Opið hús var í félagsaðstöðu ÍRA í Skeljanesi fimmtudaginn 24. mars.

Skemmtilegt kvöld og góðar umræður yfir Lavazza kaffi og bakkelsi. Ágæt mæting, 20 manns í húsi. Töluvert af radíódóti hafði borist dagana á undan, auk þess sem Sigmundur Karlsson, TF3VE bætti um betur og færði félaginu nokkra aflgjafa þegar hann kom í hús. Þeir gengu allir út ásamt fleiru dóti sem mönnum leist vel á.   

Áhugaverðar umræður um tæki og búnað. Einnig rætt um CQ WW WPX SSB keppnina um helgina. Félagarnir dreifðust á báðar hæðir, þ.e. í fundarsal og fjarskiptaherbergi og QSL stofu á 2. hæð.

Vel heppnað fimmtudagskvöld í hlýju vorveðri í vesturbænum í Reykjavík.

Stjórn ÍRA.

Við stóra fundarborðið. Frá vinstri: Sigurður Smári Hreinsson TF8SM, Georg Kulp TF3GZ, Heimir Konráðsson TF1EIN, Jón E. Guðmundsson TF8KW og Sigmundur Karlsson TF3VE. Í horninu neðst til vinstri sér í hvirfilinn á Mathíasi Hagvaag TF3MH.
Frá vinstri: Georg Magnússon TF2LL, Wilhelm Sigurðsson TF3AWS og Vilhjálmur Í. Sigurjónsson TF3VS.
Radíódótið er vinsælt. Frá vinstri: Georg Kulp TF3GZ, Sigmundur Karlsson TF3VE, Eiður Kristinn Magnússon TF1EM, Sigurður Smári Hreinsson TF8SM, Jón E. Guðmundsson TF8KW og Mathías Hagvaag TF3MH.
Frá vinstri: Eiður Kristinn Magnússon TF1EM (standandi), Hans Konrad Kristjánsson TF3FG, Jón E. Guðmundsson TF8KW, Sigmundur Karlsson TF3VE, Georg Kulp TF3GZ og Mathías Hagvaag TF3MH.
Hluti af radíódótinu í salnum.
Meira radíódót í salnum. Að auki var mikið magn af stærri tækjum á ganginum niðri þar sem gengið er inn í húsið. Myndir: TF3JB.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.

seventeen − 6 =