ÍRA tók á móti tæplega 30 erlendum gestum í dag sem til Íslands eru komnir til þess að taka þátt í alþjóðlegri ráðstefnu YL radíóamatöra.

Við þetta tækifæri færir formaður ÍRA Önnu Henriksdóttur, TF3VB, og Völu Dröfn Hauksdóttur, TF3VD, sem skipuleggja og standa fyrir ráðstefnunni fyrir Íslands hönd sérstakar heillaóskir.

Það var greinilega mikill áhugi og kraftur í konunum sem sóttu ÍRA heim. Margar, frábærir operatorar á CW og SSB.

Unni Elisabeth Gran, LA6RHA við stöðina.

Rosel Zenker, DL3KWR

73

Guðmundur, TF3SG

…í dag fréttist af Völu og Önnu á fullu við að leggja lokahönd á undirbúning ráðstefnunnar og heimsókn erlendu radíóamatöranna um næstu helgi…

Þær vilja hvetja félagsmenn til að fjölmenna í Skeljanesið næsta föstudag kl. 16.30 en þá koma 26 erlendir amatörar í heimsókn. ÍRA býður uppá hressingu í föstu og fljótandi formi ásamt spjalli við erlenda kollega.

Á laugardag koma 10 erlendir OM í Skerjafjörðinn og eyða deginum með ÍRA félögum. Auglýst er eftir sjálfboðaliðum til að sækja gestina á hótelin og skutla aftur til baka.

Hvernig væri að sameinast um að sýna erlendu gestunum bestu hliðarnar á íslenska radíóamatörsamfélaginu?

Loretta Ensor var eini kvenradíóamatörinn á vestur svæðum USA á árinu 1926 … hún var þekkt sem 9UA “nænjúei” meðal radíóamatöra víða um heim.
Loretta varð fræg uppúr 1920 fyrir að vera fyrsti kvenradíóamatörinn til að ná talsambandi yfir Kyrrahafið.

http://www.soar-yls.com/yl-hams.html

Reykjavík 25. apríl 2014.

Ágæti félagsmaður!

Með vísan til 16. gr. félagslaga er hér með boðað til aðalfundar ÍRA. laugardaginn 17. maí 2014. Fundurinn verður haldinn í sal Taflfélags Reykjavíkur við Faxafen 12,  Reykjavík. Hann hefst stundvíslega kl. 13:00.  Dagskrá er samkvæmt félagslögum.

Samkvæmt ákvæði í 27. gr. laganna þurftu tillögur að lagabreytingum að hafa borist stjórn félagsins fyrir 15. apríl s.l. Með tillögum að breytingum skyldu fylgja skriflegar greinargerðir þar sem gerð var grein fyrir ástæðum tillagnanna og væntanlegum áhrifum þeirra. Kynning á ákvæði 27. gr. var birt á heimasíðu ÍRA þann 4. apríl s.l.

Frumvörp til lagabreytinga á aðalfundi 2014 sem bárust stjórn fyrir tilskilinn frest er dreift með þessu aðalfundarboði í meðfylgjandi viðhengi.

F.h. stjórnar ÍRA.

Guðmundur Sveinsson, TF3SG
formaður ÍRA

 

Aðalfundur ÍRA 2014

Aðalfundur ÍRA fer fram
Laugardaginn 17. maí 2014
Í sal Taflfélags Reykjavíkur, Faxafeni 12
Fundurinn hefst klukkan 13:00.

Dagskrá fundar:

  1. Kosinn fundarstjóri.
  2. Kosinn fundarritari.
  3. Könnuð umboð.
  4. Athugamsemdir við fundargerð síðasta fundar, ef einhverjar hafa borist, ræddar og bornar undir atkvæði.
  5. Formaður gefur skýrslu um starfsemi félagsins.
  6. Aðrir embættismenn gefa skýrslu um starsemi  sinna embætta.
  7. Gjaldkeri leggur fram reikninga félagsins til samþykktar.
  8. Lagabreytingar.
  9. Stjórnarkjör.
  10. Kosning tveggja skoðunarmanna reikninga og eins til vara.
  11. Ákvörðun árgjalds.
  12. Önnur mál.

Til upplýsingar fyrir félaga:  Einungis skuldlausir félagar hafa kosningarétt og kjörgengi.  Skylt er að veita árgjöldum viðtöku við upphaf fundar sé þess óskað.  Félagslögum verður aðeins breytt á aðalfundi, enda hafi frumvarp að nýjum eða breyttum greinum borist stjórn félagsins fyrir 15. Apríl og verið dreift með fundarboði.  Frambjóðendur til formanns skulu hafa G leyfi.  Aðrir frambjóðendur til stjórnar skulu vera leyfishafar og eiga að minnst þrjú ár að baki í félaginu.  Í málum sem varða lagabreytingar, leyfisveitingar og próf hafa einungis leyfishafar atkvæðisrétt.  Nánar er fjallað um ákvæði í 10., 11., 12., 13. og 27. gr. félagslaga hvað varðar framangreind atriði.  Lög félagsins eru birt á heimasíðu ÍRA.

http://www.ira.is/wp-content/uploads/2017/07/16042014-Utvarpstidindi-1.-tbl.-10.-jan-1947.pdf

http://www.ira.is/wp-content/uploads/2017/07/25042014-Brynjólfur-Jónsson-bréf-15-4-2014-lagabreyting.docx

Rafeindabúnaðurinn sem hangir neðan í loftbelgnum er eitthvað þessu líkur og sendiaflið er um 10 mW …tíu milliwött

…. einfaldur APRS búnaður á háum fjöllum um landið er það sem við í APRS grúppunni stefnum að… sjáiði hvað stafapéturinn í Noregi nær sendingum frá loftbelgnum langt út í hafi. Örgjörvinn í loftbelgnum safnar upplýsingum um ferilinn sem ekki sést á þessari mynd milli Íslands og Noregs og sendir með APRS skeytunum með ákveðnu millibili, fljótlega verður hægt að skoða allan ferilinn á heimasíðu verkefnisins, að vísu háð því að vel gangi að lesa upplýsingarnar og vinna úr þeim.

Stjórn ÍRA óskar félagsmönnum gleðilegt sumar. Takk fyrir samstarfið á liðnum vetri.

Opið er í Skeljanesi venju samkvæmt á fimmtudögum frá klukkan 20:00

73

Guðmundur, TF3SG

Til að geta náð APRS merkjum frá loftbelgnum lengra vestur á við var í kvöld snúanlega VHF loftnetið í Skeljanesi tengt við aprsmóttakarann TF3APG. Þessi loftbelgur er mjög sérstakur og ekki stór, um meter í þvermál og mæli- og sendibúnaðurinn sem fær aflið frá sólarrafhlöðu er ekki nema um 12 grömm. Belgurinn fer ekki hærra en í 9 km og samkvæmt útreiknuðum áætluðum ferli mun belgurinn fara til Grænlands og þaðan norður fyrir Ísland og síðan í austur til Noregs norðarlega, yfir Svíþjóð, Finnland og suður í áttina að Svartahafi. Áætlunin gerir ráð fyrir að belgurinn verði kominn yfir Noreg eftir um einn og hálfan sólarhring. Sjá áætlaðan feril á myndinni. Myndin fyrir neðan sýnir stöðuna núna klukkan 23:20.

staðsetning og mælingar frá M0XER loftbelgnum koma inná internetið um APRS kerfið á Íslandi ..

http://aprs.fi/#!mt=roadmap&z=6&call=a%2FM0XER-6&timerange=604800&tail=604800

Eins og áður hefur komið fram verður haldin alþjóðleg ráðstefna kvenradíóamatöra í Reykjavík dagana 9. til 12. maí. Til landsins koma 26 aðilar (16 konur og 10 karlar), þar af bara einn maki sem er ekki amatör. Ráðstefnugestir munu heimsækja ÍRA seinnipart dags föstudaginn 9. maí og gefst félögum ÍRA þar tækifæri til að hitta kollega í áhugamálinu.  ÍRA félögum býðst einnig að taka þátt í tveim viðburðum á vegum ráðstefnunnar: Ráðstefna um fjarskipti og tæki sem verður haldin sunnudaginn 11. maí kl. 13 til 16. Verð 1.500 krónur Hátíðarkvöldverður að kvöldu sunnudags, kl. 19. Verð 9.500 krónur Þeir sem koma á báða viðburði greiða 10.000 krónur. Mikilvægt er fyrir okkur að fá sem fyrst skráningu á þessa viðburði upp á aðföng og pantanir að gera. Loka-lokafrestur til skráningar er sunnudagurinn 27 apríl næstkomandi. Skráningar (og fyrirspurnir) má senda til Völu á netfangið tf3vd@centrum.is

Einu sinni áður hefur verið haldin ráðstefna fyrir kvenradíóamatöra á Íslandi. Það var fyrsta formlega þing SYLRA, norrænu samtaka kvenradíóamatöra, sem haldið var í Reykjavík í júní 2005. Á ráðstefnuna mættu nítján konur á aldrinum 38 til 83 ára, frá Norðurlöndunum, Japan, Þýskalandi og Bandaríkjunum.Skipuleggjendur þá voru þeir sömu og eru að skipuleggja alþjóðlegu ráðstefnuna sem framundan er; Anna Henriksdóttir og Vala Dröfn Hauksdóttir.

Erlendu gestirnir voru spenntir yfir Íslandskomunni, enda er sérstakt að komast í talstöð hérlendis, þar sem truflanir eru litlar. Konurnar fóru í talstöð IRA (íslenskir radíóamatörar) og sendu í tilefni af þinginu út sérstakt kallmerki, sem amatörar erlendis biðu spenntir eftir. Morgunblaðið 17. júní 2005 Þorkell

Í dag fagna radíóamatörar sínum alþjóðadegi, World Amateur Radio Day. IARU, International Amateur Radio Union var stofnað á þessum degi, 18. apríl 1925.

Radíóamatörar hafa stigið inní 21. öldina.  Á innan við 100 árum hefur radíóamatörinn þróast úr hrárri neistasendatækni í heim stafrænna merkja og hugbúnaðar sendi-viðtækja. Á fyrstu áratugum radíótækninnar stóð val amatörsins milli tals og morse en í dag getur amatörinn valið um að nota ýmiskonar aðferðir til samskipta allt frá sjónvarpi til skeytasendinga með hjálp tölva sem lesa merkin uppúr suði.

Stafrænar merkjasendingar hafa tekið stökkbreytingum. Frá lokum síðari heimsstyrjaldar til ársins 1980 var rtty, radíófjarritun eina stafræna mótunaraðferðin í notkun hjá radíóamatörum. Á árinu 1980 kom AMTOR fram á sjónarsviðið í kjölfar einkatölvanna og smárans.  AMTOR var fyrsta stafræna samskiptatæknin sem innihélt villuleiðréttingu.

Þróunin verður sífellt hraðari, Packet Radio, PACTOR, G-TOR og PSK31 eru heiti sem flestir radíóamatörar kannast vel við í dag.

Nokkuð dró úr notkun Packet Radio undir lok síðustu aldar. Hins vegar hefur tæknin nú endurfæðst í vinsældum  APRS, Automatic Packet Reporting System og hefðbundin pakkaskift  fjarskipti eru smá saman að yfirtaka öll fjarskiftakerfi þvert ofan í spár og áætlanir stóru fjarskiptatækjaframleiðandanna og gömlu símarisanna.

Við getum þakkað einstökum eldheitum radíóáhugamönnum að nú hafa radíóamatörar sambönd á VHF og UHF tíðnum um langar leiðir og  nýta til þess jafnvel endurkast frá tunglinu, gamla mánanum okkar, með hóflegum búnaði. Venjuleg tölva, einföld radíótæki og hugbúnaður sem hægt er að sækja ókeypis á internetið er allt sem þarf.

Þessi þróun hefur leitt til vaxandi áhuga á tilraunum með stafræn fjarskipti á HF, VHF, UHF og örbylgjutíðnum.

Japanska radíóamatörsambandið hefur á undanförnum áratug þróað D -STAR stafrænan staðal fyrir tal og skilaboðasamskifti radíóamatöra sem valdið hefur flóðbylgju í byggingu stafrænna endurvarpakerfa meðal amatöra um allan heim en fleiri staðlar/kóðunaraðferðir eru í boði og ríkir óvissa um hver þeirra verður vinsælastur.

Ýmis konar virkni okkar radíóamatöra í tilefni af deginum er frábært tækifæri til að upplýsa heiminn hvað radíóamatörar “Hams” eru að fikta við á 21. öldinni.

Til hamingju með daginn og munum að stutt er í sumarið.

88 es 73 de TF3JA

…þýdd og endursögð frétt af heimasíðu IARU

Félagsheimili ÍRA verður að venju lokað að kvöldi skírdags.

Gleðilega páska.

Málefni aðalfundar ÍRA 2014:

Brynjólfur Jónsson, TF5B hefur sent inn tillögu til lagabreytingar.

Þessi breyting  á við fyrstu grein laganna og afleiður af þeim.

Lagt er til að breytt verði til fyrra horfs frá 1945 og skammstöfun félagsins verði  Í.R.A. en  ekki ÍRA.

Rökstuðningur.

Sjá Blaðsíðu 9 í meðfylgjandi PDF sklali

Fimmtudagkvöldið 10. apríl var G4ASR með mjög áhugaverða kynningu hjá ÍRA á VHF- samböndum yfir langar leiðir. David ætlar að senda okkur hlekk á kynninguna þegar hann kemst heim til sín aftur eftir páska og verður þá betur fjallað um kynninguna. David sagði að besta aðferðin til að ná gildum QSO-um á slíkum samböndum hefði verið að nota ofurhratt morse en að nýju stafrænu samskiptaaðferðirnar væru smá saman að taka yfir og að því fylgdi reyndar að ekki væri þörf á jafn mikilu afli og áður sem er hið besta mál. Hann lagði áherslu á að amatörar notuðu aldrei meira afl en nauðsynlegt væri til að ná sambandi. Vel var mætt í Skeljanesið og sáust þar nokkur andlit sem ekki eru þar oft á ferðinni.

Á myndinni er David fyrir miðju en til hægri er Villi, TF3DX og til vinstri Ómar, OZ1OM.

Líflegar umræður mynduðust í öllum hornum félagsheimilisins á eftir sem kannski verða til þess að fleiri TF stöðvar fari að fikta við ofurvegalöng VHF/UHF/GHF sambönd en David var hissa á hve fáir hér á landi hafa reynt það hingað til. Ekki er úr vegi að minna á að fjarlægðin frá Íslandi til Noregs er ekki nema 1000 km og VHF stöðvar staðsettar á háu fjöllunum á austurlandi ættu að geta náð samböndum við Noreg, Færeyjar og Bretland.