Undirrituðum er ánægja að tilkynna félagsmönnum um að nýtt tölublað CQ TF, 1. tbl. 2026 er komið út.
Vefslóð: https://www.ira.is/wp-content/uploads/2026/01/CQTF-2026-1.pdf
Þakkir til allra sem komu að útgáfunni.
Félagskveðjur og 73,
Sæmundur E. Þorsteinsson, TF3UA
ritstjóri
Ágæti félagsmaður!
Með tilvísan til 17. gr. félagslaga, er hér með boðað til aðalfundar ÍRA sunnudaginn 15. febrúar 2026.
Fundurinn verður haldinn í safnaðarheimili Neskirkju við Hagatorg í Reykjavík og hefst stundvíslega kl. 14:00.
Dagskrá er samkvæmt 19. gr. félagslaga.
Reykjavík 25. janúar 2026,
f.h. stjórnar ÍRA,
Jónas Bjarnason, TF3JB
formaður
Þann 13. febrúar n.k. fá bandarískir leyfishafar (General Class og hærri) heimild til fjarskipta í tíðnisviðinu 5351.5 til 5366.5 kHz. Mest leyfilegt sendiafl er 9.15 W ERP (e. Effective Radiated Power).
Vefslóð: https://www.arrl.org/news/new-60-meter-frequencies-available-as-of-february-13
Fyrir hafa þeir heimild til að nota [föstu] tíðnirnar 5332, 5348, 5373 og 5405 kHz þar sem mest leyfilegt afl er 100 W ERP.
Hamingjuóskir til þeirra!
Stjórn ÍRA.
Uppfærð DXCC staða TF kallmerkja miðast við 20. janúar 2026. Að þessu sinni hefur staða fjögurra kallmerkja verið uppfærð frá fyrri lista, þ.e. TF1OL, TF3G, TF3JB og TF3T. Samtals er um að ræða 19 uppfærslur frá 14. desember s.l.
Ólafur Örn Ólafsson, TF1OL kemur nýr inn á DXCC listann með 2 DXCC viðurkenningar, þ.e. MIXED og RTTY/DIGITAL. Glæsilegur árangur; hamingjuóskir til Ólafs!
Gísli G. Ófeigsson, TF3G kemur inn með tvær nýjar DXCC viðurkenningar. Annars vegar DXCC á 12 metrum og hins vegar á 30 metrum. Glæsilegur árangur; hann er nú handhafi alls 10 DXCC viðurkenninga; hamingjuóskir til Gísla.
20 TF kallmerki eru í dag með virka skráningu, en alls hafa [a.m.k.] 28 íslensk kallmerki sótt um og fengið DXCC viðurkenningar til þessa dags.
Hamingjuóskir til viðkomandi.
Stjórn ÍRA.
Félagsaðstaða ÍRA í Skeljanesi verður opin fyrir félagsmenn og gesti fimmtudaginn 22. janúar. Húsið verður opið frá kl. 20:00-22.00.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID mun annast kaffiveitingar.
Verið velkomin í Skeljanes!
Stjórn ÍRA.
CQ WW 160 METER CONTEST, CW.
Keppnin er haldin frá föstudegi 23. janúar kl. 22:00 til sunnudags 25. janúar kl. 22:00.
Keppnin fer fram á CW á 160 metrum.
Skilaboð W/VE stöðva: RST + ríki í USA/fylki í Kanada.
Skilaboð annarra: RST + CQ svæði.
https://cq160.com/rules/index.htm
KAWANUA DX CONTEST.
Keppnin er haldinn laugardaginn 24. janúar frá kl. 00:00 til kl. 23:59.
Keppnin fer fram á SSB á 80, 40, 20, 15 og 10 metrum.
Skilaboð stöðva í N-Sulawesi: RS + svæðiskóði (e. district code).
Skilaboð stöðva annarsstaðar í Indónesíu: RS + ”ORARI”.
Skilaboð annarra: RS + ”DX”.
http://www.kawanuadxcontest.com/rules/outside-indonesia/
REF CONTEST, CW.
Keppnin er haldin frá laugardegi 24. janúar kl. 06:00 til sunnudags 25. janúar kl. 18:00.
Keppnin fer fram á CW á 80, 40, 20, 15 og 10 metrum.
Skilaboð stöðva á Frakklandi: RST + sýsla í Frakklandi / forskeyti stöðva í frönskum nýlendum.
Skilaboð annarra: RST + raðnúmer.
https://concours.r-e-f.org/index.php
BARTG RTTY SPRINT.
Keppnin er haldin frá laugardegi 24. janúar kl. 12:00 til sunnudags 25. janúar kl. 12:00.
Keppnin fer fram á RTTY á 80, 40, 20, 15 og 10 metrum.
Skilaboð: RST + raðnúmer.
http://bartg.org.uk/bartg-sprint-contest/
Með ósk um gott gengi!
Stjórn ÍRA.
Vilhjálmur Í. Sigurjónsson, TF3VS hefur fengið í hendur DXCC Challenge viðurkenningu frá ARRL. Viðurkenningin var gefin út 14. ágúst 2025.
DXCC Challenge er glæsilegur viðurkenningarplatti. Þegar lágmarskfjöldi staðfestra DXCC eininga hefur náðst, eru í boði gullmerki ”medallions” til uppfærslu, þegar náðst hafa 1500, 2000 og 2500 bandpunktar.
Hafa þarf að lágmarki 1.000 DXCC bandpunkta á 160, 80, 40, 30, 20, 17, 15, 12, 10 og 6 metrum. Allar tegundir útgeislunar gilda. Sambönd mega vera frá og með 15. nóvember 1945, en DXCC einingar til grundvallar þurfa að vera svokallaðar ”gildar” einingar (e. current).
Vilhjálmur er 11. íslenski leyfishafinn sem er handhafi DXCC Challenge; aðrir eru: TF1A, TF2LL, TF3DC, TF3JB, TF3SG, TF3T, TF3Y, TF4M, TF5B og TF8GX.
Hamingjuóskir til Vilhjálms.
Stjórn ÍRA.
.
Félagsaðstaða ÍRA í Skeljanesi verður opin fyrir félagsmenn og gesti fimmtudaginn 15. janúar. Húsið verður opið frá kl. 20:00-22.00.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
Mathías Hagvaag, TF3MH QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID mun annast kaffiveitingar.
Verið velkomin í Skeljanes!
Stjórn ÍRA.
HUNGARIAN DX CONTEST.
Keppnin stendur yfir frá laugardegi 17. janúar kl. 12:00 til sunnudags 18. janúar kl. 11:59.
Keppnin fer fram á CW og SSB á 160, 80, 40, 20, 15 og 10 metrum.
Skilaboð stöðva í Ungverjalandi: RS(T) + 2 bókstafir fyrir sýslu í landinu.
Skilaboð annarra: RS(T) + raðnúmer.
https://ha-dx.com/en/contest-rules
PRO DIGI CONTEST.
Keppnin stendur yfir frá laugardegi 17. janúar kl. 12:00 til sunnudags 18. janúar kl. 11:59.
Keppnin fer fram á RTTY, FT4 og BPSK63 á 80, 40, 20, 15 og 10 metrum.
Skilaboð Digi klúbbs félaga: RST + raðnúmer + ”M”.
Skilaboð annarra: RST + raðnúmer.
https://proradiocontestclub.com/PDC%20Rules.html
RSGB AFS CONTEST, SSB.
Keppnin stendur yfir laugardag 17. janúar frá kl. 13:00-17:00.
Keppnin fer fram á SSB á 40 og 80 metrum.
Skilaboð: RS + raðnúmer.
https://www.rsgbcc.org/hf/rules/2026/rafs.shtml
NORTH AMERICAN QSO PARTY.
Keppnin stendur yfir frá laugardegi 17. janúar kl. 18:00 til sunnudags 18. janúar kl. 05:59.
Keppnin fer fram á CW, SSB og RTTY á 160, 80, 40, 20, 15 og 10 metrum.
Skilaboð stöðva í NA: RS(T) + nafn + (ríki í USA/fylki í Kanada/DXCC eining).
Skilaboð annarra: RS(T) + nafn.
https://www.ncjweb.com/NAQP-Rules.pdf
NA COLLEGIATE CHAMPIONSHIP, SSB.
Keppnin stendur yfir frá laugardegi 17. janúar kl. 18:00 til sunnudags 18. janúar kl. 05:59.
Keppnin fer fram á SSB á 160, 80, 40, 20, 15 og 10 metrum.
Skilaboð stöðva í NA: RS + nafn + (ríki í USA/fylki í Kanada/DXCC eining).
Skilaboð annarra: RS + nafn.
http://www.w9smc.com/nacc/
Með ósk um gott gengi!
Stjórn ÍRA.
Næsta tölublað CQ TF, 1. tbl. 2026 kemur út 25. janúar.
Allt eftir um áhugamálið er vel þegið í blaðið, svo sem frásagnir, ljósmyndir eða jafnvel aðeins punktar eða ábendingar um efni sem vinna má út.
Félagsmönnum er boðið að auglýsa frítt í blaðinu notuð fjarskiptatæki og/eða búnað sem tilheyrir áhugamálinu.
Skilafrestur efnis rennur út 15. janúar n.k.
Netfang: ira@ira.is
Félagskveðjur og 73,
Sæmundur E. Þorsteinsson, TF3UA
ritstjóri CQ TF
