,

Bandaríski flugherinn undirbýr að taka niður öll HAARP loftnetin fyrir lok sumars

High Frequency Active Auroral Research Program, HAARP loftnetin nálægt Gakona, Alaska voru gangsett 2007. HARRP loftnetin eru aðalhluti viðamikils verkefnis í háaflsradíóeðlisfræðilegum rannsóknum. Herinn telur ekki réttlætanlegt að leggja til þess lengur það fjármagn sem verkefnið kostar á hverju ári, nú er kominn tími til að snúa sér að öðrum nútímalegri verkefnum segir talsmaður hersins. HAARP loftnetasamstæðan kostaði 300 milljónir dollara og árlegur rekstrarkostnaður er um fimm milljónir dollara eða 600 milljónir íslenskra króna.

Á tímabili gekk sú saga um heiminn að með þessu mannvirki ætluðu Bandaríkjamenn að stjórna jónosferunni og þannig jafnvel stjórna veðurfari á jörðinni. En einn vísindamannanna sem unnið hafa við verkefnið segir að það væri álíka hugmynd eins og að ætla sér að stjórna Kyrrahafinu með því að henda út í það litlum steini.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

13 − 7 =