DXCC STAÐA TF KALLMERKJA.

Uppfærð DXCC staða TF kallmerkja er miðuð við 2. júní 2025. Sautján TF kallmerki eru með virka skráningu. Að þessu sinni hefur staða sex kallmerkja verið uppfærð frá fyrri lista: TF1A, TF2LL, TF3G, TF3JB, TF3SG og TF3MH. Samtals er um að ræða 33 uppfærslur frá 24. mars s.l.

TF3SG kemur inn með 8. DXCC viðurkenninguna, nú á 17 metrum og TF3JB hefur náð 2. áfanga í DXCC Challenge með 1510 heildarpunkta. Aðeins tvö önnur TF kallmerki hafa náð 2. áfanga, þ.e. TF3DC og TF4M.

Alls hafa [a.m.k.] 25 íslensk kallmerki sótt um og fengið DXCC viðurkenningar til þessa dags.

Hamingjuóskir til viðkomandi.

Stjórn ÍRA.