TF3IRA QRO á ný á 10-160 metrum

Skeljanesi 23. febrúar. TF3FG og TF3BM tengja Harris RF-110A RF magnara félagsstöðvarinnar.

Í dag, 23. febrúar, fóru fram skipti á RF mögnurum við félagsstöðina TF3IRA. Harris RF-110A magnari félagsins sem hafði verið til skoðunar og yfirferðar hjá Bjarna Magnússyni, TF3BM að undanförnu, kom aftur í Skeljanes í dag. Á meðan magnarinn var til meðferðar hjá Bjarna, lánaði hann félaginu samskonar tæki. Bjarni segir, að magnarinn sé nú jafngóður og nýr og gefi auðveldlega út 1kW á 10-160 metrum.

Stjórn Í.R.A. þakkar Bjarna Magnússyni, TF3BM sérstaklega fyrir dýrmæta aðstoð og velvilja til félagsins. Aðrir, sem tóku þátt í aðgerðum dagsins voru Hans Konrad Kristjánsson, TF3FK og Jónas Bjarnason, TF3JB, og er þeirra framlag ennfremur þakkað.

Tengingum lokið og magnaranum rennt inn í kassann í fjarskiptaherbergi TF3IRA.

Lokafrágangur eftir að magnaranum hefur verið fest örugglega; Bjarni gengur frá.