,

Anna, TF3VB og Vala, TFVD segja frá alþjóðlegu starfi YL í kvöld

Anna og Vala verða á opnu húsi í kvöld í Skeljanesi og segja frá alþjóðlegu samstarfi YL, ráðstefnum sem þær hafa farið á og starfinu framundan. Dagana 9. til 12. maí næstkomandi verður haldin alþjóðleg ráðstefna kvenradíóamatöra hér á Íslandi, International Young Lady conference. 26 erlendir gestir, 16 YL og 10 OM hafa boðað komu sína á ráðstefnuna

Föstudaginn 9. maí fer hópurinn í skoðunarferð um Reykjavík sem endar í Skerjafirðinum hjá ÍRA um kl. 16. Félagsmenn ÍRA eru hvattir til að kíkja við í Skerjafirðinum á leið heim úr vinnu þann dag, hitta erlendu gestina, spjalla um áhugamálið og kynna sig.

Laugardaginn 10. maí ætla konurnar að eiga stund saman en karlarnir fara í “dagvistun” hjá ÍRA. Þann dag frá kl. 10 til 15 verður opið hús í Skerjafirðinum þar sem erlendu gestunum gefst tækifæri til að taka í lykilinn, prófa mækinn og skoða búnað TF3IRA, jafnvel taka þátt í einhverju verkefni við stöðina eins og að lagfæra eða setja upp loftnet.

Sunnudaginn 11. maí verður hinn eiginlegi ráðstefnudagur og eru ÍRA félagar og aðrir áhugasamir velkomnir á ráðstefnuna. Á ráðstefnunni kynna Íslenskir fyrirlesarar ýmis fjarskiptatengd verkefni á ensku. Meðal annars ætlar starfsmaður 112 að kynna öryggisfjarskiptakerfi landsins og Sólveig Þorvaldsdóttir fyrrum framkvæmdastjóri Almannavarna ætlar að segja frá ýmsum alþjóðlegum rústabjörgunarverkefnum og mikilvægi fjarskipta þeim tengdum. Ráðstefnan verður frá kl. 13 til  16 og er þátttökugjaldið 1.500 kr. Á ráðstefnunni verður boðið uppá kaffi og meðlæti.

Að kvöldi sunnudagsins stendur ÍRA félögum til boða að taka þátt í hátíðarkvöldverði ráðstefnunnar. Kvöldverður, 3 rétta, kostar 9.500 á mann. Þeir sem koma bæði á ráðstefnu og kvöldverð greiða fyrir það samtals 10.000 krónur.

Vegna vinnu við skipulag ráðstefnunnar er mikilvægt að áhugasamir skrái sig, að minnsta kosti á kvöldverðinn, sem fyrst. Vala tekur við skráningu í netfangið tf3vd@centrum.is. Heimasíða ráðstefnunnar er www.iyl.ritmal.is.

/by
,

APRS virkt á ný í Bláfjöllum

TF2SUT og TF3JA fóru í Bláfjöll um kvöldmatarleytið í gær og settu upp nýtt loftnet á APRS stafapéturinn, TF3APB. Sett var upp Kathrein tveggja staka loftnet sem vísar í austurátt og inná suðurhluta miðhálendis landsins. Búnaðurinn virkar vel að því er virðist við fyrstu prófanir. Loftnetið hafði brotnað og fokið út í veður og vind snemma vetrar. Stafavarpinn vann samt sem áður í allan vetur á slitnum RG-58 kóax en með mjög skertri ruglingslegri virkni sem skýrist af sveiflandi kóaxenda í ýmsum veðrum og vindum. Hér fyrir neðan er vindhraðakúrfa við Bláfjallaskála síðasta sólarhring. Verkinu lauk uppúr níu í gærkvöldi. Ekki verður sagt annað en að þjónusta Bláfjallastarfsfólks hafi verið frábær því þegar þeir sáu eftir að lyftum hafði verið lokað að einn lítill rauður Yaris stóð eftir mannlaus á bílastæðinu og óveður í aðsigi fundu þeir út með hjálp lögreglu hver var á bílnum og hringdu til að kanna hvort ekki væri allt í lagi. Svo vel vildi til að þeir TF2SUT og TF3JA voru þá eimmitt að týa sig til heimferðar og eins og hendi væri veifað kom Bláfjallastarfsmaður á vélsleða og skutlaði þeim niður á bílastæðið ásamt öllum búnaði í tveimur ferðum. Í vor er á döfinni loftbelgjaflug og jafnvel eldflaugarskot hér á skerinu.

Vindhraði við Bláfjallaskála

/by
,

Þrjár helstu sýningar og ráðstefnur radíóamatöra á árinu 2014

59. Dayton Hamvention sýningin verður haldin 16.-18. maí n.k. í Dayton í Ohio í Bandaríkjunum. Þetta er stærsta sýningin fyrir radíóamatöra í N-Ameríku og voru gestir alls 25.600 í fyrra (2013).

39. Ham Radio sýningin verður haldin 27.-29. júní n.k. í Friedrichshafen í Þýskalandi. Þetta er stærsta sýningin fyrir radíóamatöra í Evrópu og voru gestir alls 15.300 í fyrra (2013). Í sumar verður hún „breikkuð“, þ.e. við bætist (á sama sýningarsvæði) sérsýningin i Maker World í aðgreindum sýningarsölum. Maker World er samheiti m.a. fyrir áhugamenn um tölvur, hugbúnað, vélmenni (e. roboting), hugbúnað o.m.fl.

37. Tokyo Ham Fair sýningin verður haldin 22.-24. ágúst n.k. í Tokyo í Japan. Þetta er stærsta sýningin fyrir radíóamatöra í Asíu og í heiminum og voru gestir alls um 35.000 í fyrra (2013).

þessar upplýsingar birtast jafnframt á póstlista félagsins.

/by
, ,

Þáttaka TF3W í ARRL INT DX SSB 2014

Upplýsingar um “claimed” skor TF3W í international ARRL dX keppni 2014. Aðrar íslenskar stöðvar sem vitað er um að þátt tóku í keppninni eru TF3CY.

73

Guðmundur

/by
,

Úthlutun styrkja úr skóla- og frístundaráði 2014

Tilkynning:
Á fundi skóla- og frístundaráðs Reykjavíkur 5. febrúar var samþykkt að veita verkefnastyrk að upphæð kr. 200.000 til ÍRA til tómstunda- og fræðslustarfs með unglingum með það fyrir augum að örva áhuga barna á einföldum smíðaverkefnum sem tengjast undirstöðum rafmagnsfræða. Styrkupphæðin er veitt til þess að standa straum að væntanlegum efniskaupum í tengslum við verkefnið.
Nánar verður sagt frá verkefninu síðar.
73
Guðmundur, TF3SG

/by
,

Aðalfundur ÍRA , dagsetning 17. maí 2014

Tilkynning,

Ráðgert er að aðalfundur ÍRA 2014 verði haldinn 17. maí 2014 í sal og húsnæði TR, Faxafeni 12.

Auglýsing um aðalfund verður send út síðar.

73

Guðmundur, TF3SG

/by
, ,

ARRL International DX keppnin á tali um næstu helgi

2014 ARRL International DX Contest (Phone)

er um næstu helgi 1. og 2. mars, 48 tímar, sjá nánar reglur keppninnar.

Í keppninni reyna amatörar um allan heim utan W/VE að ná sem flestum samböndum við stöðvar í Bandríkjunum og Kanada.

/by
,

Færum tækin nær loftnetinu

Sælir félagar.

Ég rakst í morgun á þessa frétt sem mér finnst eiga miklu betur við okkur radíóáhugamenn sem forsíðufrétt en sú sem var hér í fyrsta sæti.. fréttin er um þá nýju tækni sem er að þróast í framhaldi af SDR-tækninni að staðsetja tækin nær loftnetinu eða jafnvel innbyggð í loftnetin. Við lestur fréttarinnar mundi ég líka allt í einu eftir því að þegar Villi DX kom heim frá sínu námi í USA fyrir einum mannsaldri eða svo var hann uppfullur af hugmyndum um að bestu viðtækin væru með beina umbreytingu frá RF í AF án millitíðni og án allra LC rása á inngangi. Nú er þessi Villa-veröld orðin að veruleika eins og kannski allir vita en fyrir þá sem kannski ekki hafa alveg fylgst með gæti verið áhugavert að lesa þessa frétt.
Ég get heldur ekki látið hjá líða að minnast Skyggnis heitins en hann var eimmitt byggður á þennan hátt, að vísu þannig að virkni 32 metra loftnetsins var dregin inn að tækjunum með hjálp spegla.

Pushing Software Radio Closer To The Antenna

By Pentek, Inc.

New technologies offer engineers of SDR (software-defined radio) systems diverse opportunities to perform digital-signal processing much closer to the antenna than ever before. Strategies for doing so include the latest wideband data converters, monolithic receiver chips, compact RF tuners, and remote receiver modules using gigabit serial interfaces. Each approach presents benefits and tradeoffs that must be considered in choosing the optimal solution for a given application.

73 de TF3JA

/by
,

TF3AM og TF2LL hætta í stjórn ÍRA

Úr stjórn ÍRA hafa sagt sig:

Andrés Þórarinsson TF3AM hefur í tölvupósti á Irapósti sagt sig úr stjórn ÍRA.

Georg Magnússon, TF2LL hefur með tölvupóst tilkynnt að hann sé hættur í stjórn ÍRA.

Það er með trega sem stjórn ÍRA horfir á eftir Andrési og Georg hverfa á braut úr stjórn ÍRA. Formaður ÍRA færir þeim þakkir fyrir samstarfið.

73

Guðmundur, TF3SG

/by
,

IYL 2014 – YL ráðstefna á Íslandi í vor

Dagana 9. til 12. maí næstkomandi verður haldin alþjóðleg ráðstefna kvenradíóamatöra hér á Íslandi, International Young Lady conference. 26 erlendir gestir, 16 YL og 10 OM hafa boðað komu sína á ráðstefnuna. Anna Henriksdóttir, TF3VB, og Vala Dröfn Hauksdóttir, TF3VD, skipuleggja ráðstefnuna og ÍRA kemur að ráðstefnunni á ýmsan hátt.

Föstudaginn 9. maí fer hópurinn í skoðunarferð um Reykjavík sem endar í Skerjafirðinum hjá ÍRA um kl. 16. Félagsmenn ÍRA eru hvattir til að kíkja við í Skerjafirðinum á leið heim úr vinnu þann dag, hitta erlendu gestina, spjalla um áhugamálið og kynna sig.

Laugardaginn 10. maí ætla konurnar að eiga stund saman en karlarnir fara í “dagvistun” hjá ÍRA. Þann dag frá kl. 10 til 15 verður opið hús í Skerjafirðinum þar sem erlendu gestunum gefst tækifæri til að taka í lykilinn, prófa mækinn og skoða búnað TF3IRA, jafnvel taka þátt í einhverju verkefni við stöðina eins og að lagfæra eða setja upp loftnet.

Sunnudaginn 11. maí verður hinn eiginlegi ráðstefnudagur og eru ÍRA félagar og aðrir áhugasamir velkomnir á ráðstefnuna. Á ráðstefnunni kynna Íslenskir fyrirlesarar ýmis fjarskiptatengd verkefni á ensku. Meðal annars ætlar starfsmaður 112 að kynna öryggisfjarskiptakerfi landsins og Sólveig Þorvaldsdóttir fyrrum framkvæmdastjóri Almannavarna ætlar að segja frá ýmsum alþjóðlegum rústabjörgunarverkefnum og mikilvægi fjarskipta þeim tengdum. Ráðstefnan verður frá kl. 13 til  16 og er þátttökugjaldið 1.500 kr. Á ráðstefnunni verður boðið uppá kaffi og meðlæti.

Að kvöldi sunnudagsins stendur ÍRA félögum til boða að taka þátt í hátíðarkvöldverði ráðstefnunnar. Kvöldverður, 3 rétta, kostar 9.500 á mann.

Þeir sem koma bæði á ráðstefnu og kvöldverð greiða fyrir það samtals 10.000 krónur.

Vegna vinnu við skipulag ráðstefnunnar er mikilvægt að áhugasamir skrái sig, að minnsta kosti á kvöldverðinn, sem fyrst eða í síðasta lagi fyrir 15. mars. Vala tekur við skráningu í netfangið tf3vd@centrum.is.

Heimasíða ráðstefnunnar er hér: www.iyl.ritmal.is

Félagsmenn eru hvattir til að nýta sér þetta einstaka tækifæri til að hitta amatöra víða að. Anna og Vala verða á opnu húsi fimmtudaginn 27. mars í Skeljanesi og segja frá alþjóðlegu samstarfi YL, ráðstefnum sem þær hafa farið á og starfinu sem framundan er. Nánar verður sagt frá ráðstefnunni í næsta CQTF.

TF3SG, TF3VD, TF3VB og TF3JA hittust í Skeljanesi í kvöld til að spjalla þátt ÍRA í IYL2014.

/by