Archive for category: Fréttir

Scandinavian Activity keppnin (SAC) CW-hluti, verður haldinn um næstu helgi, 21.-22. september. Þetta er 24 klst. keppni sem hefst á hádegi á laugardag og lýkur á hádegi á sunnudag.

Radíóamatörar í Danmörku, Íslandi, Finnlandi, Noregi og Svíþjóð keppa ásamt radíóamatörum á Svalbarða, Bjarnareyju, Álandseyjum, Market Reef, Grælandi og í Færeyjum á móti heiminum og innbyrðis.

Svalbarði og Bjarnareyja – JW
Jan Mayen – JX
Noregur – LA – LB – LC – LG – LI – LJ – LN
Finnland – OF – OG – OH – OI
Álandseyjar –  OFØ – OGØ – OHØ
Market Reef – OJØ
Grænland – OX – XP
Færeyjar – OW – OY
Danmörk – 5P – 5Q – OU – OV – OZ
Svíþjóð – 7S – 8S – SA – SB – SC – SD – SE – SF – SG – SH – SI – SJ – SK – SL – SM
Ísland – TF

Félagsmenn eru hvattir til að taka þátt. Félagsstöðin TF3W verður virk í keppninni frá Skeljanesi.

Stjórn ÍRA.

http://www.sactest.net/blog/rules/

Opið hús var í félagsaðstöðu ÍRA í Skeljanesi fimmtudaginn 12. september. Sérstakur erlendur gestur okkar var Tim Price, G4YBU frá Epson í Surrey á Englandi. Tim er CW maður og hefur einnig ánægju af SOTA vinnu. Hann var yfir sig hrifinn af aðstöðu félagsins í Skeljanesi.

Annar gestur okkar var Sverrir Sighvatsson, TF2HC sem kom í fylgd afastráks. Einar Sandoz, TF3ES tók að sér að „prógrammera“ nýja VHF/UHF stöð sem hann kom með á staðinn. Einnig hjálpaði Sveinn Goði Sveinsson, TF3ID með stillingar á rafmagnsmorslykli sem hann var í vandræðum með.

Einn gestur til viðbótar var Guðjón Gíslason, sem mætti til að kynna sér áhugamálið og verður hann sá 21. sem er skráður á námskeiðið. Guðjón er vélstjóri að mennt. Loks mætti Lárus Baldursson, TF3LB með mikið af dóti, eða eins og hann orðaði það sjálfur: „Ég ætla koma með fullt af gömlum amatöra bókum og talstöðvum ef einhver nýliði hefur áhuga á gömlu dóti 🙂“.

Alls mættu 24 félagar og 4 gestir í Skeljanes þetta ágæta fimmtudagskvöld í stilltu haustveðri og 6°C í vesturbænum í Reykjavík.

Stjórn ÍRA.

Námskeið ÍRA til undirbúnings prófs til amatörleyfis byrjar 16. september og stendur til 29. október í Háskólanum í Reykjavík. Um er að ræða 6 vikna námskeið sem lýkur með prófi Fjarskiptastofu til amatörleyfis, 2. nóvember.

Námskeiðið er öllum opið og eru ekki gerðar kröfur um sérstaka menntun eða undirbúning. Kennt verður í HR á mánudögum, þriðjudögum og miðvikudögum kl. 18:30-21:30.

Hægt er að skrá þátttöku hér:  https://www.ira.is/skraning-a-namskeid/

Námskeiðsgjald er 24.500 krónur. Greiðslu má senda inn á reikning 0116-26-7783 / kennitala: 610174-2809 / Ath. að skrá kennitölu greiðanda í athugasemdir. Bent á fræðslustyrki stéttarfélaga og Vinnumálastofnunar.

Fyrirspurnir eru velkomnar á póstfangið: ira@ira.is

Stjórn ÍRA.

–

Skipulag námskeiðs: https://www.ira.is/wp-content/uploads/2024/08/Namskeid-IRA-2024.pdf
CQ TF, 3. tbl. 2024:  https://www.ira.is/wp-content/uploads/2024/07/CQTF-2024-3.pdf
Reglugerð um starfsemi radíóáhugamanna: https://island.is/reglugerdir/nr/0348-2004
Kynningarefni: http://www.ira.is/wp-content/uploads/2021/12/Kynning-2022.pdf
Ársskýrsla ÍRA 2023/24: https://www.ira.is/wp-content/uploads/2024/03/loka-Arsskyrsla-IRA-2024-12.3.2024.pdf

WAE DX CONTEST, SSB.
Keppnin stendur yfir frá laugardegi 14. sept. kl. 00:00 til sunnudags 15. sept. kl. 23:59.
Keppnin fer fram á SSB á 80, 40, 20, 15 og 10 metrum.
Skilaboð: RS + raðnúmer.
https://www.darc.de/der-club/referate/conteste/wae-dx-contest/en

FOC QSO PARTY
Keppnin stendur yfir laugardaginn 14. September frá kl. 00:00 til kl. 23:59.
Keppnin fer fram á CW á 160, 80, 40, 20, 15, 10 og VHF.
Skilaboð FOC félaga: RST + nafn + félagsnúmer í „First Class CW Operators‘ Club (FOC)“.
Skilaboð annarra: RST + nafn.
http://www.g4foc.org/bill-windle-qso-party/

SKCC SPRINTATHON
Keppnin stendur yfir frá laugardegi 14. sept. kl. 12:00 til sunnudags 15. sept. kl. 24:00.
Keppnin fer fram á CW á 160, 80, 40, 20, 15, 10 og 6 metrum.
Skilaboð: RST + ríki í Bandaríkjunum/fylki í Kanada/DXCC eining + SKCC félagsnúmer eða „NONE“.
https://www.skccgroup.com/operating_activities/weekend_sprintathon

RUSSIAN CUP DIGITAL CONTEST
Keppnin stendur annarsvegar yfir á laugardag 14. september frá kl. 15:00 til kl. 18:59 og
hinsvegar, á sunnudag 15. september frá kl. 06:00 til kl. 09:59.
Keppnin fer fram á RTTY á 80, 40, 20, 15 og 10 metrum.
Skilaboð: RST + 4 stafa Maidenhead reitur (e. grid square).
https://www.qrz.ru/contest/detail/86.html

Með ósk um gott gengi!

Stjórn ÍRA.