Archive for category: Fréttir

Claude Golcman, FM5CY, og XYL munu heimsækja Ísland í júnímánuði. Þau hjón eru væntanleg til landsins næstu daga og munu dvelja hérlendis í rúmar tvær vikur. Þau langar m.a. til að hitta íslenska radíóamatöra og munu koma í heimsókn í félagsaðstöðu Í.R.A. í Skeljanesi fimmtudaginn 16. júní n.k. Claude er m.a. áhugamaður um neyðarfjarskipti og hefur tekið þátt í að skipuleggja aðkomu radíóamatöra að slíkum verkefnum á Martinique.

Claude býður okkur upp á myndasýningu og stutta kynningu á heimalandi sínu og mun erindi hans hefjast kl. 20:30 fimmtudaginn 16. júní. Hrafnhildur Heimisdóttir (dóttir Heimis Konráðssonar, TF1EIN) mun þýða yfir á íslensku.

Martinique (eða Martíník) er eyja í Karíbahafi, hluti af Litlu-Antillaeyjum. Hún er 1128 ferkílómetrar að stærð og er franskt umdæmi (handan hafsins) og hérað í Frakklandi. Eyjan varð frönsk nýlenda árið 1635. Joséphine de Beauharnais, kona Napóleons fæddist á Martinique árið 1763, dóttir franskra plantekrueigenda. Þar sem Martinique er hluti af Frakklandi er hún hluti af Evrópusambandinu, opinbert tungumál er franska (þótt margir eyjaskeggjar tali jafnframt “franska kreólsku” (Créole Matiniquais). Gjaldmiðillinn er evra.

Próf til amatörleyfis fór fram í félagsaðstöðu Í.R.A. við Skeljanes laugardaginn 28. maí. Alls þreyttu 18 nemendur prófið, þar af 17 í tækni og 14 í reglugerðum. 13 náðu fullnægjandi árangri til réttinda í tæknihlutanum (ýmist til N- eða G-leyfis) og allir 14 náðu fullnægjandi árangri til réttinda í reglugerðahlutanum.

Prófnefnd Í.R.A. annaðist framkvæmd að viðstöddum fulltrúa Póst- og fjarskiptastofnunar. Prófið hófst kl. 10 árdegis á prófi í rafmagns- og radíófræði sem stóð til kl. 12 á hádegi. Um stundarfjórðungi síðar hófst próf í innlendum og erlendum reglum um viðskipti og aðferðir og reglum um þráðlaus fjarskipti áhugamanna sem stóð til kl. 14. Bæði prófin voru skrifleg.

Fulltrúar prófnefndar Í.R.A. á prófstað: Vilhjálmur Þór Kjartansson, TF3DX, formaður; Kristján Benediktsson, TF3KB; Kristinn Andersen, TF3KX; Vilhjálmur Í. Sigurjónsson, TF3VS; og Sigurður Smári Hreinsson, TF8SM. Fulltrúi Póst- og fjarskiptastofnnar á prófstað: Bjarni Sigurðsson, verkfræðingur. Fulltrúar stjórnar Í.R.A. á prófstað: Kjartan Bjarnason, TF3BJ; Jónas Bjarnason, TF2JB; og Sæmundur E. Þorsteinsson, TF3UA.

Námskeið Í.R.A. til amatörprófs hófst þann 7. mars s.l. og lauk þann 25. maí s.l. Það var í umsjón Kjartans H. Bjarnasonar, TF3BJ. Þeir sem komu að kennslu á námskeiðinu ásamt Kjartani, voru: Andrés Þórarinsson, TF3AM; Henry Arnar Hálfdánarson, TF3HRY; Sæmundur E. Þorsteinsson, TF3UA; Vilhjálmur Þór Kjartansson, TF3DX; og Þór Þórisson, TF3GW.

Stjórn Í.R.A. færir Kjartani H. Bjarnasyni, TF3BJ, umsjónarmanni námskeiðsins og leiðbeinendum þakkir fyrir vel unnin störf. Það sama á við um Vilhjálm Þór Kjartansson, TF3DX, formann prófnefndar og prófnefndarmenn, sem sinntu störfum faglega og af alúð. Þá er Bjarna Sigurðssyni, fulltrúa Póst- og fjarskiptastofnunar, þökkuð viðvera í prófinu.

TF2JB

 

Fyrsti fundur nýrrar stjórnar Í.R.A. starfsárið 2011-2012 var haldinn fimmtudaginn 26. maí 2011 í félagsaðstöðunni við Skeljanes.
Stjórnin skipti með sér verkum á fundinum og er skipan embætta sem hér segir á nýju starfsári:

Embætti	Nafn stjórnarmanns	Kallmerki	Leyfisbréf
Formaður	Jónas Bjarnason	Unknown macro: {center}TF2JB	Unknown macro: {center}80
Varaformaður	Kjartan H. Bjarnason	Unknown macro: {center}TF3BJ	Unknown macro: {center}100
Ritari	Sæmundur E. Þorsteinsson	Unknown macro: {center}TF3UA	Unknown macro: {center}90
Gjaldkeri	Gísli G. Ófeigsson	Unknown macro: {center}TF3G	Unknown macro: {center}105
Meðstjórnandi	Benedikt Sveinsson	Unknown macro: {center}TF3CY	Unknown macro: {center}200
Varastjórn	Erling Guðnason	Unknown macro: {center}TF3EE	Unknown macro: {center}187
Varastjórn	Guðmundur Sveinsson	Unknown macro: {center}TF3SG	Unknown macro: {center}315

Á fundinum var jafnframt staðfest skipan embættismanna sem skýrt verður frá innan tíðar, auk annarra mála.