Worked All States – WAS – viðurkenningaskjöl TF3IRA líta óneitanlega glæsilega út í vandaðri innrömmun.

Worked All States Award (WAS) viðurkenningarskjölin frá ARRL fyrir TF3IRA komu úr innrömmun í dag, þann 3. september. Um er að ræða þrjú viðurkenningarskjöl, þ.e. svokallað “basic” skjal fyrir allar tegundir útgeislunar (mixed), fyrir mors (CW) og fyrir tal (Phone). ARRL hefur staðfest að þetta eru fyrstu WAS viðurkenningaskjölin sem gefin hafa verið út til félagsstöðvarinnar. Viðurkenningaskjölunum verður nú valinn staður í fjarskiptaherbergi félagsins í samráði við stöðvarstjóra.

Stjórn Í.R.A. þakkar þeim Mathíasi Hagvaag, TF3-Ø35 og Guðlaugi Kristni Jónssyni, TF8GX, fyrir aðkomu þeirra að verkefninu, en Mathías tók saman kortin og undirbjó umsóknir og Guðlaugur, sem er trúnaðarmaður ARRL hér á landi, annaðist yfirferð korta og gekk frá umsóknunum. Þess má geta, að allt verkefnið er án kostnaðar fyrir félagssjóð, þar sem ARRL felldi niður öll gjöld og innrömmunin var færð félaginu að gjöf af áhugasömum félagsmanni.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

twenty − 18 =