,

OPIÐ VAR Í SKELJANESI 10. ÁGÚST

Sveinn Goði Sveinsson TF3ID, Hans Konrad Kristjánsson TF3FG, Guðmundur Birgir Pálsson TF3AK, Pier Albert Kaspersma TF3PKN, Benedikt Sveinsson TF3T, Einar Kjartansson TF3EK og Mathías Hagvaag TF3MH.

Félagsaðstaða ÍRA í Skeljanesi var opin fimmtudaginn 10. ágúst.

Umræður voru á báðum hæðum, menn hressir og TF3IRA var í loftinu á FM á 2 metrum og á morsi á 17 metrum.

Yfir kaffinu var m.a. rætt um TF útileikana sem haldnir voru um síðustu helgi og báru menn saman bækur sínar. Einar Kjartansson, TF3EK umsjónarmaður leikanna staðfesti að mikið væri komið inn af dagbókum, en skilafrestur er fram á mánudag. Einnig var mikið rætt um loftnet, tæki og búnað og skilyrðin á böndunum, m.a. um QO-100 gervitunglið sem sendir merki á 10.489 GHz.

Þór Þórisson, TF1GW færði félaginu töluvert af vönduðu radíódóti.

Alls mættu 24 félagar og 1 gestur í Skeljanes þetta ágæta fimmtudagskvöld í sumarblíðu og logni í vesturbænum í Reykjavík.

Stjórn ÍRA.

Kristján Benediktsson TF3KB, Þór Þórisson TF1GW, Arnlaugur Guðmundsson TF3RD og Vilhjálmur Í. Sigurjónsson TF3VS.
Þór Þórisson TF1GW færði félaginu töluvert af vönduðu radíódóti. Mathías Hagvaag TF3MH ræðir við hann.
Einar Kjartansson TF3EK, Pier Albert Kaspersma TF3PKN og Eiður Kristinn Magnússon TF1EM.
Kristján Benediktsson TF3KB og Þorvaldur Bjarnason TF3TB.
Sigurður Elíasson TF3-044, Einar Kjartansson TF3EK og Vilhjálmur Í. Sigurjónsson. Fjær: Mathías Hagvaag TF3MH, Þorvaldur Bjarnason TF3TB og fleiri.
Skemmtilegt sjónarhorn. Nýja OptiBeam Yagi loftnet TF3IRA sést fyrir miðri mynd og til vinstri má sjá New-Tronics Hustler 5BTV stangarloftnet félagsstöðvarinnar. Myndin var tekin í veðurblíðunni fyrir utan Skeljanes að kvöldi fimmtudagsins 10. ágúst. Ljósmyndir: TF3JB.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

10 − seven =