,

Sunnudagar í ÍRA

Félagsheimili ÍRA verður opið á sunnudagsmorgnum frá kl. 10.00 í mars og út apríl.  Stefnt er að loftnetapælingum og loftnetauppsetningum.

Mætum hress á sunnudagsmorgnum.

TF3SG

/by
,

Amatörkynning í Tækniskólanum

TF3JA stóð fyrir kynningu á amatörradíói í Tækniskóla Íslands föstudaginn 27. febrúar. Nítján áhugasamir nemendur mættu á kynninguna og nokkuð stór hluti þeirra hefur áhuga á að komast á amatörnámskeið. Til stendur að bjóða þeim að koma eina kvöldstund vestur í ÍRA og hlusta á aðeins meiri fróðleik um amatörradíó.

 TF3AO
/by
,

Samskiptareglur radíóamatöra

Einn félaga okkar, Vilhjálmur Sigurjónsson, TF3VS, hefur þýtt á íslensku: Samskiptareglur radíóamatöra, sem á frummálinu heitir: “Ethics and operating procedures for the radio amateur” og er eftir vel þekkta radíóamatöra, þá John ON4UN og Mark ON4WW.

Pistilinn má finna hér: Siðfræði-og-samskiptasiðir-radíóamatöra.pdf

Ekki er á hverjum degi sem efni fyrir radíóamatöra kemur út á okkar ylhýra og kunnum við Vilhjálmi bestu þakkir fyrir.

/by
,

Kynningar- og rabbfundur um amatörradíó

Næsta fimmtudag 26. febrúar  verður kynningar- og rabbfundur um amatörradíói,  Jón Þóroddur Jónsson, TF3JA mun vera með framsögu ásamt tveim öðrum mætum mönnum.  Kynningin er í tengslum við kynningu á amatörradíói í Tækniskólanum föstudaginn 27. febr.   Nánar verður fjallað frá þessari kynningu þegar nær dregur.

TF3SG

/by
,

Fundargerð rabbfundar um neyðarfjarskipti

Rabbfundur var haldinn um neyðarfjarskipti í félagsheimili Í.R.A., 12 febrúar 2009.  Fundurinn hófst klukkan 20.10 og var stungið upp á að Guðmundur Sveinsson, varaformaður félagsins stjórnaði fundinum.  Fundurinn var vel sóttur og voru frummælendur þrír, þeir Jón Þóroddur Jónsson TF3JA, Snorri Ingimarsson TF3IK og Andrés Þórarinsson TF3AM.

Jón Þóroddur fjallaði um alheimsskipulag neyðarfjarskipta.

Snorri fjallaði um neyðarfjarskipti jeppamanna og þeirra sem um hálendi landsins fara og nauðsyn þess að geta kallað eftir hjálp hvar sem er og hvenær sem er. Snorri útskýrði fyrir fundarmönnum hvaða aðstæður geta komið upp og sýndi fundarmönnum þau svæði á landinu sem jeppamenn eru sambandslausir.

Andrés fjallaði um fjarskiptaæfingar radíóskáta. Andrés sýndi einnig gamlar myndir af bílum, loftnetum og tækjum og sagði frá reynslu sinni af fjarskiptum innanlands.

  • Fjallað var um kosti og galla Tetra kerfisins.
  • Fjallað var um loftnet og loftnetspælingar í hálendisferðum.
  • Halli TF3HP beindi spurningu til Jóns og spurði um ferilvöktun.

Fjörugar umræður voru á eftir og meðal annars tóku til máls:

  • Jón, TF3LMN
  • Henry Hálfdánsson, TF3HRY
  • Ásbjörn Harðarson, TF3LA
  • Sveinn, TF3T
  • Einar Kjartansson, TF3EK
  • Freyr, TF3VF

Fundinum var slitið upp úr kl. 22.00

Fundargerðina ritar varaformaður, TF3SG

/by
,

Rabbfundur um neyðarfjarskipti

Gagnvirkur rabbfundur um neyðarfjarskipti kl. 20.10 Á fimmtudagskvöld 12. febrúar í ÍRA.

TF3JA: Inngangur og alheimsskipulag neyðarfjarskipta.
TF3IK: Neyðarfjarskipti frá sjónarhóli jeppamanna.
TF3AM: Fjarskiptaæfingar radíóskáta.

Hver um sig fær um 20 mínútur og mikið lagt uppúr að að um er að ræða gagnvirkan rabbfund. Ef tími vinnst til er ætlunin að ræða um heppilega HF-tíðni rétt fyrir ofan 3800 kHz fyrir 4×4 félaga sem ekki eru ennþá búnir að ná sér í radíóamatörréttindi.

TF3SG

/by
,

CQ WPX RTTY keppnin

Um næstu helgi, 14. og 15. febrúar fer fram CQ WPX RTTY keppnin.

Við ætlum að vera með sem TF3W frá klúbbstöðinni í Skeljanesi, og hvetjum þá félaga sem hafa áhuga á að vera með að hafa samband við undirritaðan.

Nánar um keppnina hér: http://www.cqwpxrtty.com/rules.htm

TF3GL

/by
,

Neyðarfjarskipti

Jón Þóroddur Jónsson, TF3JA mun taka til umfjöllunar neyðarfjarskipti á næsta fimmtudagskvöldi 12. febrúar.  Hvað er Í.R.A. að gera í dag og hvað geta íslenskir radíóamatörar lagt af mörkum.  Nánar verður sagt frá þegar nær dregur.  Mætum tímanlega næsta fimmtudagskvöld.

TF3SG

/by
,

Flóamarkaður

Stefnt er að því að halda flóamarkað í byrjun marsmánaðar.  Frekari fréttir verða sagðar síðar.

Áhugasömum er bent á að hafa samband við Guðmund TF3SG í síma 896 0814 eftir kl. 16.00 á daginn

TF3SG

/by
,

CQ TF 1. tbl. 2009

Út er komið félagsblaðið CQ TF, 1. tbl. 2009. Blaðið er í stærra lagi, eða 52 bls í A5-broti og fjölbreytt að innihaldi. Bæði er þar að finna greinar frá félagsmönnum um radíófræðin og amatörmennskuna, sem og efni frá stjórn og nefndum ásamt fréttaannál félagsins.

Nokkuð er nú um liðið frá því síðasta CQ TF kom út í ágúst 2008. Í janúar sl. ákvað stjórn Í.R.A. að takast sjálf á hendur útgáfu blaðsins, en lýsir nú eftir nýjum ritstjóra að blaðinu.

TF3GL

/by
,

Fræðslukvöld 29. janúar 2009

Talstöðin frá Hveravöllum

Fræðslukvöld verður fimmtudagskvöldið 29. janúar nk. kl. 20.15

TF3DX sýnir 100 W SSB-talstöð sem hann hannaði og smíðaði handa Veðurstofunni fyrir aldarfjórðungi. Stöðin notar aflfeta í sendi og umfremi (redundancy) til að auka rekstraröryggi.

Mætum tímanlega og fáum okkur kaffi áður en að kynningin hefst.

73

Guðmundur, TF3SG

/by
,

Sjakkur tekinn í notkun

Í haust fékk félagið afnot af stærra herbergi í Skeljanesinu til að nota sem “sjakk” fyrir félagsstöðina.

Sjakkurinn verður formlega opnaður fimmtudaginn 22. janúar næstkomandi kl. 20.15.  Búið er að mála herbergið og tengja græjurnar

Við hvetjum alla félagsmenn til að koma í félagsheimilið og skoða nýja herbergið og fagna nýrri aðstöðu. Það verður auðvitað kaffi á könnuni og vínabrauð.

73

Guðmundur, TF3SG

/by