, ,

SAC norræna fjarskiptakeppnin 2017 – Áfram Ísland

Það er auðvitað skylda okkar allra sem á annað borð erum virk á HF að taka þátt í norrænu keppninni/leikunum sem haldnir verða um næstu helgi CW hlutinn og SSB hlutinn verður í næsta mánuði:
SAC CW 16 – 17. september 2017.
SAC SSB 14 – 15. október 2017.
Sólarhringskeppni frá hádegi á laugardegi til hádegis á sunnudegi.

Nánari reglur og meiri upplýsingar eru á:
http://www.sactest.net/blog/
http://www.sactest.net/blog/sac-frequently-asked-questions/

Skilyrðaspárnar gætu verið betri fyrir næstu helgi – en óþarfi að láta þær slá sig út af laginu frekar en aðrar spár.

Hvað þýðir Kp-gildið (til upprifjunar og fyrir nýliða eða aðra sem vilja fylgjast með:
https://www.stjornufraedi.is/solkerfid/jordin/nordurljos/#kp_gildi

 

Félagar okkar sem orðið hafa meistarar í SAC eru þeir:

Norðurlandameistari SOAB CW 2009

TF3Y, Yngvi

 

Norðurlandameistari SOAB SSB 2010

Gulli, TF8GX

 

 

73 de stjórn ÍRA

 

 

 

 

, ,

Opið hús í Skeljanesi í kvöld og IARU útiverudagur um helgina

Opið verður að venju í kvöld í Skeljanesi 20 – 22.

Um helgina er SSB-útiverudagur IARU með sérstakri áherslu á að kynna áhugamálið fyrir ungu fólki. Vísun á reglur og fésbókarsíðu.

SSB útiverudagur IARU varir frá klukkan 13:00 á laugardeginum til klukkan 12:59 á sunnudeginum. Stöð félagsins er til reiðu ef einhverjir vilja koma og fara í loftið.

, ,

Vitahelgin er framundan

Samkvæmt fyrirliggjandi upplýsingum verða radíóamatörar í tveimur vitum á Íslandi um næstu helgi, Garðskagavita og Knararrósvita. Báðir vitarnir voru skráðir fyrir þó nokkru síðan til þáttöku. Á Garðskaga verður notað kallmerkið  TF8IRA og á Knarrarósi verður notað kallmerkið TF1IRA. Ef einhverjir fleiri ætla að virkja vita er velkomið að setja hér inn upplýsingar um það og eins líka væri áhugavert og gaman að fá frétt eftir helgina með myndum af því hvernig til tekst.

Hópar í báðum vitum bjóða öllum áhugasömum að koma og taka þátt eða bara til að spjalla yfir kaffibolla.

ÍRA getur aðstoðað með lán á búnaði og fleira, áhugasamir hafi samband við ira@ira.is, eða TF8KY í tölvupósti hrafnk@gmail.com eða síma 860 0110.

Við í stjórn ÍRA óskum báðum hópum góðs gengis á helginni og munum að hobbíið er eitt af því skemmtilegra sem hægt er að verja sínum frítima í og við erum að þessu til að hafa gaman af.

Garðskagaviti – mynd TF8VET

 

TF3AO skrifar á fésbók:

Sem fyrri ár mun Knarrarósviti verða með á Vitahelginni 2017 og kallmerkið verður: TF1IRA.
Það var líklega 1998 sem vitinn var með í fyrsta skipti og þá í fyrsta skipti sem íslenskur viti var virkjaður þessa helgi. Nokkrir þeirra sem byrjuðu á ævintýrinu hafa haldið tryggð við vitann og gera enn. Má nefna TF3AO, TF3GB og TF8HP sem og fleiri.
Hvetjum við áhugasama að hafa samband við Svan, TF3AB, óski þeir frekari upplýsinga.
Einhverjir okkar verða komnir á staðinn seinnipart föstudags, og fleiri bætast í hópinn á laugardegi.
Þegar er búið að skrá 414 vita, víðsvegar um heiminn.
73 de TF3AO

Knarrarósviti – ljósmynd TF3AO

, ,

Útileikarnir 2017

TF3IK segir frá sinni þátttöku í Útileikunum:
“Svona var þetta hjá mér, TF3IK-5, á útileikunum 2017. Er á Akureyri í orlofshúsi við Furulund. Notaði ICOM IC-7300 stöðina en var líka með Kenwood TK-90 fyrir Landsbjargartíðnirnar (sem voru þó ekki notaðar á útileikunum). Tengdi stöðvarnar með coax skipti út á sameiginlegt net sem er ca 40 metra vír sem myndar 1/2 bylgju á 80 metrunum. Festi 4:1 UnUn við girðinguna bakvið húsið og lyfti 40 metra vírnum (hvítum) upp í röð af öspum sem eru þarna bakvið húsið. Er svo heppinn að hafa mjög gott pláss. Notaði lítinn krók sem ég festi við toppinn á 10 metra telescopic fiberstöngina minni til að lyfta vírnum og fékk aðstoð við þetta frá 15 ára syni mínum. Mótvægið var ca 15 metra vír (rauður) sem ég lagði eftir jörðinni. Hafði engan tíma til að prófa mismunandi útfærslur eða lengdir. Náði held ég bara ágætis neti með þessu en allar ábendingar um að bæta þessa útfærslu eru vel þegnar. Með þessu gat ég tjúnnað með innbyggða tjúnnernum í IC-7300 stöðinni á öllum böndum nema 160 metrunum. Loftnetamælirinn (RigExpert AA-170) sýndi góðan resonance á 3637. Skora á fleiri að lýsa sinni útfærslu.”

Hér á eftir eru nokkrar myndir sem TF3IK sendi með fréttinni:

 

Hlustari sendi inn yfirlit:
“Eftirfarandi kallmerki heyrst í loftinu um helgina á stuttbylgjunni innan lands TF2GZ,  TF2AO, TF3GB/2, TF2LL/9, TF3IK/5, TF1GW, TF3OM/1, TF1JA, TF3VS/1, TF1EIN, TF3ARI, TF3DX, TF3Y, TF8KY, TF3EK, TF5VJN, TF1PB, TF3IG/1 og flestir ef ekki allir hafa tekið þátt að einhverju leyti í Útileikunum 2017. Allir voru á SSB en TF3Y, TF3DX og TF3GB/2 voru líka eitthvað á CW. Einnig heyrðist í OZ1OM Ómari frá Danmörku bæði á SSB og CW. Kallmerkin eru listuð með fyrirvara um að einhver kallmerki geti hafa farið fram hjá hlustara.”

 

, ,

TF-Útileikar 2017

Fámennt en góðmennt var í Skeljanesi í gærkvöldi þar sem TF3EK fór yfir framkvæmd komandi Útileika og sýndi á grasflötinni við Skeljanes hve auðvelt er að setja upp loftnet í fljótheitum og fara í loftið á 80 og 20 metrum. Allt sem þarf er stöð með aflgjafa, 2o metra langur vír, rápstöng eða eitthvað til að binda endann á loftnetinu í og lyfta því yfir jörð og bíll eða radíóamatör sem mótvægi.

TF3EK og TF3DT skeggræða um upphitun alheims og loftnet.

Þegar líða tók á kvöldið kom einn nýorðinn radíóamatör, TF3PW Jón Björnsson, í heimsókn og sagðist stefna að koma í loftið um hegina frá Skorradal.

Inni í húsi sátu TF3MH og TF3JA og ræddu um félagsheimilið og framtíð þess.

Radíómatörar eru hvattir til að taka þátt í Útileikunum um helgina þrátt fyrir að verulegar líkur séu á slæmum HF skilyrðum. Þessa stundina er k stuðullinn 4.

Sérheimild til að nota 60 metra bandið óbreytt var í maí á þessu ári framlengd til 31. desember 2017 meðan verið er að skoða framhaldið.
 
Bréf frá Pfs 12. maí á þessu ári:
Með bréfi 2014120011 dags 2.12.2014 heimilaði PFS radíóáhugamönnum tímabundna notkun tíðnisviðsins 5260-5410 kHz út árið 2016. Heimildin var síðan framlengd til 1.5.2017.
25 radíóáhugamenn hafa sótt um slíka heimild og fengið ..
Ofangreind heimild framlengist hér með til 31.12.2017 á meðan framhaldið er skoðað.
Með kveðju
PÓST- OG FJARSKIPTASTOFNUN
Hörður R. Harðarson
f.h. stjórnar ÍRA,
góða helgi
73 de TF3JA
,

Loftnet og útileikar, opið hús í Skeljanesi

Á útileikum reynir  á samskpti innannlands með HF og MF bylgjum. Víða í óbyggðum, inn á milli fjalla og í þröngum dölum er ekki hægt að treysta á  að hægt sé að ná sambandi með farsímum og öðurm tækjum sem byggja á VHF eða hærri tíðnum. Góð loftnet fyrir bylgjulengdir á bilinu 40 til 160 metrar þurfa ekki að vera flókin smíð, en þau eru plássferk. Fáir þeirra sem búa í þéttbýli hafa t.d. pláss fyrir hálfbylgju loftnet fyrir 80 eða 160 metra heima hjá sér.

Einfalt loftnet, sem ekki þarf aðlögun á 80m, er 20 m langur vír sem tengdur er beint í miðju loftnetstengis á stöð sem fær rafmagn frá bíl. Í þessu tilfelli virkar bíllinn sem mótvægi. Með tjúner má nota 50 til 60 m langan vír á öllum útileikja böndum, þar sem bíll er mótvægi. Dæmi um vír sem ódýr og þjáll í notkun:  www.reykjafell.is/vorur
Í opnu húsi í Skeljanesi í kvöld verða sýnd dæmi um vír loftnet sem henta fyrir útileika.

Hér eru frekari upplýsingar um útileikana.

 

, ,

Rafræn dagbók fyrir útleika um næstu helgi

Eitt af markmiðum við endurskoðun á reglum um TF útileika, var að gera rafræn skil og úrvinnslu á radíó dagbókum auðveldari. Nú verður hægt að skrá dagbókina inn jafnóðum og jafnframt fylgjast með stöðu annara þáttakenda. Vinnan við verkfærin er það langt komin að hægt er að sjá formið á færslum og stigaútreikning hér.

Viðmót radídagbókar fyrir TF útileika 2017.

, ,

SOTA, TF15MOOT og IOTA um helgina

TF3GD og TF3DX verða á 145.500 FM og 14.034 CW í Hrafntinnuskeri um hádegisbil í dag sunnudaginn 30. júlí.

Vonumst vera Hrafntinnuskeri hádegisbil, 3GD m. gott loftn. 145.500,  3DX CW 14.034 +/– QRM.

73, Villi       Sent úr Samsung-spjaldi

 

TF15MOOT er í loftinu á 14.289 SSB.

 

 

, ,

RSGB IOTA (Islands on the air) 2017 fer fram um næstu helgi

Frá hádegi á laugardag 29/7 til hádegis á sunnudag 30/7.  IOTA númer eru margfaldarar:

ICELAND

EU-021 TF – Ísland er landið +

EU-168 TF – (Coastal islands not qualifying for other groups). ICELAND’S COASTAL ISLANDS (=Aedey, Akureyjar, Andey, Arney, Bildsey, Bjarnarey, Bjarneyjar, Brokey, Drangey, Eldey, Eldeyjardrangur, Ellidaey, Engey, Fagurey, Flatey [x2], Fremri Langey, Grimsey [x2], Hergilsey, Hlada, Holey, Hrappsey, Hrisey, Hrollaugseyjar, Hvallatur, Klofningur, Langey, Malmey, Manareyjar, Olafseyjar, Oxney, Papey, Raudseyjar, Seley, Skaleyjar, Skrudur, Sudurlond, Svefneyjar, Svidnur, Tvisker, Videy, Vigur [x2]) (Note: not EU-071 counters)

EU-071 TF7 – Read more

,

Útileikar eftir tvær vikur

Nú eru rúmar tvær vikur í TF-útileikana. Í þetta sinn hefur reglum verið breytt nokkuð, aðallega varðandi útreikning stiga og upplýsingar sem menn senda á milli sín. Reglur varðandi þáttökutíma og tíðnir eru óbreyttar.

  • Lágmarks upplýsingar sem menn skiptast á  eru QSO og QTH, var QSO og  RS(T).
  • QTH má gefa sem breidd og lengd í heilum gráðum, eða fjögurra eða sex stafa Maidenhead locator, dæmi: 6421 eða HP94 eða HP94bc
  • Viðbótar stig fæst með því að skiptast á RS(T) og afli í Wöttum. Áður var líka beðið um uppruna rafmagns og loftnet.
  • Stig bætast við ef sent er milli reita sem skilgreindir er með fjögurra stafa Maidenhead locator. Stig bætist við fyrir samanlagðan mismun á númerum reita í norður og austur.
  • Einn margfaldari er notaður, fer eftir fjölda reita sem sent er frá, minnst  3,  mest 6.

Þessar breytingar á stiga útreikningum valda því að það getur borgað sig að fara sem lengst frá suðvestur horninu, jafnvel þótt þá ekki náist jafn mörg sambönd. Það gefur líka fleiri stig ef menn færa sig á milli reita. Þetta er veruleg breyting frá fyrri reglum þar sem fjöldi sambanda réði mestu um heildar fjölda stiga.

Texti reglnanna var endurskrifaður og felld út ákvæði sem sjaldan hefur reynt á upp á síðkastið, svo sem skipting í keppnisflokka, QTC og DX sambönd. Nú er þáttaka opin öllum amatörum sem staddir eru á Íslandi, með leyfi sem gilda hér.

Ekki er lengur vísað í kallsvæði, enda hefur Póst- og fjarskiptastofnun samþykkt tillögur að breytingum á reglum um kallmerki sem samþykktar voru á aðalfundi IRA 2017. Ný reglugerð er nú í vinnslu í Samgöngu- og sveitarstjórnarráðuneytinu og tekur væntanlega gildi þegar þeirri vinnu er lokið.

Á opnu húsi í Skeljanesi í kvöld gefst tækifæri til að spjalla og deila reynslu og skoðunum um TF-útileika, kallmerki eða hvað annað sem mönnum liggur á hjarta.