TF3VS FÆR 5BDXCC VIÐURKENNINGU.

Vilhjálmur Ívar Sigurjónsson, TF3VS hefur fengið í hendur 5 banda DXCC viðurkenningu (5BDXCC) frá ARRL. Viðurkenningin var gefin út 1. nóvember 2025.

Til að geta sótt um 5BDXCC þarf að hafa staðfest sambönd við a.m.k. 100 DXCC einingar á 80, 40, 20, 15 og 10 metrum, en Vilhjálmur er með að auki, DXCC á 12, 17 og 30 metrum.

Fimm aðrir íslenskir leyfishafar eru jafnframt handhafar 5BDXCC viðurkenningar: Ari Þórólfur Jóhannesson TF1A, Óskar Sverrisson  TF3DC, Jónas Bjarnason TF3JB, Yngvi Harðarson TF3Y og Þorvaldur Stefánsson, TF4M.

Hamingjuóskir til Vilhjálms.

Stjórn ÍRA.