,

10. VHF/UHF LEIKARNIR 9.-11. JÚLÍ

Sælir kæru félagar!

VHF/UHF leikjahelgin er að renna upp. Þetta verður hrikalega gaman! Allir upp með græjurnar, upp á heiðar, fjöll og út í eyjar. Eða bara láta fara vel um sig heima í sjakknum.

Frábært tækifæri til að prófa nýja dótið…eða gamla dótið. Það besta er, það þarf ekki að vera með rándýrar græjur. Einföld handstöð frá Kína er allt sem þarf. Oft koma bestu sögurnar frá afrekum með litlum búnaði. Upptekin(n)? Öll þáttaka bætir leikinn, stök QSO eru betri en engin QSO.

Gerum þetta með stæl, sýnum á Facebook hvað við erum virkir amatörar. Allir grobbpóstar úr leiknum kærkomnir. Viðurkenningar fyrir skemmtilegustu myndirnar/færslurnar.

Eins og venjulega verður “online” leikjavefur þar sem þáttakendur skrá sig til leiks. Hægt verður að skrá sig inn í leikinn allan tímann þangað til hann endar. Slóð á leikjavefinn hér: http://leikar.ira.is/2021 Þar er einnig að finna nánari leiðbeiningar.

Blásið verður til leiks kl. 18 föstudaginn 9. júlí og leikurinn stendur til kl. 18 sunnudaginn 11. júlí!

73 de Keli, TF8KY.

Glæsilegir verðlaunagripir eru í boði fyrir 1.-3. sæti í VHF/UHF leikunum 2021. Myndin er af verðlaunum sem veitt voru í fyrra (2020). Einnig verða veittar viðurkenningar í ár fyrir bestu ljósmyndina á Facebook og fyrir skemmtilegustu færsluna á Facebook.

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

eight − six =