Opið í Skeljanesi í kvöld 20 – 22 og Villi, TF3VS ætlar að koma og rabba um einföld loftnet. Eftir viku ætlar síðan Andrés, TF3AM að koma til okkar og segja frá stórum og miklum lofnetum. Kaffi á könnunni og kex.
Opið hús í Skeljanesi í kvöld 20 – 22 og um helgina er SSB hluti SAC keppninnar.
Heitt kaffi á könnunni og frystar kleinur í Skeljanesi í kvöld frá 20 til 22.
Um helgina er SSB hluti SAC keppninnar. SAC keppnin er norræn alheimskeppni þar sem stöðvar á Norðurlöndunum keppa sín í milli um að ná sem flestum samböndum út um heiminn. Keppnin er líka keppni milli Norðurklandanna á þann hátt að borinn er saman samanlagður árangur allar stöðva í hverju landi Norðurlandanna fyrir sig. Er ekki löngu kominn tími á að Ísland geri tilraun til að vinna þessa keppni?
Stjórn ÍRA hvetur alla félagsmenn til þess að taka þátt og væntanlega verður stöð félagsins virk í keppninni. Fyrir SAC CW keppninna auglýsti stjórn ÍRA eftir áhugasömum amatörum til að taka að sér að sjá um þáttökuna í SAC SSB en enginn hefur ennþá sýnt áhuga.
Keppt er frá kl 12:00 á hádegi laugardagsins 8. október til og með kl 11:59 á hádegi sunnudagsins 9. október. Hér er tengill á heimasíðu SAC þar sem hægt er að kynna sér reglur keppninnar: SAC reglur.
Ég var að þvælast í Litháen núna fyrir stuttu og ákvað að senda línu á Amatöra þar í landi. Þeir buðu mér strax í kaffi og bjór. Ég reynda hafði ekki tíma nema fyrir kaffibolla en fór samt og heimsótti þá og smellti af þeim mynd. Spjallaði við þá í smá tíma og voru þeir allir mjög áhugasamir um ísland. Ég lofaði að koma með hákarl og brennivín fyrir þá í næstu ferð!
Frá vinstri til hægri: Oleg LY3UE, Rolandas LY4Q, Simonas LY2EN, Vilius LY2PX og Vygintas LY2XW.
Heimasíða LRMD: http://www.lrmd.lt/index_en.htm
Morse hluti SAC, Scandinavian Activity keppninnar verður um næstu helgi, 17.-18. september. SSB hlutinn verður helgina 8.-9. október.
SAC er 24 tíma keppni frá hádegi laugardags til hádegis sunnudags.
Norðurlöndin keppa við heiminn og innbyrðis, þess vegna er miklvægt að sem flestar TF stöðvar taki þátt.
http://www.sactest.net/blog/rules/
http://www.sactest.net/blog/
Stjórn ÍRA auglýsir eftir VHF/UHF umsjónaraðila fyrir félagið. Koma þarf upp Kenwoood tæki félagsins sem og netum fyrir það. Áhugasamir sendi póst á ira@ira.is merkt VHF/UHF umsjón.
KO8SCA, Adrian Ciuperca kom í heimsókn.
15 félagar og tveir gestir, mættu í Skeljanes á fimmtudagskvöld og ræddu ýmis mál, amatörpróf og amatörleyfið almennt, prófuðu fjarstýringu á ICOM-stöð eins ÍRA-félaga og veltu fyrir sér loftnetunum í Skeljanesi.
TF3DX/P á Helgafelli hafði fyrsta SOTA sambandið á Íslandi fimmtudaginn 1. september klukkan 17:01 á 14,033 MHz CW við TF3EO.
Myndin sýnir sjakkinn á Helgafelli fyrir lárétta stellingu.
Hljóðupptaka af 1. SOTA QSOi á Íslandi.
TF3EO, Egill Ibsen svarar “CQ SOTA” frá Villa, TF3DX/P.
73, Villi 3dx
SOTA ævintýrið á Íslandi hófst um helgina með glæsibrag og eigi þeir TF3EO og TF3EK miklar þakkir fyrir alla undirbúningsvinnuna. Á sunnudeginum fóru TF3GD, TF3DX, TF3EK, TF3EO, TF1INN og TF3WJ á fjöll og virkjuðu nokkra SOTA tinda. Hátt í tug radíóamatöra hafði sambönd við fjallafaranna eins og sjá má á SOTA-vefnum.
Í opnu húsi í Skeljanesi s.l. fimmtudag var rætt um að menn myndu mæla sér mót á SOTA tindum í nágrenni Reykjavíkur og taka sambönd með handstöðvum t.d. á 145,5 MHz. Þá var talað um tíma milli 13:00 og 15:00.
Ég held að það væri betra að vera með styttra tímabil því að til að fá stig, þá þarf hver stöð á tindi að ná sambandi við a.m.k. 4 aðrar. Ég efast um að allir nenni að vera tvo klukkuíma á tindinum, því legg ég til að við miðum við tímann frá 13:00 til 14:00.
Það er góð veðurspá, en það er ekki víst að það verði alveg þurrt, hér er textaspá Veðurstofunnar.
Veðurhorfur á höfuðborgarsvæðinu:
Hæg austlæg eða breytileg átt og skýjað með köflum en rigning öðru hverju í kvöld og á morgun. Hiti 8 til 14 stig að deginum.
Spá gerð: 03.09.2016 13:09. Gildir til: 05.09.2016 00:00.
Sjá kort á: http://www.sotamaps.org/index.php?smt=TF/SV-041
Meðal þeirra sem hafa sýnt áhuga á að virkja tinda eru TF3DX (Hengill), TF3GD (Mosfell) og TF3JA. Því fleiri sem verða QRV á jafnsléttu, því betra.
Svo er að muna að skrá loggana á http://www.sotadata.org.uk/SOTA sunnudaginn 4. sept.
Villi TF3DX var fyrstur til þess að virkja tind samkvæmt SOTA reglunni á Íslandi. Opnað var fyrir SOTA TF 1. september. Villi fór uppá Helgafell sem ber heitið TF/SV-040 í kerfi SOTA. Fyrsta QSOið var við TF3EO kl 17:04. Nokkuð margir hafa náð sambandi við Villa og ef menn eru duglegir við að logga QSOin við hann á vef SOTA ( http://www.sotadata.org.uk/ ) að þá fær hann stig fyrir fyrirhöfnina. Hann þarf að fá 4 staðfest QSO til þess að það hafist. Ferlið við að logga í SOTA kerfið er mjög einfalt og fljótlegt.
Hér er ljósmynd sem Villi tók á tindi Helgafells á opnunardegi SOTA á Íslandi.
Ýmislegt var rætt á SOTA-kynningu í Skeljanesi í gærkvöldi og meðal annars hvernig hægt væri að tryggja að radíóamatörar færu eftir SOTA-reglum um ferðamáta og búnað amatörsins á fjallstindi. Svarið er einfalt hver og einn á það við sjálfan sig að fara að reglum.