Staða VHF/UHF-endurvarpa í júlí 2016.

TF3RPA, Skálafell 1, 145.600 rx-600 kHz, engin tónstýring. Loftnet laskað en endurvarpinn næst samt víða. RPA er 40 ára og var upphaflega settur upp og í eigu hóps af amatörum, TF3AL, TF3EL, TF3FH, TF3GK, TF3HP, TF3HS, TF3JA, TF3JJ, TF3SE, TF3YL og tveggja ekki leyfishafa, en á aðalfundi ÍRA á árinu 2016 var staðfest að hópurinn gefur félaginu endurvarpann.

TF3RPK, Skálafell 2, 145.575 rx-600 kHz; tónstýring 88,5 Hz. RPK er í eigu TF3ML og TF3ARI.

TF3RPB í Bláfjöllum 145.650  rx-600 kHz  tónstýring DCS 023. Vel nothæfur báðum megin Hellisheiðar og austur að Mýrdalsjökli. TF3RPB er tengdur UHF-hlekk á tíðninni 439,975 MHz, hlekkurinn er með -7 MHz tíðnihliðrun, 88,5 Hz tónstýringu, virkar vel sem sjálfstæður endurvarpi og næst með handstöð víða í Reykjavík. Hlekkurinn samtengir RPB og RPJ, staðsetning Bláfjöll. Allur búnaðurinn er í eigu TF3ML og TF3ARI.

TF3RPI í Bláfjöllum  439,950  rx-5 Mhz stafræn DSTAR mótun, er með gátt “GATEWAY” út í heim. RPI er í eigu TF3ML og TF3ARI. 25 w.

TF2RPJ á Mýrum í Borgarfirði 145.750 rx-600 kHz tónstýring 88,5 Hz. Heyrist vel í Borgarfirði og suður til Reykjavikur. RPJ er í eigu TF3ML og TF3ARI. 50 w.

TF1RPE á Búrfelli 145.700 rx-600 kHz næst um allt Suðurland og Suðvesturhornið meðal annars Reykjavik. RPE er í eigu ÍRA.

TF5RPD á Vaðlaheiði við Eyjafjörð 145.625 rx-600 kHz, engin tónstýring, heyrist vel á Akureyri og nágrenni. RPD er í eigu ÍRA.

Hér fer á eftir listi yfir alla þekkta endurvarpa og radíóvita sem eru í eigu íslenskra radíóamatöra. ÍRA á hluta þessara stöðva en sumar þeirra eru alfarið í eigu einstakra eða hóps af íslenskum radíóamatörum. Öllum handhöfum gildra leyfisbréfa radíóamatöra hér á landi er heimilt að nota endurvarpana í samræmi við þær umgengnisreglur sem hver og einn eigandi setur um sinn búnað. Sem dæmi er mikilvægt að hver og einn sem lyklar endurvarpa kynni sig með sínu kallmerki eins og almennar reglur kveða á um og blindar útsendingar eru ekki leyfðar. Ýmsar upplýsingar ásamt útbreiðslumyndum eru hér á eftir um endurvarpana og settar fram með þeirri ósk að sem flestir aðstoði við að halda þessum upplýsingum sem réttustum á hverjum tíma og sendi inn ábendingar um það sem kannski vantar og betur mætti fara. Myndir eru birtar litlar en sjá má stækkaða mynd með því að smella á litlu myndina.

Útbreiðslumyndir:

  • Rauður litur sýnir staði þar sem búast má við merkisstyrk
  • gult 5 – 10µV,
  • grænt 2,5 – 5uV,
  • blátt 1,25 – 2,5µV,
  • fjólublátt 0,6125 – 1,25µV,
  • ljósfjólublátt 0,3 – 0,6125µV.

Rauðu og jafnvel gulu svæðin ættu að vera nothæf með 2W handstöð og rubberduck loftneti.

Samtenging endurvarpa

Um er að ræða krossband endurvarp sem tengist bæði TF2RPJ og TF3RPB. Hugmyndin er að þetta bæti sambandið á Reykjavíkursvæðinu þannig að með litilli handstöð megi ná bæði um Borgafjörð og Suðurland.

Endurvarpi Lýsing Útbreiðsla Ástand
TF3RPA Pétur Endurvarpinn er í eign Eigendafélags Péturs, umsjón: TF3JA.
RX 145,000 MHz  / TX 145,600 MHz 18 W.
Reitur: HP94GF
Hnattstaða: 64°14″20N – 21°27″53W
QTH: Skálafell 760 metra hátt fjall norðaustur frá Reykjavík
Pétur er í lagi. Loftnetið er skemmt og liggur á hliðinni en endurvarpinn er þó vel nothæfur núna 12. júlí 2016.
TF3RPB Páll Endurvarpinn er í eigu TF3ARI og TF3ML
RX 145,050 MHz / TX 145,650 MHz 25 W.
Reitur: HP93EX
Hnattstaða: 63°58″35N – 21°38″06W
QTH: Bláfjöll 690 metra hátt fjall suður af Reykjavík
Ath. að nota þarf DCS 023 eða DTCS 023
TF3RPI D-STAR Endurvarpinn er í eigu TF3ARI og TF3ML QTH Bláfjöll. RX 434,950 MHz  / TX 439,950 MHz  25 W QTH: Bláfjöll, hús ISAVIA. TF3RPI er tengdur um internetið við D-STAR heimsnetið og einnig tengdur við APRS heimsnetið. Endurvarpinn hefur komið vel út og reynst vel.
TF3RPC Einar lokaður Endurvarpinn er í eigu ÍRA
RX 145,175 MHz  / TX 145,775MHz 10 W.
Reitur: HP94BD
Hnattstaða: 64°07″31N – 21°52″59W
QTH: Reykjavík, Hagatorg 1.
14.2.2013: Endurvarpinn var tekinn niður vegna framkvæmda í húsinu. Ekki er reiknað með að endurvarpi verði settur upp í bili á þessum stað, sbr. umræður á VHF/UHF fundi í ÍRA 14.3.2013.
TF5RPD Tóti Endurvarpinn er í eigu ÍRA
RX 145,025 MHz  / TX 145,625 MHz  25 W.
Reitur: IP05XR.
Hnattstaða: 65°43″49N – 18°00″26W
QTH: Vaðlaheiði, 550 metra hátt fjall norðaustur af Akureyri
1.3.2013. Endurvarpinn er í góðu lagi, þ.m.t. auðkenni á morsi.
TF1RPE Búri Endurvarpinn er í eigu ÍRA
RX 145,100 MHz  / TX 145,700 MHz 30 W.
Reitur IP04CB.
Hnattstaða: 64°04″30N – 19°49″19W
QTH: Búrfell, 669 metra hátt fjall á Suðurlandi
12.07.2016 í ágætu lagi, opinn.
TF2RPJ Mýri Endurvarpinn er 50W af gerðinni ICOM í eigu TF3ML
RX 145,150 / TX 145,750 MHz 25 w
Tónstýring 88,5 Hz
Reitur HP84WL
Hnattstaða –  QTH… Brúarás á Mýrum
TF8RPH Garri lokaður Endurvarpinn er í eigu ÍRA
RX 145,125 / TX 145,725 MHz 25 W.
QTH: Vitavarðarhúsið á Garðskaga. Loftnet er í 12 metra hæð yfir jörðu

TF endurvarpar í Google Earth / TF 2m Repeaters in Google Earth

TF endurvarpar

TF3KB hefur unnið útbreiðslumyndir 2 m TF endurvarpa í Google Earth. Skrárnar sem fylgja þessari síðu má opna beint með Google Earth. Google Earth er ókeypis og má sækja það hér Google Earth býður að vista skrárnar og þarf þá ekki að hlaða skránum niður í hvert sinn sem ætlunin er að skoða áætlaða útbreiðslu endurvarpanna.

Endurvarpi kallaður TF1RPF er hugmynd TF3GL um staðsetningu endurvarpa á Skarðsmýrarfjalli ef aðstæður á Skálafelli og/eða Bláfjöllum breytast til hins verra. Malbikaður heilsársvegur er á Skarsmýrarfjall og fullkomin aðstaða hjá Vodafone og Mílu. Nota má þessar myndir til að meta ágæti slíkrar staðsetningar.

Auk framangreindra útbreiðslukorta getur verið gagnlegt til glöggvunar á heildarþekjun kerfisins og samanburðar á styrk einstakra endurvarpa, að skoða þá í mismunandi samsetningum.

Útbreiðslumyndir / Coverage

Kveikja má og slökkva á hverri staðsetningu og útbreiðslumynd fyrir sig með því að haka/afhaka í viðkomandi reit í Places-glugganum á vinstri toolbar í Google Earth. Ef QTH og myndir birtast ekki strax, getur verið að það þurfi að kveikja á með því að haka við í viðkomandi reiti. Einnig má gera útbreiðslumyndirnar gegnsærri eða ógegnsærri með þar til gerðum sleða.

Útbreiðslumyndir í hærri upplausn / Coverage, hi-res

Fyrir útbreiðslumyndir með meiri upplausn verða skrárnar óhjákvæmilega stærri, og geta orðið of stórar: Stundum rekst maður upp í efri mörk Windows 32-bita stýrikerfisins, þau geta legið á bilinu rúmlega 2-4 GB, og eina leiðin framhjá því er 64-bita stýrikerfið. Google Earth hinsvegar virðist með mun lægri mörk, og birtir stundum stóran rauðan kross í stað myndar. Þetta virðist stærðartengt, og jafnframt eitthvað í sambandi við vinnsluminni og eða skjákort, og hefur komið fyrir á sumum tölvum í sumum tilvikum, en öðrum ekki.

Fyrir neðan eru útbreiðslumyndir í 25 m rasta fyrir endurvarpana á suðvesturhorninu. Hver mynd er of stór fyrir Google Earth, svo hverri þeirra var skipt upp í 9 smærri myndir:

Myndir af endurvörpum