,

Senda þarf inn nýjar beiðnir til PFS um heimildir

Líkt og fram kom á þessum vettvangi 13. desember s.l., hefur Póst- og fjarskiptastofnunin (PFS) ákveðið að framlengja núverandi tímabundnar heimildir íslenskra leyfishafa í 500 kHz og 70 MHz tíðnisviðunum til tveggja ára, þ.e. út árið 2012. Heimildin á 5 MHz bandinu er jafnframt framlengd um tvö ár, en í stað 8 fastra tíðna áður, hafa íslenskir leyfishafar nú fengið nýja 150 kHz heimild á 5260-5410 kHz.

Athygli er vakin á því, að þeir leyfishafar sem áhuga hafa á að gera tilraunir í einhverju eða á öllum þessara tíðnisviða, þurfa sérstaklega að sækja um það til stofnunarinnar. Eldri heimildir gilda einvörðungu til 31. desember n.k. Nægjanlegt er að senda tölvupóst til stofnunarinnar, á hrh hjá pfs.is.

/by
,

30 ár liðin frá þátttöku TF3IRA í CQ WW DX keppninni 1980

Þrjátíu árum eftir góða útkomu í CQ WW DX Phone keppninni árið 1980 frá TF3IRA hittust fjórmenningarnir á ný í fjarskiptaherbergi Í.R.A.: Yngvi Harðarson, TF3Y, Jónas Bjarnason, TF2JB, Sigurður R. Jakobsson, TF3CW og Óskar Sverrisson, TF3DC. Ljósmynd: Jón Svavarsson, TF3MLN.

Fjórir félagsmenn, sem mönnuðu TF3IRA í CQ WW DX Phone keppninni árið 1980, færðu félaginu að gjöf, innrammaða ljósmynd af hópnum sem tekin var af TF3AC (sk) eftir keppnina í þáverandi fjarskiptaherbergi félagsins við Dugguvog í Reykjavík. Í grein um niðurstöður keppninnar, sem birtist í CQ tímaritinu árið 1981, birtist ljósmynd af fjórmenningunum á forsíðu. Ljósmyndin af hópnum hefur nú verið stækkuð og römmuð inn ásamt ljósriti af greininni í CQ tímaritinu og upplýsingum um heildarárangur TF3IRA í keppninni árið 1980, sem var: 2.778.117 punktar, þ.e. 3.642 QSO, 92 svæði og 301 DXCC eining.

Í tilefni þessa, hittust þeir TF3CW, TF3DC, TF2JB og TF3Y ásamt Jóni Svavarssyni, TF3LMN, ljósmyndara, í fjarskiptaherbergi Í.R.A. þann 16. desember og var tekin ljósmynd í tilefni þess að í október s.l. voru liðin 30 ár frá viðburðinum og að metið hefur staðið óhaggað (innan TF) í öll þessi ár. Gjöfinni var formlega veitt viðtaka á stjórnarfundi í Í.R.A. þann 17. desember og verður henni fundinn staður í fjarskiptaherbergi félagsins í samráði við stöðvarstjóra.

/by
,

Vel heppnað erindi TF3GB 16. desember

Salurinn var þétt skipaður enda umfjöllunarefnið áhugavert. Ljósmynd: TF3LMN.

“Við eigum náttúrlega að fylgja stöðlum í stærð og þykkt QSL korta” sagði Bjarni, TF3GB. Ljósmynd: TF3LMN.

Bjarni sýndi og ræddi mismunandi gerðir QSL korta; TF3HQ er eitt af kallmerkjum félagsins. Ljósmynd: TF3LMN.

Bjarni Sverrisson, TF3GB, flutti síðasta fimmtudagserindið á vetrardagskrá félagsins á þessu ári, fimmtudagskvöldið 16. desember. Erindið nefndist “QSL kort; hönnun, framleiðsla, notkun o.fl.”. Bjarni kynnti m.a. áhugaverðar nýjungar í framleiðslu QSL korta, en tiltölulega auðvelt er nú orðið að framleiða eigin kort eftir að sérhönnuð forrit komu til sögunnar (sem m.a. eru fáanleg á netinu). Hann fjallaði einnig um hefðir og skynsemi í QSL málum og hagkvæmni þess að nota QSL Bureau. Alls hlýddu 25 félagsmenn á erindið. Bjarni mun fylgja erindinu eftir með sérstakri grein um QSL kort sem verður til birtingar í CQ TF.

/by
,

Sunnudagsopnun fellur niður

Áður auglýst sunnudagsopnun á morgun, 19. desember, fellur niður.

Opið verður fimmtudagskvöldið 30. desember n.k. frá kl. 20:00 eins og venjulega.

/by
,

Breytingar í stjórn Í.R.A.

Sveinn Bragi Sveinsson, TF3SNN

Kjartan H. Bjarnason, TF3BJ

Sveinn Bragi Sveinsson, TF3SNN, hefur ákveðið að hætta í stjórn Í.R.A. Kjartan H. Bjarnason, TF3BJ, hefur tekið sæti hans í stjórn sem meðstjórnandi. Frá þessu var gengið á stjórnarfundi í félaginu í gær, 17. desember. Sveinn Bragi hefur jafnframt, frá sama tíma, látið af störfum hvað varðar önnur verkefni sem hann hafði umsjón með. Í þakkarávarpi á fundinum í gær, komst formaður m.a. þannig að orði að Sveinn Bragi hafi unnið vel fyrir félagið og það væri ósk hans og stjórnar að Sveinn Bragi kæmi á ný til liðs við félagið þegar hann sæi sér það fært. Sveinn Bragi var kosinn í stjórn á aðalfundi 2009 til tveggja ára.

Kjartan Bjarnason, TF3BJ, nýr meðstjórnandi, er handhafi leyfisbréfs nr. 100 frá 1977 og gekk í Í.R.A. sama ár. Hann hefur sinnt mörgum trúnaðarstörfum fyrir félagið í gegnum tíðina, m.a. gengt embætti formanns, varaformanns, ritara, gjaldkera og nú síðast sem varamaður í stjórn. Hann starfaði jafnframt um árabil sem félagslega kjörinn endurskoðandi, ritstjóri CQ TF og VHF Manager. Stjórn félagsins býður Kjartan velkominn til starfa.

TF2JB

/by
,

Efni í CQ TF sunnudaginn 19. desember

Félagsmenn eru minntir á að skilafrestur efnis í næsta hefti CQ TF er nk. sunnudag, 19. desember.  Ef efni er í undirbúningi væri gott að heyra um það fyrir þann tíma.  Allt efni er vel þegið – greinar, frásagnir, myndir og punktar.  Hafa má samband í tölvupósti eða síma og ritstjóri getur tekið að sér að skrifa texta úr því efni sem honum er sent.

Stefnt er að því að vinna blaðið milli jóla og nýárs og janúarheftið komi því út fljótlega eftir áramót.  Allar athugasemdir og ábendingar v. blaðið eru vel þegnar.

73 / jólakveðjur… Kiddi, TF3KX

Kristinn Andersen, TF3KX
Austurgötu 42, 220 Hafnarfjörður

Netfang: cqtf@ira.is
GSM:  825-8130

/by
,

Stórglæsilegur árangur TF4X í CQWW 160 metra keppninni 2010

Yuri, K3BU, var á lyklinum frá TF4X í CW-hluta CQ WW 160 metra keppninnar 2010.

Í desemberhefti CQ tímaritsins 2010 eru birtar niðurstöður úr CQ WW DX 160 metra keppninni árið 2010, en CW-hluti keppninnar fór fram helgina 23.-25. janúar s.l. og SSB-hlutinn helgina 26.-28. febrúar s.l. Alls sendu 7 TF-stöðvar inn keppnisdagbækur að þessu sinni, þ.e. 6 í CW-hlutanum og 1 í SSB-hlutanum, sbr. eftirfarandi skiptingu:

CW Einmenningsflokkur, hámarksafl: 2 stöðvar.
CW Einmenningsflokkur, lágafl: 1 stöð.
CW Einmenningsflokkur, hámarksafl, aðstoð: 2 stöðvar.
CW Fleirmenningsflokkur, hámarksafl: 1 stöð.
SSB Einmenningsflokkur, hámarksafl: 1 stöð.

Stóru fréttirnar í CQ WW 160 metra keppni ársins 2010 eru stórglæsilegur árangur TF4X í CW hluta keppninnar. Stöðin var alls með 1.234.401 stig sem tryggir 3. sætið yfir heiminn og 2. sætið yfir Evrópu í sínum keppnisflokki. Sá sem mannaði stöðina var Yuri Z. Blanarovich, K3BU, frá Pine Brook í New Jersey. Yuri, sem er 68 ára gamall hefur tekið þátt í keppnum í 51 ár, m.a. fyrstu SAC keppninni árið 1958. Að sögn Þorvaldar, TF4M, náðist þessi góði árangur þrátt fyrir talsverða norðurljósavirkni en samböndin urðu alls 1.575. Samband var haft við 78 DXCC einingar og 51 ríki og fylki í Bandaríkjunum og Kanada.

Niðurstöður í keppninni fyrir TF-stöðvar urðu að öðru leyti samkvæmt eftirfarandi:

Keppnisflokkur Kallmerki Árangur, punktar QSO Margfaldarar DXCC einingar
CW Einmenningsflokkur, hámarksafl TF4X

Unknown macro: {center}1.234.401

Unknown macro: {center}1.575

Unknown macro: {center}51

Unknown macro: {center}78
CW Einmenningsflokkur, hámarksafl TF8SM

Unknown macro: {center}39.950

Unknown macro: {center}150

Unknown macro: {center}5

Unknown macro: {center}45
CW Einmenningsflokkur, lágafl TF3SG

Unknown macro: {center}2

Unknown macro: {center}1

Unknown macro: {center}0

Unknown macro: {center}1
CW Einmenningsflokkur, hámarksafl, aðstoð TF4M

Unknown macro: {center}240

Unknown macro: {center}7

Unknown macro: {center}0

Unknown macro: {center}6
CW Einmenningsflokkur, hámarksafl, aðstoð TF8GX

Unknown macro: {center}12.818

Unknown macro: {center}69

Unknown macro: {center}3

Unknown macro: {center}31
CW Fleirmenningsflokkur TF3IRA

Unknown macro: {center}223.772

Unknown macro: {center}460

Unknown macro: {center}29

Unknown macro: {center}57
SSB Einmenningsflokkur, hámarksafl TF3SG

Unknown macro: {center}20.792

Unknown macro: {center}84

Unknown macro: {center}4

Unknown macro: {center}42

Stjórn Í.R.A. óskar hlutaðeigandi til hamingju með stórglæsilegan árangur.

/by
,

TF3GB verður með fimmtudagserindið 16. desember n.k.

Bjarni Sverrisson, TF3GB. Myndin er tekin vorið 2010.

Næsta fimmtudagserindi á vetrardagskrá félagsins verður haldið fimmtudaginn 16. desember kl. 20:30. Fyrirlesari kvöldsins er Bjarni Sverrisson, TF3GB.

Erindið nefnist “QSL kort; hönnun, framleiðsla, notkun o.fl.”. Bjarni mun m.a. kynna áhugaverðar nýjungar í framleiðslu QSL korta.

Félagar, mætum stundvíslega! Kaffiveitingar verða í fundarhléi kl. 21:15. Meðlæti verður í boði Geirabakarís í Borgarnesi.

/by
,

Póst- og fjarskiptastofnun framlengir heimildir á 500 kHz, 5 MHz og 70 MHz

Í.R.A. hefur borist erindi Póst- og fjarskiptastofnar dags. 13. desember þess efnis, að heimildir til íslenskra leyfishafa um tímabundna notkun tíðna í 500 kHz, 5 MHz og 70 MHz tíðnisviðunum, sem renna áttu út þann 31. desember n.k. hafi verið framlengdar um tvö ár, til 31. desember 2012. Heimildir á 500 kHz og 70 MHz eru framlengdar óbreyttar frá fyrri heimild þann 19. febrúar s.l. Stofnunin gerir þá breytingu hvað varðar 5 MHz, að í stað 8 fastra tíðna áður, er nú veitt 150 kHz heimild í tíðnisviðinu 5.260-5.410 MHz. Þessi breyting er samhljóma beiðni félagsins til stofnunarinnar dags. 13. janúar s.l., nema að afl frá fyrri heimild er samtímis skert úr 200W í 100W.

Nánar til tekið heimilar stofnunin tímabundna notkun á eftirfarandi tíðnum í tilraunaskyni með eftirfarandi skilyrðum:

600 metra bandið Tíðnisviðið 493-510 kHz er heimilað; A1A tegund útgeislunar; og hámarks útgeislað afl 100W.
60 metra bandið Tíðnisviðið 5260-5410 kHz er heimilað; J3E (USB) og A1A tegundir útgeislunar; hámarks bandbreidd 3 kHz; og hámarks útgeislað afl 100W.
4 metra bandið Tíðnisviðið 70.000-70.200 MHz er heimilað; engin skilyrði um tegund útgeislunar en hámarks bandbreidd er 16 kHz; og hámarks útgeislað afl 100W.

Það á við um öll böndin, að þeir leyfishafar sem óska að vinna á umræddum tíðnum þurfa að sækja sérstaklega um það til stofnunarinnar á netfangið: hrh@pfs.is. Tíðnisviðin eru opin opin G-leyfishöfum sem og N-leyfishöfum. Nánar verður fjallað um málið í næsta tölublaði CQ TF, 1. tbl. 2011.

Stjórn Í.R.A. fagnar þessum áfanga fyrir hönd íslenskra leyfishafa.

/by
,

Matthías Björnsson, TF3MF, er látinn.

Matthías Björnsson, TF3MF, er látinn. Fregn þessa efnis birtist í Morgunblaðinu í dag, 11. desember, að hann hafi látist 8. þ.m.

Matthías var handhafi leyfisbréfs nr. 139 og félagsmaður í Í.R.A. í um þrjá áratugi. Hann bjó síðast í Mosfellsbæ en hafði m.a. búið um árabil í Eyjafirði, þar sem hann hafði kallmerkið TF5MF. Matthías var á 89. aldursári.

Stjórn Í.R.A. sendir fjölskyldu Matthíasar hugheilar samúðarkveðjur vegna fráfalls hans.

/by