NÝTT KIWI SDR VIÐTÆKI YFIR NETIÐ.

Í dag, 30. desember 2025 bættist við innanlandsviðtæki til hlustunar á HF tíðnum yfir netið. Það er staðsett við Bústaðaveg í Reykjavík. Loftnet er 60 m. langur vír (LW) með 1:49 unun.

Um er að ræða KiwiSDR 2 viðtæki í eigu Ara Þórólfs Jóhannessonar, TF1A og forritaði hann tækið. Ari Þórólfur og Georg Kulp, TF3GZ settu upp viðtæki og loftnet í morgun, þriðjudaginn 30. desember.

Vefslóð: http://rvk.utvarp.com

KiwiSDR viðtækin vinna frá 10 kHz upp í 30 MHz. Hægt er að hlusta á AM, FM, SSB og CW sendingar og má velja bandbreidd sem hentar hverri mótun. Allt að átta notendur geta verið skráðir inn á viðtækið samtímis.

Stjórn ÍRA þakkar þeim Ara Þórólfi og Georg verðmætt framlag. Hér um að ræða mikilvæga viðbót fyrir radíóamatöra sem gera tilraunir í þessum tíðnisviðum, auk hlustara og allra sem hafa áhuga á útbreiðslu radíóbylgna.

Stjórn ÍRA.

.