Ágætu félagsmenn!
Mér er ánægja að tilkynna um útkomu 4. tbl. CQ TF 2021 sem nú kemur út á stafrænu formi hér á heimasíðunni.
73 – TF3SB, ritstjóri CQ TF.
Vefslóð á nýja blaðið: http://www.ira.is/wp-content/uploads/2021/10/2021-4.pdf
Síðari hluti Scandinavian Activity keppninnar 2021 fór fram á SSB helgina 9.-10. október. Gögnum var skilað til keppnisstjórnar fyrir 4 TF kallmerki í þremur keppnisflokkum; 20 metrum háafli, á öllum böndum háafli og á öllum böndum lágafli. Heildarfjöldi innsendra keppnisdagbóka var 896.
TF2MSN – Öll bönd, lágafl.
TF8KY – Öll bönd, háafl.
TF3AO – 20 metrar, háafl.
TF3T – 20 metrar, háafl.
Fjórum dagbókum var einnig skilað inn fyrir TF kallmerki í morshluta keppninnar sem fram fór 18.-19. september s.l. Þátttaka var í tveimur keppnisflokkum; 20 metrum á háafli og á öllum böndum lágafli, auk viðmiðunardagbókar. Heildarfjöldi innsendra keppnisdagbóka var 1.412.
TF3EO – Öll bönd, lágafl.
TF3VS – Öll bönd, lágafl.
TF3W – 20 metrar, háafl.
TF3DC – Viðmiðunardagbók (e. check-log).
Hamingjuóskir til þátttakenda. Niðurstöður verða birtar á heimasíðu SAC í febrúar 2022.
Stjórn ÍRA.
Skemmtilegt kvöld. Góð mæting. Góðar umræður og létt yfir mannskapnum í félagsaðstöðunni í Skeljanesi 14. október. Sérstakur gestur okkar þetta fimmtudagskvöld var Daggeir H. Pálsson TF7DHP frá Akureyri. Að auki mættu þeir félagar Egill Þórðarson, TF3CG og Guðni Skúlason loftskeytamaður sem hefur hug á að fá útgefið leyfisbréf og koma í loftið á morsi.
Mikið var rætt um áhugamálið á báðum hæðum, þ.e. í salnum, í fjarskiptaherberginu og í herbergi QSL stofunnar. Rætt var um CQ WW keppnirnar framundan, um loftnet (og loftnetsturna), nýjustu sendi-/móttökustöðvarnar, m.a. um Elecraft K4, væntanleg ný flaggskip frá Icom og Kenwood. Einnig rætt um Yaesu FT-991A sem nokkrir leyfishafar hafa verið að kaupa að undanförnu.
Ari Þórólfur Jóhannesson, TF1A fór yfir notkun gervihnattastöðvar TF3IRA og sýndi hve auðvelt er að hafa sambönd um QO-100 gervitunglið.
Alls mættu 19 félagar + 2 gestir þetta ágæta fimmtudagskvöld í vesturbænum í Reykjavík.
Opið hús verður í félagsaðstöðu ÍRA í Skeljanesi fimmtudaginn 14. október kl. 20-22. Sérstakur gestur verður Daggeir Pálsson, TF7DHP félagsmaður okkar á Akureyri.
Fjarskiptaherbergi TF3IRA og QSL stofa á 2. hæð verða opin. Kaffiveitingar í fundarsal og nýjustu tímaritin liggja frammi. QSL stjóri verður búinn að tæma pósthólf félagsins og flokka nýjustu kortasendingarnar.
Nýtt radíódót hefur borist í hús og verður í boði til félagsmana frá og með 14. október (sjá meðfylgjandi ljósmyndir).
Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.
Verið velkomin í Skeljanes!
Stjórn ÍRA.
Viðtæki Karls Georgs Karlssonar, TF3CZ í Perlunni varð virkt á ný í kvöld (13. október). Tækið var upphaflega sett upp 24. ágúst s.l., og tekið niður til viðgerðar þann 1. þ.m.
Hlusta má á tækið yfir netið. Um er að ræða Airspy R2 SDR viðtæki fyrir 24-1800 MHz (á VHF og UHF). Loftnet er Diamond D-190 sem er fyrir þetta tíðnisvið. QTH er Perlan í Öskjuhlíð í Reykjavík.
Viðtækið stillir sig sjálfvirkt (e. default) inn á APRS QRG 144.800 MHz, samanber APRS vefsíðuna: http://SDR.ekkert.org/map
Vefslóð á viðtækið: http://perlan.utvarp.com
Þakkir til Karls Georgs, TF3CZ fyrir verðmætt framlag. Viðtækið er mikilvægt fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.
Stjórn ÍRA.
Brátt verða liðin tvö ár frá því ný 11 ára sólblettasveifla hófst (lota 25) samanber meðfylgjandi línurit. Skilyrðin eru þegar byrjuð að batna og hámarki er spáð 2025.
Kevin B. Loughin, KB9RLW setti saman stutt myndband þar sem hann ræðir skilyrðin og sýnir okkur m.a. viðtökuna á hærri böndunum í sínu QTH í Indiana í Bandaríkjunum. Athyglisvert myndband (um 15 mín. að lengd).
Vefslóð: https://qrznow.com/solar-cycle-25-is-here-and-band-activity-is-up/
–
Opið hús verður í félagsaðstöðu ÍRA í Skeljanesi fimmtudaginn 14. október kl. 20-22.
Fjarskiptaherbergi TF3IRA og QSL stofa á 2. hæð verða opin. Kaffiveitingar í fundarsal og nýjustu tímaritin liggja frammi. QSL stjóri verður búinn að tæma pósthólf félagsins og flokka nýjustu kortasendingarnar.
Nýtt radíódót hefur borist í hús og verður í boði til félagsmana frá og með 14. október (sjá meðfylgjandi ljósmyndir).
Vegna Covid-19 er þess farið á leit, að félagar sem hafa hug á að mæta í Skeljanes fresti því ef þeir kenna lasleika af einhverju tagi, af virðingu við aðra.
Verið velkomin í Skeljanes!
Stjórn ÍRA.
Háskólinn í Alaska; University of Alaska Fairbanks, birtir norðurljósaspár sem eru gerðar til 27 daga í senn. Hægt er að velja á milli fimm korta, fyrir Norður-Ameríku, Evrópu, Norðurpólinn, Suðurpólinn og Alaska.
Spáin fyrir Evrópu í dag (10. október) er þessi: „Forecast: Auroral activity will be moderate. Weather permitting, moderate displays will be visible overhead in Tromsø, Norway and Reykjavik, Iceland, and visible low on the horizon as far south as Sundsvall, Sweden and Arkhangelsk, Russia“.
Vefslóð: https://www.gi.alaska.edu/monitors/aurora-forecast
GREIN UM AMATÖR RADÍÓ
Nýlega kom út tímaritið Raflost sem er ársrit VÍR, félags verkfræði- og tölvuverkfræðinema við Háskóla Íslands 2021.
Meðal efnis í blaðinu er greinin „Amatör Radíó“ eftir þá Kristinn Andersen, TF3KX og Sæmund E. Þorsteinsson, TF3UA. Þeir félagar gera áhugamálinu góð skil. Umfjöllunin skiptist eftirfarandi: Upphaf amatör radíós; merkja-tegundir; leyfi fyrir amatör radíó; búnaður radíóamatöra; félagsstarf radíóamatöra og lokaorð. Greininni fylgir m.a. ljósmynd af þeim Elínu Sigurðardóttur, TF2EQ og Árna Frey Rúnarssyni, TF8RN ungmenna-fulltrúum ÍRA.
Þakkir til þeirra félaga fyrir áhugaverða og vel skrifaða grein.
Stjórn ÍRA.
–
Georg Kulp, TF3GZ vann í dag (6. október) að undirbúningi enduruppsetningar 160 metra loftnets TF3IRA, sem upphaflega var sett upp 26. júní s.l., en slitnaði svo niður í roki í ágústmánuði. Í gær tók hann niður gömlu festinguna og setti upp 5 metra hátt vatnsrör (á þakinu fyrir utan fjarskiptaherbergið á 2. hæð). Í dag lauk hann síðan við frágang á festingunni með því að ganga frá stagfestu í þakið sem verður mótvægi við væntanlegan loftnetsþráð.
Fyrirhuguð enduruppsetning gerir ráð fyrir að loftnetsþráðurinn liggi í „einu hafi“ í austsuðausturátt frá húsinu og endi í 6 metra háu vatnsröri sem verður reist í stað núverandi 4 metra rörs með samsíðafestingu við einn girðingarstaurinn sem þarna er (skammt frá dælustöðinni). Að sögn Georgs, er nýi loftnetsvírinn sem keyptur var hjá Ísfelli í Hafnarfirði gerður fyrir íslenskar aðstæður.
Áformað er að ljúka enduruppsetningu loftnetsins fyrir 160 metrana áður en tekið verður til við uppsetningu loftneta fyrir 80, 40, 60 og 30 metra böndin.
Stjórn félagsins þakkar Georg Kulp, TF3GZ fyrir frábært vinnuframlag.
Stjórn ÍRA.
