MEÐ STÖÐ UMHVERFIS JÖRÐINA Á 75 DÖGUM.

Vordagskrá ÍRA heldur áfram fimmtudag 15. maí í Skeljanesi. Húsið opnar kl. 20:00 og flutningur erindis hefst stundvíslega kl. 20:30.

Það er Ólafur Örn Ólafsson, TF1OL sem mætir með erindið „Með stöð og búnað umhverfis jörðina á 75 dögum“ en Ólafur og XYL lögðu upp ævintýraferðalag 15. janúar og komu aftur heim 1. apríl.

Þau heimsóttu m.a. Singapore, Ástralíu, Nýja sjáland, Tahiti, Hawaii og Bandaríkin. Ólafur var QRV á alls 12 stöðum frá 5 DXCC einingum og hafði nær 8 þúsund QSO um allan heim, þ.á.m. til Íslands.

Ólafur mun segja okkur ferðasöguna, m.a. muninn á að vera í loftinu í þessum fjarlægu löndum samanborið við Ísland og hefur til sýnis búnaðinn sem hann notaði í ferðalaginu. Félagsmönnum er bent á að láta erindið ekki framhjá sér fara.

QSL stjóri verður búinn að fara í pósthólfið og flokka kortasendingar og Sveinn Goði Sveinsson, TF3ID lagar kaffi og tekur fram meðlæti.

Verið velkomin í Skeljanes!

Stjórn ÍRA.