DXCC STAÐA TF KALLMERKJA.

Uppfærð DXCC staða TF kallmerkja miðast við 7. nóvember 2025. Að þessu sinni hefur staða sex kallmerkja verið uppfærð frá fyrri lista, þ.e. TF1A, TF2LL, TF3EO, TF3JB, TF3MH og TF3VS. Samtals er um að ræða 36 uppfærslur frá 13. október s.l.

Egill Ibsen, TF3EO kemur nýr inn á DXCC listann með 3 nýjar DXCC viðurkenningar, þ.e. MIXED, CW og 20 metra. Glæsilegur árangur; hamingjuóskir til Egils!

Vilhjálmur Í. Sigurjónsson, TF3VS kemur inn með tvær nýjar DXCC viðurkenningar. Annars vegar DXCC á 80 metrum og 5 banda DXCC með uppfærslumiðum fyrir DXCC á „WARC“ böndunum, þ.e. 12, 17, 30 metrum. Glæsilegur árangur; hamingjuóskir til Vilhjálms.

Nítján TF kallmerki eru í dag með virka skráningu, en alls hafa [a.m.k.] 27 íslensk kallmerki sótt um og fengið DXCC viðurkenningar til þessa dags.

Hamingjuóskir til viðkomandi.

Stjórn ÍRA.