Íslenskir radíóamatörar – allar fréttir

Próf Fjarskiptastofu (FST) til amatörleyfis verður haldið í stofu HR V107 í Háskólanum í Reykjavík laugardaginn 21. maí 2022, samkvæmt eftirfarandi:

10:00 – 12:00 Raffræði og radíótækni.
13:00 – 14:00 Reglur og viðskipti.
14:30 – Prófsýning.

Prófið er opið öllum og því ekki er nauðsynlegt að hafa setið námskeið til undirbúnings. Fyrirspurnir eru velkomnar á netfangið ira(hjá)ira.is  Aðrir en þeir sem hafa setið yfirstandandi námskeið félagsins eru beðnir um að skrá sig hjá ÍRA í tölvupósti ekki síðar en 18. maí.

Prófað verður bæði á íslensku og ensku. Komið verður til móts við þátttakendur úti á landi með prófstað í (eða nærri) heimabyggð.

Eftirfarandi úrræði (annað eða hvoru tveggja) eru í boði ef um þau er beðið ekki síðar en 18. maí: (a) Litaður pappír, fölgrænn eða drapplitur og (b) stækkun í A3. Senda þarf tölvupóst á Kristinn Andersen TF3KX: kristinn1(hjá)gmail.com

1) Notið einfaldar reiknivélar, sem augljóslega geta ekki geymt gögn.
2) Hafið með ykkur blýanta, strokleður og reglustiku (!) sem hentar reiknigrafi.
3) Endanleg einkunn kemur frá PFS á uppgefið netfang, annars heimilisfang.
4) Gætið þess að hvoru tveggja sé greinilega skrifað.
5) Rissblöðum er ekki útbýtt, notið auðu hliðar prófblaðanna.

Með ósk um gott gengi,

Prófnefnd ÍRA.

ÍRA barst í dag, 13. maí, eftirfarandi þrjú mælitæki að gjöf.

• Audio Generator frá Potomatic Instruments, Inc., gerð AG-51. Tækið er nýtt og ónotað.
• Audio Analyzer, frá Potomatic Instruments, Inc., gerð AA-51A. Tækið er nýtt og ónotað.
• Test Oscillator frá Stanford Electronics, Inc., gerð AN/PRM-10. Tækið er í góðu lagi.

Gefandi er félagsmaður sem óskar eftir að láta nafns síns ekki getið.

Stjórn ÍRA þakkar nytsamar gjafir og hlýjan hug til félagsins.

Próf Fjarskiptastofu (FST) til amatörleyfis verður haldið í stofu V107 í Háskólanum í Reykjavík laugardaginn 21. maí 2022 kl. 10 árdegis. Prófið verður í boði á íslensku og ensku.

Prófið er opið öllum og því ekki er nauðsynlegt að hafa setið námskeið til undirbúnings. Stefnt er að því að koma til móts við þátttakendur úti á landi með prófstað í, eða nærri heimabyggð. Fyrirspurnir eru velkomnar á netfangið ira(hjá)ira.is

Nánari upplýsingar munu birtast á heimasíðu ÍRA þegar nær dregur.

Prófnefnd ÍRA.

Stórvirki var unnið á vettvangi áhugamáls okkar fyrir fjórum árum þegar tveir nýir radíóvitar voru settir í loftið þann 12. maí 2018. Þeir vinna á 50.457 MHz á 6 metrum og  70.057 MHz á 4 metrum. QTH er Álftanes á Mýrum. Til hagræðis er notað sama kallmerki, TF1VHF. Merki heyrast vel í Reykjavík, um Suðurnes, austur fyrir fjall, um Snæfellsnes og um Vesturland og til útlanda.

Mikill áhugi varð strax á vitunum bæði innanlands sem utan. Verkefnið var í raun eitthvað sem hafði verið beðið eftir lengi. Nú voru í fyrsta skipti í boði stöðug merki á 6 metrum og 4 metrum (allan sólarhringinn) þegar menn gerðu tilraunir í þessum tíðnisviðum.

Ólafur B. Ólafsson, TF3ML annaðist uppsetningu búnaðar, fjármagnaði verkefnið og stóð straum af öllum kostnaði. Ólafur hefur, eins og kunnugt er, einnig unnið frábært starf undanfarin ár við uppbyggingu endurvarpa í VHF og UHF tíðnisviðunum í Bláfjöllum, á Skálafelli og á Mýrum.

Þakkir til Ólafs fyrir frábært framlag til áhugamálsins.

Stjórn ÍRA.

APRS-IS kerfið hefur verið í uppbyggingu um nokkurra ára skeið. Í fyrrasumar kom nýr APRS stafvarpi til sögunnar þann 8. ágúst; TF1SS-1 á Úlfljótsfjalli, auk þess sem unnið var við loftnet og búnað TF8APA á Þorbirni og TF3IRA-1Ø í Skeljanesi.

Það er APRS hópurinn sem vann að þessu verkefni líkt og fyrri ár. Það eru einkum þeir Magnús Ragnarsson TF1MT, Guðmundur Sigurðsson TF3GS, Jón Þ. Jónsson TF3JA, Samúel Þór Hjaltalín TF3SUT og Árni Þór Ómarsson TF3CE. Öll vinna er unnin í sjálfboðavinnu, en ÍRA hefur kostað hluta af búnaði úr félagssjóði, m.a. Microsat WX3in1 Mini APRS Digipeater/I-gate og PLXDigi.

Í meðfylgjandi töflu eru upplýsingar um búnaðinn.

Þakkir til APRS hópsins fyrir góð störf að þessu áhugaverða verkefni.

Stjórn ÍRA.

QRG (MHz)	STAÐUR	KALLMERKI	TEGUND	HNIT	EIGANDI
144.800	Búrfell, 669 m. yfir sjó	TF1APA	Stafvarpi	IP04cb	TF1MT
144.800	Reynisfjall, 340 m. yfir sjó	TF1APB	Stafvarpi	HP93lw	APRS hópurinn
144.800	Landeyjar	TF1MT-1	Stafvarpi/gátt	HP93wo	TF1MT
144.800	Reykjavík (Skeljanes)	TF3IRA-1Ø	Stafvarpi/gátt	HP94ad	ÍRA
144.800	Reykjavík (Hraunbær)	TF3RPF	Stafvarpi	HP94cc	TF3JA
144.800	Akureyri (Kjarnaskógur)	TF5SS	Stafvarpi/gátt	IP05wp	APRS hópurinn
144.800	Þorbjarnarfell, 244 m. yfir sjó	TF8APA	Stafvarpi	HP83su	ÍRA
144.800	Úlfljótsfjall, 248 m. yfir sjó	TF2SS-1	Stafvarpi	IP14ej	APRS hópurinn