OPIÐ HÚS Í SKELJANESI 24. JÚLÍ.

Félagsaðstaða ÍRA í Skeljanesi verður opin fyrir félagsmenn og gesti fimmtudaginn 24. júlí kl. 20:00 til 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri ÍRA verður búinn að fara í pósthólf félagsins, flokka kort og raða í hólfin og Sveinn Goði Sveinsson, TF3ID lagar kaffið.

Verið velkomin í Skeljanes!

Stjórn ÍRA.

.

Úr félagsstarfinu. Þar sem Útileikar ÍRA 2025 um verslunarmannahelgina nálgast er sýnd ljósmynd frá afhendingu á verðlauna-gripum og viðurkenningum fyrir fjarskiptaleika ÍRA árið 2022 sem fram fór á aðalfundi 2023 til verðlaunahafa sem staddir voru á fundinum.

Frá vinstri: Eiður Kristinn Magnússon TF1EM viðurkenning fyrir 5. sæti í TF útileikunum. Hrafnkell Sigurðsson TF8KY viðurkenning fyrir 2. sæti í Páskaleikunum (í dag Vorleikar) og fyrir 3. sæti í TF útileikunum. Andrés Þórarinsson TF1AM verðlaunaplatti og viðurkenning fyrir 1. sæti í TF útileikunum. Ólafur Örn Ólafsson TF1OL verðlaun fyrir 1. sæti í Páskaleikunum og 1. sæti í VHF/UHF leikunum (í dag Sumarleikar). Óskar Sverrisson TF3DC keppnisstjóri TF3ÍRA, viðurkenning fyrir 4. sæti TF3IRA í TF útileikunum. Ljósmynd: TF3JON.