Skilaboð frá Lars SM6NM, Grimeton Radio/SAQ aukaútsending

Vonast er til að hægt verði að senda út skeyti á Alexanderson rafalnum í Grimeton á 17,2 kHz á degi Sameinuðu þjóðanna 24. október, 2014 klukkan 10:00 UTC. Tíminn og hvenær byrjað verður að hita upp sendinn og stilla er ekki alveg vitað í dag en réttir tímar verða tilkynntir þegar nær dregur. Danskir námsmenn búa til skeytið sem sent verður. Í þetta skiptið er ekki ætlast til að skipst verði á QSL. Eftir sem áður verður árleg útsending á aðfangadag 24. desember klukkan 08:00, og byrjað  að hita upp og stilla sendinn um klukkan 07:30 UTC, að sögn Lars.

Grimeton radíósendistöðin var tekin í notkun 1924 fyrir daga aflmikilla lampa. Notaðir eru riðstraumsrafalar til að búa til 17,2 kHz radíómerkið, aflið er 200 kW. Stöðin hefur kallmerkið SAQ og er eina stöðin sem varðveist hefur úr kerfi 18 sendistöðva sem byggt var á millistríðsárunum fyrir kreppuna miklu og náði um allan heim. Stöðinni var valinn staður á vesturströnd Svíþjóðar eftir mikla útreikninga og loftnetinu beint að USA. Stöðin í USA var á Long Island. Á fyrri hluta tuttugustu aldar var samkeppnin hörð milli radíóstöðva og ritsímasæstrengja um millilandaskeytasendingar. Til gamans má geta þess að stuttbylgju fjarskiptastöðin í Reykjavík hafði kallmerkið TFA, sendarnir voru á Rjúpnahæð og móttakan í Gufunesi. Stjórn- og afgreiðslubúnaður TFA var í Gufunesi.

Loftnetið í Grimeton

QSL kort frá Grimeton

Í gær laugardag mætti hópur vaskra amatöra í Skeljanesið og tókst að koma SteppIR greiðunni í samband á ný. Ekki er þó hægt með góðu móti að snúa loftnetinu í bili því í ljós kom að stýriboxið fyrir rótorinn var bilað eins og sést á myndum hér neðar. En áfram verður unnið að viðgerð og tók TF3Y boxið að sér. SteppIR prjónninn var skoðaður og eitt af næstu skrefum verður að koma honum í gagnið sem ætti að vera fljótgert eftir að nýja stýriboxið nær til landsins.

TF3DC, TF3Y, TF8HP, TF3GB, TF3VS. TF3JA tók myndina.

TF3Y tók þessa fínu mynd af Bjarna, TF3GB.

TF3SG mætti líka til vinnu en náðist ekki inná myndina.

Við aldursgreiningu kom í ljós að meðalaldur hópsins var nálægt 64 árum en þeir elstu nýttust til að stjórna aðgerðinni og hita kaffi, prýðis kaffi reyndar og 3DC brá sér í bakaríið og keypti ekta sixties bakkelsi þar á meðal dýrindis jólaköku að beiðni 3GB sem þó varla hafði tíma til að leggja frá sér verkfærin og koma niður úr stiganum til að njóta veitinganna.

Brunnar tengingar í rótorstýriboxinu.

Plata úr óskemmdu boxi, mynd TF3Y

SteppIR greiðan komin upp.

Neðsti hluti SteppIR prjónsins

Fundargerð frá Varna ráðstefnunni er kominn á heimasíðuna undir CEPT – NRAU – IARU á flipa hér til vinstri.

Úrdráttur á íslensku úr fundargerðinni er í vinnslu og verður settur hér (fundargerðir alþjóðasamtaka) inn jafnóðum og þýðingin vinnst.

Starfsemi IARU-R1, IARU svæði 1 fer fram í sex nefndum C1 – C6, C1 framkvæmdanefnd, C2 fjárhagsnefnd, C3 stjórnskipulagsnefnd, C4 HF-fastanefnd, C5 örbylgju-fastanefnd, C6 kosninganefnd

Á ráðstefnunni var ákveðið að setja inná fjárhagsáætlun næstu þriggja ára nýja liði, verkefni sem miða að því að vekja áhuga ungs fólks á radíóamatöráhugamálinu og ákveðið að setja á laggirnar vinnuhóp til að stýra verkefninu. Einng var ákveðið að setja inn áætlun um kostnað við að marka stefnu og kortleggja “Framtíð amatöráhugamálsins” á næstu þremur árum.

Margir hafa beðið eftir að sjá hvernig ráðstefnan tók á fjarstýringarmálum og skemmst er frá að segja að tillagan sem lá fyrir og vinnuhópur um fjaraðgang benti á í sumar var samþykkt óbreytt og er hér á eftir á ensku, íslenskan kemur síðar. Leturbreyting og undirstrikanir voru ekki í upprunalegum texta. Ekki er að sjá að tillagan um að bæta /R við kallmerkið sem notað er við fjarstýringu hafi verið samþykkt og því liggur beinast við að fara að 8. gr. gildandi amatörreglugerðar:

Þegar leyfishafi notar búnað sinn tímabundið á nýjum stað skal hann bæta við kallmerki sitt skástriki og tölustaf sem gefur til kynna svæðið sem hann er fluttur til “.

eins og vinnuhópur um fjaraðgang benti á í sinni skýrslu til aðalfundar ÍRA 2014. Með öðrum orðum, staðsetning búnaðarins ræður kallmerkinu. En samkvæmt tilmælum IARU gildir annað um fjarstýringu stöðvar sem staðsett er í öðru landi en heimalandi, þá skal notað kallmerki stöðvarinnar en ekki miðað við CEPT-samkomulag um erlenda ferðamenn. Fjarstýring stöðvar yfir landamæri er háð gildandi reglum í hverju landi og veltur á því hvort yfirvöld þess lands hafa leyft eða ekki bannað fjarstýringu stöðva erlendis frá. Í öllum tilfellum ber umráðamaður stöðvar fulla ábyrgð á notkun stöðvarinnar og því sem frá henni fer.

Recommendation VA14_C4_REC_04:

That the following text be published in the VHF and HF Managers Handbook:

Remote Controlled Operation

Remote controlled operation is defined to mean operation where a licensed operator controls an amateur radio station from a remote control terminal. Where a station is operated remotely, the following conditions shall apply:

1. Remote operation must be permitted, or not objected to, by the Regulatory Authority of the country where the station is located.

2. The call sign to be used should be the call sign issued by the Regulatory Authority of the country in which the station is located. This applies irrespective of the location of the operator.

3. It should be noted that Recommendation SC11_C4_07 states that member societies bring to their members attention that the T/R 61-01 agreement only applies to people using their own call sign, with the appropriate country prefix, when the operator is actually visiting that country, not for remote operation.

4. Any further requirements regarding the participation of remotely controlled stations in contests or award programmes are a matter for the various contest or award programme organisers.

Proposed by: CRC Seconded by: HRS The motion was carried with one vote against and two abstentions

Jamboree-on-the-Air, eða JOTA, er árlegur skátaviðburður, þriðju helgina í hverjum októbermánuði, þar sem amatörstöðvar eru notaðar til að tengja saman skáta um allan heim. Um helgina verða í gangi tvær JOTA stöðvar á Íslandi að sögn TF3GW, TF3JAM frá Jötunheimum Garðabæ, í umsjón TF3GW es TF3RV og TF5JAM frá Hvammi, Akureyri með TF5PX við stöðina.  TF3JAM verður QRV frá 12:00 til 18:00 á morgun, laugardag, en óvíst um TF5JAM segir Þór, TF3GW. Gestir eru velkomnir og amatörar eru hvattir til að heimsækja stöðvarnar á morgun eftirmiðdag og taka sér hljóðnema í hönd eða jafnvel hamra á Morselykil.

Skátamál – JOTA

Frá Kýpur

Frá Texas

TF2LL vakti athygli okkar í gær á nýju frímerki með mynd af Dyrhólavita. Á teikningum má sjá að þar hefur verið gert ráð fyrir loftneti, löngum vír með upphækkuðu jarðneti og á vefnum eru myndir sem sýna gamlar stagfestur eða undirstöður. TF3G, Gísli segir að samkvæmt Vitaskrá 1937 hafi verið radíóviti á langbylgju í Dyrhólaey. Afl út í loftnet var 50 wött og útgeislað afl 9 wött. Að sögn Gísla settu Bretar upp búnað og tengdu við loftnetið í Dyrhólaey á stríðsárunum fyrir fjarskipti við skipalestirnar sem sigldu yfir Atlantshafið. “Morselykill var skilinn eftir þarna og gamall starfsmaður Vitastjórnar hirti hann og gaf mér svo 1981.  Frekar ómerkilegur, satt að segja.” segir Gísli. Samskonar loftnet voru sett upp á fleiri stöðum um landið, Malarrifi, Hornbjargi, Raufarhöfn, Dalatanga og standa enn. Loftnetið á Raufarhöfn er enn í notkun fyrir útsendingu GPS leiðréttingarmerkis á langbylgju að sögn Gísla.

TF3DX segir á irapóstinum í dag “að Google hafi gefið sér vísun á Sjóminjar Íslandsþar sem kemur fram að þetta var fyrsti radíóvitinn á Íslandi, tekinn í gagnið 1928 og því eðlilegt að loftnetið sé á teikningunni frá 1927. Hann var starfræktur fram yfir síðari heimsstyrjöld. Á árum mínum hjá radíóverkstæði Landssímans um og upp úr 1960 var Reynisfjall vettvangur radíómála á svæðinu, en þar hafði verið reist Loran-A stöð. Ríkharður Sumarliðason, TF3RS og yfirmaður radíóverkstæðisins, setti upp sendi á fjallinu fyrir bílabylgjuna 2790 kHz, sem hægt var að fjarstýra frá Gufunesi. Þetta var einhver gamall sendir frá stríðsárunum ef ég man rétt, sem gekk brösulega. Man líka eftir umræðum um erfiðleika þess að fá góða RF jörð í grjótinu á fjallinu, kannski hefði fljótandi mótvægi verið lausnin!”

Í vitaskránni á heimasíðu Sjóminja Íslands er skráð: “Fyrst var reistur viti í Dyrhólaey árið 1910. Þetta var sænskur járngrindarviti og var fyrsti járngrindarvitinn sem settur var upp hér á landi. Núverandi viti var byggður árið 1927. Í þessu reisulega steinsteypumannvirki var komið fyrir ljóssterkum vitatækjum sem sendu frá sér ljósgeisla sem sást langt á haf út. Dyrhólaeyjarvitinn var og er ljóssterkasti viti landsins og fyrsti eiginlegi landtökuvitinn sem hér var byggður. Auk ljósvitans var radíóviti í Dyrhólaey frá árinu 1928 fram yfir seinni heimsstyrjöld og tæki hans voru á annarri og þriðju hæð vitahússins. Var þetta fyrsti radíóviti sem starfræktur var hérlendis. Í annarri viðbyggingunni var gashylkjageymsla, en hin öflugu vitatæki kröfðust allmikils eldsneytis. Í hinni var varðstofa fyrir vitavörð þar sem gert var ráð fyrir því að vitavörður gæti þurft að hafa viðdvöl í vitanum ef veður spilltist þegar hann var þar við umhirðu og eftirlitsstörf. Gasljóstæki var í vitanum frá 1927 til 1964 að hann var rafvæddur. Ljóshúsið er sænsk smíð og ljóstæki einnig. Linsan er 1000 mm snúningslinsa og er öflugasta linsa í vita hér á landi.”

TF3GB segir á irapóstinum, “1993 var farinn fjarskiptaleiðangur í Dyrhólaey. Ég sá um HF hlutann. TF3CY (þá BNT), TF3SNN, TF3BRT, TF3WOT og TF3TXT, sáu um VHF/UHF hlutann. Þetta var litlu eftir að ég fékk B-leyfið, sem þá var í gangi. Ég lenti í miklu kraðaki, hvort sem ég var á morsi eða tali og réði ekki meira en svo við það. Stöðin var Kenwood TS520, sem félagið átti og langur vír. Hinir settu upp heilmikinn staur og langar greiður, sem sveiflað var með AZ/EL rótorum. Þeir höfðu dágóðan slatta af samböndum. QSL kortið sem ég notaði fyrir þessi sambönd var venjulegt póstkort með mynd af eyjunni og vitanum. Hef oft hugsað um það síðan að gaman væri að taka þátt í keppni frá þessum stað. Man enn hvað gulræturnar, sem bóndinn í Dyrhólaey nestaði okkur með á heimleiðinni, voru safaríkar.”

Hringvíðsýn frá Raufarhöfn

Hringvíðsýn frá Dyrhólaey

Vísun á frímerkið

Stagfestan, undirstaðan sést á annarri myndinni.

Framtíðin er að birtast yfir sjóndeilarhringinn, í dag klukkan 11.45 – 12.30 ætlar James Coxon, M6JCX að halda fyrirlestur um: Ukhasnet – Tæknin og aðferðafræðin. UKHASnet er lágafls samtengt pakkanet…net á opnum tíðnum sem ekki þarf sérstakt leyfi fyrir og ef notendum tekst að halda sig innan þeirra regla sem um þessar tíðnir, tíðnisvið gilda getur netið fljótlega orðið vísir að framtíðinni sem gjörbreyta mun öllu fjarskiptaumhverfinu.

Vísun á upplýsingar um UKHAS-netið

Á RSGB samkomunni eru margir áhugaverðir fyrirlestrar sjá: RSGB 2014

TF3GB í stiganum, TF3AO, TF8HP og TF3FIN.

Í dag mættu 5 manns og felldu turninn í Skeljanesi. í ljós kom að rótorinn var bilaður. Sennilega er legukransinn bilaður. Bjarni TF3GB tók hann að sér og ætlar að athuga skemmdir. Festingar við turninn voru í lagi og verða málaðar. Loftnetið verður óvirkt í einhvern tíma.

Myndin hér fyrir neðan er frá Friedrichshafen í sumar og sýnir sterkbyggðan rótor.

Í dag fréttist að breskir radíóamatörar í efsta leyfisþrepi fengju leyfi fyrir stækkuðu tíðnisviði á 2m. Ákveðið hefur verið að þeir sem sækja um geti fengið leyfi til að nota tíðnisviðið 146 – 147 MHz með einhverjum takmörkunum þó, bæði svæðisbundnum og tæknilegum.

Hér er vísun á fréttina

Athyglisvert er að fram kemur í fréttinni að CB áhugamenn í Bretlandi hafi sótt um tíðnisvið á VHF en ekki ljóst hvort þeir hafa fengið eitthvert tíðnisvið þar, heimurinn er að breytast. Rétt að minna á að breska amatörleyfið er í endurskoðun þessar vikurnar og Bretar hafa til 20. október til að koma með athugasemdir og ábendingar við þær tillögur. Vísun á tillögur um endurskoðun á breska amatörleyfinu.

Sæl öll.

Undirritaður var að vafra á netinu og datt inn á “Rafhlöðuna” hjá Landsbókasafninu. Þar er að finna gömul CQ TF, bæði blöð og fréttabréf, allt frá fyrsta tölublaði 1964. Það kann að vera að einhver tölublöð vanti, en sá sem á eintak ætti þá að koma því til skönnunar hjá Landsbókasafninu. Eldri blöðin á heimasíðunni opnast ekki.  Blöðin eru sem sagt fundin aftur. Tengillinn verður einnig undir tenglinum ” CQ TF ” á aðalsíðunni.

vísun á gömul CQ TF blöð

73 de TF3GB

SAC SSB um næstu helgi

frétt frá keppnisnefnd SAC via SM5AJV

“The Scandinavian Activity Contest on SSB 11-12 October 1200-1159 UTC. All Scandinavias are excited to hear your voices with or without the Aurora flutter.”

Munið að lesa reglurnar. Nokkrum keppnisflokkum hefur verið bætt við, verðlaunaskildir í boði ýmissa aðila og skilafrestur logga hefur verið styttur í 7 daga. Vinsamlega sendið loggana strax að lokinni keppni.

Norðurljósin eru fögur, en geta skemmt fyrir HF fjarskiftum í Scandinaviu sem gerir SAC að sérstöku ævintýri. Verða Norðurljós eða ekki?

Skoðið þetta fallega myndskeið frá Hannu Hoffrén í Finnlandi:

73 SAC Contest Committee

þýtt og endursagt í boði TF3JA

“ARRL Investigating Web Server Breach”

ARRL frétt

Nýlega var brotist inn á vef ARRL, allt skoðað og líklega kallmerkjaskrám og aðgangsorðum niðurhalað, stolið. Að sögn ARRL er ekkert þar inni sem einhver verðmæti eru í og svo virðist sem þjófarnir hafi ekki haft áhuga á að lesa QST né aðrar tækniupplýsingar. ARRL vill þó benda á að notendur sem hafa aðgang að vefnum og hafa ekki breytt sínum aðgangi frá 2010, breyti sínum lykilorðum og hafi það sem reglu að breyta þeim öðru hvoru.

TF3AO sendi okkur vísun á myndskeið frá klúbbstöð Álasundarhópsins, gerast ekki flottari…

Myndskeið frá LA1Z

Myndir frá þáttöku LA1Z í Vitahelginni í sumar, þeir höfðu um 100 sambönd, þar af 30 vita.