Archive for category: Fréttir

Borist hefur rafbréf  frá Póst- og fjarskiptastofnun um nýja amatörbandið á 5 MHz.

Vinsamlega athugið að nú eru fallnar úr gildi allar tímabundnar heimildir á 60 metrunum en í staðinn höfum við fengið nýtt tíðniband 5.351,5 – 5.366,5 kHz á víkjandi grunni. Hámarks útgeislað afl er 15 wött e.i.r.p. sem þýðir til dæmis að ef við notum dípól í fullri stærð fyrir loftnet megum við mest vera með um 10 watta sendiafl. Allar venjulegar mótunaraðferðir eru leyfðar innan 3 kHz bandvíddar.

Ágæt umfjöllun um nýtni stuttbylgju bílloftnets er á netinu “Nýtni loftneta” . Gróflega má áætla að mest megi afl frá sendi vera einhversstaðar á milli 50 – 100 wött út í bílloftnet.

Um komandi helgi er ein stærsta amatörkeppni ársins, CQ WW DX CW, og meðal þáttakenda verður stöð félagsins á kallmerkinu TF3W. Keppnin fer fram á Morse og nokkrir flinkir Morse-menn ætla að taka þátt á félagsstöðinni undir stjórn Yngva, TF3Y. Enn er pláss fyrir fleiri í hópinn og tilvalið að koma og taka þátt á stöð félagsins í skemmri eða lengri tíma um helgina. Áhugasömum er bent á að hafa samband við Yngva, TF3Y, hann raðar mönnum niður á tíma og stýrir keppnisþáttökunni.

Tvær stöðvar verða í gangi samtímis í Skeljanesi um helgina, önnur verður notuð sem aðalstöð og kallar út CQ, búast má við miklu kraðaki stöðva frá öðrum löndum og ágangi á þá stöð en hin stöðin verður notuð til að svara stöðvum sem kalla CQ og leita uppi stöðvar sem gefa sem flesta púnkta fyrir TF3W.

Opið verður í Skeljanesi um helgina fyrir þá sem vilja koma og fylgjast með kraftmiklum keppnismönnum á lyklinum. Ýmsar hugmyndir eru á lofti um hvernig best er að koma gestum að til að fylgjast með en hvort tekst að koma því öllu í framkvæmd verður bara að koma í ljós en við minnum á að öll hjálp er vel þegin.

Ýmsar fréttir hafa borist af þáttöku annarra TF-stöðva í keppninni og verður sagt frá þeim hér um leið og í ljós kemur hverjir verða í loftinu um helgina, því fleiri því skemmtilegra. Við vonum að skilyrðin verði hagstæð og við sendum öllum góðar óskir um velgengni í keppninni.

http://dxnews.com/zs4txd4b/

http://www.cqww.com/rules.htm

Í dag, 15. nóvember 2015, sagði TF3ABN, Svanur Hjálmarsson, varaformaður ÍRA, sig úr stjórn með tölvupósti.

Við þökkum Svani fyrir hans störf í þágu ÍRA.

Fh. stjórnar ÍRA, TF3JA

Félagsmaður ÍRA (TF8KY Keli) og kollegi SA6MIW, amatör frá Svíþjóð, en búsettur í Dubai (A65DC Martin) settu upp fjarskiptastöð í hótelherbergi á 7. hæð í Stokkhólmi í síðustu viku. Þeir notuðu gamlar og góðar stöðvar, ICOM IC-735 og Kenwood TS140S. Þetta eru litlar stöðvar u.þ.b 5 kg. hvor sem auðvelt er að hafa með í ferðatösku. Skilyrðin voru slæm flesta dagana. Þó opnuðust böndin á fimmtudagskvöldið 10. sept. og u.þ.b. 30 QSO náðust á SSB og PSK63 á þeim stutta tíma sem til aflögu var eftir langan vinnudag. QSO voru tekin samtímis á 20m og 15m án vandræða þó ekki væri nema um 3 metrar á milli loftneta, enda báðar stöðvar með bandpass-síur (heimatilbúnar) á fæðilínum. Engin tuner var til staðar en báðar stöðvarnar voru tengdar telescopic loftnetum á svölum hótelherbergisins með jörð í svalahandriðinu. Lengd loftnetanna var aðlöguð að hvoru bandi fyrir sig með hjálp RigExpert. 5/9 report fengust frá flestum stöðvum víðsvegar í heiminum, þar á meðal frá Brasilíu og Falklandseyjum. Þessar myndir eru kannski frekar dimmar en ljósin í hótelherberginu voru höfð slökkt því þarna voru led ljós sem ullu a.m.k. +2 s-einingum af óæskilegu suði.

QTH Stokkhólmi, TF8KY.

QTH Stokkhólmi, SA6MIW.

QTH Stokkhólmi, SA6MIW.

QTH Stokkhólmi, SA6MIW.

QTH Stokkhólmi, TF8KY.

QTH Stokkhólmi., TF8KY.