Almennt

Það er vaskur hópur félagsmanna sem stendur að baki uppsetningu og annast rekstur og viðhald viðtækja yfir netið. Þeir leggja metnað í að halda þeim gangandi – svo ekki sé talað um tíma og fjármuni. Þetta eru Ari Þórólfur Jóhannesson TF1A (Reykjavík), Georg Kulp TF3GZ (Reykjavík), Árni Helgason TF4AH (Patreksfirði), Karl Georg Karlsson TF3CZ (Stokkseyri) og Kristján J. Gunnarsson, TF4WD (Sauðárkróki).

Á heimasíðu ÍRA eru tenglar yfir á viðtækin yfir netið. Um er að ræða:

Perluna í Öskjuhlíð (VHF), vefslóð: http://sdr.ekkert.org/#freq=145650000,mod=nfm,sql=-150

Sauðárkrók, vefslóð: http://krokur.utvarp.com/

Elliðavatn í Reykjavík, vefslóð: http://kop.utvarp.com/

Örlygshöfn við Patreksfjörð, vefslóð: http://pat2.utvarp.com:8080/

Reykjavík (VHF), vefslóð: http://vhf.utvarp.com/

ÍRA metur þetta framlag mikils og þakkar þessum félagsmönnum fyrir dugnað og elju við að sinna verkefninu sem er mikilvægt fyrir radíóamatöra sem gera tilraunir í þessum tíðnisviðum, auk hlustara og allra sem áhuga hafa á útbreiðslu radíóbylgna.

Stjórn ÍRA.

Félagsaðstaða ÍRA í Skeljanesi verður opin fyrir félagsmenn og gesti fimmtudaginn 28. ágúst á milli kl. 20 og 22.

Fundarsalur, fjarskiptaherbergi TF3IRA og QSL stofa á 2. hæð verða opin. Góður félagsskapur og nýjustu amatörtímaritin liggja frammi.

QSL stjóri verður búinn að fara í pósthólf félagsins, flokka kort og raða í hólfin. Sveinn Goði Sveinsson, TF3ID annast kaffiveitingar.

Verið velkomin í Skeljanes!

Stjórn ÍRA.

Opið hús var í félagsaðstöðu ÍRA í Skeljanesi fimmtudaginn 21. ágúst.

Góðar umræður voru um heimasmíðuð loftnet, m.a. um deltur og fösun þeirra. Vísað var í greinar sem hafa birst í nýlegum CQ TF blöðum um þess háttar loftnet. Einnig var rætt um loftnet fyrir 6 metrana. Einn félaga okkar hefur t.d. nýlega smíðað tvípól á því bandi (úr álstöngum) sem hann er með festan við 4 m. langt rör sem hann „rennir“ út frá svölunum [á fjölbýlishúsinu þar sem hann býr] þegar hann fer á bandið og sem kemur mjög vel út í DX. Snjöll lausn fyrir þá sem búa í fjölbýli, enda eru loftnet fyrir 50 MHz af meðfærilegri stærð.

Menn ræddu einnig um LoTW (Logbook of The World) og fram kom að skráning hjá ARRL er ókeypis, en verulega er til þæginda fyrir leyfishafa að skrá sig þar og uppfæra DX sambönd, enda meir en 60% af samböndum sem frá skráningu þar. Í fjarskiptaherbergi TF3IRA var rætt um APRS og fram kom mikil ánægja með uppfærslu Hrafnkels Eiríkssonar, TF3HR sem uppfærði búnað APRS stöðvari félagsins, TF3IRA-1 nýlega.

Töluvert var rætt um nýjar stöðvar, m.a. um nýju FlexRadio 8000 línuna og hún borin saman við nýju ICOM IC-7760 stöðina (en eintök af báðum þessum tækjum eru komin í notkun hér á landi). Einnig var rætt um nýju Aurora línuna frá FlexRadio, sem eru 500W stöðvar. Þetta kvöld var félagsstöðin TF3IRA QRV á morsi á 14 MHz bandinu í þokkalegum skilyrðum.

Þakkir til Sveins Goða Sveinssonar, TF3ID fyrir afbragðsgott kaffi og meðlæti. Alls mættu 22 félagar og 1 gestur í Skeljanes þetta ágæta sumarkvöld í vesturbænum í Reykjavík.

Stjórn ÍRA.

TF3DMR. Vinna hefst fljótlega við undirbúning á tengingu TF3DMR, UHF DMR endurvarpa ÍRA í Skeljanesi. QRG 439.850 MHz (TX); 434.850 MHz (RX). Stefnt er að því að tækið verði QRV fyrir lok mánaðarins.

TF5RPD. Samkvæmt upplýsingum frá TF3TNT er búist við að nýr VHF endurvarpi og nýtt loftnet verði tengt í Vaðlaheiðinni eftir u.þ.b. 2 vikur [í byrjun september]. QRG 145.625 MHz (RX); 145.025 MHZ (TX); tónstýring: 88,5 Hz.

TF3RPI. Einnig samkvæmt upplýsingum frá TF3TNT er búist við að litið verði á DSTAR UHF endurvarpann í Bláfjöllum á næstunni, sem verið hefur úti í nokkurn tíma. QRG 439.950 MHz (RX); 434.950 MHz (TX).

Sérstakar þakkir til Benedikts Guðnasonar, TF3TNT.

Stjórn ÍRA.

.

TURKEY HF SSB CONTEST.
Keppnin verður haldin laugardaginn 23. ágúst frá kl. 00:00 til kl. 23:59.
Keppnin fer fram á SSB á 160, 80, 40, 20, 15 og 10 metrum.
Skilaboð TA stöðva: RS + 2 bókstafir fyrir hérað í Tyrklandi.
Skilaboð annarra: RS + raðnúmer.
https://tahfcontest.com

HAWAII QSO PARTY.
Keppnin hefst laugardag 23. ágúst kl. 04:00 og lýkur sunnudag 24. ágúst kl. 04:00.
Keppnin fer fram á CW, SSB og Digital á 160, 80, 40, 20, 15 og 10 metrum.
Skilaboð stöðva á Hawaii: RS(T) + 2 bókstafir fyrir hérað á Hawaii.
Skilaboð W/VE stöðva [utan Hawaii]: RS(T) + (ríki í USA/fylki í Kanada).
Skilaboð annarra (DX stöðva): RS(T).
http://www.hawaiiqsoparty.org/

YO DX HF CONTEST.
Keppnin hefst laugardag 23. ágúst kl. 12:00 og lýkur sunnudag 24. ágúst kl. 12:00.
Keppnin fer fram á CW og SSB á 80, 40, 20, 15 og 10 metrum.
Skilaboð stöðva í Rúmeníu: RS(T) + sýsla.
Skilaboð annarra: RS(T) + raðnúmer.
http://www.yodx.ro/

ARSI VU DX CONTEST.
Keppnin hefst laugardag 23. ágúst kl. 12:00 og lýkur sunnudag 24. ágúst kl. 12:00.
Keppnin fer fram á CW og SSB á 40, 20, 15 og 10 metrum.
Skilaboð stöðva á Indlandi: RS(T) og 2 bókstafir fyrir staðsetningu (e. state/UT code).
Skilaboð annarra: RS(T) + raðnúmer.
http://arsi.info/dxcontest/

CVA DX CONTEST, SSB.
Keppnin hefst laugardag 23. ágúst kl. 18:00 og lýkur sunnudag 24. ágúst kl. 21:00.
Keppnin fer fram á SSB á 160, 80, 40, 20, 15 og 10 metrum.
Skilaboð stöðva í Brasiíu: RS + 2 bókstafir fyrir hérað (e. state).
Skilaboð annarra: RS + 2 bókstafir fyrir meginland.
http://cvadx.org/

SARL HF CW CONTEST.
Keppnin verður haldin sunnudaginn 24. ágúst frá kl. 14:00 til kl. 17:00.
Keppnin fer fram á CW á 80, 40 og 20 metrum.
Skilaboð: RST + raðnúmer.
http://mysarl.org.za/contest-resources/

Með ósk um gott gengi!

Stjórn ÍRA.

Uppfærð DXCC staða TF kallmerkja er miðuð við 18. ágúst 2025. Að þessu sinni hefur staða fimm kallmerkja verið uppfærð frá fyrri lista, þ.e. TF2LL, TF3G, TF3IRA, TF3JB og TF5B. Samtals er um að ræða 27 uppfærslur frá 2. júní s.l.

Sautján TF kallmerki eru með virka skráningu, en alls hafa [a.m.k.] 25 íslensk kallmerki sótt um og fengið DXCC viðurkenningar til þessa dags.

Hamingjuóskir til viðkomandi.

Stjórn ÍRA.