,

VIÐTÆKI YFIR NETIÐ Á VHF

Ari Þórólfur Jóhannesson, TF1A tilkynnti þann 19. júlí um að nýtt viðtæki yfir netið hafi verið tengt til hlustunar á 144-146 MHz. Staðsetning er í Reykjavík, loftnet er 5/8λ stangarnet og mest 8 notendur geta hlustað samtímis. Ath. að velja þarf: Amatör og NBFM þegar viðtækið er opnað.

Vefslóð:  HTTP://VHF.UTVARP.COM

Android App: https://play.google.com/store/apps/details…

Vefslóð á KiwiSDR2 viðtækið var sett á opnunarsíðu ÍRA á netinu í dag, 30. júlí þar sem slóðin er aðgengileg ásamt öðrum inn á viðtæki sem eru í boði til hlustunar yfir netið.

Þakkir til þeirra Ara Þórólfs Jóhannessonar, TF1A og Georgs Kulp, TF3GZ sem lánaði hluta búnaðar.

Stjórn ÍRA.

/by
,

OPIÐ HÚS Í SKELJANESI 1. ÁGÚST

Félagsaðstaða ÍRA í Skeljanesi verður opin fimmtudaginn 1. ágúst.  Opið er fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

Mathías Hagvaag, TF3MH QSL stjóri verður búinn að fara í pósthólfið og flokka kortasendingar. Kaffiveitingar.

Verið velkomin í Skeljanes!

Stjórn ÍRA.

Þó nokkuð hefur bæst við af margskonar radíódóti undanfarið. Ljósmynd: TF3JB.
/by
,

TF ÚTILEIKARNIR BYRJA Á LAUGARDAG

TF útileikarnir verða haldnir um verslunarmannahelgina. Þeir hefjast á hádegi á laugardag 3. ágúst og lýkur á hádegi á mánudag 5. ágúst, frídag verslunarmanna.

Leikarnir eru haldnir á 160, 80, 60 og 40 metrum SSB og CW. Félagsstöðin TF3IRA verður virk í leikunum. Félagar sem vilja hjálpa til við að virkja félagsstöðina eru beðnir um að skrá sig á ira@ira.is 

Fjarskiptastofa heimilar þátttakendum að nota allt að 100W sendiafl á 60 metra bandi (5351.5-5366.5 kHz) á meðan leikarnir standa yfir.

Einar Kjartansson, TF3EK umsjónarmaður leikanna veitir allar upplýsingar: einar52@gmail.com

Félagsmenn eru hvattir til að taka þátt!

Stjórn ÍRA.

Reglur: https://www.ira.is/tf-utileikar/

.

/by
,

RSGB IOTA KEPPNIN 2024

RGSB IOTA keppnin fór fram helgina 27.-28. júlí á SSB og CW á 80, 40,  20, 15 og 10 metrum. Keppnin hófst á hádegi á laugardag og lauk á hádegi á sunnudag.

Félagsstöð ÍRA, TF3W var starfrækt í keppninni og virkjaði Sigurður R. Jakobsson, TF3CW stöðina frá Skeljanesi. Skilyrði voru léleg, eða eins eins og TF3CW orðaði það eftir keppnina þá voru þau það slæm „…að hann lokaði stöð og fór heim seint í gærkvöldi frekar en að berja á „dauðum“ böndum yfir nóttina“.

Keppt var í blönduðum flokki (e. mixed) á CW og SSB og var niðurstaðan 976,080 heildarpunktar. Fjöldi sambanda var alls 632; 556 á CW og 74 á SSB. Alls náðust 162 margfaldarar og 5,880 punktar. Viðvera var: 12,27 klst.

Sérstakar þakkir til Sigurðar R. Jakobssonar fyrir þátttökuna frá félagsstöðinni og ekki síst fyrir vinnu og búnað sem hann lagði í undirbúning keppninnar. Ennfremur þakkir til Benedikts Sveinssonar, TF3T sem veitti tæknilega aðstoð við undirbúning.

Stjórn ÍRA.

Skeljanesi sunnudag 28. júlí kl. 11:50. Sigurður R. Jakobsson TF3CW klárar síðustu samböndin í IOTA keppninni 2024. Mynd: TF3JB.
/by
,

OPIÐ HÚS Í SKELJANESI 25. JÚLÍ

Félagsaðstaða ÍRA í Skeljanesi verður opin fimmtudaginn 25. júlí.  Opið er fyrir félagsmenn og gesti frá kl. 20:00 til kl. 22:00.

Fundarsalur, fjarskiptaherbergi og QSL stofa á 2. hæð verða opin. Góður félagsskapur og nýjustu amatörtímaritin.

QSL stjóri verður búinn að fara í pósthólfið og flokka kortasendingar. Kaffiveitingar.

Verið velkomin í Skeljanes!

Stjórn ÍRA.

/by
,

RSGB IOTA KEPPNIN 2024

RSGB IOTA keppnin hefst á laugardag 27. júlí kl. 12 á hádegi og lýkur á sama tíma á sunnudag 28. júlí. Keppnin fer fram á morsi og/eða tali á 80, 40, 20, 15 og 10 metrum.

Markmiðið er að ná samböndum við eins margar aðrar stöðvar radíóamatöra um heiminn eins og frekast er unnt. Sambönd við stöðvar á eyjum sem hafa IOTA númer gefa margfaldara.

Felagsstöð ÍRA, TF3W verður starfrækt í keppninni frá Skeljanesi og mun Sigurður R. Jakobsson, TF3CW virkja stöðina – bæði á SSB og CW (e. mixed).

Þátttakendur hér á landi gefa upp RS(T) + raðnúmer + IOTA númer. IOTA númerið fyrir Ísland er EU-021 (fastalandið) – en EU-71 fyrir Vestmannaeyjar og EU-168 ef leyfishafi er staddur á einhverri annarri eyju við landið.

Með ósk um gott gengi!

Stjórn ÍRA.

https://www.rsgbcc.org/hf/rules/2024/riota.shtml

Sigurður R. Jakobsson TF3CW tók þátt í IOTA keppninni frá TF3W í fyrra (2023). Heildarfjöldi sambanda var 1527. Fjöldi IOTA eininga: 152 og fjöldi punkta: 11.145. Viðvera: 21 klst. Niðurstaða: 1.770.040 heildarpunktar. Ljósmynd: TF3JB.

.
/by
,

NÝTT CQ TF ER KOMIÐ ÚT

Ágætu félagsmenn!

Mér er ánægja að tilkynna um útkomu félagsblaðsins okkar CQ TF, 3. tbl. 2024 í dag, 21. júlí.

Blaðið er vistað á stafrænu formi á heimasíðu félagsins og má sækja það af vefslóðinni hér að neðan.

Vefslóð: https://tinyurl.com/CQTF-2024-3

73 – Sæmi, TF3UA
ritstjóri CQ TF

/by
,

TF3YOTA ER QRV FRÁ SKELJANESI

2. hluti YOTA keppninnar (af þremur) „Youngsters on the air“ fer fram í dag, laugardag 20. júlí frá kl 10:00 til kl. 21:59. Keppnin fer fram á SSB og CW á 80, 40, 20, 15 og 10 metrum.

Elín Sigurðardóttir, TF2EQ ungmennafulltrúi ÍRA virkjar kallmerkið TF3YOTA frá félagsaðstöðunni í Skeljanesi og er stöðin virk á SSB á HF böndunum.

YOTA verkefnið „Youngsters on the air“ er sameiginlegt verkefni landsfélaga radíóamatöra innan IARU. Verkefnið hófst árið 2018 og hefur ÍRA hefur tekið þátt frá upphafi. Elín Sigurðardóttir, TF2EQ er ungmennafulltrúi ÍRA og YOTA verkefnisstjóri og Árni Freyr Rúnarsson, TF8RN, aðstoðarverkefnisstjóri YOTA.

Stjórn ÍRA.

http://www.ham-yota.com/contest/

.

Elín Sigurðardóttir TF2EQ við tækin í fjarskiptaherbergi ÍRA í Skeljanesi í morgun (20. júlí). Sigurður R. Jakobsson TF3CW var til aðstoðar og setti m.a. upp dagbókarforrit fyrir YOTA keppnina. Ljósmynd: TF3JB.
/by
,

NÝTT VIÐTÆKI YFIR NETIÐ Á VHF

Ari Þórólfur Jóhannesson, TF1A tilkynnti í dag (19. júlí) að nýtt viðtæki yfir netið hafi verið tengt til hlustunar á tíðnisviðinu 144-146 MHz. Staðsetning: Reykjavík. Mest 8 notendur geta hlustað samtímis. Velja þarf: Amatör og NBFM.

Vefslóð:  HTTP://VHF.UTVARP.COM

Android App: https://play.google.com/store/apps/details…

Þakkir til þeirra Ara Þórólfs Jóhannessonar, TF1A og Georgs Kulp, TF3GZ sem lánaði hluta búnaðar.

Stjórn ÍRA.

/by
,

HELSTU ALÞJÓÐLEGAR KEPPNIR 20.-21. JÚLÍ

MAIDENHEAD MAYHEM CONTEST
Keppnin stendur yfir dagana 20.-28. júlí.
Hún hefst laugardag 20. júlí kl. 00:00 og lýkur sunnudag 28. júlí kl. 23:59.
Keppnin fer fram CW, SSB og Digital á 160, 80, 40, 20, 15 og 10 metrum.
Skilaboð: RS(T) + 4 stafa Maidenhead reitur (e. grid square).
https://w9et.com/rules.html

LABRE DX CONTEST
Keppnin hefst laugardag 20. júlí kl. og lýkur sunnudag 21. júlí kl. 23:59.
Keppnin fer fram á CW og SSB á 160, 80, 40, 20, 15 og 10 metrum.
Skilaboð stöðva í Brasilíu: RS(T) + 2 bókstafir fyrir sambandsríki (e. federative state).
Skilaboð annarra: RS(T) + 2 bókstafi fyrir meginland (TF = EU).
http://www.labre.org.br/contest/en/regulamento/

YOTA CONTEST
Keppnin stendur yfir laugardag 20. júlí frá kl. 10:00 til 21:59.
Keppnin fer fram á CW og SSB á 80, 40, 20, 15 og 10 metrum.
Skilaboð: RS(T) og 2 tölustafir fyrir aldur.
http://www.ham-yota.com/contest/

Með ósk um gott gengi!

Stjórn ÍRA.

.

/by