Félagsaðstaða ÍRA í Skeljanesi verður opin fyrir félagsmenn og gesti fimmtudaginn 4. september á milli kl. 20 og 22.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
Mathías Hagvaag, TF3MH QSL stjóri verður búinn að fara í pósthólf félagsins, flokka kort og raða í hólfin og Sveinn Goði Sveinsson, TF3ID annast kaffiveitingar.
Verið velkomin í Skeljanes!
Stjórn ÍRA.
ALÞJÓÐLEGAR KEPPNIR 6.-7. SEPTEMBER.
ALL ASEAN DX CONTEST, PHONE.
Keppnin hefst laugardag 6. september kl. 00:00 og lýkur sunnudag 7. september kl. 24:00.
Keppnin fer fram á SSB á 160, 80, 40, 20, 15 og 10 metrum.
Skilaboð: RS og 2 tölustafir fyrir aldur þátttakanda.
https://www.jarl.org/English/4_Library/A-4-3_Contests/AA_rule_en.htm
RUSSIAN RTTY WW CONTEST.
Keppnin hefst laugardag 6. september kl. 12:00 og lýkur sunnudag 7. september kl. 11:59.
Keppnin fer fram á RTTY á 80, 40, 20, 15 og 10 metrum.
Skilaboð rússneskra stöðva: RST + 2 bókstafir fyrir svæði í Rússlandi (e. oblast).
Skilaboð annarra: RST + raðnúmer.
http://www.contest.ru/russian-ww-rtty-contest-rules-en/
Með ósk um gott gengi!
Stjórn ÍRA.
Námskeið ÍRA til undirbúnings prófs til amatörleyfis verður haldið 15. september til 28. október í Háskólanum í Reykjavík. Um er að ræða 6 vikna námskeið sem lýkur með prófi Fjarskiptastofu til amatörleyfis, laugardaginn 1. nóvember.
Námskeiðið er öllum opið og eru ekki gerðar kröfur um sérstaka menntun eða undirbúning. Kennt verður í HR á mánudögum, þriðjudögum og miðvikudögum kl. 18:30-21:30. Skipulag námskeiðs má sjá hér:
http://www.ira.is/wp-content/uploads/2025/08/2025.Skipulag-namskeids-IRA-til-amatorprofs.pdf
Hægt er að skrá þátttöku hér: https://www.ira.is/skraning-a-namskeid/
Námskeiðsgjald er 24.500 krónur. Greiðsla þarf að hafa borist gjaldkera í síðasta lagi 10. september n.k. Reikningur ÍRA: 0116-26-7783 / kennitala: 610174-2809 / Ath. að skrá kennitölu greiðanda í athugasemdir. Bent á fræðslustyrki stéttarfélaga og Vinnumálastofnunar.
Fyrirspurnir eru velkomnar á póstfangið: ira@ira.is
Einnig má hafa samband við Jónas Bjarnason, TF3JB umsjónarmann námskeiðsins í síma 898-0559 eða á póstfang: jonas.bjarnason.hag@gmail.com
Stjórn ÍRA.
Opið hús var í félagsaðstöðu ÍRA í Skeljanesi fimmtudaginn 28. ágúst.
Gengið var frá málum til undirbúnings þess að gera TF3DMR QRV og var nýi endurvarpinn settur í loftið kl. 20:45. Hann tengist í gegnum “Brandmeister“. Sjá upplýsingar um tækið á þessari vefslóð: https://brandmeister.network/?page=device&id=274002 Það voru þeir Jón Atli Magnússon, TF2AC; Pier Albert Kaspersma, TF1PA og Einar Sandoz, TF3ES sem voru í „aðalhlutverkum“ við tenginguna, en síðan voru við svo heppnir að Ari Þórólfur Jóhannesson, TF1A mætti á staðinn og veitti góð ráð.
Góðar umræður voru við stóra fundarborðið m.a. um heimasmíðar, þ.á.m. um smíði á aflgjöfum, loftnetum (á HF), loftnetsaðlögunarrásum og dagbókarforrit, m.a. „Log4OM“ vefslóð: https://www.log4om.com/ Mikið var líka rætt um nýja DMR endurvarpann sem settur var í loftið þetta kvöld. Fram kom m.a. að félagið mun standa fyrir kynningu á DMR (Digital Mobile Radio), þ.e. hvaða búnað þarf til og hvernig kerfið er notað. Dagsetning verður kynnt í 4. hefti CQ TF sem kemur út 5. október n.k.
Sérstakar þakkir til TF1A, TF1PA, TF2AC og TF3ES fyrir að koma DMR verkefninu í höfn. Ennfremur þakkir til TF3ID og TF3JB sem byrjuðu að laga til í eldhúsinu í Skeljanesi. Ennfremur þakkir til Sveins Goða Sveinssonar, TF3ID fyrir afbragðsgott kaffi og vínarbrauðslengjuna frá Björnsbakaríi.
Alls mættu 22 félagar og 1 gestur í Skeljanes þetta ágæta sumarkvöld í vesturbænum í Reykjavík.
Stjórn ÍRA.
Nýr DMR endurvarpi ÍRA, TF3DMR varð QRV frá Skeljanesi fimmtudaginn 28. ágúst kl. 20:45. QRG: 439.850 MHz (RX) og 434.850 MHz (TX); -5 MHz. Hann tengist í gegnum “Brandmeister“. Sjá upplýsingar um tækið á þessari vefslóð: https://brandmeister.network/?page=device&id=274002
Félagið þakkar Erik Finskas, TF3EY (OH2LAK) sem hafði milligöngu um gjöf á Motorola DR 3000 Digital Mobile Radio UHF endurvarpa frá klúbbi sínum í Finnlandi (OH2CH). Erik útvegaði einnig „Duplex“ síu (og stillti) fyrir tíðnir TF3DMR. Erik Finskas, TF3EY/OH2LAK og Jón Atli Magnússon, TF2AC eru stjórnendur endurvarpans.
Sérstakar þakkir fá eftirfarandi félagsmenn sem komið hafa að því að gera nýja endurvarpann virkan:
Ari Þórólfur Jóhannesson, TF1A.
Ársæll Óskarsson, TF3AO.
Einar Sandoz, TF3ES.
Georg Kulp, TF3GZ.
Jón Atli Magnússon, TF2AC.
Pier Albert Kaspersma, TF1PA.
Hamingjuóskir til félagsmanna með DMR endurvarpann.
Stjórn ÍRA.
Það er vaskur hópur félagsmanna sem stendur að baki uppsetningu og annast rekstur og viðhald viðtækja yfir netið. Þeir leggja metnað í að halda þeim gangandi – svo ekki sé talað um tíma og fjármuni. Þetta eru Ari Þórólfur Jóhannesson TF1A (Reykjavík), Georg Kulp TF3GZ (Reykjavík), Árni Helgason TF4AH (Patreksfirði), Karl Georg Karlsson TF3CZ (Stokkseyri) og Kristján J. Gunnarsson, TF4WD (Sauðárkróki).
Á heimasíðu ÍRA eru tenglar yfir á viðtækin yfir netið. Um er að ræða:
Perluna í Öskjuhlíð (VHF), vefslóð: http://sdr.ekkert.org/#freq=145650000,mod=nfm,sql=-150
Sauðárkrók, vefslóð: http://krokur.utvarp.com/
Elliðavatn í Reykjavík, vefslóð: http://kop.utvarp.com/
Örlygshöfn við Patreksfjörð, vefslóð: http://pat2.utvarp.com:8080/
Reykjavík (VHF), vefslóð: http://vhf.utvarp.com/
ÍRA metur þetta framlag mikils og þakkar þessum félagsmönnum fyrir dugnað og elju við að sinna verkefninu sem er mikilvægt fyrir radíóamatöra sem gera tilraunir í þessum tíðnisviðum, auk hlustara og allra sem áhuga hafa á útbreiðslu radíóbylgna.
Stjórn ÍRA.
Námskeið ÍRA til undirbúnings prófs til amatörleyfis verður haldið 15. september til 28. október í Háskólanum í Reykjavík. Um er að ræða 6 vikna námskeið sem lýkur með prófi Fjarskiptastofu til amatörleyfis, laugardaginn 1. nóvember.
Námskeiðið er öllum opið og eru ekki gerðar kröfur um sérstaka menntun eða undirbúning. Kennt verður í HR á mánudögum, þriðjudögum og miðvikudögum kl. 18:30-21:30. Skipulag námskeiðs má sjá hér: http://www.ira.is/wp-content/uploads/2025/08/2025.Skipulag-namskeids-IRA-til-amatorprofs.pdf
Hægt er að skrá þátttöku hér: https://www.ira.is/skraning-a-namskeid/
Námskeiðsgjald er 24.500 krónur. Greiðsla þarf að hafa borist gjaldkera í síðasta lagi 10. september n.k. Reikningur ÍRA: 0116-26-7783 / kennitala: 610174-2809 / Ath. að skrá kennitölu greiðanda í athugasemdir. Bent á fræðslustyrki stéttarfélaga og Vinnumálastofnunar.
Fyrirspurnir eru velkomnar á póstfangið: ira@ira.is
Einnig má hafa samband við Jónas Bjarnason, TF3JB umsjónarmann námskeiðsins í síma 898-0559 eða á póstfang: jonas.bjarnason.hag@gmail.com
Stjórn ÍRA.
Félagsaðstaða ÍRA í Skeljanesi verður opin fyrir félagsmenn og gesti fimmtudaginn 28. ágúst á milli kl. 20 og 22.
Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.
QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID annast kaffiveitingar.
Verið velkomin í Skeljanes!
Stjórn ÍRA.
SCRY/RTTY OPS WW RTTY CONTEST.
Keppnin er í tveimur hlutum og fer fram:
Á föstudag 29. ágúst frá kl. 22:00 til laugardags 30. ágúst kl. 13:00; og
á sunnudag 31. ágúst frá kl. 12:00 til kl. 23:59.
Keppnin fer fram á RTTY á 160, 80, 40, 20, 25 og 10 metrum.
Skilaboð RST + 4 tölustafir fyrir ár þegar amatörleyfi var fyrst gefið út.
https://rttyops.com/index.php/contests/cq-rttyops-ww-scry-rtty/cq-rttyops-ww-scry2-rtty-rules
ALARA CONTEST.
Keppnin hefst laugardag 30. ágúst kl. 06:00 og lýkur sunnudag 31. ágúst kl. 05:59.
Keppnin fer fram á CW og SSB á 80, 40, 20, 15 og 10 metrum.
Skilaboð VK og ZL stöðva: RS(T) + raðnúmer + ALARA félagsmaður + nafn.
Skilaboð annarra: RS(T) + raðnúmer + nafn + (YL/OM/klúbbströð).
https://www.alara.org.au/contests
WORLD WIDE DIGI DX CONTEST.
Keppnin hefst laugardag 30. ágúst kl. kl. 12:00 og lýkur sunnudag 31. ágúst kl. 12:00.
Keppnin fer fram á FT4/8 á 160, 80, 40, 20, 15 og 10 metrum.
Skilaboð: 4 stafa Maidenhead reitur (e. grid square).
https://ww-digi.com
Með ósk um gott gengi!
Stjórn ÍRA.
Opið hús var í félagsaðstöðu ÍRA í Skeljanesi fimmtudaginn 21. ágúst.
Góðar umræður voru um heimasmíðuð loftnet, m.a. um deltur og fösun þeirra. Vísað var í greinar sem hafa birst í nýlegum CQ TF blöðum um þess háttar loftnet. Einnig var rætt um loftnet fyrir 6 metrana. Einn félaga okkar hefur t.d. nýlega smíðað tvípól á því bandi (úr álstöngum) sem hann er með festan við 4 m. langt rör sem hann „rennir“ út frá svölunum [á fjölbýlishúsinu þar sem hann býr] þegar hann fer á bandið og sem kemur mjög vel út í DX. Snjöll lausn fyrir þá sem búa í fjölbýli, enda eru loftnet fyrir 50 MHz af meðfærilegri stærð.
Menn ræddu einnig um LoTW (Logbook of The World) og fram kom að skráning hjá ARRL er ókeypis, en verulega er til þæginda fyrir leyfishafa að skrá sig þar og uppfæra DX sambönd, enda meir en 60% af samböndum sem frá skráningu þar. Í fjarskiptaherbergi TF3IRA var rætt um APRS og fram kom mikil ánægja með uppfærslu Hrafnkels Eiríkssonar, TF3HR sem uppfærði búnað APRS stöðvari félagsins, TF3IRA-1 nýlega.
Töluvert var rætt um nýjar stöðvar, m.a. um nýju FlexRadio 8000 línuna og hún borin saman við nýju ICOM IC-7760 stöðina (en eintök af báðum þessum tækjum eru komin í notkun hér á landi). Einnig var rætt um nýju Aurora línuna frá FlexRadio, sem eru 500W stöðvar. Þetta kvöld var félagsstöðin TF3IRA QRV á morsi á 14 MHz bandinu í þokkalegum skilyrðum.
Þakkir til Sveins Goða Sveinssonar, TF3ID fyrir afbragðsgott kaffi og meðlæti. Alls mættu 22 félagar og 1 gestur í Skeljanes þetta ágæta sumarkvöld í vesturbænum í Reykjavík.
Stjórn ÍRA.
