Sumarið er loftnetatíminn! Þeir Guðmundur Sigurðsson TF3GS, Georg Magnússon TF2LL og Óskar Sverrisson TF3DC mættu í Skeljanes 2. júlí eftir vinnu og settu upp New-Tronics Hustler 4-BTV stangarloftnet (vertíkal) fyrir TF3IRA.

Loftnetið vinnur á 10, 15, 20, 40 og 80 metrum. Gengið var frá uppsetningu á nýja festingu sem TF2LL smíðaði og hluta af radíölum (en þakið er ryðgað og menn telja tryggara að hafa mótvægið í lagi), auk þess sem netið var vel stagað. 4-BTV kemur í stað vertíkals sem féll og skemmdist í óveðri í nóvember s.l.

Eftir er að ganga frá eigintíðnistillingu og hluta af radíölum sem drifið verður í við fyrsta tækifæri. Framundan er jafnframt uppsetning á vírloftnetum fyrir 30, 40, 60, 80 og 160 metra böndin fyrir félagsstöðina.  Stjórn félagsins þakkar þeim félögum gott framlag.

Frábært veður var í vesturbænum í gær (2. júlí) þegar þeir félagar unnu við loftnetsuppsetninguna, logn og 15°C hiti. Frá vinstri: Óskar Sverrisson TF3DC, Georg Magnússon TF2LL og Guðmundur Sigurðsson TF3GS. Ljósmynd: TF3JB.
Kaffipásan var m.a. notuð til að sníða og ganga frá radíölum fyrir loftnetið. Frá vinstri: Guðmundur Sigurðsson TF3GS, Georg Magnússon TF2LL og Óskar Sverrisson TF3DC. Ljósmynd: TF3JB.
Eftir kaffið var á ný haldið upp á þakið og settir niður radíalar. Sjá má að þakplöturnar eru nokkuð ryðgaðar þannig að skynsamlegt er að strengja radíala fyrir böndin. Ljósmynd: TF3JB.
0 replies

Leave a Reply

Want to join the discussion?
Feel free to contribute!

Leave a Reply

Your email address will not be published. Required fields are marked *

eight + 9 =