Jón Björnsson, TF3PW bauð til síðasta netspjalls ársins 2020 fimmtudaginn 17. desember. Notað var vefforritið Zoom sem sækja má frítt á netið.
Góð mæting var og skráðu sig 11 félagsmenn á fundinn sem stóð í rúmar 2,5 klst. Flestir voru Í Reykjavík, en einnig mættu félagar á Reykjanesi, Suðurlandi og Vesturlandi.
Þótt ekki hafi verið sett upp dagskrá fyrirfram skorti ekki umræðuefni. Rætt var m.a. um tækin, SDR viðtæki, loftnet, truflanir, starfrækslu yfir netið, alþjóðlegar keppnir og um skilyrðin.
Bestu þakkir til Jóns Björnssonar, TF3PW. Þetta var 4. fimmtudagskvöldið sem menn hittust á þennan hátt, þar sem Jón efndi einnig til spjalls 10. desember og 26. nóvember s.l., en Ágúst H. Bjarnason, TF3OM reið fyrstur á vaðið með netspjall 19. nóvember s.l. Skemmtileg tilbreyting og vel heppnaður viðburður.
Með batnandi skilyrðum á HF er spennandi að fylgjast með skilyrðunum á 10 metrum, t.d. með því að hlusta eftir merkjum frá þeim mörgu radíóvitum sem þar eru í boði.
Einn þeirra er 7Z1AL/B sem nú hefur hefur verið gangsettur á ný. QRG er 28.212 MHz. Sendiafl er 10W og loftnet er ¼-λ stangar-loftnet. Lyklun: “ID-O-Matic II”. QTH er borgin Dammam í austur-hluta Sádí-Arabíu.
Staðsetning (Maidenhead grid locator): LL56ak. CQ svæði: 21. Fjarlægð frá TF: Um 6.500 km.
Jón Björnsson, TF3PW býður upp á netspjall fimmtudaginn 17. desember kl. 20:00. Líkt og áður verður vefforritið ZOOM notað sem sækja má frítt á netið. Þátttaka er möguleg frá tölvu eða GSM síma.
Engin sérstök dagskrá er fyrirhuguð, en hugmyndin er að prófa samskiptin ef áhugi er fyrir hendi. Sjá upplýsingar neðar. Þetta verður fjórða vefspjallið hingað til.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2020-12-15 12:35:422020-12-15 12:46:11NETSPJALL Í BOÐI 17. DESEMBER
Í dag, 12. desember, bættist við innanlandsviðtæki til hlustunar yfir netið. Um er að ræða KiwiSDR viðtækið sem tekið var niður í Bláfjöllum nýlega. Þar til fundið verður varanlegt QTH, er hugmyndin að vista tækið til bráðabirgða í félagsaðstöðu ÍRA í Skeljanesi.
KiwiSDR viðtækin vinna frá 10 kHz til 30 MHz og er hægt er að hlusta á AM, FM, SSB og CW sendingar, með bandbreidd sem hentar hverri mótun. Allt að átta notendur geta verið skráðir inn á viðtækið samtímis. Ari Þórólfur Jóhannesson TF1A stóð að uppsetningu tækisins í dag, en það er í eigu Georgs Kulp, TF3GZ. Vefslóðin er: http://ira.utvarp.com Loftnet er: New-tronics Hustler BTV-4, fimm banda stangarnet fyrir 80, 40, 20, 15 og 10 metra böndin.
Hin tvö viðtækin sem eru virk í dag (yfir netið) eru staðsett á Bjargtöngum í Vesturbyggð, vestasta tanga Íslands og ysta oddi Látrabjargs og á Raufarhöfn. Vefslóðir:
Stjórn ÍRA þakkar þeim Ara og Georg fyrir dugnað og elju við að sinna þessu verkefni sem er mikilvægt fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.
KiwiSDR viðtækin eru GPS tengd og fyrir vikið búa þau yfir einhverri bestu tíðninákvæmi sem völ er á. Viðtækið var sett upp til bráðabirgða í fjarskiptaherbergi TF3IRA í Skeljanesi. Tækið er lengst til hægri á myndinni. Ljósmynd: TF3JB.KiwiSDR viðtækið tengt og klárt í Skeljanesi. Ari er í símanum við Georg sem gaf uppsetningunni grænt ljós! Ljósmynd: TF3JB.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2020-12-12 15:25:182020-12-13 16:42:31VIÐTÆKI YFIR NETIÐ Í SKELJANESI
Jón Björnsson, TF3PW bauð til netspjalls fimmtudaginn 10. desember. Notað var vefforritið Zoom sem sækja má frítt á netið.
Góð mæting var og skráðu sig 10 félagsmenn á fundinn sem stóð í 2 klst. Flestir voru Í Reykjavík, en einnig frá Hveragerði og Akranesi. Þótt ekki hafi verið sett upp dagskrá fyrirfram skorti ekki umræðuefni.
M.a. var rætt var um tækin, tæknina, smíðar og smíðaverkefni, loftnet, heyrnartól og hljóðnema, fjarskipti yfir netið og alþjóðlegar keppnir, m.a. um ARRL keppnina á 10m sem haldin verður um helgina. Menn skiptust einnig á vefslóðum á áhugaverðar heimasíður.
Bestu þakkir til Jóns Björnssonar, TF3PW. Þetta var 3. fimmtudagskvöldið sem menn hittust á þennan hátt, en Jón efndi einnig til spjalls 26. nóvember (þegar 9 mættu). Ágúst H. Bjarnason, TF3OM reið fyrstur á vaðið með netspjall 19. nóvember (þegar 5 mættu). Skemmtileg tilbreyting og vel heppnuð a.m.k. á meðan félagsaðstaðan er lokuð vegna COVID-19.
ARRL 10 metra keppnin fer fram helgina 12.-13. desember. Þetta er 48 klst. keppni, en þátttaka er heimiluð í mest 36 klst.
Þetta er keppni þar sem allir hafa samband við alla, hvar sem er í heiminum. Hafa má samband einu sinni við hverja stöð á hvorri tegund útgeislunar. Skilaboð eru RS(T) og raðnúmer. W/VE stöðvar senda RS(T) og ríki eða fylgi (í Kanada).
Keppnin fer samtímis fram á tali og morsi. Heimilt er að taka þátt eingöngu á tali, á morsi eða hvoru tveggja (mixed mode). Sjá nánar í keppnisreglum.
Jón Björnsson, TF3PW býður upp á netspjall annað kvöld, fimmtudag 10. desember kl. 20:00. Notað verður vefforritið ZOOM sem sækja má frítt á netið. Þátttaka er möguleg frá tölvu eða GSM síma.
Engin sérstök dagskrá er fyrirhuguð, en hugmyndin er að prófa samskiptin ef áhugi er fyrir hendi. Sjá upplýsingar neðar.
Stjórn ÍRA hefur ákveðið að félagsaðstaðan í Skeljanesi verði lokuð áfram vegna Covid-19 faraldursins.
Ástæðan er ný reglugerð heilbrigðisráðherra um tímabundna takmörkun á samkomum vegna farsóttar sem tók gildi í dag 9. desember og gildir til 12. janúar n.k.
Vonir eru bundnar við að slakað verði á kröfum vegna faraldursins með nýrri reglugerð ráðherra sem er að vænta fyrir 12. janúar n.k. Gangi mál á besta veg, bindum við vonir við að geta opnað á ný fimmtudaginn 14. janúar.
Það er von okkar að þessari ákvörðun fylgi ríkur skilningur.
http://ira.is/wp-content/uploads/2016/11/website_head_ira_logo_arial.png00TF3JBhttp://ira.is/wp-content/uploads/2016/11/website_head_ira_logo_arial.pngTF3JB2020-12-09 09:30:002020-12-09 09:30:37STEFNAN SETT Á 14. JANÚAR
Bráðabirgðaniðurstöður liggja fyrir í CQ World Wide DX morskeppninni 2020 sem fram fór 28.-29. nóvember s.l. 9 TF kallmerki sendu inn keppnisgögn, þar af 2 samanburðardagbækur (check-log).
7 TF stöðvar skiptast á 6 keppnisflokka. Áætlaður árangur í viðkomandi flokki er sýndur yfir heiminn (H) og yfir Evrópu (H), ásamt heildarstigum.
Sigurður R. Jakobsson TF3CW virkjaði félagsstöðina TF3W frá Skeljanesi í keppninni. Hann náði mjög góðri niðurstöðu í erfiðum skilyrðum, eða 11. sæti yfir heiminn og 10. sæti yfir Evrópu. Fjöldi sambanda var alls 2623; 96 DXCC einingar; 30 CQ svæði og 701.365 heildarpunktar. Myndin er úr myndasafni ÍRA. Ljósmynd: TF3JB.
ÍRA barst jákvætt svar frá Póst- og fjarskiptastofnun (PFS) í dag, 7. desember, við ósk félagsins um endurnýjun heimildar til notkunar tíðnisviðsins 70.000-70.250 MHz. Tilraunaheimildin hefur nú verið endurnýjuð til næstu 2 ára, þ.e. til 31.12.2022.
Líkt og áður eru eftirfarandi skilyrði lögð til grundvallar:
(1) Hámarksbandbreidd er 16 kHz. Engin skilyrði hvað varðar mótun; (2) hámarks útgeislað afl er 100W; (3) heimildin er með þeim fyrirvara að komi til truflana á annarri fjarskiptastarfsemi verður að hætta sendingum strax og (4) kallmerki skal notast í upphafi og lok fjarskiptasambands og með viðeigandi reglulegu millibili á meðan fjarskiptasamband varir.
Leyfishafar þurfa að sækja um heimild til PFS hrh@pfs.is eða pfs@pfs.is áður en sendingar eru hafnar í tíðnisviðinu. Tilgreina skal, að sótt sé um heimild fyrir nýtt tímabil, 1.1.2021.-31.12.2022.
