Almennt

Það er alltaf fróðlegt að blaða í gömlum blöðum ekki síður en nýjum … þeir TF3KB og TF3DX skrifuðu mest af efninu sem birt er í CQ TF 1975. Hvort annar hvor þeirra skrifaði brandarana í blaðið kemur ekki fram.

Gamlir brandarar

OG SVO VAR ÞAÐ MAÐURINN,

— sem kallaði CQ DOG X-RAY, eða skyldi það hafa verið SEEK YOU DOG X-RAY. Hann fékk senda röntgenmynd af hundi í pósti.

— sem sá kallmerkið sitt á listanum yfir SILENT KEYS, þótt hann væri ennþá í fullu fjöri. “Að þetta skyldi nú þurfa að koma fyrir mig”, sagði hann og andvarpaði, “ég, sem hef alltaf verið fón-maður”.

Og hvað er nú fréttnæmt við þetta gamla blað? jú ÍRA er núna í nákvæmlega sömu stöðu og forsíðan gæti allt eins verið skrifuð í dag. En nú stendur til að bæta úr því og gefa blað út fljótlega og við auglýsum hér með eftir efni í blaðið.

TF3WZN er með nýja heimasíðu í smíðum og þiggur öll góð ráð og ábendingar.

f.h. stjórnar ÍRA

73 de TF3JA

Á IARU svæðis 2 ráðstefnu í síðustu viku var vinnustofa um neyðarfjarskipti. Hér er vísun á fréttatilkynningu frá vinnustofunni:

press-release-english

Krækja á upplýsingar um JOTA-JOTI.

Radíóskátar verða austur í Sólheimum um helgina og aðalfjörið hefst þar klukkan tvö eftir hádegi í dag. Allir radíóamatörar eru velkomnir og meira en það, tilvalið að skreppa á staðinn í góða veðrinu og hjálpa til við að kynna áhugamálið, lyfta hljóðnema eða taka í lykil og fá sér kaffi, segir Vala. Þau Vala, TF3VD og Birgir Thomsen, TF1BT sjá um virknina Í Sólheimum.

Skátafélagið Klakkur á Akureyri tekur þátt í JOTA JOTI um helgina í skátaheimilinu Hyrnu á Akueyri. Hópur skáta gisti þar í nótt og er þegar kominn á fullt á internetinu og stöð er komin í gang á 20 metrunum, 14.290 kHz uppkallstíðni JOTA. Þau eru tilbúin að hafa sambönd á innanlandstíðnum til dæmis 3570 CW eða 3690 SSB segir Þórður, TF5PX umsjónarmaður amatörstöðvarinnar á staðnum.

Opið hús í Skeljanesi í kvöld 20 – 22 og um helgina er SSB hluti SAC keppninnar.

Heitt kaffi á könnunni og frystar kleinur í Skeljanesi í kvöld frá 20 til 22.

Um helgina er SSB hluti SAC keppninnar. SAC keppnin er norræn alheimskeppni þar sem stöðvar á Norðurlöndunum keppa sín í milli um að ná sem flestum samböndum út um heiminn. Keppnin er líka keppni milli Norðurklandanna á þann hátt að borinn er saman samanlagður árangur allar stöðva í hverju landi Norðurlandanna fyrir sig. Er ekki löngu kominn tími á að Ísland geri tilraun til að vinna þessa keppni?

Stjórn ÍRA hvetur alla félagsmenn til þess að taka þátt og væntanlega verður stöð félagsins virk í keppninni. Fyrir SAC CW keppninna auglýsti stjórn ÍRA eftir áhugasömum amatörum til að taka að sér að sjá um þáttökuna í SAC SSB en enginn hefur ennþá sýnt áhuga.

Keppt er frá kl 12:00 á hádegi laugardagsins 8. október til og með kl 11:59 á hádegi sunnudagsins 9. október. Hér er tengill á heimasíðu SAC þar sem hægt er að kynna sér reglur keppninnar: SAC reglur.

Morse hluti SAC, Scandinavian Activity keppninnar verður um næstu helgi, 17.-18. september. SSB hlutinn verður helgina 8.-9. október.
SAC er 24 tíma keppni frá hádegi laugardags til hádegis sunnudags.
Norðurlöndin keppa við heiminn og innbyrðis, þess vegna er miklvægt að sem flestar TF stöðvar taki þátt.
http://www.sactest.net/blog/rules/
http://www.sactest.net/blog/