Aðalfundur ÍRA árið 2026 var haldinn 15. febrúar í safnaðarheimili Neskirkju við Hagatorg í Reykjavík. Meðal gagna sem lögð voru fram á fundinum var skýrsla formanns um starfsemi félagsins á liðnu starfsári.
Skýrslan var lögð fram á prentuðu formi. Hún skiptist í 14 kafla og tvo viðauka, auk formála og efnisyfirlits. Hún er alls 192 blaðsíður að stærð. Slóð: https://www.ira.is/wp-content/uploads/2026/02/Arskyrsla-IRA-2026.pdf
Fundargerð, ljósmyndir og önnur aðalfundargögn verða til birtingar í 2. tbl. CQ TF 2026 sem kemur út 26. apríl n.k.
Stjórn ÍRA.
(1) Skýrsla um starfsemi ÍRA 2025/26. (2) Dagskrá fundarins skv. 19. gr. félagslaga; sérprentun. (3) Lög ÍRA; sérprentun.
(4) Fundargerð síðasta aðalfundar (2025); sérprentun. (5) Áritaður ársreikningur félagssjóðs fyrir starfsárið 2025.
(6) Límmiðar með félagsmerki TF3IRA til límingar utaná og innaná.
Fræðsludagskrá ÍRA fyrir tímabilið febrúar-maí 2026 heldur áfram fimmtudaginn 19. febrúar í félagsaðstöðunni í Skeljanesi.
Benedikt Sveinsson, TF3T mætir með erindið „Sólgos og skilyrði á HF”. Húsið opnar kl. 20:00 og Benedikt byrjar stundvíslega kl. 20:30.
QSL stjóri verður búinn að fara í pósthólfið og flokka kortasendingar og Sveinn Goði Sveinsson, TF3ID lagar kaffi og tekur fram meðlæti.
Félagsmönnum er bent á að láta erindið ekki framhjá sér fara.
Verið velkomin í Skeljanes!
Stjórn ÍRA.
ARRL INTERNATIONAL DX CONTEST, CW.
Keppnin fer fram laugardag 21. febrúar kl. 00:00 til sunnudags 22. febrúar kl. 24:00.
Hún fer fram á CW á 160, 80, 40, 20, 15 og 10 metrum.
Skilaboð W/VE stöðva: RST + (ríki í USA/fylki í Kanada).
Skilaboð annarra: RST + afl sendis.
https://www.arrl.org/arrl-dx
REF CONTEST, SSB.
Keppnin fer fram laugardaginn 21. febrúar; hefst kl. 06:00 og lýkur kl. 18:00.
Hún fer fram á SSB á 80, 40, 20, 15 og 10 metrum.
Skilaboð franskra stöðva: RS + sýsla/forskeyti (e. department/prefix).
Skilaboð annarra: RS + raðnúmer.
https://concours.r-e-f.org/reglements/actuels/reg_cdfhfdx_en_20250315.pdf
RUSSIAN PSK WW CONTEST.
Keppnin fer fram laugardag 15. febrúar kl. 12:00 til sunnudags 16. febrúar kl. 11:59.
Hún fer fram á BPSK31, BPSK63, BPSK125 á 160, 80, 40, 20, 15 og 10 metrum.
Skilaboð RU stöðva: RST + 2 bókstafir fyrir landssvæði (e. oblast).
Skilaboð annarra: RST + raðnúmer.
https://www.rdrclub.ru/russian-ww-psk-contest/49-rus-ww-psk-rules
WORLD WIDE ARGENTINA CONTEST.
Keppnin fer fram sunnudaginn 22. febrúar; hefst kl. 00:00 og lýkur kl. 24:00.
Hún fer fram á CW og SSB á 80, 40, 20, 15 og 10 metrum.
Skilaboð RS(T) + 4 stafa Maidenhead reitur (e. grid square).
https://worldwideargentina.com.ar
Með ósk um gott gengi!
Stjórn ÍRA.
Aðalfundur ÍRA árið 2026 var haldinn 15. febrúar í fundarsal safnaðarheimilis Neskirkju við Hagatorg í Reykjavík. Á fundinum fóru fram venjuleg aðalfundarstörf samkvæmt félagslögum.
Embættismenn fundarins voru kjörnir þeir Vilhjálmur Í. Sigurjónsson TF3VS, fundarstjóri og Sæmundur E. Þorsteinsson, TF3UA fundarritari. Alls sóttu 32 félagar fundinn.
Eftirtaldir skipa stjórn félagsins fyrir starfstímabilið 2026/27:
Jónas Bjarnason, TF3JB formaður (endurkjörinn).
Jón Björnsson, TF3PW (situr sitt síðara tímabil sem aðalmaður).
Andrés Þórarinsson, TF1AM (situr sitt síðara tímabil sem aðalmaður).
Njáll H. Hilmarsson, TF3NH (kjörinn aðalmaður til 2 ára).
Georg Kulp, TF3GZ (kjörinn aðalmaður til 2 ára).
Sæmundur Þorsteinsson, TF3UA varamaður (endurkjörinn).
Heimir Konráðsson, TF1EIN varamaður (endurkjörinn).
Skoðunarmenn reikninga voru endurkjörnir þeir Haukur Konráðsson, TF3HK og Yngvi Harðarson, TF3Y og til vara, Vilhjálmur Í. Sigurjónsson, TF3VS. Fullt félagsgjald var samþykkt kr. 10.000 fyrir árið 2026/27.
Undir liðnum „Önnur mál“ var lýst kjöri Vilhjálms Í. Sigurjónssonar, TF3VS sem heiðursfélaga ÍRA.
Stjórn mun skipta með sér verkum fljótlega.
Skýrsla stjórnar og önnur aðalfundargögn verða til birtingar innan tíðar á PDF formi á heimasíðu.
Stjórn ÍRA.
Til glöggvunar fylgir stutt samantekt um sérheimildir sem íslenskum leyfishöfum standa til boða að sækja um til Fjarskiptastofu. Tvær sérheimildir stofnunarinnar hafa verið endurnýjaðar nýlega sem eru til eins árs, 2026 (sjá 1+2). Aðrar tvær sérheimildir eru frá fyrra ári (2025) og gilda til loka þessa árs, 2026 (sjá 3+4).
(1) Sérheimild fyrir 160 metra (frá 3.2.2026) – sem veitir heimild til notkunar tíðnisviðsins 1850-1900 kHz á auknu afli vegna þátttöku í tilgreindum alþjóðlegum keppnum á almanaksárinu 2026. G-leyfishafar hafa heimild til að nota allt að 1 kW í tíðnisviðinu á meðan keppnir standa yfir.
(2) Sérheimild fyrir 6 metra (frá 13.2.2026) – sem veitir heimild til notkunar tíðnisviðsins 50.000 til 50.500 MHz á tímabilinu apríl til september 2026. G-leyfishafar hafa heimild til að nota allt að 1 kW og N-leyfishafar allt að 100W.
Ath. að leyfishafar sem ekki sækja um heimildina á 6 metrum, geta eftir sem áður notað tíðnisviðið 50.000-52.000 MHz á lægra afli; þ.e. G-leyfishafar á allt að 100 W og N-leyfishafar á allt að 50 W.
Aðrar sérheimildir sem gilda á árinu 2026 og voru veittar til tveggja ára í fyrra (2025):
(3) Sérheimild fyrir 4 metra (frá 2.1.2025) – sem veitir heimild til notkunar tíðnisviðsins 70.000-70.250 MHz út árið 2026. G-leyfishafar og N-leyfishafar hafa sömu aflheimildir; allt að 100 W.
(4) Sérheimild fyrir 60 metra (frá 3.2.2025) – sem veitir heimild til notkunar tíðnisviðsins 5.260-5.410 MHz út árið 2026. G-leyfishafar hafa heimild til að nota allt að 1 kW og N-leyfishafar allt að 100 W.
Ath. að leyfishafar sem ekki sækja um heimildina á 60 metrum, geta eftir sem áður notað tíðnisviðið 5351.5–5366.5 kHz. G-leyfishafar og N-leyfishafar hafa sömu aflheimildir, allt að 15W (EIRP).
Þeir leyfishafar sem sem ætla sér að starfa á umræddum tíðnum skulu sækja um það sérstaklega til FST (bjarni@fjarskiptastofa.is og fst@fst.is).
Stjórn ÍRA.
ÍRA hefur borist jákvætt svar frá Fjarskiptastofu, dags. 13.2.2026 við ósk félagsins um endurnýjun aukinna heimilda á 6 metra bandi sumarið 2026.
Stofnunin heimilar íslenskum leyfishöfum auknar aflheimildir í 50-50,5 MHz tíðnisviðinu frá og með 1. apríl 2026. Gildistími er 6 mánuðir eða til 31. september. G-leyfishafar fá heimild til að nota allt að 1kW og N-leyfishafar allt að 100W. Hámarks bandbreidd sendinga er 18 kHz. Heimildin er með þeim fyrirvara að komi til truflana á annarri fjarskiptastarfsemi af völdum sendinganna þá skal þeim hætt. Æskilegt er að sendingar fari fram utan byggðar.
Bent er á, að leyfishafar sem hug hafa á að nýta heimildina þurfa að tilkynna það til fst@fst.is
eða bjarni@fjarskiptastofa.is Tilgreina skal að sótt sé um aukið afl á 50 MHz.
Ánægjulegt er, að gildistíminn er jafn langur og á síðasta ári, en sérstaklega var sótt um þessa rýmkun í ljósi hagstæðra fjarskiptaskilyrða sem tengjast sólblettahámarki lotu (sólarsveiflu) 25.
Stjórn ÍRA.
Fjarskiptastofa hefur nýlega úthlutað eftirfarandi TF kallmerkjum:
TF3SP – Dariusz „Darek“ Wójcik (SP8GGV). Hann er búsettur í Reykjavík.
TF4CT – Miroslaw „Mirek“ Pruszko (SQ4CTS). Hann er búsettur á Hellu á Rangárvöllum.
Við bjóðum þá velkomna í loftið.
Stjórn ÍRA.
Félagsaðstaða ÍRA í Skeljanesi verður opin fyrir félagsmenn og gesti fimmtudaginn 12. febrúar kl. 20:00-22:00.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID mun annast kaffiveitingar.
Verið velkomin í Skeljanes!
Stjórn ÍRA.
APRS stöð TF3IRA-1 notar Icom IC-208H stöð á QRG 144.800 MHz. Sendiafl er mest 50W. VHF/UHF stöð TF3IRA er Yaesu FT-7900E. Sendiafl er mest 50W á VHF og 45W á UHF. Stöðvarnar sitja á sitt hvorri Yaesu SMB-201 borðfestingunni sem hafa innbyggðar viftur.