Ágætu félagsmenn!
Mér er ánægja að tilkynna um útkomu félagsblaðsins okkar CQ TF, 2. tbl. 2025 í dag, 27. apríl.
Blaðið er vistað á stafrænu formi á heimasíðu félagsins og má sækja það af vefslóðinni hér að neðan.
Vefslóð: https://tinyurl.com/CQTF-2025-2
73 – Sæmi, TF3UA
ritstjóri CQ TF
Opið var í félagsaðstöðu ÍRA í Skeljanesi fimmtudaginn 24. apríl.
Benedikt Sveinsson, TF3T mætti með erindi kvöldsins sem fjallaði um „EME (Earth-Moon-Earth) tilraunir á 50 MHz og ofar í tíðnisviðinu“. Þetta var sjötta erindið á vordagskrá ÍRA fyrir tímabilið febrúar-maí 2025.
Benedikt fjallaði um fjarskipti með hjálp endurvarps frá tunglinu svo og loftsteinajónun, og öðrum fyrirbrigðum ýmsum. Þessi hlið fjarskipta er auðvitað sérstök en krefst fyrst og fremst áhuga og elju. Stór loftnet og mikið sendiafl hjálpa en er ekki nauðsynlegt.
Benedikt er fróður vel um þessi mál öll og sagði þægilega frá. Það hjálpaði að hann hefur reynt flest af þessu og hann og bróðir hans Guðmundur, TF3SG hafa smíðað allan búnað og sett upp stöð og fengið endurvarp af tunglinu, svo dæmi sé tekið.
Erindi Benedikts var vel tekið. Á eftir var fjöldi fyrirspurna, og rætt um kW magana fyrir 2 metra bandið sem Benedikt smíðaði fyrir nokkrum árum og svo var sest í leðursófasettið og spjalli haldið áfram. Þetta var vel lukkuð kvöldstund.
Sérstakar þakkir til Benedikts Sveinssonar, TF3T fyrir fróðlegt og áhugavert erindi. Þess má geta að erindið var tekið upp og hér er vefslóð á það: https://youtu.be/5Gxb2pgtd9M
Alls mættu 21 félagi og 1 gestur þetta ágæta fimmtudagskvöld í mildu vetrarveðri í vesturbænum í Reykjavík.
Stjórn ÍRA.
(Texti: Andrés Þórarinsson, TF1AM varaformaður ÍRA).
Var að koma niður af Perlunni í Öskjuhlíð rétt í þessu (24.4.2025), lagaði þar loksins SDR móttakarann http://sdr.ekkert.org í tæka tíð fyrir vorleika ÍRA en viðtækið hefur verið QRT um nokkurn tíma.
Þetta er RX only, þannig að gáttin dreifir þeim merkjum sem það nær inn á „APRS.f Europe server‘ana“
73,
TF3CZ.
(Ljósmyndir: TF3CZ).
.
Teknar voru saman upplýsingar um TF kallmerki sem fengu skráningu á þyrpingu (e. cluster) á tímabilinu 6.-24. apríl.
Alls fengu 14 TF kallmerki skráningar. Flestir voru QRV á stafrænum mótunum (FT8 og/eða FT4), en einnig á morsi (CW) og tali (SSB). Bönd: 10, 15, 20, 40 metrum og um QO-100 gervitunglið.
Kallmerki fær skráningu þegar leyfishafi [eða hlustari] hefur haft samband við [eða heyrt í] TF kallmerki. Svokallað „self spotting“ er ekki tekið með. Upplýsingarnar eru fengnar á http://new.dxsummit.fi/#/ Sambærilegar síður eru í boði á netinu til samanburðar.
Fyrst er skráð kallmerki, þá tegund(ir) útgeislunar og band/bönd sem kallmerki fær skráningu á.
Til skoðunar er að taka reglulega saman upplýsingar af þessu tagi.
Stjórn ÍRA.
TF1A 15M FT8, 20M FT4, 40M FT4 og 2,4 GHz (QO-100 Sat.).
TF1EIN 17M FT8.
TF1EM 17M FT8.
TF1PA 20M SSB.
TF1SS 10M SSB.
TF2LL 20M SSB.
TF3AK 17M FT8.
TF3IG 15M FT8.
TF3IRA 15M CW.
TF3VP 20M SSB.
TF3WARD 20M CW.
TF5B 15M FT8.
TF8KW 15M FT8.
TF8SM 17M FT8.
Bestu óskir til félagsmanna og fjölskyldna þeirra um gleðilegt sumar!
Bent er á að opið verður í félagsaðstöðunni í Skeljanesi í kvöld, fimmtudag 24. apríl.
Þá mætir Benedikt Sveinsson, TF3T með erindið „EME (Earth-Moon-Earth) tilraunir á 50 MHz og ofar í tíðnisviðinu“. Húsið opnar kl. 20:00 og byrjar Benedikt stundvíslega kl. 20:30.
QSL stjóri fór í hólfið í gær og verður búinn að flokka kortasendingar og Sveinn Goði Sveinsson, TF3ID lagar kaffi og tekur fram meðlæti.
Félagsmönnum er bent á að láta erindið ekki framhjá sér fara.
Verið velkomin í Skeljanes á sumardaginn fyrsta!
Stjórn ÍRA.
Kiwi SDR viðtækið yfir netið við Elliðavatn varð virkt á ný í gær, 22. apríl. Vefslóð: http://kop.utvarp.com/
Viðtækið hafði verið úti í nokkra daga, en þeir Georg Kulp, TF3GZ og Hrafnkell Sigurðsson björguðu málinu snarlega í gær. Sérstakar þakkir til þeirra beggja.
Önnur viðtæki yfir netið sem eru virk um þessar mundir eru Kiwi SDR viðtæki á Sauðárkróki og Kiwi SDR VHF viðtækið í Reykjavík. Vefslóðir: http://krokur.utvarp.com/ og http://vhf.utvarp.com/
KiwiSDR viðtækin vinna frá 10 kHz upp í 30 MHz. Hægt er að hlusta á AM, FM, SSB og CW sendingar og má velja bandbreidd sem hentar hverri mótun. Allt að átta notendur geta verið skráðir inn á viðtækið samtímis. KiwiSDR VHF viðtækið er tengt til hlustunar á 144-146 MHz. Ath. að velja þarf: Amatör og NBFM þegar viðtækið er opnað.
Stjórn ÍRA þakkar verðmætt framlag. Hér um að ræða mikilvæga viðbót fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.
Stjórn ÍRA.
Vordagskrá ÍRA fyrir tímabilið febrúar-maí 2025 heldur áfram fimmtudag 24. apríl í Skeljanesi.
Þá mætir Benedikt Sveinsson, TF3T með erindið „EME (Earth-Moon-Earth) tilraunir á 50 MHz og ofar í tíðnisviðinu“. Húsið opnar kl. 20:00 og byrjar Benedikt stundvíslega kl. 20:30.
QSL stjóri verður búinn að fara í pósthólfið og flokka kortasendingar og Sveinn Goði Sveinsson, TF3ID lagar kaffi og tekur fram meðlæti.
Félagsmönnum er bent á að láta erindið ekki framhjá sér fara.
Verið velkomin í Skeljanes!
Stjórn ÍRA.
SP DX RTTY CONTEST.
Keppnin stendur yfir laugardag 26. apríl kl. 12:00 til sunnudags 27. apríl kl. 12:00.
Keppnin fer fram á RTTY á 80, 40, 20, 15 og 10 metrum.
Skilaboð SP stöðva: RST + 2 bókstafir fyrir hérað (e. province).
Skilaboð annarra: RST + raðnúmer.
https://pkrvg.org/strona,spdxrttyen.html
UK/EI DX CONTEST, CW.
Keppnin stendur yfir laugardag 26. apríl kl. 12:00 til sunnudags 27. apríl kl. 12:00.
Keppnin fer fram á CW á 80, 40, 20, 15 og 10 metrum.
Skilaboð UK/EI stöðva: RST + raðnúmer + staðarkóði (e. district code).
Skilaboð annarra: RST + raðnúmer.
https://www.ukeicc.com/dx-contest-rules.php
HELVETIA CONTEST.
Keppnin stendur yfir laugardag 26. apríl kl. 13:00 til sunnudags 27. apríl kl. 13:00.
Keppnin fer fram á CW, SSB, Digital á 160, 80, 40, 20, 15 og 10 metrum.
Skilaboð HB stöðva: RS(T) + 2 bókstafir fyrir sýslu (e. canton).
Skilaboð annarra: RS(T) + raðnúmer.
https://contestlog.uska.ch/submit
Alþjóðadagur radíóamatöra er í dag, 18. apríl.
Í dag eiga IARU, alþjóðasamtök landsfélaga radíóamatöra 100 ára afmæli en samtökin voru stofnuð í París árið 1925 þegar saman komu í Sorbonne háskóla u.þ.b. 250 fulltrúar frá 23 þjóðlöndum. Aðildarfélög IARU eru í dag um 180 talsins og fjöldi leyfishafa er yfir 3 milljónir um allan heim.
ÍRA mun halda upp á daginn með því að virkja félagsstöðina í Skeljanesi og verður kallmerkið TF3WARD sett í loftið. Viðskeytið stendur fyrir „World Amateur Radio Day“. Með árlegri virkjun þessa kallmerkis (frá 2020) höfum við fetað í fótspor systurfélaganna á Norðurlöndum (og víðar) sem starfrækja sérstök kallmerki með hliðstæðum viðskeytum til að halda upp á stofndag IARU.
Hamingjuóskir til íslenskra radíóamatöra með daginn!
Stjórn ÍRA.
Stjórn ÍRA óskar félagsmönnum gleðilegrar páskahátíðar. Við vonum að þessir dagar bjóði upp á góðar stundir í faðmi fjölskyldunnar.
Félagsaðstaðan í Skeljanesi verður lokuð fimmtudaginn 17. apríl en þá er skírdagur sem er almennur frídagur.
Félagsaðstaðan verður næst opin fimmtudag 24. apríl þegar Benedikt Sveinsson, TF3T mætir í Skeljanes með erindið „EME (Earth-Moon-Earth) tilraunir á 50 MHz og ofar í tíðnisviðinu“.
Stjórn ÍRA.
