HEIMILD Á 160 METRUM ENDURNÝJUÐ

ÍRA barst jákvætt svar frá Póst- og fjarskiptastofnun (PFS) 4. desember við ósk félagsins um endurnýjun heimildar til notkunar tíðnisviðsins 1850-1900 kHz vegna þátttöku í alþjóðlegum keppnum á almanaksárinu 2021. Heimildin nær til eftirtalinna keppna:

CQ WW 160 metra keppnin, CW, 29.-31.1.2021.
ARRL International DX keppnin,  CW, 20.-21.2.2021.
CQ WW 160 metra keppnin, SSB, 26.-28.2.2021.
ARRL International DX keppnin,  SSB, 6.-7.3.2021.
CQ WW WPX keppnin, SSB, 27.-28.3.2021.
CQ WW WPX keppnin, CW, 29.-30.5.2021.
IARU HF World Championship, CW/SSB, 10.-11.7.20212.
CQ WW DX keppnin, SSB, 30.-31.10.2021.
CQ WW DX keppnin, CW, 27.- 28.11.2021.
ARRL 160 metra keppnin, CW, 3.-5.12.2021.

Heimildin er veitt með fullu samþykki Vaktstöðvar siglinga sem hefur forgang til notkunar tíðna á þessu tíðnibili. Um þessa notkun gilda sömu kröfur og gilda fyrir tíðnisviðið 1810-1850 kHz í reglugerð, en aukin skilyrði Póst- og fjarskiptastofnunar eru eftirfarandi: (a) Heimildin er einvörðungu veitt þann tíma sem tilgreindar alþjóðlegar keppnir standa yfir (sjá að ofan); (b) G-leyfishafar hafa heimild til að nota fullt afl, allt að 1kW. N-leyfishafar njóta sömu tíðniréttinda, en aflheimild miðast við mest 10W.

Leyfishafar skulu sækja sérstaklega um heimild til PFS á hrh@pfs.is eða pfs@pfs.is eins og áður. Það nægir að senda eina umsókn sem þar með gildir fyrir allar 10 keppnirnar.

Stjórn ÍRA.