIÐ
Vilhjálmur Í. Sigurjónsson, TF3VS, mætti í Skeljanes fimmtudaginn 14. mars og flutti erindið “Logger32 dagbókarforritið; auknar vinsældir – nýir möguleikar”.
Hann kynnti forritið og fór yfir uppsetningu þess. Hann sýndi vel hve einfalt og öflugt það er, jafnframt því að vera aðgengilegt fyrir venjulegan leyfishafa að laga að eigin þörfum – án þess að þurfa að vera sérfræðingur í forritun eða tölvumálum.
Það var mál manna að Logger32 væri í raun meira en sérhæft dagbókarforrit þar sem m.a. er hægt að stýra fjarskiptum beint frá forritinu, auk þess sem það býður upp á fjölda möguleika í mismunandi útfærslum. Vilhjálmur sýndi m.a. með dæmum hvernig hann notar forritið sjálfur og tengdist heimastöð sinni yfir netið í því skyni, sem var mjög fróðlegt.
Hann fór yfir getu Logger32 hvað varðar stafrænar tegundir útgeislunar, en færsla í fjarskiptadagbók er viðstöðulaus og án vandræða sem gjarnan fylgja öðrum forritum. Fyrir marga er jafnframt kostur að Logger32 er á íslensku og er forritið boðið ókeypis á netinu til íslenskra radíóamatöra. Það var Vilhjálmur sem þýddi forritið.
Eftir kaffihlé tók Vilhjálmur við fyrirspurnum frá áhugasömum fundarmönnum og héldu menn áfram að spjalla framundir kl. 22:30 þegar honum var þakkað fyrir fróðlegt og skemmtilega flutt erindi með veglegu lófaklappi. Alls mættu 22 félagsmenn og 1 gestur í Skeljanes þetta ágæta fimmtudagskvöld.
NÁMSKEIÐ: FARIÐ Í LOFTIÐ MEÐ LEIÐBEINANDA
Spennandi hraðnámskeið verður í boði á ný laugardaginn 16. mars kl. 10-12:30. Það nefnist: „Fyrstu skrefin, farið í loftið með leiðbeinanda“. Farið verður í loftið í fjarskiptaherbergi félagsins í Skeljanesi – á CW, SSB eða FT8, allt eftir óskum þátttakenda.
Námskeiðið er hugsað til að aðstoða menn við að byrja í loftinu, hvort heldur þeir eru með nýtt eða nýlegt leyfisbréf eða eldri leyfishafar. Hugmyndin er að skapa andrúmsloft sem er afslappað þar sem menn geta spurt spurninga og prófað sig áfram með reyndum leiðbeinanda til að öðlast öryggi í að fara í loftið.
Í boði er að menn taki með sér eigin búnað og fái kennslu á hann. Laugardaginn viku síðar (23. mars) verður framhald þar sem nemendur ráða ferðinni og spyrja spurninga eftir að hafa prófað sig áfram í millitíðinni. Námskeiðið var fyrst í boði fyrir áramót og heppnaðist afar vel.
Ath. að fjöldi er takmarkaður. Áhugasamir eru beðnir um að skrá sig sem fyrst beint hjá leiðbeinanda, Óskari Sverrissyni, TF3DC í síma 862-3151.
TF3VS er með erindi í Skeljanesi 14. mars
Næsta erindi á vetrardagskrá ÍRA er erindi Vilhjálms Í. Sigurjónssonar, TF3VS. Erindið nefnir hann “Logger32 dagbókarforritið; auknar vinsældir – nýir möguleikar”.
Vilhjálmur mun kynna forritið, sem hvorutveggja er öflugt og fjölhæft og mun fara yfir og útskýra uppsetningu þess. Hver og einn leyfishafi getur t.d. auðveldlega lagað það að eigin þörfum.
Hann mun sérstaklega fara yfir hversu vel Logger32 kemur til móts við þá sem nota stafrænar tegundir útgeislunar (t.d. FT8), en færsla í fjarskiptadagbók er viðstöðulaus og án vandræða.
Logger32 stenst vel samanburð við önnur forrit sem eru á markaði. Þess má geta, að Logger32 er fyrsta dagbókarforritið sem vitað er um að hafi verið þýtt á íslensku. Það hefur, frá þeim tíma, verið í boði ókeypis til íslenskra radíóamatöra (á íslensku). Það var Vilhjálmur sem þýddi forritið.
Erindið hefst kl. 20:30. Mætum tímanlega, vandaðar kaffiveitingar í boði.
NÝTT TÖLUBLAÐ CQ TF VÆNTANLEGT 31. MARS
Nú styttist í marshefti CQ TF.
Allt efni um áhugamálið er vel þegið í blaðið – frásagnir, ljósmyndir, eða jafnvel aðeins punktar og ábendingar um efni sem vinna má úr.
Skilafrestur efnis er til 20. mars n.k. Netfang ritstjóra: tf3sb@ox.is
73 – TF3SB, ritstjóri CQ TF.
TF3EK skýrði búnað og aðferðir fyrir SOTA
Einar Kjartansson, TF3EK, mætti í Skeljanes 7. mars og hélt erindi undir heitinu: “Búnaður og aðferðir sem henta fyrir SOTA”.
Einar fór yfir tilurð SOTA sem var stofnað 2. mars 2002. Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Hann útskýrði hvernig sambönd eru höfð og færð inn í gagnagrunn á heimasíðu SOTA. Fjallatindar eru skilgreindir sérstaklega í hverju landi og hérlendis eru þeir 908.
Vilhjálmur Þ. Kjartansson TF3DX var fyrstur til að „virkja“ fjallatind samkvæmt verkefninu, þann 1. september 2016 þegar Ísland gerist aðili. Þeir Egill Íbsen TF3EO, Einar Kjartansson TF3EK og Þórður Ívarsson TF5PX settu kerfið upp hér á landi.
Fjöldi Virkjaðir
Austurland AL 281 3
Norðurland NL 211 5
Suðurland SL 216 43
Snæfellsnes SN 66 5
Suðvesturland SV 43 43
Vestmannaeyjar VE 6 2
Vestfirðir VF 85 9
Samtals: 908 110
Margskonar viðurkenningarskjöl og verðlaunagripir eru í boði, svo sem Fjallageitin (e. Mountain Goat). Aðspurður, sagðist Einar vera u.þ.b. hálfnaður uns hann getur sótt um „Fjallageitina“.
Erindið var vel flutt og Einar svaraði mörgum fyrirspurnum og fékk að lokum gott klapp. Umræður héldu þó áfram og sýndi Einar búnað sinn. Stöðvarnar eru Yaesu FT-857D og Elecraft KX-2 (sem er ný og hann fékk í lok s.l. árs), loftnet eru heimatilbúin, m.a. dípólar og glertrefjastangir sem eru reistar á vettvangi.
Alls mættu 24 félagsmenn og 2 gestir í Skeljanes þetta ágæta fimmtudagskvöld. Þakkir til Einars Kjartanssonar TF3EK fyrir fróðlegt og skemmtilegt erindi.
P.s. Mikil ánægja var með nýju stólana.
Stólar í Skeljanes, höfðingleg gjöf til ÍRA
Félaginu hefur borist að gjöf, 25 stólar til notkunar í félagsaðstöðunni í Skeljanesi. Það var Haukur Þór Haraldsson TF3NA sem færði félaginu þessa nytsömu gjöf í dag, miðvikudaginn 6. mars.
Stólarnir eru af Stacco gerð, á krómaðri stálgrind og bólstraðir í bak og setu. Þeim fylgir sérhannaður geymslupallur á hjólum, sem sjá má á meðfylgjandi ljósmynd. Stólarnir eru notaðir en afar vel með farnir.
Eftir endurhönnun og enduruppröðun í fundarsal félagsins sem nú rúmar þægilega 40 manns í sæti, vantaði okkur sárlega fleiri stóla. Gjöfin kemur sér því einkar vel.
Stjórn ÍRA þakkar Hauki Þór höfðinglega gjöf.
Skeljanes 7. mars; SOTA Búnaður & aðferðir
Næsta erindi á vetrardagskrá ÍRA er í boði fimmtudaginn 7. mars. Þá mætir Einar Kjartansson TF3EK í Skeljanes með erindið “Búnaður og aðferðir sem henta fyrir SOTA”.
Stofnað var til SOTA viðurkenningaverkefnisins (e. Summits On The Air) formlega þann 2. mars 2002. Stofnendur segja sjálfir, að þar sem SOTA snýst um viðurkenningar (e. Amateur Radio Award Programme) en er ekki klúbbur eða félagasamtök, býðst mönnum ekki að gerast félagi í SOTA.
Málið snýst um að fara á fjöll með fjarskiptatæki og búnað og hafa sambönd við aðra leyfishafa á amatörböndunum. Fjallatindar eru af þessu tilefni skilgreindir sérstaklega í hverju landi og eru þeir yfir 900 hérlendis.
Ísland varð hluti af SOTA verkefninu þann 1. september 2016. Vilhjálmur Þ. Kjartansson TF3DX var fyrstur til að „virkja“ fjallatind samkvæmt verkefninu, þann 1. september 2016. Þeir Egill Íbsen TF3EO, Einar Kjartansson TF3EK og Þórður Ívarsson TF5PX settu kerfið upp hér á landi.
Margskonar viðurkenningarskjöl og verðlaunagripir eru í boði, svo sem Fjallageitin (e. Mountain Goat). Að auki er rekinn gagnagrunnur sem hýsir heiðurslista SOTA o.fl.
Félagsmenn eru hvattir til að mæta tímalega. Kaffiveitingar.
Laugardagsopnun í Skeljanesi 2. mars
Ari Þórólfur Jóhannesson, TF1A og Vilhjálmur Í. Sigurjónsson, TF3VS, mættu í Skeljanes laugardaginn 2. mars. Í handraðanum voru Anan 7000 stöð frá Apache Labs og Flex 6400 stöð frá FlexRadio. Ekki er vitað um fleiri eintök í landinu en þessi tvö.
Stöðvarnar eru báðar SDR stöðvar, vinna á HF + 6 metrum og eru búnar 100W sendum. Báðar þurfa utanaðkomandi tölvu (með skjá) sem aukabúnað. Báðar þurfa ennfremur utanaðkomandi aflgjafa sem þarf að geta gefið 13.8VDC, allt að 25A. ANAN 7000DLE MK-II kostar 433 þúsund krónur komin hingað til lands en FLEX 6400 kostar 315 þúsund krónur (m.v. gengi ísl. krónunnar 1.3.2019).
Það er ætíð spennandi að sjá og snerta stöðvar sem maður hefur ekki séð fyrr og það á svo sannarlega við um þessar. Tilfinningin að stilla viðtöku þeirra beggja er mjög góð og möguleikarnir til að vinna úr merkjum á böndunum geysimargir.
Þeir Ari og Vilhjálmur héldu stutta tölu þar sem þeir ræddu hvora stöð fyrir sig og svöruðu spurningum. Báðir hafa mikla reynslu og hafa átt (og eiga) fleiri stöðvar og báðir eru mjög ánægðir með stöðvarnar.
Alls mættu 14 félagar og 2 gestir í Skeljanes þennan sólríka laugardag í höfuðborginni. Bestu þakkir til þeirra Ara og Vilhjálms fyrir fróðlega og skemmtilega kynningu.
Anan & Flex í Skeljanesi Laugardag 2. mars
Í beinu framhaldi af erindi um nýjar HF stöðvar á fimmtudagskvöld, koma þeir Ari Þórólfur Jóhannesson TF1A og Vilhjálmur Í. Sigurjónsson TF3VS í Skeljanes á morgun, laugardaginn 2. mars með Anan 7000DLE frá Apache Labs og Flex 6400 frá FlexRadio.
Stöðvarnar verða til sýnis, skoðunar og prófunar fyrir félagsmenn frá kl. 14:00. Bæði gerviálag (e. dummy load) og nýja stóra 4 elementa Yagi loftnet TF3IRA verða til ráðstöfunar. Við verðum í salnum niðri til að hafa gott pláss.
Þetta eru stöðvar búnar nýjustu SDR tækni og er aðeins vitað um eitt eintak af hvorri á landinu, enn sem komið er.
Kaffiveitingar.
HF stöðvar á markaði fyrir radíóamatöra
Jónas Bjarnason, TF3JB, mætti í Skeljanes 28. febrúar og hélt erindi undir heitinu: “Kaup á nýrri HF amatörstöð vorið 2019; markaðurinn og ný viðhorf”.
Erindið byggði á grein í 1. tbl. CQ TF 2018 um sama efni, uppfært til dagsins í dag. Hann ræddi einnig um áhrifaþætti á markað fyrir nýjar HF stöðvar, svo sem lága stöðu sólbletta og ný viðhorf í ljósi aukinna vinsælda stafrænna tegunda útgeislunar og breytingar á sölukerfi amatörstöðva og búnaðar.
Farið var yfir markaðinn í heild og fram kom m.a. að 13 framleiðendur í 7 þjóðlöndum bjóða alls 46 gerðir HF stöðva sem skiptast á 15 mismundandi tegundir. Þrír þeirra stærstu, Icom, JCV Kenwood og Yaesu, eru með 52% af framboðinu. Ódýrasta HF stöðin er Minion Mini frá QRPver í Úkraínu sem kostar 52 þúsund krónur og ódýrasta 100W stöðin er DX-SR8 frá Alinco í Japan sem kostar 83 þúsund krónur (verð með öllum gjöldum til landsins m.v. daginn í dag).
Jónas leit að lokum til þróunar markaðarins fram til ársins 2025. Hann ræddi um væntanlegar breytingar svo sem aukna innkomu framleiðenda frá A-Evrópu og Kína. Ennfremur um stöðu áhugamálsins gagnvart breyttri þjóðfélagsskipan, m.a. aukna samkeppni um tíma fólks og tómstundir sem hefur áhrif á endurnýjun í hópi radíóamatöra líkt og annars staðar.
Alls mættu 27 í Skeljanes þetta ágæta fimmtudagskvöld. Mikill áhugi var á umfjöllunarefninu og fyrirspurnir og umræður stóðu fram yfir kl. 22:30 þegar TF3JB var þakkað fyrir fróðlegt og áhugavert erindi með lófaklappi.
Skeljanes 28. febrúar; nýjar HF stöðvar
Næsta erindi á vetrardagskrá ÍRA er í boði fimmtudaginn 28. febrúar kl. 20:30. Þá mætir Jónas Bjarnason, TF3JB, í Skeljanes með erindið “Kaup á nýrri HF amatörstöð vorið 2019; markaðurinn og ný viðhorf”.
Erindið byggir á grein hans um “Kaup á nýrri HF amatörstöð vorið 2018” sem birtist í 1. tbl. CQ TF, 2018. Á því tæpa ári sem liðið er, hefur markaðurinn þróast og tekið breytingum í ljósi nýrra viðhorfa. Sumpart eru það viðhorf sem eru kunn frá fyrri tímabilum þegar samhengi sólblettaleysis og skilyrða hafa hafa haft áhrif á fjarskiptin og ekki síður í ljósi nýrrar stafrænnar samskiptatækni sem mjög hefur rutt sér til rúms síðustu misseri.
Framtíðin er spennandi í þessum efnum enda eru radíóamatörar þekktir fyrir að notfæra sér nýjustu tækni hverju sinni.
Stjórn ÍRA hvetur félaga til að mæta tímanlega. Kaffiveitingar.